| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠬᠤᠷᠢᠨ ᠵᠢᠯ ᠤᠨ ᠲᠡᠷᠳᠡᠭᠡᠭᠢ ︽ᠮᠠᠭᠤᠰᠠᠶᠢᠨ ᠯᠠᠭ︾ ᠤᠳ ᠢᠶᠠᠨ ᠲᠤᠳᠤᠮᠳᠠᠬᠤ ᠭᠡᠵᠥ | ᠬᠠᠭᠤᠴᠢᠨ ᠮᠠᠭᠤ ᠠᠪᠳᠠᠷᠠ ᠶᠢᠨ ᠢᠶᠠᠨ ᠢᠷᠤᠭᠠᠯ ᠢ ᠤᠩᠭᠢᠴᠢᠬᠤ ᠰᠢᠭ᠋ | ᠥᠪᠡᠷ ᠢ ᠪᠠᠨ ᠪᠢ ᠤᠩᠭᠤᠶᠢᠳᠠᠯᠠ ᠨᠢ ᠨᠡᠩᠵᠢᠯᠡ᠄ | | | ᠪᠤᠳᠤᠭᠤ ᠡᠭᠡ ᠬᠤᠶᠠᠷ ᠢ ᠨᠡᠶᠢᠯᠡᠭᠦᠯᠵᠥ ᠪᠤᠷᠠᠨᠳᠠᠭ ᠢᠶᠠᠷ ᠰᠢᠪᠬᠠᠷᠳᠠᠭᠤᠯᠤᠭᠰᠠᠨ ᠰᠤᠷᠭᠠᠯ | ᠪᠤᠷᠳᠤᠭᠤ ᠲᠠᠢ ᠠᠶᠢᠷᠠᠭ ᠠᠴᠠ ᠤᠤᠭᠤᠬᠤ ᠭᠡᠳ ᠠᠰᠬᠠᠵᠤ ᠡᠪᠦᠭᠡ ᠪᠠᠷ ᠢᠶᠠᠨ ᠵᠠᠩᠨᠠᠭᠤᠯᠤᠭᠰᠠᠨ ᠴᠡᠭᠡᠷᠯᠡᠯ | ᠪᠤᠷᠤ ᠴᠢᠯᠠᠭᠤᠳᠤ ᠶᠢᠨ ᠡᠩᠭᠡᠷ ᠠᠴᠠ ᠪᠤᠴᠢᠭᠢᠨᠠᠭᠤᠷ ᠤᠨ ᠭᠤᠶᠤᠤ ᠮᠠᠯᠳᠠᠭᠰᠠᠨ ᠤᠯᠵᠠᠭᠤᠷᠬᠠᠯ | ᠪᠤᠷᠤᠯᠳᠠᠢ ᠶᠢᠨ ᠨᠢᠰᠤᠬᠠᠢ ᠰᠢᠷᠠ ᠥᠭᠢᠨ ᠢ ᠤᠯᠠᠨ ᠵᠢᠯ ᠪᠤᠳᠤᠭᠰᠠᠨ ᠰᠢᠨᠠᠯᠥᠯ | ᠪᠠᠳᠤᠵᠢᠷᠭᠠᠯ ᠨᠠᠰᠤᠳᠠᠨ ᠤ ︽ᠴᠠᠭᠠᠨ ᠲᠤᠯᠤᠭᠠᠢ︾ ᠪᠡᠯᠡᠭᠯᠡᠵᠥ ᠥᠰᠥᠭ ᠲᠠᠨᠢᠭᠤᠯᠠᠭᠰᠠᠨ ᠲᠤᠷᠠᠰᠤᠯ | ᠪᠠᠳᠠᠢ ᠶᠢᠨ ᠵᠢᠷᠠᠨ ᠢ ᠭᠥᠨᠳᠡᠯᠡᠨ ᠲᠤᠭᠤᠯᠪᠠᠯ ᠶᠠᠭᠤ ᠪᠠᠶᠢᠳᠠᠭ ᠪᠤᠯ ᠭᠡᠰᠡᠨ ᠮᠥᠷᠥᠭᠡᠳᠥᠯ | ᠪᠠᠷᠤᠭ ᠤᠨ ᠶᠠᠭᠤᠮᠠᠨ ᠳᠤ ︽ᠶᠤᠬᠤ︕︾ ᠭᠡᠳᠡᠭ ᠥᠭᠡᠢ ᠪᠤᠭᠤᠷᠤᠯ ᠤᠳ ᠤᠨ ᠲᠤᠬᠠᠢ ᠭᠠᠶᠢᠬᠠᠰᠢᠷᠠᠯ | ᠪᠠᠷᠠᠭᠠᠨ ᠭᠥᠭᠡ ᠴᠢᠷᠠᠢ ᠲᠠᠢ ᠪᠠᠷᠢᠭᠠᠳᠠ ᠶᠢᠨ ᠲᠠᠷᠤᠭᠠ ᠶᠢᠨ ᠠᠯᠪᠠᠨ ᠠᠶᠤᠯᠭᠠᠯ | ᠡᠨᠡ ᠪᠥᠭᠦᠨ ᠲᠤᠷᠠᠰᠤᠮᠵᠢ ᠶᠢᠨ ᠲᠤᠷᠭᠠᠨ ᠪᠠᠷᠢᠨᠳᠠᠭ ᠲᠠᠢ | ᠰᠠᠨᠠᠭᠠᠨ ᠤ ᠮᠤᠬᠤᠷ ᠲᠤ ︽ᠭᠡᠪᠳᠡᠵᠥ︾ ᠯᠡ ᠪᠠᠶᠢᠬᠤ ᠶᠤᠮ | ᠰᠡᠭᠦᠯ ᠳᠡᠭᠡᠨ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠵᠤ ᠨᠤᠮ ᠤᠨ ᠲᠠᠭᠤ ᠡᠭᠢᠯᠡᠵᠥ ᠰᠤᠨᠤᠰᠤᠭᠰᠠᠨ | ᠰᠤᠷᠤᠯᠭᠠ ᠭᠢᠴᠢᠶᠡᠯ ᠳᠡᠭᠡᠨ ᠠᠯᠳᠠᠵᠤ ᠤᠨᠤᠵᠤ ᠮᠠᠭᠳᠠᠭᠤᠯᠵᠤ ᠵᠢᠮᠡᠯᠡᠭᠦᠯᠵᠥ ᠶᠠᠪᠤᠭᠰᠠᠨ | ᠰᠤᠷᠳᠠᠯ ᠥᠭᠡᠢ ᠲᠤᠮᠤᠭᠠ ᠥᠭᠡᠢ ᠭᠡᠥᠭᠡᠳ ᠤᠳ ᠢᠶᠠᠷ ᠲᠡᠭᠡᠷᠡᠯᠭᠡᠭᠦᠯᠵᠥ ᠱᠤᠤᠯᠠᠭᠤᠯᠵᠤ ᠤᠭᠢᠯᠠᠭᠰᠠᠨ | ᠰᠤᠪᠰᠠᠭ ᠪᠤᠳᠠᠭᠠᠨ ᠳᠠᠭᠠᠨ ᠴᠠᠳᠬᠤ ᠥᠭᠡᠢ | ᠵᠢᠭᠳᠦ ︽ᠬᠤᠯᠠᠭᠠᠶᠢᠯᠠᠵᠤ︾ ᠭᠥᠭᠡᠭᠡᠭᠳᠡᠵᠥ ᠲᠠᠭᠤᠭᠳᠠᠭᠰᠠᠨ | ᠡᠨᠡ ᠪᠥᠭᠦᠨ ᠪᠠᠰᠠ ᠯᠠ ᠪᠤᠳᠤᠯ ᠤᠨ ᠲᠡᠷᠡ ᠭᠥᠨ ᠳᠤ | ᠡᠯᠡᠭᠳᠡᠵᠥ ᠰᠡᠮᠡᠷᠡᠭᠰᠡᠨ ᠭᠡᠯᠡ ᠴᠦ ᠶᠠᠩᠵᠤ ᠪᠠᠷ ᠢᠶᠠᠨ ᠪᠠᠶᠢᠵᠤ ᠪᠠᠶᠢᠨᠠ᠃ | ᠡᠭᠦᠷᠳᠥᠵᠥ ᠲᠡᠭᠦᠷᠳᠥᠭᠦ ᠳᠤ ᠮᠢᠨᠢ ᠲᠤᠰᠠᠯᠠᠭᠰᠠᠨ ᠠᠴᠢᠳᠠᠨ ᠳᠠᠭᠠᠨ ᠭᠡᠯᠡᠵᠥ ᠴᠢᠳᠠᠭᠠ ᠥᠭᠡᠢ ᠲᠠᠯᠠᠷᠬᠠᠯ | ᠥᠷᠭᠦᠯᠵᠢ ᠨᠠᠮᠠᠢᠢ ᠨᠤᠮᠤᠬᠠᠴᠢᠯᠠᠵᠤ ᠥᠭᠡᠨ ᠤ ᠰᠢᠪᠦᠭᠡ ᠪᠠᠷ ᠴᠢᠴᠢᠯᠡᠵᠥ ᠶᠠᠪᠤᠭᠰᠠᠨ ᠬᠤᠷᠤᠰᠤᠯ | ᠡᠭᠦᠯᠡᠨ ᠴᠢᠯᠥᠭᠡᠨ ᠤ ᠨᠠᠷᠠ ᠰᠢᠭ᠋ ᠠᠭᠱᠠᠨᠠ ᠲᠤᠭᠢᠶᠠᠭᠰᠠᠨ ᠭᠡᠨᠡᠨ ᠵᠢᠷᠭᠠᠯ | ᠥᠭᠦᠵᠥ ᠤᠨᠠᠳᠠᠯᠠ ᠵᠢᠳᠭᠦᠭᠰᠡᠨ ᠴᠦ ᠤᠯᠵᠤ ᠲᠤᠯᠢᠶᠠᠭᠠ ᠥᠭᠡᠢ ᠭᠡᠭᠡᠨ ᠭᠢᠰᠡᠯ | ᠵᠢᠷᠥᠭᠡᠨ ᠤ ᠮᠢᠨᠢ ᠬᠤᠪᠳᠤᠯ ᠳᠤ ᠵᠢᠷᠤᠭᠳᠤ ᠲᠡᠪᠳᠡᠷ ᠪᠤᠯᠴᠢᠬᠠᠭᠠᠳ | ᠵᠤᠷᠠᠶᠢᠵᠤ ᠲᠤᠷᠠᠶᠢᠵᠤ ᠪᠠᠶᠢᠳᠠᠭ ᠪᠠᠶᠢᠵᠤ ᠳ᠋ᠠ᠃ | ᠠᠩᠬᠠ ᠤᠩᠰᠢᠭᠰᠠᠨ ᠢᠨᠠᠭ ᠤᠨ ᠵᠠᠭᠢᠶᠠᠨ ᠤ ᠲᠠᠰᠤᠷᠬᠠᠢ | ᠠᠨᠠᠷ ᠰᠢᠭ᠋ ᠤᠷᠤᠭᠤᠯ ᠢ ᠢᠴᠢᠵᠥ ᠰᠢᠮᠡᠭᠰᠡᠨ ᠲᠠᠮᠳᠤᠷᠬᠠᠢ | ᠠᠶᠢᠯ ᠤᠨ ᠲᠡᠷᠡ ᠡᠭᠡᠴᠢ ᠳᠤ ᠨᠢᠭᠤᠴᠠᠯᠢᠭ ᠲᠤᠷᠠᠯᠠᠭᠰᠠᠨ ᠭᠤᠷᠢᠳᠠᠯ | ᠠᠷᠭᠠ ᠥᠭᠡᠢ ᠬᠠᠶᠢᠷᠠᠯᠠᠭᠰᠠᠨ ᠥᠭᠢᠨ ᠢᠶᠠᠨ ᠬᠠᠷᠢ ᠳᠤ ᠠᠯᠳᠠᠭᠰᠠᠨ ᠭᠤᠮᠤᠷᠬᠠᠯ | ᠰᠠᠯᠤᠰᠢ ᠥᠭᠡᠢ ᠨᠠᠶᠢᠵᠠ ᠳᠠᠭᠠᠨ ᠮᠠᠷᠳᠠᠰᠢ ᠥᠭᠡᠢ ᠥᠭᠡ ᠭᠡᠯᠡᠭᠰᠡᠨ ᠬᠠᠷᠠᠮᠰᠠᠯ | ᠰᠠᠶᠢᠬᠠᠨ ᠨᠥᠭᠦᠷ ᠤᠨ ᠢᠶᠠᠨ ᠬᠠᠮᠠᠷ ᠤᠨ ᠴᠢᠰᠤ ᠶᠢ ᠠᠰᠬᠠᠷᠠᠭᠤᠯᠵᠤ ᠥᠵᠡᠭᠰᠡᠨ ᠬᠠᠷᠠᠭᠤᠰᠠᠯ | ᠰᠠᠷᠬᠤᠳ ᠤᠨ ᠠᠭᠠᠭ ᠢᠶᠠᠷ ᠰᠠᠭᠠᠬᠠᠯᠳᠠ ᠶᠢᠨ ᠢᠶᠠᠨ ᠠᠶᠠᠭᠠ ᠶᠢ ᠬᠠᠭᠠ ᠰᠢᠳᠡᠭᠰᠡᠨ ᠲᠡᠮᠡᠶᠢᠷᠡᠯ | ᠰᠠᠭᠠᠷᠮᠠᠭ ᠤᠬᠠᠭᠠᠨ ᠤ ᠤᠷᠬᠠᠨ ᠳᠤ ᠤᠨᠠᠵᠤ ᠥᠪᠡᠷ ᠢ ᠪᠠᠨ ᠡᠪᠳᠡᠭᠰᠡᠨ ᠤᠬᠠᠭᠠᠷᠠᠯ | ᠰᠡᠳᠭᠢᠯ ᠤᠨ ᠨᠢᠭᠡᠨ ᠵᠠᠢ ᠳᠤ ᠡᠨᠡ ᠪᠥᠭᠦᠨ ᠮᠠᠨᠢ | ᠰᠡᠪᠳᠥᠭᠡ ᠨᠢ ᠥᠭᠡᠢ ᠭᠡᠪ ᠢᠶᠠᠷ ᠢᠶᠠᠨ ᠭᠥᠭᠯᠡᠷᠡᠵᠥ ᠭᠡᠪᠳᠡᠳᠡᠭ ᠪᠠᠶᠢᠵᠡᠢ | ᠪᠥᠷ ᠥᠨᠥ ᠰᠠᠶ᠋ᠢᠬᠠᠨ ᠪᠤᠯᠤᠭᠰᠠᠨ ᠶᠠᠭᠤᠮᠠ | ᠪᠥᠭᠦᠳᠡ ᠭᠡᠪ ᠢᠶᠠᠷ ᠢᠶᠠᠨ ᠭᠢᠯᠠᠯᠵᠠᠵᠤ ᠪᠠᠶᠢᠳᠠᠭ ᠰᠠᠨᠵᠢ | ᠤᠭᠳᠤ ᠠᠴᠠ ᠲᠤᠭᠤᠭᠰᠠᠨ ᠥᠭᠡᠢ ᠥᠭᠢᠨ ᠢ ᠭᠡᠷᠭᠡᠢ ᠪᠠᠨ ᠪᠤᠯᠭᠠᠭᠰᠠᠨ ᠬᠠᠴᠢᠷᠬᠠᠯ | ᠤᠯᠠᠨ ᠵᠢᠯ ᠤᠨ ᠲᠠᠷᠠᠭᠠ ᠨᠠᠳᠠ ᠤᠷᠤᠭᠤ ᠢᠷᠡᠭᠰᠡᠨ ᠬᠠᠶᠢᠷᠠ ᠶᠢᠨ ᠬᠤᠵᠢᠮᠳᠠᠯ | ᠤᠷᠤᠶᠢᠳᠠᠭᠰᠠᠨ ᠪᠤᠷᠤᠭᠠᠨ ᠤ ᠡᠭᠦᠯᠡᠰ ᠠᠷᠴᠢᠭᠠᠳ ᠥᠩᠭᠡᠷᠡᠭᠰᠡᠨ | ᠤᠳᠤᠳ ᠤᠶᠢᠷᠠᠬᠠᠨ ᠪᠠᠶᠢᠭᠰᠠᠨ ᠥᠳᠡᠰᠢ ᠶᠢᠨ ᠲᠡᠷᠡ ᠥᠨᠥᠰᠥᠯᠳᠡ | | | ᠠᠯᠢ ᠭᠡᠳᠥᠶᠢᠨᠡᠢ ᠮᠠᠷᠳᠠᠵᠤ ᠤᠷᠭᠢᠭᠰᠠᠨ ᠪᠤᠭᠤᠷᠤᠯ ᠤᠳ ᠤᠨ ᠵᠠᠭᠢᠶᠠᠰᠤ | ᠠᠶᠠᠭᠠᠨ ᠤ ᠬᠤᠩᠬᠤᠷ ᠲᠤ ᠥᠯᠡᠳᠡᠭᠰᠡᠨ ᠢᠶᠠᠨ ᠠᠰᠬᠠᠵᠤ ᠶᠠᠪᠤᠭᠰᠠᠨ ᠴᠠᠯᠭᠢᠳᠠᠰᠤ | ᠠᠪᠬᠤ ᠨᠢ ᠠᠬᠠᠳᠠᠵᠤ ᠥᠭᠭᠦ ᠨᠢ ᠪᠠᠭᠠᠳᠠᠭᠰᠠᠨ ᠰᠢᠨᠤᠭ ᠰᠡᠳᠭᠢᠯ ᠤᠨ ᠮᠢᠨᠢ ᠰᠢᠪᠬᠠᠳᠠᠰᠤ | ᠠᠵᠢᠷᠭᠠ ᠪᠠᠨ ᠤᠨᠤᠭᠠᠳ ᠠᠵᠢᠷᠭᠠ ᠪᠠᠨ ᠬᠠᠶᠢᠭᠰᠠᠨ ᠲᠡᠨᠡᠭ ᠶᠠᠪᠤᠳᠠᠯ ᠤᠨ ᠬᠠᠵᠢᠶᠠᠰᠤ | ᠰᠥᠮᠡᠨᠰᠥ᠋ᠮᠡᠨ ᠵᠡᠷᠭᠡᠯᠭᠡᠨ ᠡᠴᠠᠰᠢᠯᠥᠭ ᠴᠠᠯᠮᠠᠳᠠᠭᠰᠠᠨ ᠪᠢᠰᠢᠯᠭᠠᠯ | ᠰᠥᠨ ᠪᠤᠭᠤᠷᠤᠯ ᠡᠮᠧ ᠳᠡᠭᠡᠨ ᠭᠥᠯ ᠢ ᠨᠢ ᠬᠤᠴᠢᠵᠤ ᠥᠭᠭᠦᠭᠡ ᠥᠭᠡᠢ ᠭᠡᠮᠰᠢᠯ | ᠰᠥᠷᠥᠭ ᠤᠯᠠᠭᠠᠨ ᠲᠡᠮᠡᠭᠡᠳ ᠤᠨ ᠬᠠᠷᠠᠰᠠᠯᠳᠠᠢ ᠴᠥᠭᠡᠷᠡᠭᠰᠡᠨ ᠳᠤ ᠵᠢᠷᠥᠭᠡ ᠤᠷᠠᠭᠳᠠᠭᠰᠠᠨ ᠭᠠᠰᠠᠯᠤᠯ | ᠰᠡᠭᠦᠳᠡᠷ ᠲᠠᠢ ᠭᠡᠷᠡᠯ ᠲᠠᠢ ᠤᠷᠴᠢᠯᠠᠩ ᠤᠨ ᠤᠳᠬᠠ ᠶᠢ ᠲᠠᠶᠢᠯᠵᠤ ᠶᠠᠳᠠᠭᠰᠠᠨ ᠵᠤᠪᠠᠨᠢᠯ | ᠭᠥᠳᠡᠭᠡᠯᠢᠭ ᠮᠤᠩᠭᠤᠯ ᠭᠡᠪ ᠢᠶᠠᠷ ᠢᠶᠠᠨ ᠬᠤᠳᠠ ᠳᠤ ᠠᠮᠢᠳᠤᠷᠠᠭᠰᠠᠨ ᠪᠠᠭ᠋ᠠᠷᠬᠠᠯ | ᠭᠥᠴᠥᠷᠭᠡᠭ ᠰᠤᠶᠤᠯ ᠤᠨ ᠡᠮᠤᠨᠡ ᠠᠴᠠ ᠮᠤᠩᠭᠤᠯ ᠢᠶᠠᠨ ᠯᠠ ᠭᠡᠰᠡᠨ ᠤᠮᠤᠭᠰᠢᠯ | ᠭᠥᠮᠥᠰᠭᠡ ᠠᠳᠤᠷᠢᠭᠰᠠᠨ ᠬᠤᠷᠸᠠ ᠳᠤ ᠥᠪᠡᠷ ᠤᠨ ᠬᠢ ᠪᠠᠷ ᠢᠶᠠᠨ ᠶᠠᠪᠤᠭᠰᠠᠨ ᠶᠡᠭᠡᠷᠭᠡᠯ | ᠭᠥᠢᠳᠡᠨ ᠲᠤᠳᠤᠷᠠᠳᠠᠨ ᠤ ᠥᠭᠡᠳᠡ ᠠᠴᠠ ᠮᠥᠰᠥ ᠰᠢᠭ ᠬᠠᠨᠳᠤᠭᠰᠠᠨ ᠡᠷᠭᠢᠮᠰᠥᠯ | ᠠᠮᠢᠳᠤᠷᠠᠯ ᠤᠨ ᠴᠢᠯᠠᠭᠤᠨ ᠳᠤ ᠪᠥᠳᠥᠷᠢᠭᠰᠡᠨ ᠴᠦ ᠭᠡᠯᠡ ᠠᠭᠢᠭᠠᠳ ᠪᠤᠰᠤᠨᠠ ᠭᠡᠰᠡᠨ ᠢᠳᠡᠭᠡᠯ | ᠠᠳᠠᠭᠠᠷᠬᠠᠯ ᠤᠨ ᠰᠤᠮᠤᠨ ᠳᠤ ᠰᠢᠷᠬᠠᠳᠤᠭᠰᠠᠨ ᠴᠦ ᠭᠡᠰᠡᠨ ᠲᠠᠭᠢᠭᠠᠳ ᠡᠳᠡᠭᠡᠨᠡ ᠭᠡᠰᠡᠨ ᠲᠠᠶᠢᠳᠬᠤᠷᠠᠯ | ᠠᠯᠳᠠᠷ ᠭᠥᠨᠳᠥ ᠬᠤᠶᠠᠷ ᠠᠴᠠ ᠭᠡᠭᠡᠭᠳᠡᠭᠰᠡᠨ ᠴᠦ ᠭᠡᠯᠡ ᠴᠢᠪᠠᠭᠠ ᠴᠠᠭ ᠲᠠᠭᠠᠨ ᠲᠤᠯᠪᠠᠯ ᠁ ᠭᠡᠰᠡᠨ | ᠲᠠᠶᠢᠪᠤᠰᠢᠷᠠᠯ | ᠠᠯᠪᠠ ᠮᠥᠩᠭᠦ ᠬᠤᠶᠠᠷ ᠠᠴᠠ ᠱᠤᠭᠤᠪᠳᠤᠷᠯᠠᠭᠳᠠᠭᠰᠠᠨ ᠴᠦ ᠭᠡᠯᠡ ᠢᠰᠡᠭᠡᠢ ᠬᠠᠪᠳᠠᠭᠠ ᠲᠠᠰᠢᠶᠠᠨ ᠳᠤ ᠁ | ᠭᠡᠰᠡᠨ ᠴᠠᠭᠠᠳᠬᠠᠯ | ᠬᠠᠷᠠ ᠪᠤᠷᠤᠭᠤ ᠰᠠᠨᠠᠭᠠ ᠥᠭᠡᠢ ᠠᠳᠠᠯᠠ ᠵᠥᠪ ᠤᠶᠢᠯᠠᠭᠠᠭᠳᠠᠳᠠᠭ ᠥᠭᠡᠢ ᠭᠠᠰᠢᠭᠤᠳᠠᠯ | ᠬᠠᠳᠠᠭᠤ ᠥᠭᠡ ᠪᠠᠨ ᠰᠢᠯᠥᠭᠤᠨ ᠲᠤᠷᠭᠢᠴᠢᠬᠠᠭᠠᠳ ᠪᠤᠰᠤᠳ ᠤᠨ ᠥᠰᠢᠶᠡ ᠭᠥᠷᠭᠡᠭᠰᠡᠨ ᠭᠡᠨᠡᠷᠭᠡᠯ | ᠬᠠᠯᠠᠭᠤᠨ ᠰᠡᠳᠭᠢᠯ ᠤᠨ ᠢᠶᠠᠨ ᠬᠠᠷᠢᠭᠤ ᠳᠤ ᠬᠠᠷᠠ ᠤᠰᠤ ᠰᠠᠴᠤᠭᠤᠯᠤᠭᠰᠠᠨ ᠭᠤᠮᠤᠷᠬᠠᠯ | ᠬᠠᠵᠠᠭᠠᠷ ᠲᠤᠭᠤᠯᠠᠩ᠂ ᠬᠠᠷᠠᠭᠠ ᠥᠭᠡᠶᠢᠴᠤᠤᠯ ᠢ ᠥᠷᠥᠪᠳᠥᠵᠥ ᠭᠥᠭᠡᠷᠥᠭᠦᠶᠢᠯᠡᠭᠰᠡᠨ ᠡᠯᠢᠭᠡᠮᠰᠥᠯ | ᠡᠷᠭᠡ ᠰᠥᠷᠳᠡᠨ ᠳᠤ ᠡᠷᠭᠡᠯᠡᠵᠥ ᠰᠠᠶᠢᠮᠰᠤᠷᠠᠵᠤ ᠴᠢᠳᠠᠭᠠ ᠥᠭᠡᠢ ᠬᠠᠱᠠᠩᠨᠠᠯ | ᠡᠳ᠋ ᠮᠥᠩᠭᠦ ᠡᠯᠳᠡᠵᠥ ᠪᠠᠶᠠᠵᠢᠵᠤ ᠴᠢᠳᠠᠭᠠ ᠥᠭᠡᠢ ᠴᠠᠯᠠᠭᠠᠶᠢᠳᠠᠯ | ᠡᠭᠡᠨᠡᠷ ᠭᠡᠤᠭᠡᠨ ᠡᠷᠭᠢᠭᠦᠯᠵᠥ ᠷᠤᠮᠠᠨᠲ᠋ᠢᠭᠯᠠᠵᠥ ᠴᠢᠳᠠᠭᠠ ᠥᠭᠡᠢ ᠪᠤᠯᠭᠢᠳᠠᠯ | ᠡᠭᠦᠪᠡᠷ ᠲᠡᠭᠦᠪᠡᠷ ᠰᠠᠯᠪᠠᠭᠠᠨᠠᠵᠤ ᠭᠥᠯᠵᠢᠵᠥ ᠴᠢᠳᠠᠭᠠ ᠥᠭᠡᠢ ᠬᠤᠴᠤᠷᠤᠭᠳᠠᠯ ᠁ | ᠠᠶᠠ᠂ ᠤᠢ ᠰᠠᠨᠠᠮᠵᠢ ᠶᠢᠨ ᠥᠨᠴᠥᠭ ᠪᠤᠯᠥᠩ ᠳᠤ | ᠠᠯᠳᠠ ᠴᠦ ᠶᠤᠮ ᠰᠢᠭ᠋ ᠠᠷᠭᠠᠯ ᠴᠦ ᠶᠤᠮ ᠰᠢᠭ᠋ ᠶᠡᠭᠡ ᠯᠠ ᠶᠠᠭᠤᠮᠠ ᠠᠷᠵᠠᠭᠠᠨᠠᠵᠤ ᠭᠡᠪᠳᠡᠨᠠ | ᠲᠡᠷᠡ ᠪᠤᠯᠭᠠᠨ ᠢ ᠠᠭᠤᠳᠠᠯᠵᠤ ᠭᠠᠷᠭᠠᠭᠠᠳ ︽ᠭᠠᠶᠢᠬᠠᠭᠤᠯᠤᠭᠠᠳ︾ ᠴᠦ ᠶᠠᠭᠠᠭᠢᠬᠤᠪ | ᠲᠡᠮᠡᠭᠡᠨ ᠠᠴᠠ ᠴᠦ ᠭᠥᠷᠳᠡᠯᠡ ᠢᠴᠢᠵᠥ ᠨᠢᠭᠤᠮᠠᠷ ᠵᠥᠢᠯᠡᠰ ᠢᠶᠠᠨ ᠴᠠᠭᠠᠰᠢ ᠨᠢ ᠭᠢᠭᠰᠡᠨ ᠢᠶᠠᠨ ᠭᠡᠯᠡᠶᠡ︕ | | | ᠬᠠᠷᠠ ᠠᠪᠳᠠᠷᠠ ᠶᠢᠨ ᠢᠶᠠᠨ ᠢᠷᠤᠭᠠᠯ ᠢ ᠭᠡᠰᠡᠭ ᠪᠠᠶᠢᠭᠠᠳ ᠲᠢᠭᠯᠢᠭᠦ ᠰᠢᠭ | ᠬᠠᠶᠠ ᠬᠠᠶᠠ ᠥᠪᠡᠷ ᠢ ᠪᠠᠨ ᠨᠡᠭᠡᠭᠡᠵᠥ ᠤᠩᠭᠢᠴᠢᠵᠤ ᠪᠠᠶᠢᠪᠠᠯ ᠵᠥᠭᠡᠷ ᠴᠦ ᠶᠤᠮ ᠰᠢᠭ᠃ | ︵2004 ᠤᠨ ᠳᠤ ᠨᠤᠤᠷᠠᠭᠯᠠᠭᠰᠠᠨ ᠡᠨᠡᠭᠦ ᠥᠯᠪᠢᠭᠡᠷ ᠰᠢᠯᠥᠭ ᠢᠶᠠᠨ2008 ᠤᠨ ᠤ ᠵᠤᠨ | ᠰᠡᠶᠢᠷᠡᠭᠦᠯᠥᠭᠰᠡᠨ ᠲᠡᠳᠥᠢ ᠪᠥᠯᠥᠭᠡ︶ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |