| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠵᠡᠭᠦᠳᠥ ᠤᠴᠢᠷ ᠲᠠᠢ ᠵᠡᠭᠦᠥ ᠰᠥᠪᠡᠭᠴᠢ ᠲᠠᠢ | ︵ᠠᠷᠠᠳ ᠤᠨ ᠴᠡᠴᠡᠨ ᠥᠭᠡ︶ | ᠡᠵᠢ ᠶᠢᠨ ᠠᠶᠠᠭᠠ ᠲᠠᠢ ᠴᠠᠶᠢᠨ ᠳᠤ | ᠴᠠᠩᠭᠠᠭᠰᠠᠨ ᠲᠡᠭᠷᠢ ᠮᠡᠯᠳᠡᠭᠡᠨᠡᠵᠤ | ᠡᠪᠤᠭᠡᠳ ᠤᠨ ᠪᠤᠭᠤᠷᠤᠯ ᠵᠤᠭᠤᠭ ᠲᠤ | ᠲᠡᠥᠭᠡ ᠶᠢᠨ ᠠᠨᠢᠷ ᠭᠥᠪᠥᠷᠢᠨᠡ | ᠡᠩᠭᠡᠷ ᠤᠨ ᠮᠥᠩᠭᠦᠨ ᠲᠤᠪᠴᠢᠨ ᠳᠤ | ᠨᠠᠷᠠᠨ ᠤ ᠲᠤᠶᠠᠭᠠ ᠭᠠᠯᠭᠢᠵᠤ | ᠢᠩᠭᠡᠨ ᠴᠠᠭᠠᠨ ᠪᠤᠶᠢᠯᠠᠭᠠᠨ ᠳᠤ | ᠬᠤᠨᠢᠨ ᠵᠡᠷᠭᠡᠯᠭᠡᠨ ᠪᠤᠴᠠᠯᠤᠨᠠ | ᠮᠤᠳᠤᠨ ᠲᠤᠮᠪᠤ ᠲᠠᠢ ᠠᠶᠢᠷᠠᠭ | ᠪᠥᠰᠡᠯᠡᠭᠦᠷ ᠲᠡᠶᠢᠷᠴᠤ ᠱᠤᠤᠭᠢᠨᠠ | ᠮᠥᠩᠭᠦᠨ ᠭᠥᠴᠡ ᠮᠡᠭᠦᠶᠢᠯᠭᠡᠵᠥ | ᠬᠤᠭᠤᠷ ᠤᠨ ᠴᠢᠪᠬᠠᠳᠠᠰᠤ ᠲᠤᠶᠢᠯᠠᠨᠠ | ᠮᠥᠩᠭᠡ ᠭᠠᠯ ᠤᠨ ᠰᠤᠷ ᠲᠡᠭᠡᠷᠡ | ᠤᠷᠳᠤ ᠶᠢᠨ ᠲᠠᠭᠤᠤ ᠲᠠᠷᠭᠢᠯᠤᠨᠠ | ᠮᠥᠨᠳᠥᠷ ᠴᠠᠭᠠᠨ ᠭᠡᠷ ᠲᠤ | ᠲᠡᠭᠷᠢ ᠶᠢᠨ ᠠᠶᠠᠯᠭᠤ ᠬᠠᠷᠭᠢᠶᠠᠳᠤᠨᠠ | ᠤᠯᠠᠭᠠᠨ ᠨᠠᠪᠴᠢ ᠰᠢᠵᠢᠭᠢᠨᠡᠭᠦᠯᠵᠥ | ᠨᠠᠮᠤᠷ ᠤᠨ ᠴᠢᠮᠡᠭᠡ ᠠᠨᠢᠷᠳᠠᠬᠤᠢ | ᠠᠭᠤᠯᠠ ᠶᠢᠨ ᠪᠤᠭᠤ ᠮᠥᠷᠭᠦᠯᠳᠥᠵᠥ | ᠠᠯᠲᠠᠢ ᠶᠢᠨ ᠴᠠᠰᠤ ᠭᠡᠭᠵᠡᠷᠡᠭᠦᠢ | ᠤᠷᠭᠠ ᠶᠢᠨ ᠬᠤᠶᠢᠪᠢ ᠲᠤᠰᠤᠩᠭᠠᠷᠠᠵᠤ | ᠠᠳᠤᠭᠤᠨ ᠤ ᠲᠡᠯ ᠲᠠᠭᠠᠭᠢᠷᠠᠬᠤᠢ | ᠤᠨᠠᠭᠰᠠᠨ ᠪᠥᠭᠡ ᠶᠢᠨ ᠤᠷᠤᠮ ᠲᠡᠭᠡᠷᠡ | ᠭᠡᠨᠵᠡ ᠢᠷᠭᠤᠢ ᠲᠤᠷᠮᠤᠯᠵᠠᠬᠤᠢ | ᠤᠳᠤᠭᠠ ᠵᠠᠭᠤᠭᠰᠠᠨ ᠢᠰᠡᠭᠡᠢ ᠮᠡᠳᠤ | ᠡᠭᠦᠯᠡᠰ ᠴᠡᠴᠡᠭᠯᠡᠵᠥ | ᠲᠠᠳᠠᠯᠭᠠᠨ ᠮᠤᠩᠭᠤᠯ ᠥᠰᠥᠭ ᠮᠡᠳᠤ | ᠠᠶᠤᠩᠭᠠ ᠴᠠᠭᠢᠯᠤᠨᠠ | ᠤᠶᠠᠩᠭᠠ ᠶᠢᠨ ᠪᠤᠯᠤᠷ ᠰᠢᠯᠥᠭ ᠮᠡᠳᠤ | ᠪᠤᠷᠤᠭᠠᠨ ᠴᠢᠳᠬᠤᠯᠠᠵᠤ | ᠲᠠᠩᠭᠠᠷᠠᠬᠤ ᠠᠳᠤᠭᠤᠨ ᠤ ᠲᠡᠯ ᠮᠡᠳᠤ | ᠡᠪᠡᠰᠤ ᠬᠤᠶᠢᠯᠠᠷᠠᠨᠠ | ᠰᠠᠷᠠᠨ ᠤ ᠨᠠᠨᠳᠢᠨ ᠨᠢᠯᠪᠤᠰᠤᠨ ᠳᠤ | ᠴᠡᠴᠡᠭ ᠤᠨ ᠮᠡᠯᠮᠡᠢ ᠠᠷᠢᠭᠤᠰᠴᠣ | ᠰᠠᠷᠬᠤᠳ ᠤᠨ ᠲᠤᠩᠭᠠᠯᠠᠭ ᠲᠥᠯᠥᠨ ᠳᠤ | ᠵᠢᠷᠥᠭᠡᠨ ᠤ ᠥᠭᠡᠰ ᠲᠥᠷᠡᠯᠵᠡᠨᠡ | ᠰᠠᠭᠠᠬᠠᠯᠳᠠ ᠶᠢᠨ ᠠᠳᠤᠭᠤᠨ ᠤ ᠵᠡᠯᠡᠨ ᠳᠤ | ᠠᠮᠠᠷᠠᠭ ᠤᠨ ᠮᠥᠷᠥᠭᠡᠰᠥᠯ ᠴᠤᠪᠬᠤᠴᠢᠵᠥ | ᠰᠠᠭᠠᠯᠢ ᠶᠢᠨ ᠠᠮᠳᠠ ᠲᠠᠢ ᠤᠷᠤᠭᠤᠯ | ᠬᠤᠨᠳᠠᠭᠠᠨ ᠤ ᠢᠷᠮᠡᠭ ᠲᠡᠭᠡᠷᠡ ᠴᠡᠮᠴᠡᠭᠡᠨᠡᠨᠡ | ᠵᠢᠷᠠᠨ ᠤ ᠰᠢᠷᠭᠠᠯ ᠪᠥᠷᠢᠳᠤᠨ ᠳᠤ | ᠡᠭᠦᠯᠡᠨ ᠤ ᠭᠠᠯᠪᠢᠷ ᠴᠠᠷᠴᠠᠵᠤ | ᠵᠡᠯᠡᠯᠡᠭᠰᠡᠨ ᠰᠢᠪᠠᠭᠤᠳ ᠤᠨ ᠪᠠᠷᠠ | ᠵᠢᠷᠭᠠᠯ ᠤᠨ ᠭᠢᠵᠠᠭᠠᠷ ᠲᠤ ᠵᠠᠮᠬᠠᠷᠠᠨᠠ | ᠵᠡᠭᠡᠷᠡ ᠶᠢᠨ ᠴᠠᠭᠢᠮ ᠰᠢᠯᠪᠢᠨ ᠳᠤ | ᠭᠤᠪᠢ ᠶᠢᠨ ᠭᠡᠶᠢᠮᠥᠷᠢ ᠤᠴᠢᠯᠠᠵᠤ | ᠵᠢᠮᠢᠢᠭᠰᠡᠨ ᠪᠤᠷᠬᠠᠨ ᠤ ᠰᠤᠷᠮᠤᠤᠰᠤᠨ ᠳᠤ | ᠴᠠᠭ ᠤᠨ ᠵᠢᠷᠤᠬᠠᠢ ᠪᠤᠭᠤᠷᠤᠯᠳᠤᠨᠠ | ᠵᠠᠭ ᠤᠨ ᠵᠠᠳᠠᠭᠠᠢ ᠭᠠᠯ ᠳᠤ | ᠰᠢᠪᠠᠭᠤᠳ ᠤᠨ ᠵᠢᠷᠭᠢᠭᠡ ᠪᠥᠯᠢᠶᠡᠰᠭᠦᠢ | ᠽᠠᠨᠳᠠᠨ ᠤ ᠲᠤᠷᠭᠠᠨ ᠨᠠᠪᠴᠢᠨ ᠳᠤ | ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠱᠠᠷᠭᠢᠯᠠᠬᠤᠢ | ᠽᠠᠮᠪᠤᠯᠢᠩ ᠤᠨ ᠠᠯᠳᠠᠨ ᠲᠤᠭᠤᠨᠤᠨ ᠳᠤ | ᠲᠠᠪᠢᠯᠠᠩ ᠤᠨ ᠬᠠᠳᠠᠭ ᠰᠡᠮᠡᠷᠡᠭᠦᠢ | ᠵᠠᠮ ᠤᠨ ᠴᠢᠨᠳᠠᠮᠤᠨᠢ ᠥᠵᠥᠭᠦᠷ ᠲᠤ | ᠢᠷᠥᠭᠡᠯ ᠤᠨ ᠬᠤᠯᠠᠨ ᠲᠤᠩᠭᠤᠷᠠᠬᠤᠢ | ᠴᠠᠭᠢᠯᠬᠤ ᠴᠠᠭ ᠤᠨ ᠤᠭᠳᠠᠷᠭᠤᠢ ᠳᠤ | ᠲᠤᠷᠤᠨᠠ ᠶᠢᠨ ᠰᠤᠯᠤᠩᠭᠠ ᠭᠥᠪᠴᠢᠷᠡᠵᠥ | ᠴᠠᠯᠭᠢᠬᠤ ᠮᠥᠷᠡᠨ ᠤ ᠠᠮᠢᠰᠬᠤᠯ ᠳᠤ | ᠲᠤᠮᠤᠭ ᠤᠨ ᠪᠢᠳᠡᠭᠦᠥ ᠲᠠᠶᠢᠯᠤᠷᠠᠨᠠ | ᠴᠠᠮᠨᠠᠬᠤ ᠪᠥᠭᠡ ᠶᠢᠨ ᠰᠤᠪᠢᠩ ᠮᠡᠳᠤ | ᠮᠤᠷᠢᠨ ᠴᠠᠭ ᠤᠨ ᠵᠡᠭᠦᠳᠥ | ᠴᠠᠪᠴᠢᠬᠤ ᠢᠯᠳᠤᠨ ᠤ ᠤᠮᠤᠭ ᠮᠡᠳᠤ | ᠮᠤᠩᠭᠤᠯ ᠤᠨ ᠵᠠᠶᠠᠭᠠ ᠪᠠᠳᠠᠷᠠᠨᠠ ᠡ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |