| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | | ᠡᠨᠡ ᠬᠤᠳᠠᠯ ᠬᠠᠭᠤᠷᠮᠠᠭ ᠶᠢᠷᠳᠢᠨᠴᠤ ᠶᠢ ᠥᠵᠡᠨ ᠶᠠᠳᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠲᠡᠭᠦᠨ ᠲᠠᠢ ᠠᠶᠠᠳᠠᠨ ᠲᠡᠰᠬᠤ | ᠪᠤᠯᠪᠠ᠂ ᠠᠶᠠᠳᠠᠨ ᠲᠠᠰᠴᠤ ᠪᠠᠶᠢᠭᠰᠠᠨ ᠢᠶᠠᠨ ᠲᠠᠭᠠᠨ ᠪᠠᠶᠠᠰᠬᠤ ᠪᠤᠯᠪᠠ ᠪᠢ᠃ ᠮᠠᠭᠳᠠᠭᠠᠯ ᠤᠨ ᠥᠭᠡ ᠮᠠᠯ ᠤᠨ | ᠬᠤᠷᠭᠤᠰᠤ ᠰᠢᠭ᠋ ᠡᠯᠪᠡᠭ ᠪᠤᠯᠤᠭᠰᠠᠨ ᠡᠷᠢᠨ ᠳᠤ ᠮᠠᠷᠵᠠᠩᠨᠠᠭᠰᠠᠨ ᠮᠠᠵᠤᠤᠯᠠᠭᠰᠠᠨ ᠰᠢᠯᠥᠭ ᠪᠢᠴᠢᠵᠥ ᠴᠢᠳᠠᠬᠤ ᠪᠠᠨ | ᠪᠤᠯᠢᠵᠤ ᠪᠠᠶᠢᠨᠠ ᠪᠢ᠃ ᠵᠥᠪᠭᠡᠨ ᠬᠤᠳᠠᠯ ᠭᠡᠯᠡᠭᠦ ᠠᠴᠠ ᠁ | | ᠭᠡᠭᠡᠮᠰᠥᠭ ᠠᠭᠠᠳ ᠶᠡᠭᠡᠮᠰᠥᠭ ᠠᠭᠠᠳ ᠡᠷᠭᠢᠮᠰᠥᠭ ᠠᠭᠠᠳ ᠥᠨᠡᠨᠴᠢᠷᠭᠡᠭ ᠲᠠᠨᠠᠷ | ᠨᠠᠮᠠᠢᠢ ᠰᠤᠨᠤᠰ︕ ᠪᠢ ᠬᠤᠳᠠᠯ ᠭᠡᠯᠡᠭᠦ ᠭᠡᠳ ᠪᠠᠶᠢᠨᠠ | ᠨᠢᠭᠤᠭᠠᠳ ᠶᠠᠭᠠᠭᠢᠬᠤᠪ᠂ ᠶᠠᠭ ᠰᠠᠶᠢᠬᠠᠨ ᠬᠤᠳᠠᠯ ᠭᠡᠯᠡᠵᠥ ᠪᠠᠶᠢᠨᠠ | ᠭᠡᠨ ᠬᠤᠳᠠᠯ ᠭᠡᠯᠡᠪᠡᠯ ᠲᠠᠩᠰᠤᠭ ᠠᠮᠢᠳᠤᠷᠠᠳᠠᠭ ᠴᠠᠭ ᠪᠤᠯᠵᠡᠢ | ᠭᠡᠷᠢᠶᠡ ᠰᠢᠪᠠᠭᠤ ᠨᠢᠭᠡ ᠶᠢ ᠪᠠᠨ ᠴᠠᠰᠤ ᠮᠡᠳᠤ ᠴᠠᠪ ᠴᠠᠭᠠᠨ ᠭᠡᠯᠴᠡᠳᠡᠭ ᠪᠤᠯᠵᠡᠢ | ᠬᠤᠷᠠᠯ ᠲᠡᠭᠡᠷᠡ᠂ ᠬᠤᠳᠳᠠᠭ ᠤᠨ ᠠᠮᠠᠰᠠᠷ ᠲᠡᠭᠡᠷᠡ᠂ ᠬᠠᠯᠠᠭᠤᠨ ᠭᠥᠨᠵᠢᠯᠡ ᠲᠤᠳᠤᠷᠡ | ᠭᠢᠴᠢᠶᠡᠯ ᠤᠨ ᠪᠢᠴᠢᠭ ᠲᠡᠭᠡᠷᠡ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠰᠤᠷᠳᠠᠯᠴᠢᠯᠠᠭᠠ᠂ ᠠᠯᠪᠠᠨ ᠲᠠᠮᠠᠭᠠᠨ ᠲᠤᠤᠷᠠ | ᠠᠷᠠᠳ ᠤᠨ ᠮᠥᠩᠭᠦᠨ ᠤ ᠨᠢᠭᠤᠴᠠ ᠲᠡᠮᠳᠡᠭ ᠲᠡᠭᠡᠷᠡ | ᠠᠭᠠᠯᠢ ᠦᠭᠡᠢ ᠥᠭᠡ ︽ᠭᠠᠯᠯᠠᠭᠰᠠᠨ︾ ᠠᠮᠠᠷᠠᠭ ᠤᠯᠠᠭᠠᠨ ᠤᠷᠤᠭᠤᠯ ᠲᠡᠭᠡᠷᠡ | ᠠᠷᠪᠠᠨ ᠲᠥᠭᠦᠷᠢᠭ ᠲᠤᠰᠤᠭᠰᠠᠨ ᠭᠤᠶᠢᠷᠠᠨᠴᠢ ᠶᠢᠨ ᠢᠨᠢᠶᠡᠮᠰᠥᠭᠯᠡᠯ ᠲᠤᠳᠤᠷᠠ | ᠢᠯᠠᠯᠳᠠ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠮᠡᠳᠡᠭᠡ᠂ ᠲᠠᠷᠢᠭᠢᠨ ᠤ ᠪᠢᠴᠢᠯᠭᠡ | ᠴᠠᠭᠢᠮ ᠰᠢᠣᠳᠠᠨ᠂ ᠴᠠᠭ ᠠᠭᠠᠷ ᠤᠨ ᠪᠥᠷᠭᠦᠭ ᠮᠡᠳᠡᠭᠡᠯᠡᠯ ᠲᠡᠭᠡᠷᠡ | ᠬᠤᠰᠠᠷᠠᠩ ᠥᠨᠢᠶᠡ ᠮᠡᠳᠤ ᠬᠤᠳᠠᠯ ᠥᠭᠡ | ᠬᠤᠯᠠᠨ ᠮᠡᠳᠤ ᠭᠥᠶᠥᠯᠳᠥᠭᠡᠳ᠂ ᠬᠤᠯᠤᠭᠠᠨᠠ ᠮᠡᠳᠤ ᠥᠷᠡᠵᠢᠭᠡᠳ | ᠬᠤᠷᠢᠮ ᠤᠨ ᠢᠷᠥᠭᠡᠯ ᠮᠡᠳᠤ ᠰᠤᠨᠤᠰᠳᠠᠭᠠᠳ᠂ ᠬᠤᠮ ᠲᠠᠢ ᠲᠡᠮᠡᠭᠡ ᠮᠡᠳᠤ ᠬᠠᠩᠬᠠᠯᠵᠠᠨᠠᠮ | ᠲᠡᠥᠭᠡ ᠶᠢᠨ ᠮᠤᠳᠤᠨ ᠠᠴᠠ ᠲᠥᠭᠦᠭᠡᠢ ᠵᠢᠮᠢᠰ ᠤᠨᠠᠳᠠᠭ ᠪᠤᠯᠵᠤ ᠁ | ᠲᠥᠯᠡᠭᠡᠨ ᠤ ᠬᠤᠵᠣᠣᠯᠠ ᠠᠴᠠ ᠰᠠᠷᠭᠠᠢ ᠴᠡᠴᠡᠭ ᠤᠷᠭᠤᠳᠠᠭ ᠪᠤᠯᠵᠤ ᠁ | ᠲᠥᠢᠮᠡᠷ ᠲᠤᠮᠳᠠᠭᠤᠷ ᠤᠰᠤ ᠥᠶᠡᠷᠯᠡᠵᠥ ᠤᠷᠤᠰᠳᠠᠭ ᠪᠤᠯᠵᠤ ᠁ | ᠲᠥᠷᠭᠡᠨ ᠠᠪᠤᠷᠠᠯᠳᠠ ᠶᠢᠨ ᠲᠡᠷᠭᠡᠨ ᠤ ᠬᠠᠵᠠᠭᠤ ᠪᠠᠷ ᠬᠤᠷᠢᠮ ᠤᠨ ᠲᠡᠷᠭᠡ ᠤᠷᠤᠯᠳᠣᠳᠠᠭ ᠪᠤᠯᠵᠤ ᠁ | ᠲᠠᠷᠢ ᠥᠨᠥᠷᠯᠡᠭᠡ ᠦᠭᠡᠢ ᠭᠥᠮᠥᠨ ᠲᠠᠶᠢᠨ ᠤ ᠲᠤᠬᠠᠢ ᠪᠢᠴᠢᠭᠡᠳ | ᠲᠥᠷᠥ ᠶᠢᠨ ᠱᠠᠩᠨᠠᠯ ᠲᠤᠰᠤᠨᠠᠮ | ᠲᠠᠯᠠᠢ ᠥᠵᠡᠭᠡ ᠦᠭᠡᠢ ᠭᠥᠮᠥᠨ ᠲᠤᠯᠠᠨ ᠵᠢᠭᠠᠰᠤ ᠲᠠᠢ | ᠪᠥᠵᠢᠭ ᠭᠢᠭᠰᠡᠨ ᠢᠶᠠᠨ ᠶᠠᠷᠢᠨᠠᠮ | ᠬᠠᠭᠤᠷᠮᠠᠭ ᠠᠭᠠᠰᠢᠯᠠᠵᠥ ︽ᠬᠤᠶᠠᠷ ᠭᠠᠷᠳᠠᠭᠤᠯᠵᠤ︾ | ᠲᠡᠭᠡᠭᠦᠷ ᠰᠠᠭᠠᠳᠠᠵᠤ ᠲᠡᠭᠡᠵᠢ ᠠᠮᠰᠠᠨᠠᠮ | ᠬᠤᠳᠠᠯ ᠭᠡᠯᠡᠭᠴᠢ ᠬᠤᠪ ᠵᠥᠭᠡᠭᠴᠢ | ᠠᠯᠳᠠᠷ ᠤᠨ ᠰᠣᠯᠣᠩᠭᠠᠨ ᠲᠡᠭᠡᠷᠡ ᠰᠠᠨᠳᠠᠶᠢᠯᠠᠨᠠᠮ | ᠬᠠᠮᠠᠷ ᠤᠨ ᠢᠶᠠᠨ ᠨᠥᠭᠡ ᠪᠠᠷ ᠪᠥᠭᠡᠰᠥ ᠪᠠᠨ ᠤᠨᠤᠭᠠᠳ ᠤᠷᠤᠵᠤ ᠶᠠᠪᠤᠨᠠ ᠭᠡᠵᠥ | ᠪᠢ ᠲᠠᠩᠳᠠ ᠵᠡᠭᠦᠳᠥᠯᠡᠵᠥ ᠪᠠᠶᠢᠨᠠ | ᠬᠠᠷᠠ ᠲᠠᠷᠤᠭᠰᠠᠨ ᠵᠡᠭᠦᠳᠤ ᠥᠨᠡᠨ ᠳᠡᠭᠡᠨ ᠠᠶᠠᠳᠠᠶᠢᠬᠠᠨ ᠪᠠᠶᠢᠳᠠᠭ ᠶᠤᠮ ᠭᠡᠵᠥ | ᠪᠢ ᠰᠠᠨᠠᠭᠤᠯᠵᠤ ᠪᠠᠶᠢᠨᠠ | ᠬᠠᠷᠭᠠᠨᠠ ᠳᠤ ᠨᠠᠭᠠᠯᠳᠤᠭᠰᠠᠨ ᠨᠤᠤᠰᠤ ᠪᠠᠷ ᠢᠰᠡᠭᠡᠢ ᠵᠤᠯᠠᠬᠤ ᠳᠤ ᠠᠮᠠᠷᠬᠠᠨ ᠳ᠋ᠠ ᠭᠡᠵᠥ | ᠪᠢ ᠠᠶᠢᠯᠠᠳᠴᠤ ᠪᠠᠶᠢᠨᠠ | ᠬᠠᠳᠠᠭ ᠴᠠᠭᠠᠨ ᠥᠨᠡᠭᠡ ᠥᠨᠡᠰᠥᠨ ᠲᠡᠭᠡᠷᠡ ᠭᠥᠯᠪᠡᠷᠢᠭᠦ ᠴᠠᠭ ᠢᠷᠡᠨᠡ ᠳ᠋ᠠ ᠭᠡᠵᠥ | ᠪᠢ ᠮᠡᠷᠭᠡᠯᠡᠵᠥ ᠪᠠᠶᠢᠨᠠ | ᠮᠠᠩᠬᠠᠨ ᠨᠤᠳᠤᠭ ᠠᠴᠠ ᠮᠠᠯ ᠤᠨ ᠮᠥᠷ ᠲᠠᠰᠤᠷᠠᠪᠠᠯ | ᠮᠠᠯᠴᠢᠨ ᠭᠥᠮᠥᠨ ᠵᠢᠷᠭᠠᠯ ᠤᠨ ᠬᠤᠶᠢᠮᠤᠷ ᠰᠠᠭᠠᠳᠠᠨᠠ | ᠮᠠᠨ ᠤ ᠮᠤᠩᠭᠤᠯ ᠤᠨ ︽ᠴᠠᠭᠠᠨ ᠲᠤᠯᠤᠭᠠᠢ︾ ᠲᠠᠯᠠᠢ ᠶᠢᠨ ᠡᠷᠭᠢ ᠪᠠᠷ ᠬᠠᠳᠠᠷᠢᠪᠠᠯ | ᠬᠠᠳᠤᠨ ᠭᠤᠤᠯ ᠪᠤᠴᠠᠵᠤ ᠤᠷᠤᠰᠤᠨᠠ | ᠮᠢᠨᠵᠢ ᠪᠤᠯᠠᠭᠠ ᠶᠢᠨ ᠰᠤᠷ ᠮᠡᠳᠤ ᠭᠤᠪᠢ ᠶᠢᠨ ᠤᠷᠭᠤᠮᠠᠯ | ᠲᠡᠭᠷᠢ ᠶᠢᠨ ᠤᠮᠤᠷᠤᠤ ᠳᠤ ᠥᠷᠭᠡᠰᠥ ᠪᠠᠨ ᠰᠢᠭᠠᠨᠠ | ᠮᠡᠯᠡᠭᠡᠢ ᠶᠢᠨ ᠰᠢᠯᠥᠰᠥ ᠰᠠᠷᠠᠨ ᠳᠤ ᠥᠰᠥᠷᠴᠥ ᠽᠠᠨᠳᠠᠨ ᠮᠤᠳᠤᠨ ᠤ ᠭᠢᠨᠢ ᠨᠠᠮᠠᠭᠠ | ᠪᠤᠷᠬᠠᠨ ᠤ ᠠᠯᠠᠭᠠᠨ ᠲᠡᠭᠡᠷᠡ ᠤᠨᠠᠨᠠ | ᠭᠥᠮᠥᠰ ᠡ︕ ᠨᠠᠮᠠᠢᠢ ᠲᠠᠭᠠᠭᠠᠳ ᠬᠤᠳᠠᠯ ᠭᠡᠯᠡᠴᠡᠭᠡ︕ | ᠬᠤᠳᠠᠯ ᠢᠨᠢᠶᠡᠵᠡᠭᠡ︕ ᠬᠤᠳᠠᠯ ᠮᠠᠭᠳᠠᠵᠠᠭᠠ︕ | ᠭᠥᠢᠳᠡᠨ ᠬᠠᠯᠠᠭᠤᠨ ᠭᠢᠮᠤᠷᠠᠭᠰᠠᠨ ᠤᠷᠴᠢᠯᠠᠩ ᠳᠤ | ᠲᠡᠶᠢᠮᠥ ᠤᠯᠠᠨ ᠥᠨᠡᠨ ᠥᠭᠡ ᠬᠠᠮᠢᠭᠠ ᠪᠠᠶᠢᠨᠠ︖ | ᠠᠪᠤ ᠡᠵᠢ ᠳᠡᠭᠡᠨ ᠬᠤᠳᠠᠯ ᠭᠡᠯᠡ︕ ᠠᠮᠠᠷᠠᠭ ᠲᠠᠭᠠᠨ ᠬᠤᠳᠠᠯ ᠭᠡᠯᠡ︕ | ᠪᠤᠷᠬᠠᠨ ᠳᠠᠭᠠᠨ ᠬᠤᠳᠠᠯ ᠭᠡᠯᠡ︕ | ᠠᠯᠠᠭ ᠲᠡᠯᠡᠭᠡᠢ ᠳᠤ ᠠᠮᠢᠳᠤᠷᠠᠬᠤ ᠪᠤᠭᠤᠨᠢᠬᠠᠨ ᠬᠤᠭᠤᠴᠠᠭᠠᠨ ᠳᠠᠭᠠᠨ | ᠬᠤᠳᠠᠯ ᠭᠡᠯᠡᠵᠥ ᠠᠮᠵᠢᠴᠠᠭᠠ︕ | ᠳ᠋ᠧᠪᠠᠵᠢᠨ ᠳᠤ ᠡᠰᠡᠭᠦᠯᠡ ᠲᠠᠮᠤ ᠶᠢᠨ ᠢᠷᠤᠭᠠᠷ ᠲᠤ | ᠬᠤᠳᠠᠯ ᠭᠡᠯᠡᠵᠥ ᠲᠡᠶᠢᠯᠳᠡᠭ ᠦᠭᠡᠢ ᠶᠤᠮ | ᠳ᠋ᠧᠩ ᠤᠨ ᠡᠷᠪᠡᠭᠡᠢ ᠶᠢ ᠤᠷᠤᠯᠠᠵᠤ ᠭᠠᠯ ᠳᠤ ᠰᠢᠳᠠᠵᠤ | ᠥᠭᠦᠵᠥ ᠪᠤᠯᠳᠠᠭ ᠦᠭᠡᠢ ᠶᠤᠮ | ᠲᠠᠮᠠᠭᠢ ᠪᠠᠨ ᠰᠠᠶᠢᠨ ᠲᠠᠳᠠ︕ ᠡᠳᠥᠷ ᠲᠤ ᠠᠷᠪᠠᠨ ᠬᠠᠶᠢᠷᠴᠠᠭ᠃ | ᠭᠡᠮ ᠪᠠᠶᠢᠬᠤ ᠦᠭᠡᠢ | ᠠᠷᠢᠭᠢ ᠪᠠᠨ ᠵᠠᠳᠠ ᠤᠤᠭᠤ︕ ᠬᠠᠮᠠᠷ ᠠᠮᠠ ᠪᠠᠷ ᠢᠶᠠᠨ ᠴᠤᠷᠭᠢᠳᠠᠯᠠ᠃ | ᠠᠵᠢᠭ ᠪᠠᠶᠢᠬᠤ ᠦᠭᠡᠢ | ᠭᠡᠥᠭᠡᠨ ᠪᠤᠯᠭᠠᠨ ᠲᠠᠢ ᠰᠠᠮᠠᠭᠤᠷᠠ︕ ᠭᠥᠭᠰᠢᠨ ᠵᠠᠯᠠᠭᠤ ᠦᠭᠡᠢ᠃ | ᠨᠡᠷᠡ ᠲᠥᠷᠥ ᠳᠤ ᠶᠠᠭᠤ ᠴᠦ ᠪᠤᠯᠬᠤ ᠦᠭᠡᠢ | ᠡᠷᠡ ᠪᠥᠭᠦᠨ ᠲᠠᠢ ᠲᠡᠪᠡᠷᠢᠯᠳᠥ︕ ᠶᠠᠳᠠᠭᠤ ᠪᠠᠶᠠᠨ ᠦᠭᠡᠢ᠃ | ᠭᠠᠩᠭᠠᠩ ᠪᠡᠶᠡ ᠳᠤ ᠭᠠᠷᠤᠵᠠ ᠪᠤᠯᠬᠤ ᠦᠭᠡᠢ᠃ | ᠬᠠᠭᠤᠷᠮᠠᠭ ᠡᠮ ᠵᠤᠭᠢᠶᠠ︕ ᠬᠠᠭᠤᠷᠮᠠᠭ ᠵᠤᠭᠤᠰ ᠪᠠᠷᠯᠡ︕ | ᠬᠠᠤᠯᠢ ᠶᠢᠨ ᠴᠣᠭᠤᠷᠬᠠᠢ ᠪᠠᠷ ᠮᠥᠯᠭᠦ︕ | ᠬᠤᠤᠷ ᠲᠠᠳᠠ︕ ᠭᠡᠤᠭᠡᠳ ᠬᠤᠳᠠᠯᠳᠤ︕ | ᠭᠥᠮᠥᠨ ᠮᠡᠭᠡᠯᠡ︕ ᠲᠡᠯᠪᠡ ᠪᠠᠶᠠᠵᠢ︕ | ᠭᠡᠭᠡᠯᠢ ᠢᠳᠡ︕ ᠬᠠᠭ᠋ᠤᠤᠯᠢ ᠲᠥᠯᠭᠢ︕ | ᠠᠷᠤ ᠶᠢᠨ ᠬᠠᠭᠠᠯᠭᠠ ᠪᠠᠷ ᠥᠭᠦᠨ ᠬᠠᠳᠠᠨ ᠴᠢᠭᠢᠯᠳᠥ︕ | ᠭᠡᠷᠭᠡᠢ ᠠᠴᠠ ᠪᠠᠨ ᠰᠠᠯ︕ ᠭᠡᠷ ᠪᠥᠯᠢ ᠴᠤᠴᠠᠯ︕ | ᠭᠡᠮ ᠦᠭᠡᠢ ᠭᠥᠮᠥᠨ ᠢ ᠭᠢᠰᠭᠢ︕ | ᠪᠤᠯᠤᠮᠵᠢ ᠲᠠᠢ ᠪᠤᠯ ᠵᠡᠷᠭᠡ ᠵᠢᠩᠰᠠᠳᠠᠨ ᠶᠢ ᠪᠢᠯᠳᠠᠤᠴᠢᠯᠠᠭᠠᠳ᠂ | ᠪᠤᠯᠬᠤ ᠦᠭᠡᠢ ᠪᠤᠯ ᠬᠤᠳᠠᠯᠳᠤᠭᠠᠳ ᠠᠪᠴᠢᠬᠠ | ᠠᠵᠢᠯ ᠤᠨ ᠲᠥᠯᠥᠭᠡ ᠲᠡᠭᠡᠵᠥ ︽ᠮᠠᠯ ᠪᠤᠯᠬᠤ︾ ᠶᠢᠨ | ᠭᠡᠷᠡᠭ ᠠᠯᠠᠭᠠ᠂ ᠡᠪ ᠢ ᠨᠢ ᠤᠯᠬᠤ ᠶᠢ ᠪᠤᠳᠤ︕ | ᠠᠮᠵᠢᠯᠳᠠ ᠪᠤᠯ ᠲᠡᠷᠡ᠃ ᠠᠰᠢᠭ ᠪᠤᠯ ᠲᠡᠷᠡ᠃ | ᠮᠡᠷᠭᠡᠨ ᠴᠡᠴᠡᠨ ᠪᠤᠯ ᠲᠡᠷᠡ᠃ | ᠬᠠ ᠬᠠ ᠁ ᠥᠨᠡᠨ ᠨᠢ ᠬᠠᠭᠠᠨᠴᠢᠯᠠᠭᠰᠠᠨ ᠶᠢᠷᠳᠢᠨᠴᠤ ᠶᠢ | ᠬᠠᠭᠤᠷᠮᠠᠭ ᠨᠢᠳᠤ ᠪᠠᠷ ᠪᠠᠶᠢᠨ ᠪᠠᠶᠢᠨ ᠬᠠᠷᠠᠵᠤ | ᠬᠠᠶᠠ ᠬᠠᠶᠠ ᠬᠤᠳᠠᠯ ᠭᠡᠯᠡᠭᠦ ᠰᠠᠶᠢᠬᠠᠨ ᠰᠢᠤ︕ | ᠨᠢᠯᠪᠤᠰᠤ ᠪᠠᠨ ᠨᠢᠭᠤᠭᠠᠳ ᠲᠠᠰ ᠲᠠᠰ ᠭᠥᠭᠦᠷᠡᠭᠦ ᠪᠥᠷ ᠰᠠᠶᠢᠬᠠᠨ | ᠥᠨᠡᠨ ᠢᠶᠠᠷ ᠶᠠᠪᠤᠪᠠᠯ ᠥᠭᠡᠷ ᠲᠡᠷᠭᠡ ᠪᠠᠷ | ᠲᠠᠤᠯᠠᠢ ᠭᠥᠢᠴᠡᠨᠡ ᠭᠡᠳᠡᠭ ᠬᠤᠳᠠᠯ | ᠥᠢᠯᠡᠶᠢᠨ ᠥᠷᠡ ᠡᠵᠡᠨ ᠢᠶᠠᠨ ᠲᠠᠭᠠᠨᠠ | ᠭᠡᠳᠡᠭ ᠬᠤᠳᠠᠯ | ᠤᠰᠤᠨ ᠲᠡᠭᠡᠷᠡ ᠥᠷᠥᠮᠡ ᠲᠤᠭᠳᠠᠬᠤ ᠦᠭᠡᠢ | ᠭᠡᠳᠡᠭ ᠪᠠᠰᠠ ᠬᠤᠳᠠᠯ | ᠬᠤᠳᠳᠤᠭ ᠤᠨ ᠮᠡᠯᠡᠭᠡᠢ ᠬᠤᠨ ᠤ ᠮᠢᠬᠠ ᠤᠯᠵᠤ | ᠢᠳᠡᠭᠦ ᠦᠭᠡᠢ ᠭᠡᠳᠡᠭ ᠬᠤᠳᠠᠯ | ᠬᠤᠷᠠ ᠶᠢᠨ ᠤᠰᠤᠨ ᠳᠤ ᠬᠤᠵᠢᠷ ᠪᠠᠶᠢᠬᠤ ᠦᠭᠡᠢ | ᠭᠡᠳᠡᠭ ᠶᠤᠰᠤᠲᠠᠢ ᠬᠤᠳᠠᠯ | ᠬᠤᠳᠠᠯ ᠭᠡᠯᠡᠪᠡᠯ ᠬᠤᠶᠢᠨᠠ ᠪᠠᠨ ᠭᠡᠮ ᠲᠠᠢ ᠭᠡᠳᠡᠭ | ᠪᠥᠷ ᠱᠠᠯ ᠬᠤᠳᠠᠯ | ᠵᠤᠷᠢᠭᠳᠠᠶᠢᠬᠠᠨ ᠬᠤᠳᠠᠯ ᠭᠡᠯᠡ︕ ᠵᠤᠯᠪᠤᠭᠠᠳᠠᠶᠢᠬᠠᠨ | ᠬᠤᠳᠠᠯ ᠭᠡᠯᠡ︕ | ᠵᠤᠷᠢᠭᠰᠠᠨ ᠳᠠᠭᠠᠨ ᠭᠥᠷᠴᠥ ᠴᠢᠳᠠᠳᠠᠯᠠ ᠪᠠᠨ | ᠬᠤᠳᠠᠯ ᠭᠡᠯᠡ︕ | ᠭᠡᠨ ᠬᠤᠳᠠᠯ ᠭᠡᠯᠡᠵᠤ ᠴᠢᠳᠠᠪᠠᠯ ᠭᠡᠮᠵᠢᠶᠡ ᠦᠭᠡᠢ ᠰᠠᠶᠢᠬᠠᠨ ᠠᠮᠢᠳᠤᠷᠠᠵᠤ ᠴᠢᠳᠠᠮᠤᠢ | ᠬᠠᠮᠢᠶᠠ ᠦᠭᠡᠢ ᠡ᠂ ᠬᠤᠳᠠᠯ ᠭᠡᠯᠡ︕ ᠠᠶᠠᠳᠠᠶᠢᠬᠠᠨ ᠬᠤᠳᠠᠯ ᠭᠡᠯᠡᠵᠥ ᠰᠤᠷ︕ | ᠲᠡᠨᠡᠷ ᠨᠠᠮᠠᠢᠢ ᠢᠳᠡᠭᠡᠭᠡᠷᠡᠢ︕ ᠪᠢ ᠪᠠᠰᠠ ᠯᠠ ᠬᠤᠳᠠᠯ ᠭᠡᠯᠡᠵᠥ ᠪᠠᠶᠢᠨᠠ | ᠲᠠᠯᠠᠨ ᠬᠤᠳᠠᠯᠴᠢ ᠰᠢᠭ᠋ ᠬᠤᠳᠠᠯ ᠭᠡᠯᠡᠭᠦ ᠴᠦ ᠭᠤᠶᠤ ᠰᠢᠤ︕ | | ᠠᠭᠤᠴᠢᠯᠠᠭᠠᠷᠠᠢ︕ ᠡᠨᠡ ᠪᠥᠭᠦᠨ ᠮᠢᠨᠤ ᠪᠤᠷᠤᠭᠤ ᠪᠢᠰᠢ ᠡ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |