| ᠲᠠᠪᠣᠨ ᠴᠤᠯᠤ ᠪᠠᠷ ᠰᠢᠨᠵᠢᠬᠦ᠃ ᠮᠤᠷᠢᠨ ᠤ ᠰᠢᠨᠵᠢ ᠶᠢᠨ ᠣᠯᠠᠨ ᠰᠤᠳᠤᠷ ᠲᠤ ᠳᠤᠲᠤᠷ ᠲᠠᠪᠣᠨ ᠴᠣᠯᠣ | ᠡᠷᠭᠡᠳᠡᠨ ᠨᠢ ᠬᠤᠷᠳᠤᠯᠠᠨ ᠳᠠᠪᠬᠢᠬᠤ ᠪᠦᠬᠦᠢ ᠨᠦᠬᠦᠴᠡᠯ ᠢ ᠬᠠᠩᠭᠠᠭᠴᠢ ᠭᠤᠣᠯ ᠦᠨᠳᠦᠰᠦ ᠭᠡᠵᠦ ᠪᠢᠴᠢᠵᠠᠢ᠃ | ᠠᠳᠤᠭᠤᠨ ᠤ ᠵᠢᠷᠦᠬᠡ᠂ ᠪᠦᠭᠡᠷᠡ᠂ ᠠᠭᠤᠰᠬᠢ᠂ ᠡᠯᠢᠭᠡ᠂ ᠲᠡᠯᠢᠭᠦᠦ ᠶᠢᠨ ᠪᠠᠭᠲᠠᠭᠠᠮᠵᠢ ᠬᠡᠮᠵᠢᠶᠡ᠂ ᠦᠢᠯᠡ | ᠠᠵᠢᠯᠯᠠᠭᠠ᠂ ᠬᠦᠢᠴᠡᠳᠭᠡᠬᠦ ᠡᠭᠦᠷᠭᠡ ᠬᠤᠷᠳᠤᠯᠠᠬᠤ ᠴᠢᠳᠠᠪᠬᠢ ᠲᠠᠢ ᠰᠢᠭᠤᠳ ᠬᠠᠮᠢᠶᠠᠷᠣᠯᠲᠠᠢ ᠪᠣᠯᠬᠤ ᠶᠢ ᠰᠢᠨᠵᠢᠯᠡᠬᠦ | ᠣᠬᠠᠭᠠᠨ ᠤ ᠦᠨᠳᠦᠰᠦᠯᠡᠯ ᠢᠶᠠᠷ ᠲᠤᠭᠳᠠᠭᠠᠭᠰᠠᠨ ᠪᠠᠶᠢᠨᠠ᠃ | ᠠᠭᠤᠰᠬᠢᠨ ᠤ ᠲᠡᠮᠳᠡᠭ᠃ ᠬᠠᠮᠠᠷ ᠤᠨ ᠨᠦᠬᠡ᠂ ᠬᠠᠮᠠᠷ ᠤᠨ ᠭᠦᠨᠳᠠᠢ ᠳᠤ ᠢᠯᠡᠷᠡᠬᠦ ᠲᠣᠯᠠ ᠰᠠᠮᠰᠠ ᠠᠭᠤᠵᠢᠮ | ᠲᠦᠭᠦᠷᠢᠭ ᠪᠦᠭᠡᠰᠦ ᠠᠭᠤᠰᠬᠢ ᠪᠠᠭᠠ ᠲᠤᠰᠠ ᠰᠠᠶᠢᠨ᠃ ᠰᠠᠮᠰᠠ ᠪᠠᠨ ᠬᠠᠪᠴᠢᠭᠤ ᠪᠦᠭᠡᠰᠦ ᠠᠭᠤᠰᠬᠢ ᠶᠡᠭᠡ ᠶᠢᠨ | ᠲᠣᠯᠠ ᠬᠤᠯᠠ ᠭᠠᠵᠠᠷ ᠭᠦᠶᠦᠬᠦ ᠳᠤ ᠪᠠᠨ ᠴᠤᠴᠠᠮᠠᠬᠠᠢ ᠪᠠᠶᠢᠳᠠᠭ᠃ ᠡᠭᠦᠨ ᠠᠴᠠ ᠦᠵᠡᠬᠦ ᠳᠤ ᠠᠭᠤᠰᠬᠢ ᠪᠠᠭᠠ᠂ | ᠬᠠᠮᠠᠷ ᠤᠨ ᠭᠦᠨᠳᠠᠢ᠂ ᠪᠠᠭᠠᠯᠵᠣᠣᠷ᠂ ᠮᠦᠭᠡᠷᠰᠦᠨ ᠬᠤᠭᠤᠯᠠᠢ ᠠᠭᠤᠵᠢᠮ ᠪᠤᠯ ᠪᠤᠭᠤᠨᠢ ᠬᠤᠷᠣᠮ ᠳᠤ ᠡᠷᠴᠢᠮᠲᠠᠢ᠂ | ᠣᠯᠠᠨᠲᠠ ᠠᠮᠢᠰᠬᠤᠯᠯᠠᠬᠤ ᠨᠦᠬᠦᠴᠡᠯ ᠪᠦᠷᠢᠳᠦᠳᠡᠭ ᠪᠠᠶᠢᠨᠠ᠃ | ᠳᠠᠭᠤ ᠪᠠᠷ ᠰᠢᠨᠵᠢᠬᠦ᠃ ᠡᠷᠲᠡᠨ ᠤ ᠰᠣᠲᠣᠷ ᠤᠳ ᠲᠤ ︽ᠰᠠᠶᠢᠨ ᠮᠣᠷᠢ ᠪᠣᠯᠵᠣᠮᠣᠷ ᠤᠨ ᠳᠠᠭᠤ ᠮᠡᠳᠦ ᠨᠠᠷᠢᠨ | ᠡᠷᠴᠢᠮᠲᠠᠢ᠂ ᠤᠩᠭᠤᠯᠳᠠᠬᠤ ᠠᠶᠠᠯᠭᠤ ᠣᠷᠳᠤ᠂ ᠳᠤᠮᠳᠠᠴᠢ ᠮᠤᠷᠢᠨ ᠡᠯᠢᠶᠡᠨ ᠤ ᠳᠠᠭᠤ ᠪᠠᠷ ᠢᠨᠴᠠᠭᠠᠬᠤ᠂ ᠠᠶᠠᠯᠭᠤ | ᠡᠷᠴᠢᠮᠲᠠᠢ ᠳᠤᠮᠳᠠ᠂ ᠮᠠᠭᠤ ᠮᠣᠷᠢ ᠪᠦᠳᠦᠭᠦᠨ ᠢᠶᠠᠷ ᠲᠠᠷᠴᠢᠭᠢᠨᠠᠨ ᠬᠠᠮᠠᠷ ᠤᠨ ᠨᠦᠭᠡᠨ ᠠᠴᠠ ᠢᠨᠴᠠᠭᠠᠨᠠᠨᠠ︾ | ᠬᠡᠮᠡᠭᠰᠡᠨ ᠪᠤᠢ᠃ | ᠮᠦᠷ ᠠᠯᠬᠤᠳᠠᠯ ᠢᠶᠠᠷ ᠰᠢᠨᠵᠢᠬᠦ᠃ ᠠᠳᠤᠭᠤᠨ ᠤ ᠮᠦᠷ ᠠᠯᠬᠤᠳᠠᠯ ᠤᠨ ᠬᠡᠪ ᠨᠢ ᠪᠠᠶᠠ ᠶᠢᠨ ᠬᠠᠷᠢᠴᠠᠭᠠ᠂ | ᠮᠦᠴᠢᠨ ᠤ ᠣᠷᠳᠤ ᠪᠤᠭᠤᠨᠢ ᠪᠤᠶᠤ ᠶᠠᠰᠣ᠂ ᠳᠠᠯᠤ᠂ ᠪᠤᠯᠠᠭᠠ᠂ ᠪᠣᠭᠲᠣᠭᠤᠰᠣ ᠰᠢᠯᠪᠢ᠂ ᠳᠤᠮᠳᠠ ᠴᠢᠮᠦᠭᠡ᠂ | ᠱᠠᠭᠠᠨᠲᠦ ᠪᠡᠷᠪᠡᠬᠡᠢ᠂ ᠲᠣᠭᠤᠷᠠᠢ ᠶᠢᠨ ᠣᠷᠲᠦ ᠶᠢᠨ ᠬᠠᠷᠢᠴᠠᠭᠠ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ᠃ ᠬᠤᠷᠳᠣᠨ | ᠠᠳᠤᠭᠤᠨ ᠤ ᠠᠯᠬᠤᠭᠠ ᠭᠢᠰᠬᠢᠭᠡ ᠮᠦᠷ ᠢ ᠰᠢᠨᠵᠢᠬᠦ ᠰᠤᠳᠤᠷ ᠲᠤ ᠲᠤᠭᠤᠷᠠᠢ ᠢᠷᠮᠡᠭ ᠠᠴᠠ ᠪᠢᠰᠢ᠂ ᠲᠣᠳᠣ ᠪᠤᠰᠤ | ᠮᠦᠷ ᠦᠭᠡᠢ ᠪᠤᠯᠤᠭᠠᠳ ᠦᠰᠦᠭᠡᠢ ᠮᠦᠷ ᠪᠠᠯᠠᠷᠬᠠᠢ ᠰᠠᠶᠢᠨ᠃ ᠬᠤᠶᠢᠳᠦ ᠬᠦᠯ ᠢᠶᠠᠷ ᠣᠷᠢᠳᠤ ᠮᠦᠷ ᠢ ᠭᠢᠰᠬᠢᠨ | ᠶᠠᠪᠤᠪᠠᠯ ᠡᠷᠬᠢᠮ᠃ ᠣᠷᠢᠳᠤ ᠬᠦᠯ ᠤᠨ ᠮᠦᠷ ᠠᠴᠠ ᠬᠤᠶᠢᠳᠦ ᠬᠦᠯ ᠤᠨ ᠮᠦᠷ ᠬᠡᠲᠦᠷᠡᠪᠡᠯ ᠳᠤᠮᠳᠠ᠃ ᠬᠤᠶᠢᠳᠦ | ᠮᠦᠷ ᠲᠣᠳᠣ ᠪᠤᠰᠤ᠂ ᠣᠷᠢᠳᠤ ᠮᠦᠷ ᠲᠣᠳᠣ ᠰᠠᠶᠢᠨ᠃ ᠬᠤᠶᠢᠳᠦ᠂ ᠣᠷᠢᠳᠤ ᠪᠦᠬᠦᠯᠢ ᠲᠦᠷᠪᠡᠨ ᠮᠦᠷ ᠲᠣᠳᠣ | ᠪᠤᠯᠤᠭᠠᠳ ᠣᠷᠢᠳᠤ ᠬᠦᠯ ᠤᠨ ᠮᠦᠷ ᠢ ᠬᠤᠶᠢᠳᠦ ᠬᠦᠯ ᠤᠨ ᠮᠦᠷ ᠡᠰᠡ ᠭᠦᠢᠴᠡᠪᠡᠯ ᠮᠠᠭᠤ ᠭᠡᠰᠡᠨ ᠪᠠᠶᠢᠳᠠᠭ᠃ | ᠢᠳᠡᠰᠢᠨ ᠤ ᠪᠠᠶᠢᠳᠠᠯ ᠢᠶᠠᠷ ᠰᠢᠨᠵᠢᠬᠦ᠃ ᠰᠠᠶᠢᠨ ᠠᠳᠣᠭᠤ ᠢᠳᠡᠬᠦ ᠨᠢ ᠶᠡᠭᠡ᠂ ᠬᠤᠷ ᠲᠠᠷᠭᠤ ᠠᠪᠴᠤ | ᠰᠢᠩᠭᠡᠭᠡᠳᠡᠭ ᠪᠠᠶᠢᠨᠠ᠃ ᠨᠠᠮᠤᠷ ᠪᠤᠭᠤᠨᠢ ᠬᠤᠭᠤᠴᠠᠭᠠᠨ ᠳᠤ ᠡᠷᠴᠢᠮᠲᠠᠢ ᠲᠠᠷᠭᠤᠯᠠᠵᠤ ᠬᠠᠪᠤᠷ ᠵᠢᠭᠳᠡ ᠬᠡᠮᠨᠡᠯ ᠢᠶᠠᠷ | ᠲᠤᠷᠠᠵᠤ᠂ ᠡᠴᠡᠬᠦ᠂ ᠡᠪᠡᠳᠴᠢᠯᠡᠮᠡᠲᠡᠭᠡᠢ ᠪᠤᠰᠤ᠂ ᠡᠷᠡᠭᠦᠯ ᠴᠢᠬᠢᠷᠠᠭ ᠪᠠᠶᠢᠬᠤ ᠰᠠᠶᠢᠨ ᠠᠳᠤᠭᠤᠨ ᠤ ᠰᠢᠨᠵᠢ ᠶᠤᠮ᠃ | ᠣᠰᠤ ᠣᠣᠭᠤᠬᠤ ᠪᠠᠶᠢᠳᠠᠯ ᠢᠶᠠᠷ ᠰᠢᠨᠵᠢᠬᠦ᠃ ᠠᠳᠤᠭᠤᠨ ᠤ ᠣᠰᠤ ᠣᠣᠭᠤᠬᠤ ᠬᠡᠮᠵᠢᠶᠡ ᠳᠠᠪᠲᠠᠯᠲᠠ ᠨᠢ | ᠨᠣᠭᠤᠭᠠ᠂ ᠬᠠᠭᠳᠠ ᠡᠪᠡᠰᠣ᠂ ᠬᠦᠴᠦᠳᠤ ᠲᠡᠵᠢᠭᠡᠯ ᠢ ᠪᠤᠯᠪᠠᠰᠤᠷᠠᠭᠤᠯᠤᠨ ᠰᠢᠩᠭᠡᠭᠡᠬᠦ ᠹᠢᠽᠢᠤᠯᠣᠭᠢ ᠶᠢᠨ ᠦᠢᠯᠡ | ᠠᠵᠢᠯᠯᠠᠭᠠ ᠲᠠᠢ ᠬᠤᠯᠪᠤᠭᠠᠲᠠᠢ ᠭᠡᠳᠡᠭ ᠨᠢ ᠵᠠᠶᠢᠯᠠᠰᠢ ᠦᠭᠡᠢ᠃ ᠣᠰᠣ ᠶᠢ ᠠᠭᠠᠵᠢᠮ ᠢᠶᠠᠷ ᠰᠢᠮᠡᠨ ᠣᠣᠭᠤᠵᠦ᠂ | ᠪᠡᠶᠡ ᠳᠤ ᠪᠠᠨ ᠰᠢᠩᠭᠡᠭᠡᠬᠦ ᠣᠭ ᠢᠵᠠᠭᠤᠷ ᠠᠴᠠ ᠰᠢᠩᠭᠡᠨ ᠵᠦᠢᠯ ᠢ ᠪᠠᠭᠠ ᠱᠠᠭᠠᠷᠳᠠᠳᠠᠭ ᠤᠨᠴᠠᠭᠠᠢ ᠳᠡᠰᠪᠣᠷᠢ᠃ | ᠬᠤᠷᠳᠣᠨ ᠰᠢᠨᠵᠢ ᠶᠢᠨ ᠠᠳᠤᠭᠤᠨ ᠤ ᠠᠮᠠ᠂ ᠬᠠᠮᠠᠷ ᠤᠨ ᠭᠦᠨᠳᠠᠢ ᠶᠢ ᠬᠤᠯᠪᠣᠵᠤ ᠪᠤᠢ ᠨᠦᠭᠡᠨ ᠤ ᠬᠡᠮᠵᠢᠶᠡ | ᠠᠭᠤᠵᠢᠮ ᠣᠴᠢᠷ ᠠᠴᠠ ᠵᠠᠯᠭᠢᠭᠰᠠᠨ ᠣᠰᠤ ᠡᠷᠭᠢᠵᠦ ᠬᠠᠮᠠᠷ ᠢᠶᠠᠷ ᠭᠤᠭᠤᠵᠢᠨ ᠶᠡᠭᠡ ᠪᠠᠷ ᠣᠣᠭᠤᠵᠦ ᠴᠢᠳᠠᠳᠠᠭ | ᠦᠭᠡᠢ ᠪᠠᠶᠢᠨᠠ᠃ ᠡᠶᠢᠮᠣ ᠠᠴᠠ ᠪᠠᠭᠠ ᠪᠠᠭᠠ ᠪᠠᠷ ᠣᠯᠠᠨ ᠣᠳᠠᠭᠠ ᠳᠠᠰᠤᠯᠤᠨ ᠣᠣᠭᠤᠬᠤ ᠨᠢ ᠠᠮᠢᠰᠬᠤᠯ ᠤᠨ ᠵᠠᠮ | ᠴᠡᠯᠡᠶᠢᠬᠦ ᠤᠴᠢᠷ ᠰᠠᠶᠢᠨ ᠭᠡᠳᠡᠭ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |