| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | ᠵᠥᠪᠭᠡᠨ ᠠᠷᠢᠭᠢ ᠯᠡ ᠪᠠᠶᠢᠪᠠᠯ ᠠᠯᠢᠪᠠ ᠪᠠᠶᠢᠨᠠ | ᠲᠡᠶᠢᠮᠥ ᠡ︕ ᠠᠯᠢᠪᠠ ᠪᠠᠶᠢᠨᠠ | ᠵᠥᠪᠭᠡᠨ ᠠᠷᠢᠭᠢ ᠯᠡ ᠪᠢᠳᠠᠨ ᠢ ᠪᠥᠷᠢᠮᠥᠰᠥᠨ | ︽ ᠬᠠᠭᠠᠴᠢᠯᠠᠵᠤ︾ ᠲᠥᠩᠭᠡᠨᠡ | ᠮᠢᠨᠤ ᠲᠠᠩᠰᠤᠭ ᠪᠤᠶᠠᠨᠰᠠᠭ ᠴᠥᠭᠡᠭᠡᠨ ᠭᠡᠳᠥᠨ ᠮᠤᠩᠭᠤᠯ ᠮᠢᠨᠢ | ︽ᠰᠢᠩᠭᠡᠨ ᠭᠠᠯ︾ ᠢᠶᠠᠷ ᠲᠤᠯᠤᠭᠠᠢ ᠪᠠᠨ ᠤᠰᠤᠯᠠᠭᠰᠠᠨ | ᠰᠠᠳᠤᠨ ᠨᠤᠭᠤᠳ ᠮᠢᠨᠢ | ᠠᠯᠳᠠᠭᠠ᠂ ᠤᠨᠤᠭᠠ᠂ ᠭᠡᠶᠢᠷᠭᠡᠯ᠂ ᠲᠠᠶᠢᠳᠬᠤᠷᠠᠯ᠂ ᠪᠠᠶᠠᠷ ᠲᠠᠯᠠᠷᠬᠠᠯ | ᠠᠷᠪᠠᠨ ᠥᠩᠭᠡ ᠲᠠᠪᠤᠨ ᠲᠠᠯᠠ ᠪᠠᠨ | ᠵᠥᠪᠭᠡᠨ ᠠᠷᠢᠭᠢᠨ ᠳᠤ ᠯᠡ ᠨᠠᠶᠢᠳᠠᠴᠢᠬᠠ︕ | ᠪᠠᠭᠠᠳᠤᠷ ᠤᠳ ᠮᠢᠨᠢ | ᠰᠢᠭᠢᠷ ᠲᠡᠭᠡᠷᠡ ᠰᠠᠭᠤᠭᠰᠠᠨ ᠢᠯᠠᠭᠠ ᠮᠡᠳᠤ ᠯᠤᠩᠬᠤᠨ ᠤ | ᠠᠮᠠᠰᠠᠷ ᠲᠡᠭᠡᠷᠡ ᠪᠥᠭᠡᠮᠨᠡᠷᠡᠵᠥ ᠰᠠᠭᠤᠭᠠᠳ ᠯᠡ | ᠶᠤᠰᠤᠲᠠᠢ ᠨᠢᠭᠡ ᠤᠤᠭᠤᠳᠠᠭ ᠰᠢᠭ᠋ ᠢᠶᠠᠨ ᠤᠤᠭᠤᠵᠤ ᠨᠠᠷᠭᠢᠳᠠᠭ ᠰᠢᠭ᠋ ᠢᠶᠠᠨ ᠨᠠᠷᠭᠢ︕ | ᠠᠵᠢᠯ ᠶᠠᠪᠤᠳᠠᠯ ᠢᠶᠠᠨ᠂ ᠠᠮᠢᠵᠢᠷᠭᠠᠨ ᠤ ᠲᠥᠪᠰᠢᠨ ᠢᠶᠠᠨ | ᠠᠯᠳᠠᠷ ᠨᠠᠷᠡ ᠪᠠᠨ᠂ ᠠᠭᠠᠭ ᠤᠮᠤᠭ ᠢᠶᠠᠨ | ᠠᠷᠪᠠᠳᠤ᠂ ᠲᠠᠪᠢᠳᠤ᠂ ᠵᠠᠭᠤᠳᠤ ᠶᠢᠨ ᠴᠠᠭᠠᠰᠤ ᠪᠠᠨ | ᠠᠷᠪᠠᠭᠤᠯᠠ ᠲᠠᠪᠤᠭᠤᠯᠠ ᠨᠡᠶᠢᠯᠡᠭᠡᠳ ᠤᠤᠭᠤᠵᠤ ᠤᠷᠭᠢ︕ | ᠭᠠᠩᠳᠠᠨ ᠪᠠᠭᠤᠷᠠᠰᠢ ᠥᠭᠡᠢ ᠨᠠᠶᠢᠵᠠ ᠨᠤᠭᠤᠳ ᠮᠢᠨᠢ | ᠤᠤᠭᠤᠵᠤ ᠴᠢᠳᠠᠳᠠᠭ ᠨᠢ ᠤᠬᠠᠭᠠᠨ ᠢᠶᠠᠨ ᠵᠠᠯᠭᠢᠯᠠᠵᠤ | ᠤᠤᠭᠤᠵᠤ ᠴᠢᠳᠠᠬᠤ ᠪᠠᠨ ᠪᠤᠯᠢᠭᠰᠠᠨ ᠨᠢ | ᠨᠢᠳᠤ ᠪᠠᠷ ᠢᠶᠠᠨ ᠵᠠᠯᠭᠢᠯᠠᠵᠤ | ᠠᠶᠤᠵᠤ ᠢᠴᠢᠭᠦ᠂ ᠥᠵᠡᠨ ᠶᠠᠳᠠᠬᠤ᠂ ᠰᠢᠷᠠᠳᠠᠬᠤ ᠰᠢᠨᠠᠯᠬᠤ ᠪᠠᠨ | ᠠᠭᠢᠭᠠᠳ ᠯᠠ ᠢᠷᠡᠭᠦ ᠰᠠᠷᠠ ᠰᠢᠨᠡ ᠶᠢᠨ ᠡᠳᠤᠷ ᠤᠳ ᠢᠶᠠᠨ ᠴᠦ | ᠠᠷᠢᠭᠢᠨ ᠳᠤ ᠨᠤᠨᠳᠠᠭᠯᠠᠵᠤ ᠵᠠᠭᠤᠷᠠᠭᠠᠳ ᠭᠤᠳᠤᠷᠠᠵᠤ ᠤᠷᠭᠢ︕ | ᠤᠶᠢᠳᠬᠠᠷ ᠪᠤᠭᠢᠨᠢᠳᠤᠯ᠂ ᠭᠠᠭᠴᠠᠭᠠᠷᠳᠠᠯ᠂ ᠭᠠᠩᠰᠠᠷᠠᠯ᠂ ᠴᠥᠭᠦᠷᠡᠯ | ᠥᠩᠭᠡᠷᠡᠭᠰᠡᠨ᠂ ᠤᠳᠤ᠂ ᠢᠷᠡᠭᠡᠳᠤᠢ ᠶᠢᠨ | ᠡᠭᠡᠳᠡᠷᠭᠡᠨᠳᠥ ᠤᠴᠢᠷ ᠢᠶᠠᠨ ᠮᠠᠷᠳᠠᠬᠤ ᠶᠢᠨ ᠲᠥᠯᠥᠭᠡ | ᠡᠮᠥᠨᠡᠭᠢ ᠬᠤᠨᠳᠠᠭᠠ ᠲᠠᠢ ᠠᠷᠢᠭᠢ ᠪᠠᠨ ᠲᠠᠲᠠᠴᠢᠬᠠ︕ | ᠵᠥᠪᠭᠡᠨ ᠠᠷᠢᠭᠢ ᠯᠠ ᠲᠡᠭᠦᠨ ᠢ ᠮᠠᠷᠳᠠᠭᠤᠯᠵᠤ ᠴᠢᠳᠠᠨᠠ | ᠲᠤᠰᠢᠶᠠ ᠲᠠᠢ ᠲᠡᠮᠡᠭᠡ ᠴᠥᠮᠴᠢᠷᠡᠭᠦ ᠮᠡᠳᠤ ᠪᠤᠭᠤᠷᠤᠯ ᠡᠮᠧ | ᠲᠥᠯᠡᠭᠡᠨ ᠳᠤ ᠶᠠᠪᠤᠭᠠᠳ ᠡᠷᠭᠢᠵᠥ ᠢᠷᠡᠭᠡ ᠥᠭᠡᠢ ᠶᠢ ᠮᠠᠷᠳᠠᠵᠤ | ᠲᠤᠷᠭᠢᠯᠳᠤᠬᠤ ᠠᠳᠤᠭᠤᠳ ᠤᠨ ᠪᠥᠯᠢᠶᠡᠨ ᠠᠨᠢᠷ | ᠲᠥᠮᠡᠨ ᠪᠠᠷᠠ ᠶᠢᠨ ᠴᠠᠭᠠᠨᠠ ᠵᠠᠮᠬᠠᠷᠠᠵᠤ ᠶᠠᠪᠤᠭᠠ ᠶᠢ ᠮᠠᠷᠳᠠᠵᠤ | ᠲᠤᠷᠠᠯᠠᠭᠰᠠᠨ ᠭᠡᠥᠭᠡᠨ ᠤ ᠲᠠᠯᠮᠢᠶᠠᠷᠠᠭᠰᠠᠨ ᠨᠢᠳᠥ ᠮᠡᠳᠤ ᠮᠡᠯᠮᠡᠷᠡᠭᠦ | ᠲᠤᠮᠳᠠᠭᠤᠷ ᠲᠠᠪᠢᠯᠠᠩ ᠮᠡᠳᠤ ᠬᠤᠨᠳᠠᠭᠠ ᠲᠠᠢ ᠠᠷᠢᠭᠢ ᠪᠠᠨ ᠭᠥᠨᠳᠡᠷᠴᠢᠭᠡ︕ ᠲᠠᠨᠠᠷ ᠮᠢᠨᠢ | ᠵᠥᠪᠭᠡᠨ ᠠᠷᠢᠭᠢ ᠯᠠ ᠲᠡᠭᠦᠨ ᠢ ᠮᠠᠷᠳᠠᠭᠤᠯᠵᠤ ᠴᠢᠳᠠᠨᠠ | ᠪᠤᠰᠤᠳ ᠠᠴᠠ ᠪᠢᠳᠠ ᠶᠠᠭᠤ ᠪᠠᠷ ᠢᠶᠠᠨ ᠲᠤᠳᠠᠭᠤ ᠪᠠᠶᠢᠬᠤ ᠪᠠᠨ | ᠪᠤᠰᠤᠳ ᠠᠴᠠ ᠪᠢᠳᠠ ᠶᠠᠭᠤ ᠪᠠᠷ ᠢᠶᠠᠨ ᠢᠯᠡᠭᠦᠥ ᠪᠠᠶᠢᠬᠤ ᠪᠠᠨ ᠬᠤᠯᠠ ᠮᠠᠷᠳᠠᠵᠤ | ᠬᠠᠮᠤᠭ ᠤᠨ ᠴᠤᠭᠯᠢᠭ ᠶᠠᠳᠠᠭᠤᠷᠠᠯ ᠢᠶᠠᠨ ᠮᠠᠷᠳᠠᠵᠤ | ᠬᠠᠮᠤᠭ ᠤᠨ ᠭᠡᠶᠢᠮᠤᠷᠢᠯᠢᠭ ᠴᠠᠭᠠᠴᠢᠯᠠᠯ ᠢᠶᠠᠨ ᠮᠠᠷᠳᠠᠵᠤ | ᠡᠷᠡᠭᠦᠯ ᠰᠠᠷᠠᠭᠤᠯ ᠳᠠᠭᠠᠨ ᠵᠢᠷᠥᠭᠡᠯᠡᠵᠥ ᠭᠡᠯᠡᠵᠥ ᠴᠢᠳᠠᠭᠠ ᠥᠭᠡᠢ | ᠬᠤᠪᠳᠤᠯ ᠳᠤ ᠲᠤᠨᠤᠭᠰᠠᠨ ᠵᠢᠩ ᠲᠠᠢ ᠵᠥᠩ ᠲᠠᠢ ᠥᠭᠡ ᠪᠠᠨ | ᠬᠤᠨᠳᠠᠭᠠ ᠬᠤᠨᠳᠠᠭᠠ ᠠᠷᠢᠭᠢ ᠪᠠᠷ ᠥᠷᠭᠦᠭᠡᠨ ᠪᠤᠰᠬᠠᠵᠤ | ᠤᠳᠤ ᠡᠨᠡ ᠯᠠ ᠰᠢᠷᠡᠭᠡᠨ ᠲᠡᠭᠡᠷᠡ ᠴᠢᠳᠬᠤᠭᠠᠳ ᠠᠯᠢ︕ | ᠡᠭᠡ ᠤᠷᠤᠨ ᠮᠢᠨᠢ ᠬᠠᠳᠠᠭᠰᠠᠨ ᠲᠤᠷᠤᠰᠬᠠ ᠮᠡᠳᠤ ᠠᠳᠤᠷᠢᠵᠤ | ᠡᠭᠡᠰᠢᠭ ᠭᠡᠶᠢᠭᠦᠯᠥᠭᠴᠢ ᠮᠢᠨᠢ ᠬᠠᠭᠤᠴᠢᠷᠡᠠᠭᠰᠠᠨ ᠲᠠᠸᠠᠷ ᠮᠡᠳᠤ | ᠭᠢᠮᠳᠠᠷᠠᠵᠤ ᠶᠠᠪᠤᠭᠠ ᠶᠢ ᠪᠥᠷ ᠮᠠᠷᠳᠠᠵᠤ | ᠢᠩᠭᠡᠨ ᠰᠥ ᠲᠡᠪᠡᠷᠡᠳᠡᠭ ᠰᠢᠷᠡᠮᠥᠨ ᠲᠤᠭᠤᠭᠠ ᠵᠢᠪᠡᠷᠡᠭᠰᠡᠨ ᠢ | ᠡᠵᠢ ᠶᠢᠨ ᠮᠢᠨᠢ ᠰᠠᠨᠠᠭᠠ ᠠᠯᠳᠠᠯᠳᠠ ᠭᠥᠢᠳᠡᠨ ᠤᠷᠤᠰᠬᠠᠯ ᠪᠤᠯᠵᠤ ᠬᠤᠪᠢᠯᠤᠭᠰᠠᠨ ᠢ | ᠡᠳᠥᠭᠡ ᠪᠢᠳᠠ ᠭᠤᠶᠤ ᠮᠠᠷᠳᠠᠵᠤ ᠭᠤᠶᠤ ᠰᠤᠭᠳᠤᠵᠠᠭᠠᠶᠠ︕ | ᠵᠥᠪᠭᠡᠨ ᠠᠷᠢᠭᠢ ᠯᠠ ᠲᠡᠭᠦᠨ ᠢ ᠠᠪᠤᠷᠠᠵᠤ ᠴᠢᠳᠠᠨᠠ ᠭᠡᠵᠥ | ᠮᠥᠭᠦᠯ ᠤᠨ ᠷᠠᠳᠢᠣ᠋ ᠶᠠᠷᠢᠵᠤ ᠪᠠᠶᠢᠨᠠ | ᠵᠥᠪᠭᠡᠨ ᠠᠷᠢᠭᠢ ᠯᠠ ᠁ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |