| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | ᠪᠤᠷᠬᠠᠨ ᠳᠤ | ᠪᠤᠶᠠᠨ ᠲᠠᠢ ᠨᠢᠭᠦᠯ ᠲᠠᠢ ᠪᠥᠭᠦᠨ | ᠪᠤᠤ ᠲᠠᠢ ᠴᠡᠴᠡᠭ ᠲᠠᠢ ᠪᠥᠭᠦᠨ | ᠬᠠᠷᠠ ᠴᠠᠭᠠᠨ ᠪᠥᠭᠦᠨ | ᠬᠠᠷᠠᠳᠠᠯᠭᠠ ᠰᠡᠷᠡᠳᠡᠯᠭᠡ᠂ ᠬᠠᠷᠢᠶᠠᠯ ᠢᠷᠥᠭᠡᠯ ᠪᠥᠭᠦᠨ | ᠰᠢᠷᠢᠳᠡᠭ ᠰᠢᠳᠥᠯᠭᠡ ᠬᠤᠶᠠᠷ ᠢ ᠰᠡᠮᠡᠷᠡᠳᠡᠯᠡ ᠨᠢ ᠮᠥᠷᠭᠦᠵᠥ ᠪᠠᠶᠢᠨᠠ | ᠪᠤᠷᠬᠠᠨ ᠤ ᠠᠪᠤᠷᠠᠯ ᠳᠤ | ᠪᠠᠭᠳᠠᠭᠰᠠᠨ ᠮᠡᠳᠤ ᠪᠠᠭᠳᠠᠭᠠ ᠦᠭᠡᠢ ᠴᠦ ᠮᠡᠳᠤ | ᠤᠷᠴᠢᠯᠠᠩ ᠤᠨ ᠲᠡᠭᠡᠪᠥᠷ ᠲᠤ | ᠤᠶᠤᠭᠠᠷᠢ ᠭᠢᠵᠠᠭᠠᠷ ᠪᠠᠶᠢᠬᠤ ᠮᠡᠳᠤ᠂ ᠪᠠᠰᠠ ᠪᠠᠶᠢᠬᠤ ᠦᠭᠡᠢ ᠮᠡᠳᠤ | ᠨᠠᠷᠠ᠂ ᠰᠠᠷᠠ᠂ ᠤᠳᠤ᠂ ᠡᠭᠦᠯᠡ᠂ ᠵᠠᠯᠪᠠᠷᠢᠯ᠂ ᠮᠥᠷᠥᠭᠡᠳᠥᠯ ᠁ | ᠨᠠᠭᠠᠨᠠ ᠨᠢ ᠪᠠᠶᠢᠬᠤ ᠰᠢᠭ᠋᠂ ᠴᠠᠭᠠᠨᠠ ᠨᠢ ᠴᠦ ᠪᠠᠶᠢᠬᠤ | ᠠᠰᠤᠷᠤ ᠭᠥᠨ ᠲᠡᠭᠷᠢ ᠬᠠᠷᠠᠭᠳᠠᠨᠠ | ᠨᠢᠰᠥᠭᠡᠳ ᠲᠡᠮᠡᠥᠯᠥᠭᠡᠳ ᠭᠡᠵᠢᠶᠡ ᠴᠦ ᠥᠯᠥ ᠭᠠᠳᠤᠯᠤᠨᠠ | ᠲᠡᠭᠷᠢ ᠭᠡᠮᠡᠭᠴᠢ ᠮᠥᠩᠭᠡ ᠤᠷᠤᠰᠢᠬᠤᠢ | ᠪᠠᠶᠢᠬᠤ ᠮᠡᠳᠤ᠂ ᠪᠠᠶᠢᠬᠤ ᠦᠭᠡᠢ ᠮᠡᠳᠤ | ᠪᠥᠯᠢᠭᠰᠡᠨ ᠠᠶᠢᠷᠠᠭ ᠤᠨ ︽ᠡᠮᠳᠡᠷᠬᠡᠢ︾ ᠥᠰᠥᠷᠴᠥ ᠭᠥᠷᠭᠦ | ᠪᠤᠳᠠ ᠲᠠᠢ ᠲᠡᠨᠵᠢᠨ ᠲᠡᠭᠡᠷᠡ | ᠡᠭᠡᠰᠢᠭ ᠲᠤᠯᠤᠭᠠ ᠮᠡᠳᠤ ᠰᠤᠯᠤᠩᠭᠠ ᠲᠠᠳᠠᠨᠠ | ᠪᠠᠷᠢᠬᠤ ᠭᠡᠳ ᠭᠥᠶᠥᠭᠡᠳ ᠤᠴᠢᠬᠤ ᠳᠤ | ᠴᠠᠭᠠᠳᠤ ᠭᠥᠳᠥᠯ ᠲᠡᠭᠡᠷᠡ ᠁ | ᠪᠠᠰᠠ ᠭᠥᠭᠡᠭᠡᠭᠡᠳ ᠭᠥᠷᠭᠦ ᠳᠤ | ᠴᠠᠭᠠᠳᠤ ᠠᠭᠤᠯᠠᠨ ᠲᠡᠭᠡᠷᠡ ᠁ | ᠰᠤᠯᠤᠩᠭᠠ ᠭᠡᠮᠡᠭᠴᠢ ︽ᠲᠤᠮᠤᠭᠳᠤ ᠨᠠᠭᠠᠳᠤᠭᠠᠢ︾ | ᠪᠠᠶᠢᠬᠤ ᠮᠡᠳᠤ᠂ ᠪᠠᠶᠢᠬᠤ ᠦᠭᠡᠢ ᠮᠡᠳᠤ | ᠵᠡᠭᠡᠰᠥᠨ ᠤ ᠲᠤᠯᠤᠭᠠᠢ ᠪᠠᠷ ᠭᠤᠤᠴᠢᠯᠠᠬᠤ | ᠵᠡᠭᠦᠷᠮᠡᠭ ᠴᠠᠭᠠᠨ ᠨᠠᠭᠤᠷ ᠮᠡᠳᠤ | ᠵᠡᠷᠭᠡᠯᠭᠡ ᠲᠤᠩᠭᠤᠴᠢᠨᠠ | ︵ᠴᠠᠩᠭᠠᠭᠰᠠᠨ ᠠᠮᠢᠳᠠᠰ ᠬᠠᠷᠠᠴᠠ ᠪᠠᠷ ᠢᠶᠠᠨ ᠵᠠᠯᠭᠢᠯᠠᠵᠤ | ᠡᠯᠳᠡᠭᠰᠡᠭᠡᠷ ᠲᠠᠭᠤᠭᠰᠠᠭᠠᠷ ᠬᠠᠳᠠᠵᠤ ᠦᠬᠦᠭᠰᠡᠡ ᠪᠠᠶᠢᠬᠤ ᠶᠤᠮ︶ | ᠵᠡᠷᠭᠡᠯᠭᠡ ᠭᠡᠮᠡᠭᠴᠢ ᠭᠠᠵᠠᠷ ᠤᠨ ᠰᠥᠨᠡᠰᠥ | ᠪᠠᠶᠢᠬᠤ ᠮᠡᠳᠤ᠂ ᠪᠠᠶᠢᠬᠤ ᠦᠭᠡᠢ ᠮᠡᠳᠤ | ᠵᠡᠭᠦᠳᠥ᠂ ᠵᠥᠩ ᠰᠣᠪᠢᠩ᠂ ᠬᠤᠪᠢ ᠲᠠᠪᠢᠯᠠᠩ᠂ | ᠰᠥᠨᠡᠰᠥ᠂ ᠴᠢᠳᠭᠦᠷ᠂ ᠴᠤᠤᠷᠢᠶᠠ᠂ ᠨᠠᠪᠳᠠᠭ ᠰᠠᠪᠳᠠᠭ ᠁ | ᠤᠷᠤᠰᠢᠬᠤ ᠮᠡᠳᠤ᠂ ᠡᠰᠡ ᠤᠷᠤᠰᠢᠬᠤ ᠮᠡᠳᠤ | ᠲᠡᠭᠷᠢ | ᠭᠥᠷᠴᠥ ᠪᠤᠯᠬᠤ ᠦᠭᠡᠢ ᠥᠨᠳᠥᠷ ᠲᠤ ᠬᠠᠷᠠᠭᠳᠠᠳᠠᠭ ᠴᠦ | ᠥᠨᠡᠨ ᠳᠡᠭᠡᠨ | ᠠᠯᠠᠭᠠᠨ ᠳᠤ | ᠠᠨᠢᠰᠬᠠᠨ ᠳᠤ | ᠠᠮᠢᠰᠬᠤᠭᠠᠨ ᠳᠤ ᠪᠠᠶᠢᠬᠤ ᠮᠡᠳᠤ ᠡ | ︵ᠬᠠᠮᠤᠭ ᠤᠨᠦᠵᠡᠭᠳᠡᠬᠦ ᠲᠤᠷᠠ ᠦᠭᠡᠢ ᠶᠠᠭᠤᠮᠠ | ᠬᠠᠮᠤᠭ ᠤᠨ ᠲᠤᠳᠤ ᠤᠷᠤᠰᠢᠳᠠᠭ︶ | ᠬᠠᠷᠠᠭᠳᠠᠳᠠᠭ ᠪᠤᠯᠭᠠᠨ ᠥᠨᠡᠨ ᠮᠡᠳᠤ ᠪᠠᠰᠠ ᠬᠤᠭᠤᠰᠤᠨ ᠮᠡᠳᠤ | ᠬᠠᠷᠠᠭᠳᠠᠬᠤ ᠮᠡᠳᠤ᠂ ᠪᠠᠷᠢᠭᠳᠠᠬᠤ ᠦᠭᠡᠢ ᠮᠡᠳᠤ ᠬᠤᠭᠤᠰᠤᠨ | ᠪᠠᠶᠢᠬᠤ ᠮᠡᠳᠤ᠂ ᠪᠠᠰᠠ ᠪᠠᠶᠢᠬᠤ ᠦᠭᠡᠢ ᠮᠡᠳᠤ ᠡ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |