| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠠᠳᠤᠭᠤᠨ ᠤ ᠥᠶᠡᠷ | ᠨᠠᠷᠠ ᠡᠮᠭᠡᠷᠢᠳᠴᠤ ᠨᠠᠳᠠ ᠲᠤᠮᠳᠠᠭᠤᠷ ᠤᠷᠤᠰᠤᠨᠠ | ᠠᠷᠠᠳ ᠤᠨ ᠲᠠᠭᠤᠤ᠂ ᠭᠡᠥᠭᠡᠳ ᠤᠨ ᠤᠤᠬᠠᠢ ᠶᠢᠨ ᠲᠤᠮᠳᠠᠭᠤᠷ ᠤᠷᠤᠰᠤᠨᠠ | ᠨᠠᠯᠠᠭᠠᠷ ᠨᠠᠭᠠᠳᠤᠮ ᠳᠤ ︽ᠠᠯᠳᠠᠵᠤ ᠶᠠᠪᠤᠭᠤᠯᠤᠭᠰᠠᠨ︾ ᠨᠢᠳᠤᠨ ᠲᠤᠮᠳᠠᠭᠤᠷ ᠤᠷᠤᠰᠤᠨᠠ | ᠠᠯᠳᠠᠨ ᠵᠢᠷᠤᠬᠠᠢ ᠪᠤᠶᠤ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠲᠤᠮᠳᠠᠭᠤᠷ ᠤᠷᠤᠰᠤᠨᠠ | ᠡᠨᠡ ᠥᠶᠡᠷ ᠲᠤ | ᠠᠭᠤᠯᠠᠰ ᠲᠤᠳᠤᠷᠠ ᠠᠴᠠ ᠪᠠᠨ ᠴᠢᠨᠤᠷᠡᠵᠥ ᠴᠢᠯᠠᠭᠤ ᠲᠥᠷᠡᠯᠵᠡᠵᠥ | ᠤᠰᠤ ᠴᠢᠪᠴᠢᠷᠠᠨ ᠵᠢᠭᠠᠰᠤ ᠪᠠᠨ ᠲᠡᠭᠷᠢ ᠳᠤ ᠰᠢᠳᠡᠯᠡᠨ ᠲᠤᠭᠯᠠᠵᠥ | ᠴᠠᠰᠤᠨ ᠲᠤᠤᠷᠠ ᠠᠴᠠ ᠴᠠᠭᠢᠯᠳᠠᠭ ᠤᠨ ᠴᠡᠴᠡᠭ ᠥᠨᠳᠥᠰᠥ ᠪᠤᠯᠢᠶᠠᠯᠳᠤᠨ ᠨᠢᠳᠥᠯᠡᠵᠥ | ᠪᠥᠰᠡᠯᠡᠭᠦᠷ ᠲᠡᠶᠢᠴᠢᠵᠥ ᠭᠥᠭᠦᠥᠷ ᠲᠠᠢ ᠠᠶᠢᠷᠠᠭ ︽ᠱᠤᠭᠰᠢᠷᠠᠵᠤ︾ ᠪᠠᠶᠢᠭᠰᠠᠨ ᠶᠤᠮ | ᠡᠨᠡ ᠥᠶᠡᠷ ᠲᠤ | ᠪᠤᠬᠠᠷ᠂ ᠪᠠᠭᠳᠡᠳ᠋᠂ ᠮᠤᠰᠺᠸᠡ ᠬᠤᠳᠠ᠂ ᠴᠠᠭᠠᠨ ᠭᠡᠷᠡᠮ | ᠪᠠᠭᠤᠷᠢ ᠨᠢ ᠤᠯᠳᠠᠬᠤ ᠥᠭᠡᠢ ᠶᠡᠭᠦᠷᠡᠵᠥ ᠪᠠᠶᠢᠭᠰᠠᠨ ᠶᠤᠮ | ᠲᠠᠯᠤ ᠶᠢᠨ ᠲᠥᠯᠭᠡᠨ ᠲᠡᠭᠡᠷᠡ ᠠᠳᠤᠭᠤᠨ ᠤ ᠥᠶᠡᠷ ᠢᠨᠴᠠᠭᠠᠵᠤ | ᠲᠠᠶᠢᠨ ᠤ ᠬᠠᠷᠠ ᠰᠥᠯᠳᠡ ᠲᠤᠭᠤᠰᠤ ᠪᠠᠨ ᠰᠢᠯᠭᠡᠭᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ | ᠠᠯᠠᠭᠠᠨ ᠤ ᠭᠡ ᠲᠡᠭᠡᠷᠡ ᠴᠠᠭᠠᠨ ᠤᠨᠠᠭᠠ ᠲᠠᠩᠭᠠᠴᠢᠵᠤ | ᠠᠯᠤᠰ ᠤᠨ ᠤᠳᠤ ᠠᠶᠠᠭᠠ ᠲᠠᠢ ᠴᠠᠶᠢᠨ ᠳᠤ ᠲᠡᠪᠭᠡᠷᠳᠡᠭ ᠪᠠᠶᠢᠭᠰᠠᠨ ᠶᠤᠮ | ᠲᠡᠯ ᠲᠠᠢ ᠲᠡᠶᠢᠷᠤᠯᠳᠤ ᠶᠢᠨ ᠲᠥᠷᠢᠮᠡᠭᠡᠢ ᠥᠶᠡᠷ ᠲᠤ | ᠲᠡᠯᠡᠭᠡᠢ ᠶᠢᠨ ᠭᠭᠢᠷ ᠤᠭᠢᠶᠠᠭᠳᠠᠨᠠ | ᠲᠡᠪᠡᠯ ᠲᠠᠢ ᠪᠤᠷᠬᠠᠨ ᠤ ᠡᠷᠡᠮᠡᠭᠡᠢ ᠤᠬᠠᠭᠠᠨ ᠳᠤ | ᠳ᠋ᠢᠸᠠᠩ ᠭᠠᠯᠠᠪ ᠤᠨ ᠪᠥᠰᠡ ᠴᠢᠩᠭᠠᠷᠠᠨᠠ | ᠭᠥᠭᠡᠮᠡᠢ ᠶᠢᠨ ᠭᠥᠭᠡ ᠠᠶᠠᠯᠭᠤ | ᠭᠡᠨᠲᠠᠢ ᠶᠢᠨ ᠬᠠᠳᠠᠨ ᠠᠴᠠ ᠤᠭᠰᠢᠵᠤ ᠪᠤᠴᠠᠬᠤ ᠳᠠᠭᠠᠨ | ᠭᠥᠳᠡᠭᠡ ᠠᠷᠠᠯ ᠤᠨ ᠡᠪᠡᠰᠥᠨ ᠲᠤᠯᠤᠭᠠᠢ ᠳᠤ ᠬᠤᠷᠠ ᠪᠤᠯᠤᠨ ᠱᠠᠭᠢᠨᠠᠮ | ᠭᠥᠯᠥᠭ ᠤᠨ ᠲᠤᠭᠤᠷᠠᠢ ᠠᠴᠠ ᠴᠠᠭᠢᠭᠰᠠᠨ ᠠᠶᠤᠩᠭᠠ | ᠢᠷᠥᠭᠡᠯ ᠤᠨ ᠬᠠᠳᠠᠭ ᠢᠶᠠᠷ ᠠᠷᠭᠠᠳᠠᠭᠤᠯᠵᠤ ᠲᠠᠶᠢᠳᠬᠤᠷᠠᠬᠤ ᠳᠠᠭᠠᠨ | ᠶᠡᠷᠡ ᠶᠢᠰᠤᠨ ᠲᠡᠭᠷᠢ ᠶᠢᠨ ᠵᠠᠭᠠᠳᠠᠰᠤᠨ ᠳᠤ ᠭᠡᠭᠡᠨ ᠰᠤᠪᠢᠩ ᠪᠤᠯᠵᠤ ᠤᠷᠭᠤᠨᠠᠮ | ᠭᠡᠷᠥᠯᠥᠨ ᠤ ᠡᠷᠭᠢ ᠠᠴᠠ ᠠᠯᠫᠠᠰ ᠠᠭᠤᠯᠠ ᠭᠥᠷᠳᠡᠯᠡ ᠬᠠᠷᠭᠢᠭᠰᠠᠨ | ᠭᠡᠥᠭᠡᠳ ᠤᠨ ᠵᠡᠭᠦᠳᠥᠨ ᠠᠴᠠ ᠰᠠᠨᠰᠠᠷ ᠤᠨ ᠬᠤᠷᠮᠤᠢ ᠭᠥᠷᠳᠡᠯᠡ ᠬᠠᠳᠠᠷᠢᠭᠰᠠᠨ | ᠾᠦᠩᠨᠤ ᠭᠥᠷᠥᠨ ᠠᠴᠠ ᠬᠤᠷᠢᠨ ᠨᠢᠭᠡᠳᠥᠭᠡᠷ ᠵᠠᠭᠤᠨ ᠭᠥᠷᠳᠡᠯᠡ ᠶᠥᠷᠭᠡᠭᠰᠡᠨ | ᠭᠥᠮᠥᠨ ᠴᠢᠯᠠᠭᠤᠨ ᠠᠴᠠ ᠬᠤᠭᠤᠷ ᠤᠨ ᠭᠢᠯᠭᠠᠰᠤ ᠭᠥᠷᠳᠡᠯᠡ ᠲᠡᠷᠭᠡᠭᠰᠡᠨ | ᠪᠥᠮᠪᠥᠷᠴᠡᠭ ᠲᠠᠢ ᠨᠠᠰᠤ ᠰᠠᠴᠠᠭᠤ ᠥᠶᠡᠷ | ᠪᠤᠬᠠᠨ ᠤ ᠮᠡᠯᠮᠡᠢ ᠪᠠᠷ ᠥᠨᠥᠰᠥᠭᠦᠯᠥᠨ ᠥᠨᠥᠰᠥᠭᠦᠯᠥᠨ ᠥᠯᠥ ᠲᠠᠳᠠᠷᠠᠨᠠᠮ | ᠪᠥᠥᠪᠡᠢ ᠶᠢᠨ ᠲᠠᠭᠤᠨ᠂ ᠱᠠᠭᠠᠢ ᠶᠢᠨ ᠲᠤᠭᠯᠠᠭᠠᠮ ᠳᠤ ᠰᠢᠩᠭᠡᠵᠤ ᠥᠯᠡᠳᠡᠭᠰᠡᠨ ᠲᠤᠮᠤᠭ | ᠪᠤᠷᠬᠠᠨ ᠨᠤᠳᠤᠭ ᠤᠨ ᠴᠢᠯᠠᠭᠤ ᠪᠤᠯᠭᠠᠨ ᠠᠴᠠ ᠴᠤᠤᠷᠢᠶᠠ ᠨᠢ ᠥᠯᠥ ᠠᠯᠳᠠᠷᠠᠨᠠᠮ | ᠲᠡᠭᠷᠢ ᠲᠡᠪᠭᠡᠳᠡᠵᠤ᠂ ᠭᠠᠵᠠᠷ ᠴᠥᠮᠥᠯᠥᠨ ᠽᠠᠨᠳᠠᠨ ᠥᠶᠡᠷ ᠢᠷᠡᠵᠥ ᠪᠠᠶᠢᠨᠠ | ᠲᠡᠷᠭᠡᠯ ᠭᠡᠷ ᠤᠨ ᠵᠠᠳᠠᠭᠠᠢ ᠭᠠᠯ ᠲᠡᠭᠡᠷᠡ ᠠᠳᠤᠭᠤ ᠬᠤᠶᠢᠯᠠᠷᠠᠵᠤ ᠪᠠᠶᠢᠨᠠ | ᠠᠶᠤᠭᠳᠤᠨ︕ ᠪᠢᠰᠢᠷᠡᠭᠳᠥᠨ︕ ᠲᠤᠰᠤᠨ ᠭᠥᠶᠥᠭᠳᠥᠨ︕ | ᠠᠳᠤᠭᠤᠨ ᠤ ᠥᠶᠡᠷ᠂ ᠠᠳᠤᠭᠤᠨ ᠤ ᠥᠶᠡᠷ | ᠠᠶᠠ︕ ᠠᠳᠤᠭᠤᠨ ᠤ ᠥᠶᠡᠷ ᠁ | 2007 ᠤᠨ ᠤ 7 ᠰᠠᠷᠠ ᠶᠢᠨ30 ᠤ ᠡᠳᠥᠷ ᠭᠥᠭᠡᠬᠤᠳᠠᠨᠠ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |