| ︽ᠣᠶᠢᠷᠠᠳ ᠮᠣᠩᠭᠤᠯ ᠤᠨ ᠵᠠᠩ ᠦᠢᠯᠡ ᠶᠢᠨ ᠰᠤᠶᠤᠯ︾ | ----- ᠠᠬᠤᠢ ᠠᠮᠢᠳᠤᠷᠠᠯ ᠤᠨ ᠪᠣᠳᠢ | | ᠭᠡᠷ ᠤᠨ ᠡᠳ᠋ᠯᠡᠯ ᠤᠨ ᠵᠦᠢᠯ — | ᠠᠪᠳᠠᠷᠠ᠂ ᠪᠠᠷᠠᠭᠠᠨ ᠤ ᠰᠢᠷᠡᠭᠡ᠄ ᠣᠶᠢᠷᠠᠳ ᠬᠦᠮᠦᠰ ᠤᠨ ᠤᠯᠠᠮᠵᠢᠯᠠᠯ ᠳᠤ ᠰᠢᠨᠡ ᠠᠴᠠ ᠬᠤᠷᠢᠮ ᠬᠢᠵᠤ ᠠᠶᠢᠯ | ᠠᠮᠢᠲᠠᠨ ᠪᠣᠯᠬᠤ ᠪᠠᠷ ᠪᠠᠶᠢᠬᠤ ᠤᠯᠤᠰ ᠲᠤ ᠡᠷᠬᠡᠪᠰᠢ ᠮᠡᠲᠦ ᠭᠡ ᠪᠠᠷ ᠬᠡᠷᠡᠭᠦᠯᠵᠦ ᠤᠷᠠᠯᠠᠭᠰᠠᠨ ᠨᠢᠭᠡ ᠬᠤᠣᠰ ᠮᠣᠳᠤᠨ | ᠠᠪᠳᠠᠷᠠ ᠪᠣᠯᠤᠨ ᠨᠢᠭᠡ ᠬᠤᠣᠰ ᠪᠠᠷᠠᠭᠠᠨ ᠤ ᠰᠢᠷᠡᠭᠡ ᠬᠢᠵᠤ᠂ ᠰᠢᠨᠡ ᠪᠦᠷᠢᠭᠰᠡᠨ ᠭᠡᠷ ᠪᠤᠶᠤ ᠬᠤᠷᠢᠮ ᠬᠢᠵᠤ ᠠᠶᠢᠯ | ᠠᠮᠢᠲᠠᠨ ᠪᠣᠯᠵᠤ ᠪᠠᠶᠢᠬᠤ ᠵᠠᠯᠠᠭᠤ ᠶᠢᠨ ᠭᠡᠷ ᠲᠤᠨᠢ ᠣᠷᠤᠭᠤᠯᠵᠤ ᠬᠤᠶᠢᠮᠤᠷ ᠪᠡᠶᠡ ᠶᠢᠨ ᠲᠡᠷᠡᠮ ᠢ ᠳᠠᠭᠠᠭᠤᠯᠵᠤ | ᠲᠠᠯᠪᠢᠳᠠᠭ᠃ ᠣᠯᠠᠩᠬᠢ ᠪᠠᠶᠢᠳᠠᠯ ᠳᠤ ᠪᠠᠷᠠᠭᠠᠨ ᠤ ᠰᠢᠷᠡᠭᠡ ᠪᠣᠯᠤᠨ ᠠᠪᠳᠠᠷᠠ ᠶᠢ ᠮᠣᠷᠳᠠᠵᠤ ᠢᠷᠡᠬᠦ ᠬᠡᠤᠬᠡᠨ ᠤ ᠲᠠᠯᠠ | ᠬᠢᠵᠤ ᠢᠷᠡᠳᠡᠭ ᠵᠠᠩᠰᠢᠯ ᠲᠠᠢ ᠪᠣᠯᠬᠤᠷ ᠬᠡᠤᠬᠡᠨ ᠮᠣᠷᠳᠠᠵᠤ ᠢᠷᠡᠬᠦ ᠦᠶᠡ ᠳᠤ ᠡᠳ᠋ ᠤᠨ ᠬᠠᠮᠲᠤ ᠠᠪᠴᠤ ᠢᠷᠡᠳᠡᠭ | ᠪᠠᠶᠢᠯᠠ᠃ ᠭᠡᠲᠡᠯᠡ ᠡᠨᠡ ᠨᠢ ᠵᠠᠪᠠᠯ ᠬᠤᠷᠢᠮ ᠬᠢᠬᠦ ᠦᠶᠡ ᠳᠤ ᠪᠠᠶᠢᠬᠤ ᠶᠣᠰᠣᠲᠠᠢ ᠵᠦᠢᠯ ᠭᠡᠬᠦ ᠶᠢᠨ ᠠᠷᠭᠠ ᠦᠭᠡᠢ᠃ | ᠤᠴᠢᠷ ᠨᠢ ᠦᠩᠭᠡᠷᠡᠭᠰᠡᠨ ᠳᠤ ᠵᠠᠷᠢᠮ ᠦᠭᠡᠶᠢᠲᠡᠢ ᠤᠯᠤᠰ ᠬᠦᠪᠡᠭᠦᠨ ᠬᠡᠤᠬᠡᠨ ᠳᠡᠭᠡᠨ ᠬᠤᠷᠢᠮ ᠭᠡᠶᠢᠴᠢ ᠬᠢᠬᠦ ᠳᠡᠭᠡᠨ | ᠠᠪᠳᠠᠷᠠ ᠬᠠᠶᠢᠷᠴᠠᠭ ᠬᠢᠵᠤ ᠲᠠᠯᠪᠢᠬᠤ ᠴᠢᠳᠠᠯ ᠦᠭᠡᠢ ᠪᠣᠯᠪᠠᠯ ᠲᠦᠷ ᠴᠠᠭ ᠪᠤᠰᠤᠩᠭᠢ ᠠᠶᠢᠯ ᠠᠴᠠ ᠠᠪᠳᠠᠷᠠ | ᠪᠤᠯᠤᠨ ᠠᠪᠳᠠᠷᠠ ᠶᠢᠨ ᠰᠢᠷᠡᠭᠡ ᠶᠢ ᠨᠢ ᠵᠢᠭᠡᠯᠡᠵᠤ ᠢᠷᠡᠭᠡᠳ ᠲᠠᠯᠪᠢᠵᠤ᠂ ᠬᠤᠷᠢᠮ ᠭᠡᠶᠢᠴᠢ ᠶᠢᠨ ᠶᠣᠰᠤᠨ ᠶᠠᠪᠤᠳᠠᠯ | ᠲᠡᠭᠦᠰᠦᠭᠰᠡᠨ ᠠᠴᠠ ᠬᠤᠶᠢᠷᠤ ᠡᠷᠭᠢᠭᠦᠯᠵᠦ ᠦᠭᠳᠡᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠣᠶᠢᠷᠠᠳ ᠨᠤᠲᠤᠭ ᠤᠨ ᠬᠦᠮᠦᠰ ᠮᠤᠳᠤ ᠲᠡᠮᠦᠷ ᠮᠡᠲᠦ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠳᠦᠷᠪᠡᠯᠵᠢᠯᠡᠵᠦ ᠬᠢᠭᠰᠡᠨ ᠪᠠᠭᠠ ᠭᠠᠷ ᠤᠨ | ᠠᠪᠳᠠᠷᠠ ᠶᠢ ᠵᠠᠷᠢᠮ ᠳᠠᠭᠠᠨ ︽ᠬᠠᠶᠢᠷᠴᠠᠭ︾ ᠭᠡᠵᠦ᠂ ᠠᠷᠠᠰᠦ ᠰᠢᠷᠢ ᠪᠠᠷ ᠬᠢᠭᠰᠡᠨ ᠠᠪᠳᠠᠷᠠ ᠶᠢ ᠬᠠᠷᠢ ᠬᠡᠯᠡᠨ ᠤ | ᠠᠪᠢᠶᠠ ᠶᠢ ᠳᠠᠭᠠᠭᠤᠯᠵᠤ ︽ᠴᠠᠮᠠᠲᠠᠨ︾ ᠪᠤᠶᠤ ︽ᠴᠠᠪᠠᠭᠠᠲᠠᠨ︾ ᠭᠡᠵᠦ ᠬᠡᠯᠡᠬᠦ ᠦᠵᠡᠭᠳᠡᠯ ᠴᠤ ᠪᠠᠶᠢᠳᠠᠭ᠃ | ᠭᠡᠬᠦ ᠳᠡᠭᠡᠨ ᠣᠯᠠᠩᠬᠢ ᠪᠠᠶᠢᠳᠠᠯ ᠳᠤ ︽ᠬᠠᠶᠢᠷᠴᠠᠭ︾ ᠭᠡᠵᠦ ᠡᠵᠡᠯᠡᠭᠦᠨ ᠨᠢ ᠪᠠᠭᠠ ᠰᠢᠭ᠋ ᠠᠪᠳᠠᠷᠠ ᠶᠢ ᠬᠡᠯᠡᠳᠡᠭ | ᠪᠦᠭᠡᠳ ︽ᠴᠠᠭᠠᠰᠤᠨ ᠬᠠᠶᠢᠷᠴᠠᠭ︾᠂ ︽ᠲᠡᠮᠦᠷ ᠬᠠᠶᠢᠷᠴᠠᠭ︾᠂ ︽ᠲᠠᠮᠠᠬᠢ ᠶᠢᠨ ᠬᠠᠶᠢᠷᠴᠠᠭ︾᠂ ︽ᠡᠮ ᠤᠨ | ᠬᠠᠶᠢᠷᠴᠠᠭ︾ ᠭᠡᠬᠦ ᠮᠡᠲᠦ ᠶᠠᠭᠤ ᠲᠦᠷᠦᠬᠦ ᠪᠠᠷ ᠨᠢ ᠲᠤᠲᠤᠳᠬᠠᠵᠤ ᠬᠡᠯᠡᠳᠡᠭ ᠵᠠᠩᠰᠢᠯ ᠲᠠᠢ ᠶᠤᠮ᠃ | ᠠᠪᠳᠠᠷᠠ ᠶᠢ ᠶᠡᠬᠡᠪᠴᠢᠯᠡᠨ ᠮᠣᠳᠤ ᠱᠠᠯᠠ ᠪᠠᠷ ᠳᠦᠷᠪᠡᠯᠵᠢᠯᠡᠨ ᠤᠭᠯᠠᠬᠤ ᠪᠤᠶᠤ ᠵᠤᠰᠤᠯᠠᠵᠤ ᠬᠠᠳᠠᠭᠠᠳ᠂ | ᠳᠡᠭᠡᠷᠡ ᠠᠴᠠ ᠨᠢ ᠰᠢᠷᠳᠡᠵᠦ ᠦᠩᠭᠡᠯᠡᠭᠡᠳ ᠬᠢᠳᠡᠭ᠃ ᠠᠪᠳᠠᠷᠠ ᠶᠢ ᠬᠡᠷᠡᠭᠯᠡᠬᠦ ᠬᠡᠷᠡᠭᠴᠡᠭᠡᠨ ᠤ ᠲᠠᠯᠡ ᠠᠴᠠ ᠬᠡᠯᠡᠪᠡᠯ᠂ | ᠶᠡᠷᠦ ᠳᠡᠭᠡᠨ ᠬᠤᠪᠴᠠᠰᠤ ᠬᠤᠨᠠᠷ᠂ ᠰᠢᠬᠢᠷ ᠦᠵᠦᠮ᠂ ᠮᠦᠩᠭᠦ ᠲᠡᠩᠬᠡ ᠵᠡᠷᠭᠡ ᠶᠠᠭᠤᠮᠠ ᠪᠣᠯᠤᠨ ᠦᠨᠡ ᠴᠠᠨᠠ | ᠲᠠᠢ ᠵᠠᠰᠠᠯ ᠴᠢᠮᠡᠭᠡᠯᠡᠯ᠂ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠵᠡᠷᠭᠡ ᠵᠦᠢᠯᠡᠰ ᠢ ᠲᠦᠷᠦᠵᠦ ᠲᠠᠯᠪᠢᠳᠠᠭ᠃ ᠡᠶᠢᠮᠦ ᠠᠴᠠ ᠬᠤᠷᠢᠮ ᠤᠨ | ᠢᠷᠦᠭᠡᠯ ᠳᠤ᠄ ︽ᠠᠯᠠᠭᠠᠨ ᠠᠴᠠ ᠴᠢᠨᠢ ᠠᠯᠲᠠ ᠴᠠᠭᠠᠨ ᠬᠠᠳᠠᠭ ᠬᠤᠶᠢᠭᠤᠳᠠᠭ ᠦᠭᠡᠢ ᠪᠣᠯᠵᠤ᠂ ᠠᠪᠳᠠᠷᠠ ᠠᠴᠠ | ᠴᠢᠨᠢ ᠠᠷᠠᠭᠠ ᠲᠠᠢ ᠶᠤᠸᠠᠮᠪᠣᠣ ᠬᠤᠶᠢᠭᠤᠳᠠᠭ ᠦᠭᠡᠢ ᠪᠣᠯᠵᠤ︾᠂ ︽ᠠᠪᠳᠠᠷᠠ ᠪᠠᠷ ᠳᠦᠭᠦᠷᠡᠩ ᠠᠯᠲᠠ ᠲᠠᠢ ᠪᠣᠯᠵᠤ | ᠠᠲᠠᠷᠭᠠ ᠪᠠᠷ ᠲᠦᠭᠦᠷᠡᠩ ᠮᠠᠯ ᠲᠠᠢ ᠪᠣᠯᠵᠤ …︾ ᠭᠡᠵᠦ ᠬᠡᠯᠡᠳᠡᠭ᠃ | ᠣᠶᠢᠷᠠᠳ ᠬᠦᠮᠦᠰ ᠰᠢᠨᠡ ᠠᠴᠠ ᠭᠡᠷ ᠡᠷᠦᠬᠡ ᠪᠣᠰᠬᠠᠵᠤ ᠪᠠᠶᠢᠭᠠ ᠤᠯᠤᠰ ᠤᠨ ᠠᠪᠳᠠᠷᠠ ᠶᠢ ᠬᠤᠣᠰ ᠢᠶᠠᠷ ᠬᠢᠳᠡᠭ | ᠪᠠ ᠦᠷᠦᠭᠡ ᠶᠢᠨ ᠪᠠᠶᠢᠳᠠᠯ ᠢ ᠦᠵᠡᠵᠦ ᠪᠠᠶᠢᠭᠠᠳ ᠶᠡᠭᠡ ᠪᠠᠭᠠ ᠪᠤᠶᠤ ᠦᠨᠳᠦᠷ ᠪᠣᠭᠤᠨᠢ᠂ ᠦᠷᠭᠡᠨ ᠨᠠᠷᠢᠨ ᠤ | ᠬᠡᠮᠵᠢᠶᠡ ᠶᠢ ᠲᠣᠭᠲᠠᠭᠠᠲᠠᠭ᠃ ᠡᠶᠢᠮᠦ ᠠᠴᠠ ᠠᠭᠤᠵᠢᠭᠤ ᠰᠢᠭ᠋ ᠭᠡᠷ ᠪᠣᠯᠬᠤ ᠶᠤᠮ ᠪᠣᠯᠪᠠᠯ ᠳ᠋ᠤᠭ ︵ᠪᠠᠭᠠ︶ ᠶᠡᠭᠡ | ᠰᠢᠭ ᠬᠢᠵᠤ᠂ ᠪᠠᠭᠠ ᠰᠢᠭ᠋ ᠭᠡᠷ ᠪᠣᠯᠬᠤ ᠶᠤᠮ ᠪᠣᠯᠪᠠᠯ ᠪᠠᠭᠲᠠᠭᠠᠮᠵᠢ ᠶᠢ ᠨᠢ ᠬᠠᠯᠠᠶᠢᠵᠤ ᠪᠠᠶᠢᠭᠠᠳ ᠪᠠᠭᠠ ᠰᠢᠭ᠋ | ᠬᠢᠳᠡᠭ᠃ ᠵᠠᠷᠢᠮ ᠨᠦᠭᠦᠴᠡᠯ ᠪᠣᠯᠤᠯᠴᠠᠭᠠ᠂ ᠤᠷᠠ ᠮᠡᠷᠭᠡᠵᠢᠯ ᠤᠨ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ ᠬᠦᠮᠦᠨ ᠪᠦᠬᠦᠨ | ᠦᠪᠡᠷ ᠢᠶᠠᠨ ᠠᠪᠳᠠᠷᠠ ᠬᠢᠵᠤ ᠴᠢᠳᠠᠬᠤ ᠦᠭᠡᠢ ᠲᠤᠯᠠ ᠣᠯᠠᠩᠬᠢ ᠪᠠᠶᠢᠳᠠᠯ ᠳᠤ ᠮᠤᠳᠤᠴᠢᠨ ᠬᠦᠮᠦᠨ ᠬᠢᠳᠡᠭ ᠪᠠᠶᠢᠯᠠ | ᠃ ᠭᠡᠲᠡᠯᠡ ᠬᠠᠶᠠ ᠨᠢᠭᠡ ᠭᠠᠷ ᠲᠠᠭᠠᠨ ᠣᠢ ᠲᠠᠢ ᠬᠦᠮᠦᠰ ᠦᠪᠡᠷ ᠢᠶᠠᠨ ᠬᠢᠬᠦ ᠦᠵᠡᠭᠳᠡᠯ ᠲᠠᠢ ᠪᠠᠶᠢᠳᠠᠭ᠃ ᠭᠡᠮᠡᠷ | ᠨᠤᠲᠤᠭ ᠠᠶᠢᠯ ᠳᠤᠮᠳᠠ ᠨᠢ ᠠᠪᠳᠠᠷᠠ ᠬᠢᠵᠤ ᠦᠭᠬᠦ ᠮᠣᠲᠤᠴᠢᠨ ᠪᠠᠶᠢᠬᠤ ᠦᠭᠡᠢ ᠪᠣᠯᠪᠠᠯ ᠵᠠᠬᠠ ᠵᠡᠭᠡᠯᠢ ᠶᠢᠨ ᠪᠠᠽᠠᠷ | ᠠᠪᠳᠠᠷᠠ ᠬᠤᠳᠠᠯᠳᠤᠵᠤ ᠠᠪᠬᠤ ᠪᠤᠶᠤ ᠮᠠᠯ ᠬᠠᠷᠠ ᠪᠠ ᠠᠩ ᠠᠮᠢᠲᠠᠨ ᠤ ᠠᠷᠠᠰᠤ ᠬᠦᠷᠦᠰᠦ ᠪᠠᠷ ᠠᠪᠳᠠᠷᠠ ᠰᠣᠯᠢᠵᠤ | ᠠᠪᠳᠠᠭ᠃ | ᠠᠪᠳᠠᠷᠠ ᠶᠢ ᠬᠡᠯᠪᠡᠷᠢ ᠪᠠᠶᠢᠳᠠᠯ ᠤᠨ ᠬᠤᠪᠢ ᠳᠤ ᠲᠡᠭᠰᠢ ᠳᠦᠷᠪᠡᠯᠵᠢᠨ ᠪᠤᠶᠤ ᠤᠷᠲᠤ ᠳᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ | ᠬᠢᠳᠡᠭ ᠪᠠ ᠰᠡᠬᠦᠭᠳᠡᠬᠦ ᠰᠡᠬᠦᠭᠦᠷ ᠬᠠᠪᠬᠠᠭ ᠲᠠᠢ᠂ ᠬᠠᠪᠬᠠᠭ ᠤᠨ ᠠᠷᠤ ᠳᠤ ᠨᠢ ᠦᠭᠡᠳᠡ ᠤᠷᠤᠭᠤ ᠰᠡᠬᠦᠬᠦ ᠳᠤ | ᠬᠦᠳᠡᠯᠬᠦ ᠬᠤᠶᠠᠷ ᠲᠣᠪᠰᠠᠢ ᠲᠠᠢ᠂ ᠨᠢᠭᠤᠷ ᠲᠠᠯᠠ ᠳᠤᠨᠢ ᠠᠪᠳᠠᠷᠠ ᠶᠢᠨ ᠬᠠᠪᠬᠠᠭ ᠢ ᠣᠨᠢᠰᠤᠯᠠᠵᠤ ᠪᠠᠲᠤᠯᠠᠬᠤ ᠳᠤ | ᠬᠡᠷᠡᠭᠲᠡᠢ ᠬᠤᠣᠰ ᠪᠤᠶᠤ ᠨᠢᠭᠡ ᠲᠦᠳᠡᠭᠡ ᠲᠠᠢ᠂ ᠬᠤᠶᠠᠷ ᠲᠠᠯᠠ ᠳᠤᠨᠢ ᠪᠠᠷᠢᠵᠤ ᠡᠷᠭᠦᠬᠦ ᠳᠤ ᠵᠣᠷᠢᠭᠤᠯᠵᠤ ᠬᠤᠶᠠᠷ | ᠰᠢᠭᠰᠢᠭ ᠪᠠᠷᠢᠭᠤᠯ ᠲᠠᠢ ᠬᠢᠳᠡᠭ᠃ ᠲᠡᠭᠡᠬᠦ ᠳᠡᠭᠡᠨ ᠮᠣᠳᠤᠨ ᠱᠠᠯᠠ ᠶᠢ ᠵᠣᠬᠢᠬᠤ ᠬᠡᠮᠵᠢᠶᠡᠷᠢ ᠪᠠᠷ ᠬᠢᠷᠦᠭᠡᠳᠡᠵᠦ | ᠬᠤᠭᠤᠷᠤᠨᠳᠤ ᠨᠢ ᠠᠮᠠᠭᠠᠶᠢᠯᠠᠬᠤ ᠪᠤᠶᠤ ᠲᠡᠮᠦᠷ᠂ ᠮᠤᠳᠤᠨ ᠬᠠᠳᠠᠭᠠᠰᠤ ᠪᠠᠷ ᠬᠠᠳᠠᠵᠤ ᠪᠦᠲᠦᠴᠡ ᠶᠢ ᠨᠢ ᠭᠠᠷᠭᠠᠳᠠᠭ᠃ | ᠭᠡᠮᠡᠷ ᠮᠣᠳᠤᠨ ᠱᠠᠯᠠ ᠶᠢᠨ ᠦᠷᠭᠡᠨ ᠨᠢ ᠬᠡᠷᠡᠭᠴᠡᠭᠡᠨ ᠳᠤ ᠬᠦᠷᠬᠦ ᠦᠭᠡᠢ ᠶᠤᠮ ᠪᠣᠯᠪᠠᠯ ᠬᠤᠶᠠᠷ ᠱᠠᠯᠠ ᠶᠢᠨ | ᠢᠷᠮᠡᠭ ᠢ ᠬᠠᠷᠤᠭᠤᠯᠳᠠᠨ ᠲᠡᠭᠰᠢᠯᠡᠵᠦ ᠬᠤᠭᠤᠷᠤᠨᠳᠤ ᠨᠢ ᠵᠤᠰᠤ ᠪᠠᠷ ᠵᠤᠰᠤᠯᠠᠵᠤ ᠦᠷᠭᠡᠨ ᠤ ᠬᠡᠮᠵᠢᠶᠡ ᠶᠢ | ᠲᠣᠬᠢᠷᠠᠭᠤᠯᠳᠠᠭ᠃ ᠡᠶᠢᠭᠡᠭᠰᠡᠨ ᠤ ᠳᠠᠷᠠᠭᠠ ᠬᠠᠳᠠᠵᠤ ᠵᠤᠰᠤᠯᠠᠭᠰᠠᠨ ᠠᠪᠳᠠᠷᠠ ᠪᠠᠨ ᠡᠯᠡᠰᠦᠨ ᠴᠠᠭᠠᠰᠤ ᠪᠠᠷ | ᠵᠦᠯᠬᠦᠵᠤ ᠲᠡᠭᠰᠢᠯᠡᠳᠡᠭ ᠪᠠ ᠵᠠᠷᠢᠮ ᠨᠢᠭᠡᠨ ᠬᠠᠳᠠᠭᠠᠰᠤᠨ ᠤ ᠤᠷᠤᠮ᠂ ᠠᠳᠠᠷᠠᠤ ᠲᠠᠢ ᠭᠠᠵᠠᠷ ᠪᠠᠶᠢᠬᠤ ᠶᠤᠮ ᠪᠣᠯᠪᠠᠯ | ᠰᠢᠲᠠᠭᠠᠭᠰᠠᠨ ᠴᠡᠷᠡᠳ ᠤᠨ ᠦᠨᠡᠰᠦᠨ ᠳᠤ ᠵᠤᠰᠤ ᠬᠤᠯᠢᠵᠦ ᠨᠤᠬᠤᠭᠠᠳ ᠲᠡᠲᠡᠭᠡᠷ ᠠᠳᠠᠷᠠᠤ ᠲᠠᠢ ᠭᠠᠵᠠᠷ ᠢᠶᠠᠨ | ᠲᠡᠭᠰᠢᠯᠡᠵᠦ ᠳᠡᠭᠡᠷᠡ ᠠᠴᠠ ᠨᠢ ᠬᠤᠰᠤᠵᠤ ᠵᠦᠯᠭᠦᠭᠡᠳ ᠲᠡᠭᠰᠢᠯᠡᠳᠡᠭ᠃ ᠡᠶᠢᠭᠡᠵᠦ ᠪᠣᠯᠤᠭᠰᠠᠨ ᠤ ᠳᠠᠷᠠᠭᠠ ᠤᠯᠠᠭᠠᠨ᠂ | ᠬᠦᠷᠡᠩ᠂ ᠨᠣᠭᠤᠭᠠᠨ᠂ ᠬᠦᠬᠡ ᠮᠡᠲᠦ ᠦᠩᠭᠡᠲᠡᠢ ᠰᠢᠷ ᠢᠶᠠᠷ ᠬᠤᠶᠠᠷ ᠰᠠᠭᠠᠮᠠ ᠰᠢᠷᠳᠡᠵᠦ᠂ ᠰᠢᠷ ᠨᠢ | ᠬᠠᠳᠠᠭᠰᠠᠨ ᠤ ᠳᠠᠷᠠᠭᠠ ᠡᠮᠦᠨᠡ ᠨᠢᠭᠤᠷ ᠲᠤᠨᠢ ᠪᠤᠭᠤ ᠰᠤᠭᠤ᠂ ᠵᠢᠭᠦᠷᠲᠡᠨ ᠰᠢᠪᠠᠭᠤ᠂ ᠴᠡᠴᠡᠭ ᠬᠤᠸᠠᠷ ᠵᠢᠷᠤᠬᠤ | ᠪᠤᠶᠤ ᠡᠰᠡᠭᠡᠵᠦ ᠦᠯᠵᠡᠢ ᠵᠠᠩᠭᠢᠶᠠ᠂ ᠵᠠᠨᠵᠢ᠂ ᠭᠤᠯᠵᠠ ᠮᠡᠲᠦ ᠡᠷᠢᠶᠡ ᠵᠢᠷᠤᠵᠤ ᠶᠠᠩᠵᠤᠯᠠᠳᠠᠭ᠃ | ᠵᠠᠷᠢᠮ ᠨᠤᠲᠤᠭ ᠲᠤ ᠪᠣᠯᠪᠠᠯ ︽ᠪᠦᠰ ᠬᠤᠪᠴᠠᠰᠤ ᠲᠠᠢ ᠨᠣᠮ ᠰᠤᠳᠤᠷ᠂ ᠬᠦᠷᠦᠭ ᠪᠤᠷᠬᠠᠨ ᠪᠠ ᠭᠡᠷ ᠤᠨ ᠴᠠᠳᠢᠭ | ᠲᠤᠭᠤᠵᠢ ᠲᠡᠤᠬᠡ᠂ ᠬᠠᠭᠤᠴᠢᠨ ᠤ ᠲᠤᠷᠠᠰᠬᠠᠯ ᠲᠠᠢ ᠬᠤᠪᠤᠷ ᠴᠤᠬᠠᠭ ᠵᠦᠢᠯᠡᠰ ᠢ ᠬᠠᠲᠠᠭᠠᠯᠠᠬᠤ ᠲᠤᠰᠬᠠᠢ ᠠᠪᠳᠠᠷᠠ | ᠰᠢᠭ᠋ ᠮᠣᠳᠤᠨ ᠬᠠᠶᠢᠷᠴᠠᠭ ᠢ ᠬᠤᠪᠲᠣ ᠭᠡᠨᠡ᠃ ᠬᠤᠪᠲᠣ ᠨᠢ ᠬᠠᠶᠢᠷᠴᠠᠭ ᠠᠴᠠ ᠶᠡᠭᠡ᠂ ᠠᠪᠳᠠᠷᠠ ᠠᠴᠠ ᠪᠠᠭᠠ | ᠪᠠᠶᠢᠳᠠᠭ᠃ ᠲᠡᠭᠦᠨ ᠢ ᠨᠣᠮ ᠤᠨ ᠤᠷᠲᠤ ᠣᠬᠤᠷ ᠢ ᠦᠨᠳᠦᠰᠦᠯᠡᠵᠦ ᠣᠯᠠᠨ ᠶᠠᠩᠵᠤ ᠶᠢᠨ ᠬᠡᠯᠪᠡᠷᠢ ᠲᠠᠢ ᠬᠢᠳᠡᠭ᠃ | ᠭᠡᠪᠡᠴᠦ ᠴᠦᠮ ᠤᠷᠲᠤ ᠳᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠬᠤᠪᠲᠣ ᠳᠤ ᠠᠯᠲᠠᠨ ᠮᠦᠩᠭᠦᠨ ᠵᠡᠷᠭᠡ | ᠬᠤᠪᠤᠷ ᠴᠤᠬᠠᠭ ᠵᠦᠢᠯᠡᠰ︾ ᠢ ᠴᠤ ᠬᠠᠲᠠᠭᠠᠯᠠᠵᠤ ᠲᠠᠯᠪᠢᠳᠠᠭ ᠪᠠᠶᠢᠨᠠ᠃ | ᠵᠡᠷᠭᠡᠴᠡᠭᠡ ᠬᠤᠶᠠᠷ ᠠᠪᠳᠠᠷᠠ ᠶᠢ ᠭᠠᠵᠠᠷ ᠠᠴᠠ ᠵᠠᠢ ᠲᠠᠢ ᠲᠠᠯᠪᠢᠬᠤ ᠶᠢᠨ ᠲᠦᠯᠦᠭᠡ ᠠᠪᠳᠠᠷᠠ ᠶᠢᠨ ᠳᠦᠷᠪᠡᠯᠵᠢᠨ | ᠰᠠᠭᠤᠷᠢ ᠲᠠᠢ ᠶᠡᠭᠡ ᠪᠠᠭᠠ ᠨᠢ ᠠᠳᠠᠯᠢ ᠳᠦᠷᠪᠡᠯᠵᠢᠨ ᠬᠤᠶᠠᠷ ᠰᠢᠷᠡᠭᠡ ᠬᠢᠳᠡᠭ᠃ ᠡᠭᠦᠨ ᠢ ᠪᠠᠨ ︽ᠠᠪᠳᠠᠷᠠ ᠶᠢᠨ | ᠰᠢᠷᠡᠭᠡ︾ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠠᠪᠳᠠᠷᠠ ᠶᠢᠨ ᠰᠢᠷᠡᠭᠡ ᠶᠢ ᠳᠦᠷᠪᠡᠨ ᠰᠢᠭᠢᠷᠡ ᠲᠠᠢ ᠬᠢᠳᠡᠭ ᠪᠦᠭᠡᠳ ᠡᠮᠦᠨᠡ ᠪᠡᠶᠡ | ᠳᠤᠨᠢ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠲᠤᠯᠢ ᠲᠠᠢ ᠬᠢᠳᠡᠭ᠃ ᠲᠣᠯᠢ ᠶᠢᠨ ᠬᠤᠶᠠᠷ ᠲᠡᠯᠡᠬᠢ ᠰᠢᠭᠢᠷᠡ ᠨᠢ ᠲᠣᠯᠢ ᠶᠢᠨ | ᠳᠣᠣᠷᠠᠬᠢ ᠢᠷᠮᠡᠭ ᠠᠴᠠ ᠲᠦᠷᠦᠦ ᠬᠤᠷᠤᠭᠤᠨ ᠤᠷᠲᠤ ᠪᠣᠯᠳᠠᠭ᠃ ᠡᠨᠡ ᠬᠦ ᠲᠣᠯᠢ ᠶᠢᠨ ᠳᠦᠷᠪᠡᠯᠵᠢᠨ | ᠬᠦᠷᠢᠶᠡᠨ ᠳᠤ ᠮᠦᠨ ᠡᠯᠳᠡᠪ ᠠᠮᠢᠲᠠᠨ ᠤ ᠵᠢᠷᠤᠭ ᠵᠢᠷᠤᠬᠤ ᠶᠢᠨ ᠬᠠᠮᠲᠤ ᠴᠡᠴᠡᠭ ᠭᠤᠯᠵᠠ ᠵᠢᠷᠤᠵᠤ ᠬᠡᠷᠡᠭᠦᠯᠳᠡᠭ᠃ | ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤ ᠳᠡᠭᠡᠷᠡ ᠨᠢ ᠲᠠᠯᠪᠢᠬᠤ ᠠᠪᠳᠠᠷᠠ ᠨᠢ ᠶᠠᠮᠠᠷ ᠦᠩᠭᠡ ᠲᠠᠢ ᠬᠢᠭᠰᠡᠨ ᠪᠣᠯᠪᠠᠯ ᠪᠠᠷᠠᠭᠠᠨ ᠤ | ᠰᠢᠷᠡᠭᠡ ᠨᠢ ᠴᠤ ᠲᠠᠶᠢᠮᠦ ᠦᠩᠭᠡᠲᠡᠢ ᠪᠣᠯᠳᠠᠭ᠃ | ᠠᠪᠳᠠᠷᠠ ᠶᠢ ︽ᠡᠪ ᠦᠭᠡᠢ ᠮᠣᠲᠤ ᠶᠢ ᠡᠪ ᠲᠤᠨᠢ ᠲᠠᠭᠠᠷᠠᠭᠤᠯᠵᠤ ᠬᠢᠭᠰᠡᠨ᠂ ᠡᠷᠪᠡᠭᠡᠢ ᠲᠦᠷᠪᠡᠨ ᠠᠷᠠᠭᠠ ᠭᠠᠷᠭᠠᠵᠤ | ᠬᠢᠭᠰᠡᠨ᠂ ᠡᠷᠳᠡᠨᠢ ᠴᠠᠭᠠᠰᠤᠨ ᠤ ᠵᠤᠰᠤ ᠪᠠᠷ ᠨᠠᠭᠠᠵᠤ ᠬᠢᠭᠰᠡᠨ᠂ ᠡᠯᠳᠡᠪ ᠤᠨ ᠰᠢᠷ ᠢᠶᠠᠷ ᠰᠢᠷᠳᠡᠵᠦ ᠬᠢᠭᠰᠡᠨ᠂ ᠦᠨᠡ | ᠲᠠᠢ ᠦᠩᠭᠡ ᠲᠠᠢ ᠲᠣᠷᠭᠠ ᠳᠤᠷᠳᠤᠩ ᠡᠳ᠋ ᠡᠷᠳᠡᠨᠢ ᠪᠠᠷ ᠲᠦᠷᠦᠳᠡᠭ᠂ ᠠᠯᠲᠠᠨ ᠮᠦᠩᠭᠦᠨ ᠬᠤᠶᠢᠭᠤᠳᠠᠭ ᠦᠭᠡᠢ᠂ | ᠠᠪᠳᠠᠷᠠ ᠬᠠᠶᠢᠷᠴᠠᠭ ᠨᠢ ᠦᠯᠵᠡᠶᠢᠲᠠᠢ ᠪᠣᠯᠲᠤᠭᠠᠢ︕︾ ᠭᠡᠵᠦ ᠢᠷᠦᠭᠡᠳᠡᠭ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |