| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠪᠠᠭᠠᠳᠤᠷ ᠥᠭᠡᠢ ᠴᠠᠭ ᠡᠷᠢᠨ ᠳᠤ | ᠪᠠᠭᠠᠳᠤᠷ ᠤᠳ ᠢᠶᠠᠨ ᠥᠭᠡᠶᠢᠯᠡᠵᠥ ᠪᠢᠴᠢᠯᠡ | ᠪᠠᠭᠠᠳᠤᠷ ᠤᠳ ᠭᠡᠷᠡᠭ ᠥᠭᠡᠢ ᠪᠢᠰᠢ ᠡ | ᠪᠠᠭᠠᠳᠤᠷ ᠤᠳ ᠪᠠᠶᠢᠬᠤ ᠥᠭᠡᠢ ᠪᠠᠶᠢᠨᠠ | — ᠵᠤᠭᠢᠶᠠᠭᠴᠢ ᠮᠢᠨᠤ ᠪᠠᠶᠢᠩᠭᠤ ᠶᠢᠨ ᠪᠤᠳᠤᠯ | ᠲᠡᠷᠡ ᠴᠢᠨᠢ ᠲᠠᠨᠠᠷ ᠪᠢᠰᠢ ᠪᠠᠭᠠᠳᠤᠷ ᠤᠳ ᠪᠠᠶᠢᠭᠰᠠᠨ ᠶᠤᠮ | — ᠯᠧᠷᠮᠤᠨ᠋ᠲ᠋ᠤᠸ᠋ ᠶᠢᠨ ︽ᠪᠤᠷᠤᠳᠢᠨᠤ᠋︾ ᠰᠢᠯᠥᠭ ᠠᠴᠠ | ᠪᠠᠶᠠᠨ ᠰᠥᠮᠪᠤᠷ ᠤᠨ ᠮᠢᠨᠢ ᠨᠤᠶᠠᠨ ᠰᠠᠷᠢᠳᠠᠭ | ᠤᠳᠤᠭᠠᠨ ᠳᠤ ᠬᠠᠭ᠋ᠠᠬᠤ ᠶᠢ ᠥᠵᠡᠭᠦ ᠲᠤᠷᠠ ᠥᠭᠡᠢ ᠰᠢᠭ | ᠪᠠᠭᠠᠳᠤᠷᠴᠤᠳ ᠤᠨ ᠢᠶᠠᠨ ᠨᠡᠷᠡ ᠶᠢ ᠪᠢ | ᠬᠤᠭᠤᠯᠵᠤ ᠭᠭᠢᠷᠳᠥᠭᠡᠭᠦ ᠲᠤᠷᠠ ᠥᠭᠡᠢ ᠡ | ᠪᠠᠷᠠᠭᠠᠨ ᠤᠷᠴᠢᠯᠠᠩ ᠢ ᠵᠢᠷᠥᠭᠡ ᠪᠠᠷ ᠢᠶᠠᠨ ᠵᠥᠰᠥᠭᠰᠡᠨ | ᠪᠠᠭᠠᠳᠤᠷ ᠲᠠᠶᠢᠴᠢᠨ ᠭᠥᠮᠥᠰ | ᠪᠠᠷᠰ ᠠᠷᠰᠯᠠᠨ ᠮᠡᠳᠤ᠂ ᠬᠠᠷᠴᠠᠭᠠᠢ ᠱᠤᠩᠬᠤᠷ ᠮᠡᠳᠤ | ᠠᠯᠮᠠᠰ ᠡᠷᠳᠡᠨᠢ ᠮᠡᠳᠤ ᠬᠤᠪᠤᠷᠬᠠᠨ ᠪᠠᠶᠢᠳᠠᠭ | ᠪᠠᠭᠠᠳᠤᠷᠴᠤᠳ ᠢ ᠭᠡᠰᠡᠷ ᠵᠢᠩᠭᠠᠷ ᠮᠡᠳᠤ | ᠥᠯᠥ ᠢᠯᠠᠭᠳᠠᠬᠤ ᠶᠢ ᠭᠥᠰᠡᠨᠡᠮ | ᠪᠠᠯ ᠮᠡᠳᠤ ᠥᠭᠡᠨ ᠳᠤ | ᠥᠯᠥ ᠰᠢᠪᠠᠷᠳᠠᠬᠤ ᠶᠢ ᠢᠷᠥᠭᠡᠨᠡᠮ | ᠪᠠᠭᠠᠳᠤᠷᠴᠤᠳ ᠢ ᠲᠥᠷᠥᠭᠦᠯᠵᠥ ᠴᠢᠳᠠᠳᠠᠭ ᠥᠭᠡᠢ ᠥᠨᠳᠥᠰᠥᠳᠡᠨ ᠪᠤᠯ | ᠰᠠᠷᠮᠠᠭᠴᠢᠨ ᠤ ᠰᠥᠷᠥᠭ ᠮᠡᠳᠤ᠂ ᠴᠢᠭᠢᠭ ᠤᠨ ᠬᠤᠷᠤᠬᠠᠶᠢᠰ ᠮᠡᠳᠤ | ᠪᠠᠭᠠᠳᠤᠷ ᠥᠭᠡᠢ ᠡᠷᠢᠨ ᠪᠤᠯ | ᠬᠤᠭᠤᠷᠤᠭᠰᠠᠨ ᠰᠥᠯᠳᠡ ᠮᠡᠳᠤ᠂ ᠬᠤᠯᠴᠢᠢᠭᠰᠠᠨ ᠭᠡᠶᠢᠮᠥᠷᠢ ᠮᠡᠳᠤ | ᠪᠠᠷᠰ ᠪᠠᠳᠠᠭᠠᠨᠠ ᠬᠤᠶᠠᠷ ᠨᠤᠴᠤᠯᠳᠤᠵᠤ | ᠪᠠᠷᠰ ᠨᠢ ᠢᠯᠠᠭᠳᠠᠬᠤ ᠶᠢ ᠥᠵᠡᠭᠦ ᠲᠤᠷᠠ ᠥᠭᠡᠢ | ᠪᠠᠷᠰ ᠪᠠᠷᠰ ᠭᠡᠭᠦ ᠳᠤ ᠲᠤᠯᠤᠭᠠᠢ ᠥᠭᠡᠢ ᠪᠠᠶᠢᠬᠤ ᠳᠤ | ᠨᠡᠩ ᠴᠦ ᠥᠵᠡᠭᠦ ᠲᠤᠷᠠ ᠥᠭᠡᠢ | ᠥᠪᠡᠷ ᠢ ᠪᠠᠨ ᠡᠵᠡᠯᠡᠵᠥ ᠥᠷᠥᠭᠡᠯ ᠢ ᠡᠵᠡᠯᠡᠵᠥ᠂ | ᠤᠷᠤᠰᠢᠨ ᠪᠥᠭᠦᠢ ᠴᠠᠭ ᠥᠶᠡ ᠪᠠᠨ ᠡᠵᠡᠯᠡᠵᠥ | ᠥᠩᠭᠡᠯᠵᠡᠭᠴᠢ ᠲᠠᠶᠢᠰᠤᠨ ᠤ ᠰᠥᠷ ᠢ ᠥᠰᠥ ᠮᠡᠳᠤ ᠭᠢᠷᠭᠠᠭᠰᠠᠨ | ᠤᠩᠭᠤᠨ ᠵᠡᠷᠯᠢᠭ ᠪᠠᠭᠠᠳᠤᠷᠴᠤᠳ ᠲᠤ ᠪᠢ ᠬᠠᠶᠢᠷᠠᠳᠠᠢ | ᠰᠢᠳᠤᠷᠭᠤ ᠪᠤᠰᠤ ᠲᠠᠢ ᠡᠪᠯᠡᠷᠡᠵᠥ᠂ ᠪᠠᠭᠠᠳᠤᠷ ᠤᠳ ᠢᠶᠠᠨ ᠡᠷᠡᠮᠳᠡᠭᠯᠡᠭᠰᠡᠨ ᠨᠠᠮᠳᠠᠷ ᠢ | ᠪᠢᠳᠠᠢᠨᠢᠶᠡᠯᠳᠥᠨ ᠤᠩᠰᠢᠵᠠᠭᠠᠵᠤ ᠪᠠᠶᠢᠨᠠ | ᠵᠠᠯᠢᠬᠠᠢ ᠲᠠᠢ ᠨᠢᠯᠠᠭᠤᠷᠠᠵᠤ ᠪᠠᠭᠠᠳᠤᠷ ᠤᠳ ᠵᠶ᠋ᠠᠨᠠᠳᠠᠭᠠᠷᠬᠠᠨ ᠭᠡᠮᠭᠡᠭᠰᠡᠨ ᠨᠤᠪᠰᠢ ᠨᠤᠭᠤᠳ ᠲᠠᠢ | ᠪᠢᠳᠠ ᠬᠤᠨᠳᠠᠭᠠ ᠲᠤᠯᠭᠠᠨ ᠨᠠᠶᠢᠷᠠᠯᠳᠤᠵᠤ ᠪᠠᠶᠢᠨᠠ | ᠰᠢᠮᠠᠭᠤᠯ ᠮᠡᠳᠤ ᠭᠥᠮᠥᠰ | ᠪᠠᠭᠠᠳᠤᠷ ᠤᠳ ᠤᠨ ᠨᠠᠷᠠ ᠶᠢ ᠵᠠᠯᠭᠢᠯᠠᠵᠤ ᠱᠠᠷᠢᠯ ᠲᠡᠭᠡᠷᠡ ᠨᠢ ᠪᠥᠵᠢᠭᠯᠡᠨ ᠲᠡᠪᠭᠡᠴᠡᠵᠥ ᠪᠠᠶᠢᠨᠠ | ᠵᠠᠶᠢᠮᠤᠷᠠᠭᠰᠠᠨ ᠶᠡᠭᠡ ᠤᠷᠴᠢᠯᠠᠩ ᠳᠤ ᠪᠠᠭᠠᠳᠤᠷ ᠤᠳ ᠢᠶᠠᠷ ᠪᠢᠳᠠ ᠲᠤᠳᠠᠵᠤ | ᠠᠷᠢᠶᠠᠳᠠᠨ ᠳᠤ ᠭᠥᠭᠡᠭᠡᠯᠭᠡᠭᠰᠡᠨ ᠭᠥᠷᠥᠭᠡᠰᠥ ᠮᠡᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ | ᠭᠥᠴᠥᠳᠤ ᠠᠮᠢᠳᠠᠨ ᠨᠤᠮᠤ ᠮᠡᠳᠤ ᠲᠥᠷᠢᠮᠡᠭᠡᠢ ᠪᠠᠶᠢᠳᠠᠭ ᠪᠤᠯᠬᠤᠷ | ᠲᠠᠶᠢᠰᠤᠨ ᠤᠯᠠᠨ ᠲᠠᠢ ᠪᠠᠶᠢᠳᠠᠭ ᠶᠤᠮ | ᠭᠥᠴᠥᠷᠭᠡᠭ ᠪᠠᠭᠠᠳᠤᠷ ᠤᠳ ᠪᠥᠷᠭᠦᠳ ᠮᠡᠳᠤ ᠭᠠᠭᠴᠠᠭᠠᠷᠳᠠᠮᠠᠯ ᠪᠠᠶᠢᠳᠠᠭ ᠪᠤᠯᠬᠤᠷ | ᠥᠵᠡᠨ ᠶᠠᠳᠠᠯᠳᠠ ᠳᠤ ᠪᠥᠰᠡᠯᠡᠭᠳᠡᠵᠥ ᠪᠠᠶᠢᠳᠠᠭ ᠶᠤᠮ | ᠭᠥᠢ ᠪᠠᠨ ᠴᠥᠭᠯᠡᠭᠰᠡᠨ ᠨᠤᠳᠤᠭ ᠤᠰᠤ ᠪᠠᠨ | ᠠᠮᠢ ᠪᠠᠨ ᠠᠰᠬᠠᠨ ᠥᠮᠥᠭᠡᠷᠡᠵᠥ ᠪᠤᠰᠳᠠᠭ ᠶᠤᠮ | ᠭᠥᠮᠥᠨ ᠠᠷᠠᠳ ᠡᠰᠡᠭᠦᠯᠡ ᠲᠥᠪ ᠶᠤᠰᠤᠨ ᠤ ᠲᠥᠯᠥᠭᠡ | ᠥᠪᠡᠷ ᠢ ᠪᠠᠨ ᠵᠤᠯᠢᠶᠠᠰᠤᠯᠠᠨ ᠡᠷᠡᠰᠳᠡᠵᠥ ᠤᠨᠠᠳᠠᠭ ᠶᠤᠮ | ᠥᠷᠯᠥᠭ ᠪᠠᠭᠠᠳᠤᠷ ᠤᠳ ᠤᠨ ᠮᠢᠨᠢ ᠥᠰᠥᠷᠥᠭᠰᠡᠨ ᠴᠢᠰᠤᠨ ᠲᠡᠭᠡᠷᠡ | ᠭᠠᠯ ᠰᠠᠷᠠᠨᠠ ᠲᠠᠭᠤᠯᠠᠵᠤ ᠤᠷᠭᠤᠳᠠᠭ ᠶᠤᠮ | ᠥᠯᠮᠡᠢ ᠳᠤᠨᠢ ᠰᠥᠭᠦᠷᠡᠭᠰᠡᠨ ᠴᠢᠯᠠᠭᠤᠨ ᠲᠡᠭᠡᠷᠡ | ᠲᠡᠭᠷᠢ ᠶᠢᠨ ᠵᠡᠭᠦᠳᠥ ᠴᠠᠮᠨᠠᠵᠤ ᠠᠮᠤᠷᠯᠢᠳᠠᠭ ᠶᠤᠮ | ᠥᠳᠡᠯᠡᠭᠡᠳ ᠭᠠᠷᠤᠭᠰᠠᠨ ᠭᠠᠵᠠᠷ ᠲᠡᠭᠡᠷᠡ ᠨᠢ ᠴᠦ | ᠲᠤᠮᠤᠭ ᠤᠨ ᠰᠢᠪᠠᠭᠤ ᠲᠤᠩᠭᠤᠳᠴᠤ ᠲᠥᠷᠥᠳᠡᠭ ᠶᠤᠮ | ᠥᠯᠢᠭᠡᠷ ᠤᠨ ᠪᠤᠷᠤᠭᠠᠨᠮᠡᠳᠤ ᠬᠠᠶᠠ ᠤᠨᠠᠭᠰᠠᠨ ᠥᠭᠡ ᠶᠢ ᠨᠢ | ᠲᠤᠯᠤᠭᠠᠨ ᠪᠤᠷᠬᠠᠨ ᠲᠡᠭᠦᠵᠥ ᠬᠠᠳᠠᠭᠠᠯᠠᠭᠰᠠᠨ ᠪᠠᠶᠢᠳᠠᠭ ᠶᠤᠮ | ᠪᠠᠭᠠᠳᠤᠷᠴᠤᠳ ᠮᠠᠨᠳᠤᠳᠤᠭᠠᠢ︕ ᠲᠡᠳᠡᠨᠡᠷ ᠥᠪᠡᠷ ᠢᠶᠠᠨ | ᠠᠭᠤᠯᠠ ᠬᠠᠶᠢᠷᠬᠠᠨ᠂ ᠭᠥᠰᠢᠶᠡ ᠲᠤᠷᠠᠰᠬᠠᠯ᠂ ᠠᠷᠠᠳ ᠤᠨ ᠲᠠᠭᠤᠤ ᠶᠤᠮ | ᠪᠠᠭᠠᠳᠤᠷᠴᠤᠳ ᠮᠡᠨᠳᠥᠯᠡᠳᠥᠭᠡᠢ︕ ᠲᠡᠳᠡᠨᠡᠷ ᠴᠥᠭᠡᠭᠡᠨ ᠪᠤᠯᠪᠠᠴᠤ | ᠴᠥᠮᠡ ᠶᠢᠨ ᠪᠥᠮᠪᠦᠭᠡ᠂ ᠲᠡᠭᠷᠢ ᠶᠢᠨ ᠲᠠᠷᠨᠢ ᠶᠤᠮ | ᠪᠠᠭᠠᠳᠤᠷᠴᠤᠳ ᠮᠥᠩᠭᠡᠷᠡᠳᠥᠭᠡᠢ︕ ᠲᠡᠳᠡ ᠨᠠᠷ ᠴᠠᠭᠠᠨ ᠴᠢᠰᠴᠤ ᠰᠢᠭ᠋ | ᠠᠮᠠᠷᠬᠠᠨ ᠭᠭᠢᠷᠳᠥᠳᠡᠭ ᠶᠤᠮ | ᠨᠠᠷᠠ ᠨᠢᠯᠪᠤᠰᠤ ᠪᠠᠷ ᠢᠶᠠᠨ ᠤᠭᠢᠶᠠᠵᠤ ᠥᠭᠳᠡᠭ ᠶᠤᠮ | ᠪᠠᠭᠠᠳᠤᠷᠴᠤᠳ ᠪᠤᠰᠤᠯᠴᠠᠳᠤᠭᠠᠢ︕ ᠲᠡᠳᠡᠨᠡᠷ ᠲᠠᠯᠳᠠ ᠰᠤᠮᠤᠨ ᠳᠤ ᠡᠭᠢᠯᠡᠵᠥ ᠥᠷᠳᠥᠳᠡᠭ ᠴᠦ | ᠲᠡᠥᠭᠡ ᠶᠢᠨ ᠠᠩᠬᠠᠨ ᠤ ᠬᠠᠭᠤᠳᠠᠰᠤᠨ ᠳᠤ ᠪᠤᠰᠤᠭᠠ ᠥᠯᠡᠳᠡᠳᠡᠭ ᠲᠤᠭ ᠶᠤᠮ᠃ | 2009᠂ 02᠂ 11 ᠪᠠᠶᠠᠨᠬᠤᠳᠠ ᠳᠤ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |