| ︽ᠣᠶᠢᠷᠠᠳ ᠮᠣᠩᠭᠤᠯ ᠤᠨ ᠵᠠᠩ ᠦᠢᠯᠡ ᠶᠢᠨ ᠰᠤᠶᠤᠯ︾ | ----- ᠠᠬᠤᠢ ᠠᠮᠢᠳᠤᠷᠠᠯ ᠤᠨ ᠪᠣᠳᠢ | | ᠭᠡᠷ ᠤᠨ ᠡᠳ᠋ᠯᠡᠯ ᠤᠨ ᠵᠦᠢᠯ — | ᠶᠠᠩᠯᠤᠤ ᠵᠤᠤᠬᠠ᠄ ᠶᠠᠩᠯᠤᠤ ᠭᠡᠳᠡᠭ ᠨᠢ ︽ᠬᠠᠷᠢ ᠶᠢᠨ ᠵᠤᠤᠬᠠ︾ ᠭᠡᠳᠡᠭ ᠤᠳᠬᠠ ᠲᠠᠢ ᠬᠢᠲᠠᠳ ᠦᠭᠡ ᠪᠣᠯᠬᠤ | ᠶᠤᠮ᠃ ᠶᠠᠩᠯᠤᠤ ᠶᠢ ᠪᠠᠽᠠᠷ ᠠᠴᠠ ᠬᠤᠳᠠᠯᠳᠤᠵᠤ ᠠᠪᠬᠤ ᠪᠤᠶᠤ ᠲᠡᠮᠦᠷ ᠲᠤᠩ ᠪᠤᠶᠤ ᠵᠤᠵᠠᠭᠠᠨᠴᠠᠢ ᠬᠠᠯᠠᠢ ᠪᠠᠷ | ᠬᠢᠳᠡᠭ᠃ ᠲᠤᠩ ᠢᠶᠠᠷ ᠬᠢᠬᠦ ᠳᠡᠭᠡᠨ ᠤᠷᠢᠳ ᠢᠶᠠᠷ ᠬᠠᠶᠢᠰᠤᠨ ᠬᠦᠵᠦᠭᠦᠦ ᠴᠡᠭᠡ ᠪᠠᠨ ᠪᠠᠭᠲᠠᠵᠤ ᠪᠤᠯᠤᠮᠠᠷ ᠲᠤᠩ ᠢ | ᠰᠤᠩᠭᠤᠵᠤ ᠠᠪᠤᠭᠠᠳ ᠲᠡᠭᠦᠨ ᠤ ᠨᠢᠭᠡ ᠲᠠᠯᠠ ᠶᠢ ᠨᠢ ᠲᠠᠪᠤ ᠠᠴᠠ ᠠᠷᠪᠠᠨ ᠰᠠᠨᠲ᠋ᠢᠮᠧᠲᠷ ᠦᠷᠭᠡᠨ ᠢᠶᠠᠷ ᠬᠦᠨᠳᠡᠯᠡᠨ | ᠬᠡᠷᠴᠢᠵᠦ ᠬᠠᠪᠬᠠᠭᠠᠰᠤ ᠬᠢᠬᠦ ᠪᠠᠷ ᠪᠡᠯᠡᠳᠬᠡᠳᠡᠭ ᠪᠠ ᠦᠯᠡᠳᠡᠭᠰᠡᠨ ᠬᠡᠰᠡᠭ ᠲᠤᠨᠢ ᠲᠦᠯᠡᠰᠢ ᠰᠢᠷᠭᠤᠭᠤᠯᠵᠤ ᠬᠢᠬᠦ ᠠᠮᠠ | ᠲᠠᠢ ᠬᠢᠳᠡᠭ᠃ ᠠᠮᠠᠰᠠᠷ ᠤᠨ ᠬᠠᠭᠠᠭᠤᠯ ᠤᠨ ᠲᠤᠰᠤᠯᠳᠠᠭᠤ ᠠᠷᠤ ᠲᠠᠯᠠ ᠳᠤᠨᠢ ᠤᠲᠤᠭᠠ ᠭᠠᠷᠬᠤ ᠪᠠᠭ᠋ᠠᠯᠠᠭᠤᠷ ᠬᠢᠵᠦ | ᠂ ᠪᠠᠭ᠋ᠠᠯᠠᠭᠤᠷ ᠲᠠᠢ ᠵᠠᠯᠭᠠᠯᠳᠤᠨ ᠳᠡᠭᠡᠭᠰᠢ ᠭᠠᠷᠬᠤ ᠰᠤᠷᠤᠭᠤᠯ ᠵᠠᠯᠭᠠᠳᠠᠭ᠃ ᠶᠠᠩᠯᠤᠤ ᠶᠢᠨ ᠦᠨᠳᠦᠷ ᠪᠤᠭᠤᠨᠢ ᠶᠢᠨ | ᠬᠡᠮᠵᠢᠶᠡ ᠶᠢ ᠭᠠᠯ ᠤᠨ ᠲᠦᠯᠦ ᠬᠠᠶᠢᠰᠤᠨ ᠤ ᠢᠷᠤᠭᠠᠯ ᠳᠤ ᠬᠦᠷᠬᠦ ᠬᠡᠮᠵᠢᠶᠡ ᠪᠠᠷ ᠬᠢᠳᠡᠭ ᠪᠠ ᠵᠠᠷᠢᠮ ᠨᠢᠭᠡ ᠨᠢ | ᠶᠠᠩᠯᠤᠤ ᠶᠢᠨ ᠲᠤᠲᠤᠷᠠ ᠪᠠᠰᠠ ᠨᠢᠭᠡ ᠳᠠᠪᠬᠤᠷᠭᠠ ᠬᠢᠵᠦ ᠳᠣᠣᠭᠤᠷ ᠨᠢ ᠦᠨᠡᠰᠦ ᠶᠢ ᠨᠢ ᠠᠪᠴᠤ ᠪᠣᠯᠬᠤ ᠠᠮᠠᠰᠠᠷ | ᠲᠠᠢ ᠬᠢᠳᠡᠭ᠃ ᠲᠤᠲᠤᠷᠠ ᠪᠠᠨ ᠳᠠᠪᠬᠤᠷᠭᠠ ᠲᠠᠢ ᠶᠠᠩᠯᠤᠤ ᠨᠢ ᠡᠩ ᠤᠨ ᠶᠠᠩᠯᠤᠤ ᠠᠴᠠ ᠪᠠᠭᠠ ᠦᠨᠳᠦᠷ ᠰᠢᠭ | ᠪᠠᠶᠢᠳᠠᠭ᠃ | ᠲᠠᠷᠢᠶᠠᠴᠢᠨ ᠭᠠᠵᠠᠷ ᠤᠨ ᠨᠤᠲᠤᠭ ︵ᠬᠦᠮᠦᠰ︶ ᠪᠣᠯᠬᠤ ᠶᠤᠮ ᠪᠣᠯᠪᠠᠯ ᠰᠢᠪᠡᠷ ᠵᠤᠤᠬᠠ ᠪᠤᠶᠤ ᠮᠦᠨ ᠲᠡᠮᠦᠷ | ᠶᠠᠩᠯᠤᠤ ᠬᠡᠷᠡᠭᠯᠡᠳᠡᠭ ᠪᠣᠯᠪᠠᠴᠤ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠬᠡᠪᠲᠡᠬᠦ ᠭᠡᠷ ᠢ ᠪᠠᠨ ᠲᠤᠯᠠᠭᠠᠨ ᠪᠦᠯᠢᠶᠡᠨ ᠪᠣᠯᠭᠠᠬᠤ ᠶᠢᠨ | ᠲᠤᠯᠠᠳᠠ ᠰᠢᠪᠠᠷ ᠬᠡᠪ ᠪᠤᠶᠤ ᠲᠠᠭᠤᠲᠤ ᠬᠡᠪ ᠢᠶᠠᠷ ᠮᠧᠰᠢ ︵ᠫᠢᠰᠢᠩ︶ ᠪᠠᠷᠢᠵᠤ᠂ ᠲᠡᠭᠦᠨ ᠢᠶᠠᠨ ᠶᠠᠩᠯᠤᠤ ᠪᠤᠶᠤ | ᠵᠤᠤᠬᠠ ᠶᠢᠨ ᠪᠠᠭ᠋ᠠᠯᠠᠭᠤᠷ ᠬᠤᠭᠤᠯᠠᠢ ᠶᠢ ᠤᠭᠯᠠᠵᠤ ᠭᠠᠯ ᠲᠦᠯᠡᠳᠡᠭ ᠪᠠᠶᠢᠨᠠ᠃ ᠡᠶᠢᠭᠡᠪᠡᠯ ᠨᠢᠭᠡ ᠲᠠᠯᠠ ᠪᠠᠷ ᠬᠤᠲᠤ | ᠬᠤᠭᠤᠯᠠ ᠪᠠᠨ ᠬᠢᠵᠦ ᠪᠣᠯᠬᠤ ᠮᠦᠷᠲᠡᠭᠡᠨ ᠨᠦᠭᠦᠭᠡ ᠲᠠᠯᠠ ᠪᠠᠷ ᠭᠡᠷ ᠢᠶᠠᠨ ᠳᠤᠯᠠᠭᠠᠯᠠᠵᠤ ᠪᠣᠯᠵᠤ ᠦᠢᠯᠡᠳᠤᠯ ᠲᠠᠢ | ᠶᠤᠮ᠃ ᠮᠧᠰᠢ ᠶᠢ ᠮᠤᠤᠯᠤ ᠭᠡᠵᠦ ᠪᠠᠰᠠ ᠬᠡᠯᠡᠳᠡᠭ᠃ ᠶᠡᠷᠦ ᠶᠢᠨ ᠮᠧᠰᠢ ᠶᠢ ᠪᠠᠷᠢᠵᠤ ᠪᠣᠰᠬᠠᠬᠤ ᠳᠠᠭᠠᠨ | ᠵᠡᠷᠭᠡᠴᠡᠭᠡ ᠪᠠᠷ ᠪᠣᠰᠬᠠᠭᠰᠠᠨ ᠭᠤᠷᠪᠠᠨ ᠪᠢᠲᠡᠭᠦᠦ ᠬᠤᠷᠢᠶᠠ ᠲᠠᠢ ᠬᠢᠳᠡᠭ ᠪᠦᠭᠡᠳ ᠪᠦᠲᠦᠴᠡ ᠶᠢᠨ ᠳᠡᠭᠡᠷᠡ ᠪᠠᠨ | ᠬᠠᠯᠠᠭᠤᠨ ᠬᠠᠨᠵᠤᠨ ᠤ ᠪᠦᠲᠦᠴᠡ ᠲᠠᠢ ᠠᠳᠠᠯᠢ ᠪᠠᠶᠢᠳᠠᠭ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠬᠠᠯᠠᠭᠤᠨ ᠬᠠᠨᠵᠤᠨ ᠤ ᠬᠡᠪᠲᠡᠭᠡ | ᠬᠡᠯᠪᠡᠷᠢ ᠶᠢ ᠪᠣᠰᠬᠠᠵᠤ ᠪᠠᠷᠢᠪᠠᠯ ᠮᠧᠰᠢ ᠪᠣᠯᠳᠠᠭ᠃ ᠡᠨᠡ ᠬᠦ ᠮᠧᠰᠢ ᠶᠢᠨ ᠭᠤᠷᠪᠠᠨ ᠬᠤᠷᠢᠶᠠ ᠭᠡᠳᠡᠭ ᠨᠢ | ᠵᠤᠤᠬᠠ ᠠᠴᠠ ᠭᠠᠷᠤᠭᠰᠠᠨ ᠤᠲᠤᠭᠠᠨ ᠭᠦᠶᠦᠬᠦ ᠮᠤᠷᠤᠢ ᠵᠠᠮ ᠪᠣᠯᠬᠤ ᠶᠤᠮ᠃ ᠦᠯᠢᠭᠡᠷᠯᠡᠪᠡᠯ᠂ ᠵᠤᠤᠬᠠ ᠶᠢᠨ | ᠪᠠᠭ᠋ᠠᠯᠠᠭᠤᠷ ᠠᠴᠠ ᠭᠠᠷᠤᠭᠰᠠᠨ ᠤᠲᠤᠭᠠᠨ ᠨᠢᠭᠡᠳᠡᠭᠴᠢ ᠬᠤᠷᠢᠶᠠ ᠪᠠᠷ ᠳᠡᠭᠡᠭᠰᠢ ᠶᠠᠪᠤᠵᠤ ᠳᠡᠭᠡᠳᠦ ᠪᠠᠭ᠋ᠠᠯᠠᠭᠤᠷ ᠢᠶᠠᠷ ᠨᠢ | ᠬᠤᠶᠠᠳᠠᠭᠴᠢ ᠬᠤᠷᠢᠶᠠ ᠳᠤ ᠣᠷᠤᠵᠤ᠂ ᠬᠤᠶᠠᠳᠠᠭᠴᠢ ᠬᠤᠷᠢᠶᠠ ᠪᠠᠷ ᠳᠠᠬᠢᠨ ᠳᠤᠷᠤᠭᠰᠢ ᠶᠠᠪᠤᠵᠤ ᠳᠣᠣᠷᠠ | ᠲᠠᠯᠠ ᠶᠢᠨ ᠪᠠᠭ᠋ᠠᠯᠠᠭᠤᠷ ᠢᠶᠠᠷ ᠭᠤᠷᠪᠠᠳᠠᠭᠴᠢ ᠬᠤᠷᠢᠶᠠ ᠳᠤ ᠳᠠᠮᠵᠢᠵᠤ ᠣᠷᠤᠳᠠᠭ ᠪᠠ ᠲᠡᠭᠦᠨ ᠠᠴᠠ ᠪᠠᠨ ᠳᠡᠭᠡᠭᠰᠢᠯᠡᠵᠦ | ᠰᠤᠷᠤᠭᠤᠯ ᠢᠶᠠᠷ ᠭᠠᠳᠠᠭᠰᠢ ᠭᠠᠷᠳᠠᠭ᠃ ᠡᠶᠢᠮᠦ ᠮᠧᠰᠢ ᠶᠢ ᠲᠡᠮᠦᠷ ᠰᠤᠷᠤᠭᠤᠯ ᠢᠶᠠᠷ ᠬᠢᠵᠦ ᠳᠡᠭᠡᠭᠰᠢ ᠳᠣᠭᠤᠭᠰᠢ | ᠡᠷᠭᠢᠯᠳᠦᠨ ᠰᠤᠷᠤᠭᠤᠯ ᠢᠶᠠᠷ ᠦᠭᠡᠳᠡ ᠭᠠᠷᠬᠤ ᠬᠡᠯᠪᠡᠷᠢ ᠲᠠᠢ ᠴᠤ ᠬᠢᠳᠡᠭ ᠪᠠᠶᠢᠯᠠ᠃ | ᠵᠤᠤᠬᠠ ᠶᠢ ︽ᠭᠠᠵᠠᠷ ᠵᠤᠤᠬᠠ︾ ᠪᠣᠯᠤᠨ ︽ᠰᠢᠪᠠᠷ ᠵᠤᠤᠬᠠ︾ ᠭᠡᠵᠦ ᠬᠤᠶᠠᠷ ᠵᠦᠢᠯ ᠳᠤ ᠬᠤᠪᠢᠶᠠᠳᠠᠭ᠃ | ᠭᠠᠵᠠᠷ ᠵᠤᠤᠬᠠ ᠭᠡᠳᠡᠭ ᠨᠢ ᠬᠤᠷᠢᠮ ᠭᠡᠶᠢᠴᠢ᠂ ᠨᠠᠶᠢᠷ ᠲᠠᠩᠭᠠᠷᠠᠢ ᠪᠣᠯᠬᠤ ᠶᠢᠨ ᠦᠶᠡ ᠳᠤ ᠭᠠᠵᠠᠭᠠ ᠭᠠᠵᠠᠷ | ᠮᠠᠯᠲᠠᠵᠤ ᠳᠡᠭᠡᠷᠡ ᠨᠢ ᠬᠠᠶᠢᠰᠤ ᠪᠠᠨ ᠨᠡᠷᠡᠵᠦ ᠬᠤᠳᠤ ᠬᠤᠭᠤᠯᠠ ᠬᠢᠬᠦ ᠳᠤ ᠬᠡᠷᠡᠭᠯᠡᠬᠦ ᠵᠤᠤᠬᠠ ᠶᠢ ᠬᠡᠯᠡᠳᠡᠭ᠃ | ᠬᠦᠳᠡᠭᠡ ᠮᠠᠯᠴᠢᠨ ᠭᠠᠵᠠᠷ ᠤᠨ ᠤᠯᠤᠰ ᠡᠶᠢᠮᠦ ᠵᠤᠤᠬᠠ ᠶᠢ ᠣᠯᠠᠨ ᠬᠡᠷᠡᠭᠯᠡᠳᠡᠭ ᠪᠦᠭᠡᠳ ᠨᠡᠭᠦᠭᠦ ᠦᠶᠡ ᠳᠡᠭᠡᠨ | ᠡᠶᠢᠭᠡᠵᠦ ᠬᠢᠭᠰᠡᠨ ᠵᠤᠤᠬᠠ ᠪᠠᠨ ᠳᠠᠷᠤᠵᠤ ᠪᠤᠯᠠᠭᠠᠳ ᠭᠠᠵᠠᠷ ᠲᠠᠢ ᠨᠢ ᠲᠡᠭᠰᠢᠯᠡᠵᠦ ᠣᠷᠬᠢᠭᠠᠳ ᠶᠠᠪᠤᠳᠠᠭ᠃ ᠰᠢᠪᠠᠷ | ᠵᠤᠤᠬᠠ ᠭᠡᠳᠡᠭ ᠨᠢ ᠬᠠᠶᠢᠰᠤ ᠨᠡᠷᠡᠵᠦ ᠬᠤᠲᠤ ᠬᠤᠭᠤᠯᠠ ᠬᠢᠬᠦ ᠶᠢᠨ ᠲᠦᠯᠦᠭᠡ ᠰᠢᠪᠠᠷ ᠬᠡᠪ ᠪᠤᠶᠤ ᠳᠠᠭᠤᠲᠤ | ᠬᠡᠪ ᠢᠶᠠᠷ ᠬᠤᠷᠢᠶᠠᠵᠤ ᠬᠢᠭᠰᠡᠨ ᠵᠤᠤᠬᠠ ᠶᠢ ᠬᠡᠯᠡᠳᠡᠭ᠃ ᠡᠶᠢᠮᠦ ᠵᠤᠤᠬᠠ ᠶᠢ ᠵᠤᠨ ᠤ ᠤᠯᠠᠷᠢᠯ ᠳᠤ ᠭᠠᠵᠠᠭᠠ ᠪᠠᠷᠢᠵᠤ | ᠬᠤᠲᠤ ᠬᠤᠭᠤᠯᠠ ᠬᠢᠳᠡᠭ ᠪᠠ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠭᠡᠷ ᠲᠤᠲᠤᠷᠠ ᠪᠠᠨ ᠪᠠᠷᠢᠵᠤ ᠭᠠᠯ ᠬᠦᠴᠡ ᠪᠠᠨ ᠬᠢᠳᠡᠭ | ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ ᠡᠶᠢᠨ ᠬᠦ ᠪᠣᠰᠤᠭᠠ ᠵᠤᠤᠬᠠ ᠨᠢ ᠵᠤᠤᠬᠠ ᠶᠢᠨ ᠠᠮᠠᠨ᠂ ᠵᠤᠤᠬᠠ ᠶᠢᠨ ᠨᠢᠭᠤᠷ᠂ | ᠵᠤᠤᠬᠠ ᠶᠢᠨ ᠪᠠᠭ᠋ᠠᠯᠠᠭᠤᠷ᠂ ᠵᠤᠤᠬᠠ ᠶᠢᠨ ᠮᠠᠩᠨᠠᠢ᠂ ᠵᠤᠤᠬᠠ ᠶᠢᠨ ᠰᠠᠷᠠᠮᠫᠠ᠂ ᠵᠤᠤᠬᠠ ᠶᠢᠨ ᠴᠤᠨᠳᠤᠭ᠂ | ᠵᠤᠤᠬᠠ ᠶᠢᠨ ᠲᠠᠯᠪᠢᠴᠠ ︵ᠳᠡᠭᠲᠦ︶ ᠭᠡᠬᠦ ᠮᠡᠲᠦ ᠪᠦᠷᠢᠯᠳᠦᠭᠦᠨ ᠲᠠᠢ ᠪᠠᠶᠢᠳᠠᠭ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |