| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠠᠭᠤᠯᠵᠠᠬᠤ ᠦᠭᠡᠢ ᠭᠡᠰᠡᠨ ᠭᠥᠮᠥᠨ ᠲᠠᠢ ᠭᠤᠷᠪᠠ ᠠᠭᠤᠯᠵᠠᠳᠠᠭ | ᠶᠠᠪᠤᠬᠤ ᠦᠭᠡᠢ ᠭᠡᠰᠡᠨ ᠭᠠᠵᠠᠷ ᠢᠶᠠᠨ ᠭᠤᠷᠪᠠ ᠶᠠᠪᠤᠳᠠᠭ | ᠤᠤᠭᠤᠬᠤ ᠦᠭᠡᠢ ᠭᠡᠰᠡᠨ ᠠᠶᠠᠭᠠᠨ ᠠᠴᠠ ᠪᠠᠨ ᠭᠤᠷᠪᠠ ᠤᠤᠭᠤᠳᠠᠭ | — ᠠᠷᠠᠳ ᠤᠨ ᠴᠡᠴᠡᠨ ᠥᠭᠡ | ︽ᠥᠪᠡᠷ ᠤᠨ ᠲᠤᠷᠠ ᠪᠠᠷ ᠪᠤᠯᠳᠠᠭ ᠦᠭᠡᠢ | ᠥᠢᠯᠡ ᠶᠢᠨ ᠡᠷᠭᠡ ᠪᠠᠷ ᠪᠤᠯᠳᠠᠭ︾ | — ᠳ᠋᠊᠂ ᠷᠠᠪᠵᠠᠢ | | ᠲᠤᠷᠠ ᠲᠠᠢ ᠴᠦ ᠲᠤᠷᠠ ᠦᠭᠡᠢ ᠴᠦ ᠡᠨᠡ ᠬᠤᠷᠸᠠ ᠳᠤ | ᠪᠢᠳᠠ ᠠᠮᠢᠳᠤ ᠶᠠᠪᠤᠵᠤ ᠪᠠᠶᠢᠨᠠ | ᠲᠤᠮᠳᠠᠭᠤᠷ ᠲᠥᠭᠦᠷᠡᠩ ᠴᠦ ᠵᠠᠶᠠᠭᠠᠨ ᠤ ᠪᠠᠨ ᠡᠷᠭᠡ ᠪᠠᠷ | ᠪᠢᠳᠠ ᠮᠥᠴᠢ ᠲᠡᠴᠢ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ | ᠲᠤᠷᠠᠯᠠᠭᠰᠠᠨ ᠲᠤᠷᠠᠯᠠᠭᠠ ᠦᠭᠡᠢ ᠴᠦ ᠪᠥᠰᠡᠭᠦᠢ ᠪᠥᠭᠦᠨ | ᠪᠢᠳᠠᠨ ᠳᠤ ᠲᠠᠭᠠᠯᠠᠭᠳᠠᠵᠤ ᠪᠠᠶᠢᠨᠠ | ᠲᠤᠤᠭᠠᠷᠤᠭᠰᠠᠨ ᠲᠤᠤᠭᠠᠷᠤᠭᠠ ᠦᠭᠡᠢ ᠴᠦ ᠡᠷᠭᠡ ᠴᠢᠯᠥᠭᠡ | ᠪᠢᠳᠠᠨ ᠳᠤ ᠥᠭᠡᠶᠢᠯᠡᠭᠳᠡᠵᠥ ᠪᠠᠶᠢᠨᠠ | | ᠭᠡᠯᠡᠶᠡ ᠭᠡᠰᠡᠨ ᠥᠭᠡ ᠭᠡᠯᠡᠨ ᠲᠤᠤᠷᠠ | ᠰᠤᠬᠤᠷ ᠨᠤᠮᠤᠨ ᠮᠡᠳᠤ ᠪᠥᠳᠡᠵᠥ ᠥᠭᠦᠭᠦ ᠶᠤᠮ | ᠭᠢᠶᠡ ᠭᠡᠰᠡᠨ ᠠᠵᠢᠯ᠂ ᠪᠤᠳᠤᠯ ᠤᠨ ᠲᠤᠳᠤᠷᠠ | ᠰᠤᠯᠤᠭᠠᠢ ᠵᠠᠶᠠᠭᠠ ᠮᠡᠳᠤ ᠲᠠᠷᠴᠢᠯᠠᠨ ᠵᠤᠪᠠᠭ᠋ᠤ ᠶᠤᠮ | ᠭᠥᠷᠥᠶᠡ ᠭᠡᠰᠡᠨ ᠭᠠᠵᠠᠷ᠂ ᠮᠥᠷᠥᠭᠡᠳᠥᠯ ᠤᠨ ᠲᠡᠷᠳᠡᠭᠡ | ᠭᠡᠭᠡᠷᠡ ᠶᠢᠨ ᠭᠥᠷᠥᠭᠡᠰᠥ ᠮᠡᠳᠤ ᠴᠠᠭᠢᠯᠵᠤ ᠬᠤᠯᠠᠳᠬᠤ ᠶᠤᠮ | ᠭᠥᠷᠳᠡᠶᠡ ᠭᠡᠰᠡᠨ ᠭᠡᠰᠢᠭ᠂ ᠵᠡᠭᠦᠳᠥᠨ ᠤ ᠭᠢᠵᠠᠭᠠᠷ | ᠭᠡᠢ ᠥᠵᠡᠭᠳᠡᠯ ᠮᠡᠳᠤ ᠵᠠᠮᠬᠠᠷᠠᠵᠤ ᠤᠳᠬᠤ ᠶᠤᠮ | | ᠲᠡᠮᠡᠭᠡ ᠭᠡᠳᠥᠢ ᠲᠤᠮᠤ ᠪᠠᠶᠢᠭᠰᠠᠨ ᠴᠦ | ᠪᠤᠷᠠᠨᠳᠠᠭ ᠤᠨ ᠢᠶᠠᠨ ᠠᠶᠠᠰ ᠢᠶᠠᠷ ᠶᠠᠪᠤᠨᠠ | ᠵᠠᠭᠠᠨ ᠭᠡᠳᠥᠢ ᠭᠥᠴᠥᠳᠡᠢ ᠪᠠᠶᠢᠭᠰᠠᠨ ᠴᠦ | ᠵᠠᠮ ᠤᠨ ᠢᠶᠠᠨ ᠠᠶᠠᠰ ᠢᠶᠠᠷ ᠭᠡᠯᠳᠥᠷᠢᠨᠡ | ᠰᠢᠪᠠᠭᠤ ᠭᠡᠳᠥᠢ ᠴᠢᠯᠥᠭᠡᠳᠡᠢ ᠪᠠᠶᠢᠭᠰᠠᠨ ᠴᠦ | ᠤᠯᠠᠷᠢᠯ ᠤᠨ ᠢᠶᠠᠨ ᠠᠶᠠᠰ ᠢᠶᠠᠷ ᠨᠡᠭᠦᠭᠡᠯᠳᠥᠨᠡ | ᠭᠥᠮᠥᠨ ᠭᠡᠳᠥᠢ ᠤᠬᠠᠭᠠᠨ ᠲᠠᠢ ᠪᠠᠶᠢᠭᠰᠠᠨ ᠴᠦ | ᠽᠠᠮᠪᠤᠯᠢᠩ ᠤᠨ ᠠᠶᠠᠰ ᠢᠶᠠᠷ ᠲᠤᠭᠳᠠᠯᠴᠠᠨᠠ | | ᠠᠷᠢᠯᠤᠭᠰᠠᠨ ᠪᠤᠷᠬᠠᠨ ᠢᠶᠠᠨ ᠥᠪᠡᠷ ᠢᠶᠠᠨ ᠪᠥᠳᠥᠭᠡᠭᠡᠳ | ᠥᠮᠡᠭᠡᠢ ᠴᠤᠬᠤ ᠮᠡᠳᠤ ᠲᠤᠩᠭᠤᠯᠵᠠᠨᠠᠮ᠂ ᠪᠢᠳᠠ | ᠠᠯᠳᠠᠨ ᠵᠤᠭᠤᠰ ᠢᠶᠠᠨ ᠥᠪᠡᠷ ᠢᠶᠠᠨ ᠴᠢᠳᠬᠤᠭᠠᠳ | ᠥᠯᠥᠨ ᠪᠠᠷᠰ ᠮᠡᠳᠤ ᠰᠢᠩᠰᠢᠯᠡᠨᠡᠮ᠂ ᠪᠢᠳᠠ | ᠤᠯᠤᠰ ᠲᠥᠷᠥ ᠪᠠᠨ ᠥᠪᠡᠷ ᠢᠶᠠᠨ ᠡᠭᠦᠰᠭᠡᠭᠡᠳ | ᠷᠤᠮ ᠤᠨ ᠪᠤᠭᠤᠯ ᠮᠡᠳᠤ ︽ᠶᠠᠯᠠᠯᠠᠭᠳᠠᠨᠠᠮ︾᠂ ᠪᠢᠳᠠ | ᠤᠷᠬᠠᠭ ᠨᠢᠭᠦᠯ ᠢᠶᠠᠨ ᠥᠪᠡᠷ ᠢᠶᠠᠨ ᠥᠢᠯᠡᠳᠥᠭᠡᠳ | ᠲᠠᠮᠤ ᠶᠢᠨ ᠠᠮᠢᠳᠠᠨ ᠮᠡᠳᠤ ᠰᠢᠨᠠᠯᠤᠨᠠᠮ᠂ ᠪᠢᠳᠠ | | ᠰᠠᠷᠭᠠᠢ ᠴᠡᠴᠡᠭ ᠤᠨ ᠥᠷᠭᠡᠰᠥ ᠲᠠᠢ ᠶᠢ ᠮᠡᠳᠡᠭᠰᠡᠭᠡᠷ ᠠᠳᠠᠯᠠ | ᠰᠠᠶᠢᠬᠠᠨ ᠪᠥᠰᠡᠭᠦᠢ ᠳᠤ ᠬᠠᠶᠢᠷᠠ ᠪᠠᠨ ᠢᠯᠡᠴᠢᠯᠡᠭᠦ ᠭᠡᠮᠡᠨ | ᠬᠠᠳᠬᠤᠯᠤᠨ ᠰᠢᠪᠡᠭᠦᠯᠥᠨ | ᠲᠠᠴᠢᠶᠠᠳᠠᠨ ᠲᠠᠰᠤᠳᠠᠭᠰᠠᠭᠠᠷ ᠪᠠᠶᠢᠬᠤ ᠶᠤᠮ | ᠰᠠᠨᠰᠠᠷ ᠬᠤᠷᠸᠠ ᠶᠢᠨ ᠮᠥᠩᠭᠡ ᠪᠤᠰᠤ ᠶᠢ ᠮᠡᠳᠡᠭᠰᠡᠭᠡᠷ ᠠᠳᠠᠯᠠ | ᠰᠠᠯᠠᠭᠠ ᠨᠠᠮᠠᠭᠠ ᠠᠴᠠ ᠪᠠᠨ ᠰᠡᠭᠦᠯᠴᠢ ᠶᠢᠨ ᠨᠠᠪᠴᠢ | ᠰᠠᠯᠠᠭᠠᠨᠠᠨ ᠲᠡᠭᠦᠵᠢᠩᠨᠡᠨ | ᠥᠭᠦᠨ ᠵᠠᠭᠤᠷᠠᠯᠳᠤᠭᠰᠠᠭᠠᠷ ᠪᠠᠶᠢᠬᠤ ᠶᠤᠮ | | ᠰᠠᠷᠠ ᠨᠢ ᠭᠠᠷᠥᠭᠠᠳ ᠢᠷᠡᠭᠦᠯᠡᠷ | ᠨᠠᠷᠠ ᠨᠢ ᠵᠢᠷᠭᠠᠭᠠᠳ ᠤᠳᠴᠢᠬᠠᠬᠤ ᠶᠤᠮ | ᠨᠠᠷᠠᠨ ᠨᠢ ᠮᠠᠨᠳᠤᠭᠠᠳ ᠭᠠᠷᠬᠤᠯᠠᠷ | ᠰᠠᠷᠠ ᠨᠢ ᠪᠥᠳᠡᠭᠢᠷᠡᠭᠡᠳ ᠶᠠᠪᠤᠴᠢᠬᠠᠬᠤ ᠶᠤᠮ | ᠰᠠᠨᠠᠭᠠ ᠪᠠᠷ ᠢᠶᠠᠨ ᠤᠳᠤ ᠨᠢᠭᠡ ︽ᠰᠠᠪᠠᠶᠠ︾ ᠳ᠋ᠠ ᠭᠡᠭᠦᠯᠡᠷ | ᠰᠠᠨᠴᠢᠭ ᠤᠨ ᠥᠵᠥᠭᠦᠷ ᠭᠢᠷᠠᠭᠤ ᠤᠨᠠᠴᠢᠬᠠᠬᠤ ᠶᠤᠮ | ᠨᠠᠰᠤ ᠪᠠᠷ ᠢᠶᠠᠨ ᠨᠢᠭᠡ ᠵᠢᠷᠭᠠᠶᠠ ᠳ᠋ᠠ ᠭᠡᠭᠦᠯᠡᠷ | ᠥᠭᠦᠯ ᠳᠤ ᠴᠠᠯᠮᠠᠳᠠᠭᠤᠯᠤᠭᠠᠳ ᠲᠠᠭᠤᠰᠬᠤ ᠶᠤᠮ | | ᠥᠭᠡᠳᠡ ᠪᠠᠨ ᠬᠠᠷᠠᠭᠠᠳ ᠭᠡᠪᠳᠡᠭᠦ ᠳᠤ | ᠭᠠᠵᠠᠷ ᠨᠢ ᠠᠷᠥ ᠳᠤ ᠭᠠᠷᠴᠢᠬᠠᠬᠤ ᠶᠤᠮ | ᠤᠷᠤᠭᠤ ᠪᠠᠨ ᠬᠠᠷᠠᠭᠠᠳ ᠭᠡᠪᠳᠡᠭᠦ ᠳᠤ | ᠲᠡᠭᠷᠢ ᠨᠢ ᠲᠡᠭᠡᠷᠡ ᠭᠠᠷᠴᠢᠬᠠᠬᠤ ᠶᠤᠮ | ᠨᠢᠭᠡ ᠶᠢ ᠤᠯᠤᠭᠠᠳ ᠠᠪᠬᠤ ᠳᠤ | ᠨᠥᠭᠦᠭᠡ ᠶᠢ ᠠᠯᠳᠠᠭᠠᠳ ᠪᠠᠶᠢᠬᠤ ᠶᠤᠮ | ᠨᠡᠯᠮᠡᠭᠡᠷ ᠭᠥᠢᠳᠡᠨ ᠤᠷᠴᠢᠯᠠᠩ ᠳᠤ | ᠭᠢᠰᠠᠭᠠᠨ ᠢᠶᠠᠷ ᠲᠥᠭᠦᠷᠥᠭᠡᠳ ᠪᠠᠶᠢᠬᠤ ᠶᠤᠮ | | ᠵᠤᠪᠠᠯᠠᠩ ᠮᠠᠳᠤ ᠥᠨᠡᠨ᠂ ᠵᠢᠷᠭᠠᠯᠠᠩ ᠮᠡᠳᠤ ᠬᠠᠭᠤᠷᠮᠠᠭ | ᠭᠠᠴᠢᠯᠠᠩᠳᠤ ᠡᠨᠡ ᠲᠡᠯᠡᠭᠡᠢ ᠳᠤ | ᠰᠢᠯᠳᠠᠭᠠᠨ ᠮᠡᠳᠤ ᠥᠯᠥ ᠪᠠᠷᠠᠭᠳᠠᠬᠤ᠂ ᠰᠥᠨᠤᠯ ᠮᠡᠳᠤ ᠥᠯᠥ ᠲᠠᠭᠤᠰᠬᠤ | ᠭᠥᠮᠥᠨ ᠤ ᠲᠠᠪᠢᠯᠠᠩ ᠭᠥᠪᠥᠷᠢᠨᠡ | ᠭᠠᠴᠢᠯᠠᠩ ᠤᠨ ᠲᠠᠭᠤᠨ ᠭᠠᠭᠴᠠ ᠬᠤᠷᠤᠮ ᠴᠦ | ᠥᠯᠥ ᠲᠠᠰᠤᠯᠳᠠᠬᠤ ᠭᠠᠵᠠᠷ ᠲᠡᠯᠡᠭᠡᠢ ᠳᠤ | ᠭᠠᠢ ᠯᠠᠴᠢᠭ᠂ ᠭᠠᠯᠵᠠᠭᠤ ᠴᠡᠩᠭᠡᠯ | ᠡᠳᠥᠷ ᠰᠥᠨᠢ ᠮᠡᠳᠤ ᠡᠭᠡᠯᠵᠢᠯᠡᠨᠡ | | ᠲᠤᠷᠠ ᠦᠭᠡᠢ ᠶᠠᠭᠤᠮᠠᠨ ᠤ ᠪᠠᠨ ᠲᠥᠯᠥᠭᠡ ᠪᠢᠳᠠ | ᠲᠤᠷᠠᠳᠠᠢ ᠶᠤᠮ ᠰᠢᠭ᠋ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ | ᠲᠤᠷᠠᠯᠠᠭᠰᠠᠨ ᠶᠠᠭᠤᠮᠠᠨ ᠤ ᠪᠠᠨ ᠲᠥᠯᠥᠭᠡ ᠪᠢᠳᠠ | ᠰᠠᠨᠠᠭᠠ ᠲᠤᠮᠳᠠᠭᠤᠷ ᠶᠠᠪᠤᠵᠤ ᠪᠠᠶᠢᠨᠠ | ᠲᠤᠷᠠ ᠦᠭᠡᠢ ᠶᠠᠭᠤᠮᠠᠨ ᠤ ᠪᠠᠨ ᠲᠥᠯᠥᠭᠡ ᠪᠢᠳᠠ | ᠬᠤᠨᠳᠠᠭᠠ ᠪᠠᠨ ᠲᠤᠯᠭᠠᠶᠠ | ᠲᠤᠷᠠ ᠲᠠᠢ ᠲᠤᠷᠠ ᠦᠭᠡᠢ ᠴᠦ | ᠡᠨᠡ ᠬᠤᠷᠸᠠ ᠲᠠᠢ ᠡᠪᠯᠡᠷᠡᠵᠥ ᠠᠮᠢᠳᠤᠷᠠᠶᠠ︕ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |