| ︽ᠣᠶᠢᠷᠠᠳ ᠮᠣᠩᠭᠤᠯ ᠤᠨ ᠵᠠᠩ ᠦᠢᠯᠡ ᠶᠢᠨ ᠰᠤᠶᠤᠯ︾ | ----- ᠠᠬᠤᠢ ᠠᠮᠢᠳᠤᠷᠠᠯ ᠤᠨ ᠪᠣᠳᠢ | | ᠭᠡᠷ ᠤᠨ ᠡᠳ᠋ᠯᠡᠯ ᠤᠨ ᠵᠦᠢᠯ — | ᠬᠠᠶᠢᠰᠤᠨ᠂ ᠲᠤᠯᠭᠠ᠄ ︽ᠬᠠᠶᠢᠰᠤᠨ︾ ᠭᠡᠳᠡᠭ ᠨᠢ ᠲᠤᠭᠤᠭᠠ ᠶᠢ ᠵᠢᠭᠠᠳᠠᠭ ᠡᠷᠲᠡᠨ ᠤ ᠬᠡᠯᠡᠯᠭᠡ᠃ | ᠣᠶᠢᠷᠠᠳ ᠤᠨ ᠬᠦᠮᠦᠰ ᠶᠡᠷᠦ ᠶᠢᠨ ᠠᠮᠢᠳᠦᠷᠠᠯ ᠠᠬᠤᠢ ᠳᠠᠭᠠᠨ ᠶᠡᠬᠡᠪᠴᠢᠯᠡᠨ ᠴᠦ᠋ ︵ᠰᠢᠷᠠᠮᠤᠨ︶ ᠬᠠᠶᠢᠰᠤ | ᠬᠡᠷᠡᠭᠯᠡᠳᠡᠭ ᠪᠦᠭᠡᠳ ᠬᠠᠶᠢᠰᠤᠨ ᠤ ᠶᠡᠭᠡ ᠪᠠᠭᠠ ᠪᠣᠯᠤᠨ ᠬᠡᠷᠡᠭᠴᠡᠭᠡ ᠳᠤᠨᠢ ᠦᠨᠳᠦᠰᠦᠯᠡᠵᠦ ︽ᠮᠠᠩᠵᠤᠨ ᠬᠠᠶᠢᠰᠤᠨ︾ | ᠂ ︽ᠠᠷᠢᠬᠢ ᠶᠢᠨ ᠬᠠᠶᠢᠰᠤᠨ︾᠂ ︽ᠱᠠᠷᠠᠯᠵᠢᠨ ᠬᠠᠶᠢᠰᠤᠨ︾᠂ ︽ᠬᠤᠲᠤ ᠶᠢᠨ ᠬᠠᠶᠢᠰᠤᠨ︾᠂ ︽ᠵᠢᠯᠢᠪᠴᠢ︾ | ᠪᠤᠶᠤ ︽ᠵᠢᠯᠭᠠᠴᠢ︾᠂ ︽ᠪᠠᠬᠢᠷᠰᠦᠨ︾ ᠭᠡᠵᠦ ᠬᠤᠪᠢᠶᠠᠳᠠᠭ ᠪᠠ ᠬᠢᠭᠳᠡᠭᠰᠡᠨ ᠮᠠᠲ᠋ᠧᠷᠢᠶᠠᠯ ᠳᠤᠨᠢ ᠦᠨᠳᠦᠰᠦᠯᠡᠵᠦ | ︽ᠴᠠᠭᠠᠨ ᠬᠠᠶᠢᠰᠤᠨ︾᠂ ︽ᠪᠠᠮ ᠬᠠᠶᠢᠰᠤᠨ︾᠂ ︽ᠪᠤᠭᠤᠱ ᠬᠠᠶᠢᠰᠣᠨ︾᠂ ︽ᠵᠡᠰ ᠬᠠᠶᠢᠰᠣᠨ︾᠂ ︽ᠬᠦᠷᠡᠯ | ᠬᠠᠶᠢᠰᠤᠨ︾ ᠭᠡᠬᠦ ᠮᠡᠲᠦ ᠪᠠᠷ ᠬᠤᠪᠢᠶᠠᠳᠠᠭ᠃ | ᠮᠠᠩᠵᠤᠨ ᠬᠠᠶᠢᠰᠤᠨ ᠭᠡᠳᠡᠭ ᠨᠢ ᠰᠦᠮᠡ ᠬᠡᠶᠢᠳ ᠲᠤ ᠬᠤᠷᠠᠯ ᠬᠤᠷᠠᠬᠤ ᠦᠶᠡ ᠳᠤ ᠬᠤᠷᠠᠯ ᠤᠨ ᠪᠤᠳᠠᠭᠠ ᠬᠢᠳᠡᠭ | ᠲᠤᠮᠤ ᠬᠠᠶᠢᠰᠤ ᠶᠢ ᠬᠡᠯᠡᠳᠡᠭ᠃ ᠠᠷᠢᠬᠢ ᠶᠢᠨ ᠬᠠᠶᠢᠰᠤᠨ ᠭᠡᠵᠦ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠨᠡᠷᠡᠬᠦ ᠦᠶᠡ ᠳᠤ ᠪᠤᠶᠤ | ᠬᠤᠷᠢᠮ ᠨᠠᠶᠢᠷ ᠤᠨ ᠶᠣᠰᠤᠯᠠᠯ ᠳᠤ ᠶᠡᠭᠡ ᠬᠡᠮᠵᠢᠶᠠᠨ ᠤ ᠮᠢᠬᠠ ᠴᠢᠨᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠳᠦᠴᠢ ᠲᠠᠪᠢᠨ ᠺᠢᠯᠤᠭ᠍ᠷᠠᠮ | ᠠᠶᠢᠷᠠᠭ ᠪᠠᠭᠲᠠᠬᠤ ᠶᠡᠬᠡᠴᠢᠷ ᠬᠠᠶᠢᠰᠤ ᠶᠢ ᠬᠡᠯᠡᠳᠡᠭ᠃ ᠬᠤᠲᠤ ᠶᠢᠨ ᠬᠠᠶᠢᠰᠤᠨ ᠭᠡᠳᠡᠭ ᠨᠢ ᠶᠡᠷᠦ ᠶᠢᠨ ᠦᠶᠡ ᠳᠤ | ᠴᠠᠢ ᠴᠢᠨᠠᠬᠤ᠂ ᠲᠠᠷᠢᠶᠠ ᠰᠢᠰᠢ ᠬᠠᠭᠤᠷᠬᠤ᠂ ᠬᠤᠲᠤ ᠬᠤᠭᠤᠯᠠ ᠬᠢᠬᠦ ᠪᠠ ᠮᠢᠬᠠ ᠴᠢᠨᠠᠵᠤ ᠢᠳᠡᠬᠦ ᠳᠤ ᠬᠡᠷᠡᠭᠯᠡᠳᠡᠭ | ᠬᠦᠷᠡᠯ ᠪᠤᠶᠤ ᠵᠡᠰ ᠢᠶᠠᠷ ᠬᠢᠭᠰᠡᠨ ᠬᠠᠶᠢᠰᠤ ᠪᠠᠨ ᠬᠡᠯᠡᠳᠡᠭ᠃ ᠵᠢᠯᠢᠪᠴᠢ ᠭᠡᠵᠦ ᠮᠤᠰᠤᠷ ᠢᠶᠠᠷ ᠰᠠᠭᠠᠯᠢ ᠶᠢᠨ ᠠᠷᠢᠬᠢ | ᠨᠡᠷᠡᠬᠦ ᠦᠶᠡ ᠳᠤ ᠮᠤᠰᠤᠷ ᠤᠨ ᠳᠡᠭᠡᠷᠡᠬᠢ ᠠᠮᠠᠰᠠᠷ ᠲᠤ ᠲᠠᠯᠪᠢᠵᠤ ᠤᠰᠤ ᠰᠤᠯᠢᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠪᠠᠭᠠᠴᠠᠷ | ᠬᠠᠶᠢᠰᠤ ᠶᠢ ᠬᠡᠯᠡᠳᠡᠭ᠃ ᠪᠠᠬᠢᠷᠰᠤᠨ ᠭᠡᠳᠡᠭ ᠨᠢ ᠵᠢᠯᠢᠪᠴᠢ ᠠᠴᠠ ᠶᠡᠬᠡᠴᠡᠷ᠂ ᠬᠤᠲᠤ ᠬᠤᠭᠤᠯᠠ ᠬᠢᠬᠦ | ᠬᠠᠶᠢᠰᠤᠨ ᠠᠴᠠ ᠪᠠᠭᠠᠴᠠᠷ ᠬᠠᠶᠢᠰᠤ ᠶᠢ ᠬᠡᠯᠡᠳᠡᠭ᠃ ᠭᠡᠬᠦ ᠳᠡᠭᠡᠨ ᠵᠠᠷᠢᠮ ᠪᠠᠭᠠ ᠭᠠᠷ ᠤᠨ ᠪᠠᠬᠢᠷᠰᠤ ᠪᠠᠷ ᠵᠢᠯᠢᠪᠴᠢ | ᠬᠢᠬᠦ ᠶᠠᠪᠦᠳᠠᠯ ᠴᠤ ᠪᠠᠶᠢᠳᠠᠭ᠃ ᠴᠠᠭᠠᠨ ᠬᠠᠶᠢᠰᠤᠨ ᠭᠡᠳᠡᠭ ᠨᠢ ᠴᠠᠶᠢᠷ ᠪᠤᠶᠤ ᠬᠦᠩᠭᠡᠨ ᠴᠠᠭᠠᠨ ᠢᠶᠠᠷ ᠬᠢᠭᠰᠡᠨ | ᠬᠦᠨᠴᠦᠭᠦᠷ ᠭᠦᠨ ᠬᠡᠴᠡ ︵ᠬᠡᠯᠪᠡᠷᠢ︶ ᠲᠠᠢ ᠳᠡᠭᠡᠷᠡ ᠪᠠᠨ ᠬᠤᠶᠠᠷ ᠪᠠᠷᠢᠭᠤᠯ ᠲᠠᠢ ᠬᠠᠶᠢᠰᠤ ᠶᠢ ᠬᠡᠯᠡᠳᠡᠭ᠃ ᠡᠶᠢᠮᠦ | ᠬᠠᠶᠢᠰᠤᠨ ᠨᠢ ᠴᠠᠭᠠᠨ ᠦᠩᠭᠡ ᠲᠠᠢ ᠪᠣᠯᠳᠠᠭ ᠠᠴᠠ ︽ᠴᠠᠭᠠᠨ ᠬᠠᠶᠢᠰᠤᠨ︾ ᠭᠡᠮᠡᠨ ᠨᠡᠷᠡᠯᠡᠭᠰᠡᠨ ᠪᠠᠶᠢᠨᠠ᠃ | ᠣᠶᠢᠷᠠᠳ ᠬᠦᠮᠦᠰ ᠰᠢᠨᠡ ᠬᠠᠶᠢᠰᠤ ᠶᠢ ᠪᠣᠯᠭᠤᠵᠤ ᠬᠡᠷᠡᠭᠯᠡᠳᠡᠭ᠃ ᠡᠰᠡ ᠪᠣᠯᠭᠤᠪᠠᠯ ᠵᠢᠪᠡ ᠭᠠᠷᠴᠤ᠂ ᠴᠢᠨᠠᠭᠰᠠᠨ | ᠴᠠᠢ ᠪᠤᠶᠤ ᠱᠦᠯᠦᠨ ᠬᠦᠬᠡᠷᠡᠳᠡᠭ ᠲᠤᠯᠠ ᠡᠷᠬᠡᠪᠰᠢ ᠪᠠᠯ ᠢ ᠨᠢ ᠠᠷᠢᠯᠭᠠᠬᠤ ᠶᠢᠨ ᠵᠣᠷᠢᠯᠭᠠ ᠪᠠᠷ ᠪᠤᠯᠭᠤᠳᠠᠭ᠃ | ᠲᠡᠶᠢᠮᠦ ᠠᠴᠠ ︽ᠬᠠᠶᠢᠰᠤ ᠪᠤᠯᠭᠤᠬᠤ︾ ᠭᠡᠳᠡᠭ ᠨᠢ ᠰᠢᠨᠡ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠴᠦ᠋ ︵ᠰᠢᠷᠠᠮᠤ︶ | ᠬᠠᠶᠢᠰᠤ ᠶᠢ ᠬᠡᠷᠡᠭ ᠦᠭᠡᠢ ᠶᠠᠰᠤ ᠪᠤᠶᠤ ᠮᠣᠷᠢᠨ ᠤ ᠬᠡᠲᠡ ︵ᠬᠤᠮᠤᠯ︶ ᠳᠡᠭᠡᠷᠡ ᠤᠰᠤ ᠬᠢᠵᠤ ᠬᠡᠰᠡᠭ ᠵᠠᠭᠤᠷᠠ | ᠪᠤᠴᠠᠯᠭᠠᠵᠤ ᠠᠪᠤᠭᠠᠳ ᠳᠠᠬᠢᠨ ᠬᠠᠶᠢᠰᠤ ᠪᠠᠨ ᠠᠷᠴᠢᠵᠤ ᠴᠡᠪᠡᠷᠯᠡᠭᠡᠳ ᠭᠠᠯ ᠳᠡᠭᠡᠷᠡ ᠲᠠᠯᠪᠢᠵᠤ ᠬᠠᠯᠠᠭᠤᠯᠤᠭᠠᠳ | ᠬᠤᠨᠢᠨ ᠤ ᠰᠡᠭᠦᠯ᠂ ᠰᠡᠮᠡᠵᠡ ᠦᠭᠡᠬᠦ ᠮᠡᠲᠦ ᠠᠴᠠ ᠲᠦᠷᠬᠢᠵᠦ ᠨᠠᠷᠠᠨ ᠳᠤ ᠡᠭᠡᠵᠦ ᠲᠠᠯᠪᠢᠳᠠᠭ᠃ ᠭᠡᠮᠡᠷ ᠨᠢᠭᠡ | ᠰᠠᠭᠠᠮᠠ ᠳᠤ ᠪᠣᠯᠬᠤ ᠦᠭᠡᠢ ᠪᠣᠯᠪᠠᠯ ᠳᠡᠭᠡᠷᠡᠬᠢ ᠠᠷᠭᠠ ᠪᠠᠷ ᠳᠠᠬᠢᠨ ᠳᠠᠪᠲᠠᠨ ᠬᠡᠳᠦᠨ ᠰᠠᠭᠠᠮᠠ ᠪᠣᠯᠭᠤᠪᠠᠯ ᠪᠣᠯᠵᠤ | ᠣᠷᠬᠢᠳᠠᠭ᠃ ᠴᠠᠭᠠᠨ ᠬᠠᠶᠢᠰᠤᠨ ᠠᠴᠠ ᠪᠠᠯ ᠵᠢᠪᠡ ᠭᠠᠷᠳᠠᠭ ᠦᠭᠡᠢ ᠲᠤᠯᠠ ᠰᠢᠨᠡ ᠠᠪᠤᠭᠰᠠᠨ ᠬᠠᠶᠢᠰᠤᠨ ᠪᠣᠯᠪᠠᠯ | ᠠᠩᠬᠠ ᠤᠳᠠᠭᠠ ᠬᠠᠷᠠ ᠤᠰᠤ ᠪᠤᠴᠠᠯᠭᠠᠵᠤ᠂ ᠳᠠᠷᠠᠭᠠ ᠪᠠᠷ ᠨᠢ ᠶᠠᠭᠤ ᠬᠢᠭᠰᠡᠨ ᠴᠤ ᠪᠣᠯᠤᠭᠠᠳ ᠪᠠᠶᠢᠳᠠᠭ᠃ | ᠡᠶᠢᠮᠦ ᠠᠴᠠ ᠭᠡᠷ ᠤᠨ ᠢᠷᠦᠭᠡᠯ ᠳᠤ ᠴᠦ᠋ ᠬᠠᠶᠢᠰᠤ ᠶᠢ ᠪᠠᠨ᠄ ︽ᠰᠢᠨᠵᠸᠤ ᠬᠤᠲᠠ ᠳᠤ ᠰᠢᠷᠠᠮᠦ ᠴᠦ᠋ ᠪᠠᠷ ᠰᠢᠷᠢᠨ | ᠬᠢᠭᠰᠡᠨ᠂ ᠰᠢᠮᠡᠲᠡᠢ ᠢᠳᠡᠭᠡ ᠶᠢ ᠲᠤᠭᠲᠠᠭᠠᠨ ᠬᠢᠭᠰᠡᠨ᠂ ᠡᠯᠪᠡᠭ ᠶᠡᠭᠡ ᠬᠡᠰᠢᠭ ᠲᠠᠢ ᠬᠢᠭᠰᠡᠨ᠂ ᠦᠪᠡᠷ ᠢᠶᠠᠨ | ᠪᠤᠴᠠᠯᠤᠮᠠᠷ ᠰᠠᠶᠢᠬᠠᠨ ᠬᠢᠭᠰᠡᠨ᠂ ᠰᠢᠮᠡ ᠰᠢᠭᠦᠰᠦᠨ ᠤ ᠠᠭᠤᠷᠬᠠᠢ ᠪᠤᠯᠤᠭᠰᠠᠨ᠂ ᠰᠢᠷᠠᠮᠦ ᠴᠦ᠋ ᠬᠠᠶᠢᠰᠤᠨ ᠨᠢ | ᠦᠯᠵᠡᠶᠢᠲᠡᠢ ᠪᠤᠯᠲᠤᠭᠠᠢ︕︾ ᠭᠡᠵᠦ ᠬᠡᠯᠡᠳᠡᠭ᠃ | ᠶᠠᠮᠠᠷ ᠶᠠᠩᠵᠤ ᠶᠢᠨ ᠬᠠᠶᠢᠰᠤᠨ ᠪᠣᠯᠤᠭ ᠪᠦᠷ ᠪᠦᠷᠬᠦᠭᠡᠰᠦ ᠲᠠᠢ ᠪᠣᠯᠳᠠᠭ᠃ ᠬᠠᠶᠢᠰᠤᠨ ᠤ ᠪᠦᠷᠬᠦᠭᠡᠰᠦ ᠶᠢ ᠱᠠᠯᠠ | ᠮᠣᠳᠤ ᠶᠢ ᠵᠠᠯᠭᠠᠵᠤ ᠳᠡᠭᠡᠷᠡ ᠨᠢ ᠬᠤᠶᠠᠷ ᠨᠠᠷᠢᠨ ᠰᠢᠭ᠋ ᠪᠠᠩᠵᠠ ᠬᠦᠨᠳᠡᠯᠡᠨ ᠬᠠᠳᠠᠵᠤ᠂ ᠬᠠᠶᠢᠰᠤᠨ ᠤ ᠶᠡᠭᠡ | ᠪᠠᠭᠠ ᠳᠤ ᠲᠠᠭᠠᠷᠠᠭᠤᠯᠤᠨ ᠲᠦᠭᠦᠷᠢᠭ ᠬᠢᠷᠦᠭᠡᠳᠡᠵᠦ᠂ ᠳᠡᠭᠡᠷᠡ ᠨᠢ ᠪᠠᠷᠢᠵᠦ ᠲᠠᠯᠪᠢᠬᠤ ᠳᠤ ᠬᠢᠯᠪᠠᠷ ᠪᠠᠷᠢᠨᠳᠠᠳᠠᠭ | ᠬᠢᠳᠡᠭ᠃ | ᠣᠶᠢᠷᠠᠳ ᠬᠦᠮᠦᠰ ᠬᠠᠶᠢᠰᠤᠨ ᠤ ᠬᠦ᠋ ᠶᠠᠭᠤᠮᠠ ᠶᠢ ᠳᠠᠷᠤᠳᠠᠭ ᠭᠡᠵᠦ ᠦᠵᠡᠳᠡᠭ ᠪᠣᠯᠬᠤᠷ ᠠᠰᠬᠠᠨ ᠣᠷᠤᠢ ᠪᠠᠭᠠ | ᠬᠦᠪᠡᠭᠦᠳ ᠢ ᠠᠪᠴᠤ ᠭᠠᠷᠬᠤ ᠳᠤ ᠴᠢᠷᠠᠢ ᠳᠡᠭᠡᠷᠡ ᠨᠢ ᠬᠠᠶᠢᠰᠣᠨ ᠤ ᠬᠦ᠋ ᠴᠢᠨᠳᠢᠷᠯᠠᠪᠠᠯ ︽ᠪᠣᠷᠤᠭᠠᠨ ᠪᠣᠯᠵᠤ ᠬᠤᠷᠠ | ᠣᠷᠤᠬᠤ ᠶᠤᠮ ᠪᠠᠶᠢᠨᠠ︾ ᠭᠡᠵᠦ᠂ ᠬᠠᠶᠢᠰᠣᠨ ᠤ ᠬᠤᠰᠤᠮ ᠢᠳᠡᠭᠡᠳ ᠪᠠᠶᠢᠭᠰᠠᠨ ᠬᠡᠤᠬᠡᠨ ᠮᠣᠷᠳᠠᠬᠤ ᠦᠶᠡ ᠳᠤᠨᠢ | ᠬᠤᠷᠠ ᠴᠠᠰᠤᠨ ᠣᠷᠤᠵᠤ ᠪᠤᠷᠤᠭᠠᠨ ᠪᠣᠯᠤᠨᠠ ᠭᠡᠵᠦ ᠬᠡᠯᠡᠳᠡᠭ᠃ ᠡᠭᠦᠨ ᠠᠴᠠ ᠭᠠᠵᠠᠭᠠ ᠬᠠᠶᠢᠰᠤ ᠪᠠᠷ ᠤᠰᠤ | ᠬᠤᠳᠬᠤᠵᠤ ︵ᠤᠳᠬᠤᠵᠤ︶ ᠠᠪᠬᠤ᠂ ᠬᠠᠶᠢᠰᠤᠨ ᠤ ᠭᠦ᠋ ᠶᠢ ᠵᠦᠭ ᠴᠢᠭ ᠦᠭᠡᠢ ᠠᠰᠬᠠᠬᠤ᠂ ᠬᠠᠶᠢᠰᠤ ᠳᠤ ᠪᠤᠵᠠᠷ | ᠠᠵᠠᠷ ᠶᠠᠭᠤᠮᠠ ᠣᠷᠤᠭᠤᠯᠬᠤ᠂ ᠬᠠᠶᠢᠰᠤ ᠶᠢ ᠡᠭᠦᠳᠡᠨ ᠲᠠᠯᠠ ᠬᠡᠴᠡᠶᠢᠯᠭᠡᠵᠦ ᠲᠠᠯᠪᠢᠬᠤ᠂ ᠬᠠᠶᠢᠰᠤ ᠶᠢ ᠢᠰᠭᠦᠯᠵᠤ | ᠳᠡᠪᠰᠡᠬᠦ᠂ ᠬᠠᠶᠢᠰᠤᠨ ᠤᠷᠤᠭᠤ ᠨᠢᠯᠪᠤᠬᠤ ᠮᠡᠲᠦ ᠦᠢᠯᠡ ᠶᠢ ᠲᠠᠰᠤ ᠴᠡᠭᠡᠷᠯᠡᠳᠡᠭ ᠪᠠ ᠳᠡᠭᠡᠷᠡ ᠦᠶᠡ ᠳᠤ ᠶᠠᠯᠠ | ᠭᠠᠷᠭᠠᠭᠰᠠᠨ ᠬᠦᠮᠦᠨ ᠳᠤ ᠬᠠᠷᠠ ᠬᠠᠶᠢᠰᠤ ᠡᠭᠦᠷᠦᠭᠦᠯᠵᠦ ᠨᠤᠲᠤᠭ ᠡᠷᠭᠢᠭᠦᠯᠳᠡᠭ ᠶᠣᠰᠤᠨ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠲᠤᠯᠭᠠ ᠪᠣᠯᠪᠠᠯ ᠪᠠᠷᠢᠭᠠ ᠭᠡᠷ ᠲᠤ ᠪᠠᠶᠢᠩᠭᠤ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠭᠡᠷ ᠤᠨ ᠬᠡᠷᠡᠭᠰᠡᠯ ᠤᠨ ᠨᠢᠭᠡ ᠶᠤᠮ᠃ | ᠲᠤᠯᠭᠠ ᠶᠢ ᠪᠦᠷ ᠲᠡᠮᠦᠷ ᠢᠶᠠᠷ ᠬᠢᠳᠡᠭ ᠪᠠ ᠲᠡᠭᠦᠨ ᠤ ᠬᠢᠴᠡ ᠪᠠᠶᠢᠳᠠᠯ ᠳᠤᠨᠢ ᠦᠨᠳᠦᠰᠦᠯᠡᠵᠦ ︽ᠰᠠᠭᠰᠠᠭ ᠲᠤᠯᠭᠠ︾ | ᠪᠤᠯᠤᠨ ︽ᠱᠠᠯᠳᠠᠩ ᠲᠤᠯᠭᠠ︾ ᠭᠡᠵᠦ ᠬᠤᠶᠠᠷ ᠵᠦᠢᠯ ᠳᠤ ᠬᠤᠪᠢᠶᠠᠳᠠᠭ᠃ ᠲᠤᠯᠭᠠ ᠶᠢᠨ ᠪᠦᠲᠦᠴᠡ ᠨᠢ | ᠲᠤᠯᠭᠠ ᠶᠢᠨ ᠲᠤᠲᠤᠭᠤ᠂ ᠣᠴᠢᠭ᠂ ᠬᠦᠯ ︵ᠭᠤᠶᠠ︶᠂ ᠰᠢᠭᠢᠷᠠ᠂ ᠬᠠᠰᠠᠭ᠂ ᠪᠠᠳᠠᠮ᠂ ᠲᠡᠭᠡᠯᠢ ᠭᠡᠬᠦ ᠮᠡᠲᠦ | ᠵᠦᠢᠯ ᠢᠶᠠᠷ ᠪᠦᠷᠢᠯᠳᠤᠵᠦ ᠪᠦᠲᠦᠳᠡᠭ᠃ ᠡᠳᠡᠭᠡᠷ ᠵᠦᠢᠯ ᠨᠢ ᠴᠤᠭᠭᠠᠷ ᠲᠡᠮᠦᠷ ᠤᠨ ᠵᠦᠢᠯ ᠢᠶᠠᠷ ᠪᠦᠲᠦᠳᠡᠭ ᠪᠦᠭᠡᠳ | ᠰᠠᠭᠰᠠᠭ ᠲᠤᠯᠭᠠ ᠪᠣᠯᠪᠠᠯ ᠵᠡᠷᠭᠡᠴᠡᠭᠡ ᠭᠤᠷᠪᠠᠨ ᠬᠠᠰᠠᠭ ᠲᠠᠢ ᠪᠣᠯᠳᠠᠭ᠃ | ᠦᠩᠭᠡᠷᠡᠭᠰᠡᠨ ᠳᠤ ᠣᠶᠢᠷᠠᠳ ᠬᠦᠮᠦᠰ ᠪᠠᠷᠢᠭᠠ ᠭᠡᠷ ᠤᠨ ᠢᠶᠠᠨ ᠭᠤᠣᠯ ᠲᠦᠪ ᠲᠤ ᠪᠠᠨ ᠲᠡᠮᠦᠷ ᠲᠤᠯᠭᠠ ᠲᠤᠯᠵᠤ | ᠭᠠᠯ ᠬᠦᠴᠡ ᠪᠠᠨ ᠬᠢᠵᠦ ᠠᠷᠢᠬᠢ ᠳᠠᠷᠠᠰᠤ ᠪᠠᠨ ᠨᠡᠷᠡᠳᠡᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠭᠤᠷᠪᠠᠨ ᠬᠦᠯ ᠲᠠᠢ ᠱᠠᠯᠳᠠᠩ | ᠲᠤᠯᠭᠠ ᠶᠢ ᠪᠣᠯᠪᠠᠯ ᠨᠢᠭᠡ ᠪᠤᠶᠤ ᠬᠤᠣᠰ ᠬᠦᠷᠢᠶᠡ ︵ᠬᠠᠰᠠᠭ︶ ᠲᠠᠢ ᠬᠢᠳᠡᠭ ᠪᠣᠯᠪᠠᠴᠦ᠂ ᠰᠠᠭᠰᠠᠭ ᠲᠤᠯᠭᠠ ᠶᠢ | ᠳᠦᠷᠪᠡᠨ ᠬᠦᠯ ᠲᠠᠢ ᠭᠤᠷᠪᠠ ᠠᠴᠠ ᠳᠦᠷᠪᠡᠨ ᠬᠦᠷᠢᠶᠡ ︵ᠣᠯᠠᠩᠬᠢ ᠨᠢ ᠳᠦᠷᠪᠡᠨ ᠬᠦᠷᠢᠶᠡ ᠲᠠᠢ︶ ᠬᠢᠳᠡᠭ | ᠪᠠᠶᠢᠵᠡᠢ᠃ ᠭᠤᠷᠪᠠᠨ ᠬᠦᠯ ᠲᠠᠢ ᠬᠢᠬᠦ ᠶᠢᠨ ᠤᠴᠢᠷ ᠪᠠᠶᠢᠪᠠᠯ ᠡᠬᠡ ᠡᠴᠢᠭᠡ ᠪᠡᠷᠢ ᠭᠤᠷᠪᠠᠨ ᠤ ᠲᠦᠯᠦᠭᠡᠯᠡᠯ ᠭᠡᠵᠦ | ᠬᠡᠯᠡᠬᠦ ︽ᠭᠤᠷᠪᠠᠨ ᠬᠦᠯ ᠨᠢ ᠠᠶᠢᠯ ᠭᠡᠷ ᠤᠨ ᠭᠠᠯ ᠭᠤᠯᠤᠮᠲᠠ ᠰᠠᠬᠢᠭᠴᠢ ᠭᠤᠷᠪᠠᠨ ᠪᠡᠶᠡ ᠶᠢ ᠲᠦᠯᠦᠭᠡᠯᠡᠬᠦ ᠶᠢᠨ | ᠬᠠᠮᠲᠤ ᠪᠠᠲᠤ ᠪᠠᠬᠢ᠂ ᠭᠦᠳᠡᠯᠦᠰᠢ ᠦᠭᠡᠢ ᠲᠣᠭᠳᠠᠩᠭᠤᠢ ᠶᠢᠨ ᠪᠡᠯᠭᠡᠳᠠᠯ ᠪᠣᠯᠤᠨᠠ︾ ᠭᠡᠳᠡᠭ᠃ ᠬᠠᠷᠢᠨ ︽ | ᠲᠦᠷᠪᠡᠨ ᠬᠦᠯ ᠲᠠᠢ ᠬᠢᠬᠦ ᠨᠢ ᠪᠣᠯᠪᠠᠯ ᠲᠦᠷᠪᠡᠨ ᠲᠢᠪ ᠤᠨ ᠲᠦᠷᠦ ᠱᠠᠵᠢᠨ ᠪᠠᠲᠤ ᠪᠠᠬᠢ ᠲᠣᠭᠲᠠᠬᠤ ᠶᠢᠨ | ᠪᠡᠯᠭᠡᠳᠡᠯ ᠢ ᠬᠠᠷᠠᠭᠤᠯᠳᠠᠭ︾ ᠭᠡᠵᠦ ᠬᠡᠯᠡᠳᠡᠭ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠦᠩᠭᠡᠷᠡᠭᠰᠡᠨ ᠳᠤ ᠬᠠᠨ ᠨᠣᠶᠠᠨ ᠤᠯᠤᠰ | ᠪᠦᠷᠢ ᠳᠦᠷᠪᠡᠨ ᠬᠦᠯ ᠲᠠᠢ ᠰᠠᠭᠰᠠᠭ ᠲᠤᠯᠭᠠ ᠲᠤᠯᠳᠠᠭ ᠪᠠᠶᠢᠭᠰᠠᠨ ᠶᠤᠮ ᠭᠡᠳᠡᠭ᠃ ᠡᠶᠢᠮᠦ ᠲᠤᠯᠭᠠ ᠶᠢ | ᠢᠷᠦᠭᠡᠯ ᠳᠤ ᠪᠣᠯᠪᠠᠯ᠄ ︽ᠭᠠᠨᠵᠸᠤ ᠬᠤᠲᠠ ᠳᠤ ᠭᠠᠩᠨᠠᠨ ᠬᠢᠭᠰᠡᠨ᠂ ᠭᠠᠩ ᠲᠡᠮᠦᠷ ᠢ ᠳᠠᠪᠳᠠᠨ ᠬᠢᠭᠰᠡᠨ᠂ ᠭᠠᠯ ᠤᠨ | ᠪᠤᠷᠬᠠᠨ ᠦᠷᠦᠰᠢᠶᠡᠨ ᠬᠢᠭᠰᠡᠨ᠂ ᠭᠠᠯ ᠭᠤᠯᠤᠮᠲᠠ ᠶᠢ ᠲᠤᠭᠤᠷᠢᠭᠤᠯᠤᠨ ᠬᠢᠭᠰᠡᠨ᠂ ᠭᠠᠩᠭᠠᠩ ᠡᠷᠢᠶᠡ ᠶᠢ ᠤᠷᠠᠯᠠᠨ | ᠬᠢᠭᠰᠡᠨ᠂ ᠭᠤᠣᠯ ᠳᠤᠮᠳᠠ ᠨᠢ ᠪᠠᠶᠢᠬᠤ ᠭᠠᠩ ᠴᠠᠭᠠᠨ ᠲᠤᠯᠭᠠ ᠨᠢ ᠦᠯᠵᠡᠶᠢᠲᠡᠢ ᠪᠣᠯᠲᠤᠭᠠᠢ︕︾ ᠭᠡᠵᠦ ᠬᠡᠯᠡᠳᠡᠭ | ᠃ | ᠲᠤᠯᠭᠠ ᠶᠢ ᠭᠠᠯ ᠭᠤᠯᠤᠮᠲᠠ ᠳᠠᠭᠠᠨ ᠲᠠᠯᠪᠢᠵᠤ ᠳᠡᠭᠡᠷᠡ ᠨᠢ ᠬᠠᠶᠢᠰᠤ ᠨᠡᠷᠡᠬᠦ ᠶᠢᠨ ᠲᠦᠯᠦᠭᠡ ᠬᠡᠷᠡᠭᠯᠡᠳᠡᠭ ᠪᠦᠭᠡᠳ | ᠲᠡᠭᠦᠨ ᠢ ᠪᠠᠶᠢᠷᠢᠰᠢᠭᠤᠯᠬᠤ ᠳᠠᠭᠠᠨ ᠨᠢᠭᠡ ᠰᠢᠭᠢᠷᠡ ᠶᠢ ᠨᠢ ᠬᠤᠶᠢᠮᠦᠷ ᠲᠠᠯᠠ ᠬᠠᠯᠠᠶᠢᠯᠭᠠᠵᠤ᠂ ᠨᠦᠭᠦᠭᠡ ᠬᠤᠶᠠᠷ | ᠰᠢᠭᠢᠷᠠ ᠶᠢ ᠨᠢ ᠪᠠᠷᠢᠭᠠ ᠭᠡᠷ ᠤᠨ ᠵᠡᠭᠦᠨ ᠪᠠᠷᠠᠭᠤᠨ ᠵᠦᠭ ᠬᠠᠨᠳᠤᠭᠤᠯᠵᠦ ᠲᠠᠯᠪᠢᠳᠠᠭ ᠪᠠᠶᠢᠨᠠ᠃ ᠡᠶᠢᠭᠡᠭᠡᠳ | ᠦᠨᠡᠰᠦ ᠭᠠᠯ ᠨᠢ ᠪᠤᠲᠠᠷᠠᠵᠤ ᠴᠠᠴᠦᠷᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠲᠤᠯᠠᠳᠠ ᠲᠤᠯᠭᠠ ᠶᠢᠨ ᠢᠶᠠᠨ ᠰᠠᠭᠤᠷᠢ ᠶᠢ | ᠬᠦᠷᠢᠶᠡᠯᠡᠨ ᠪᠠᠯᠴᠢᠭ ᠢᠶᠠᠷ ᠲᠤᠭᠤᠷᠢᠭᠤᠯ ᠬᠢᠳᠡᠭ᠃ | ᠲᠤᠯᠭᠠ ᠨᠢ ᠭᠠᠯ ᠭᠤᠯᠤᠮᠲᠠ ᠲᠠᠢ ᠪᠦᠬᠦᠶᠢᠯᠡ ᠴᠤᠭᠴᠠ ᠶᠢᠨ ᠬᠤᠪᠢ ᠪᠠᠷ ᠪᠠᠶᠢᠷᠢᠰᠢᠬᠤ ᠵᠦᠢᠯ ᠪᠣᠯᠬᠤᠷ ᠨᠢᠭᠡ | ᠭᠡᠷ ᠤᠨ ᠭᠤᠣᠯ ᠲᠦᠪ ᠭᠡᠮᠡᠨ ᠦᠵᠡᠵᠦ ᠠᠷᠢᠭᠤᠨ ᠴᠡᠪᠡᠷ ᠪᠠᠶᠢᠯᠭᠠᠬᠤ ᠶᠢ ᠵᠤᠷᠢᠳᠠᠭ ᠪᠠᠶᠢᠯᠠ᠃ ᠡᠶᠢᠮᠦ ᠠᠴᠠ ᠪᠣᠯᠵᠤ | ᠪᠠᠶᠠᠵᠢᠬᠤ ᠶᠢᠨ ᠲᠤᠶᠢᠯ ᠳᠤ ᠬᠦᠷᠦᠭᠰᠡᠨ ᠬᠦᠮᠦᠨ ︽ᠮᠦᠩᠭᠦᠨ ᠲᠤᠯᠭᠠ︾ ᠲᠤᠯᠳᠠᠭ ᠭᠡᠳᠡᠭ ᠪᠤᠶᠤ ︽ᠮᠠᠯ ᠨᠢ | ᠮᠢᠩᠭᠠ ᠬᠦᠷᠪᠡᠯ ᠮᠦᠩᠭᠦᠨ ᠲᠤᠯᠭᠠ ᠲᠤᠯᠵᠤ᠂ ᠲᠦᠮᠡ ᠬᠦᠷᠪᠡᠯ ᠠᠯᠲᠠᠨ ᠲᠤᠯᠭᠠ ᠲᠤᠯᠳᠠᠭ ᠶᠤᠮ︾ ᠭᠡᠳᠡᠭ᠃ | ᠡᠨᠡ ᠬᠦ ᠠᠯᠲᠠᠨ ᠮᠦᠩᠭᠦᠨ ᠲᠤᠯᠭᠠ ᠭᠡᠳᠡᠭ ᠨᠢ ᠮᠦᠩᠭᠦ ᠪᠠᠷ ᠲᠤᠯᠭᠠ ᠬᠢᠵᠦ ᠭᠠᠯ ᠭᠤᠯᠤᠮᠲᠠ ᠳᠠᠭᠠᠨ ᠲᠤᠯᠬᠤ ᠶᠢ | ᠬᠡᠯᠡᠵᠦ ᠪᠠᠶᠢᠭᠠ ᠪᠢᠰᠢ᠂ ᠬᠠᠷᠢᠨ ᠴᠤᠯ ᠠᠯᠲᠠ ᠮᠦᠩᠭᠦ ᠪᠠᠷ ᠪᠢᠴᠢᠬᠠᠨ ᠲᠤᠯᠭᠠ ᠬᠢᠵᠦ ᠭᠡᠷ ᠤᠨ ᠬᠤᠶᠢᠮᠤᠷ ᠲᠤ | ᠵᠠᠯᠠᠵᠤ ᠲᠠᠯᠪᠢᠬᠤ ᠶᠢ ᠬᠡᠯᠡᠳᠡᠭ᠃ ᠡᠨᠡ ᠲᠠᠯᠠ ᠪᠠᠷ ᠵᠠᠷᠢᠮ ᠲᠡᠮᠳᠡᠭᠯᠡᠯ ᠠᠴᠠ ᠦᠵᠡᠬᠦ ᠳᠤ ᠳᠡᠭᠡᠷᠡ ᠦᠶᠡ ᠳᠤ ︽ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠠᠯᠢ ᠨᠢᠭᠡ ᠨᠢ ᠲᠦᠮᠡ ᠬᠦᠷᠴᠦ᠂ ᠡᠵᠡᠨ ᠶᠠᠮᠤᠨ ᠠᠴᠠ ᠭᠠᠩ ᠲᠤᠯᠭᠠ᠂ ᠭᠠᠩ | ᠲᠠᠮᠠᠭᠠ ᠱᠠᠩᠨᠠᠬᠤ ᠳᠤ ᠶᠡᠭᠡ ᠬᠡᠮᠵᠢᠶᠡᠨ ᠤ ᠲᠠᠮᠠᠭᠠᠨ ᠨᠠᠶᠢᠷ ᠬᠢᠵᠦ ᠪᠡᠯᠭᠡᠯᠡᠳᠡᠭ︾ ᠪᠠᠶᠢᠭᠰᠠᠨ ᠭᠡᠵᠦ ᠲᠠᠮᠳᠡᠭᠯᠡᠭᠰᠡ | ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠣᠶᠢᠷᠠᠳ ᠬᠦᠮᠦᠰ ᠬᠦᠪᠡᠭᠦᠳ ᠬᠡᠤᠬᠡᠳ ᠤᠨ ᠢᠶᠠᠨ ᠪᠠᠶᠠᠨ ᠡᠯᠪᠡᠭ ᠪᠣᠯᠬᠤ ᠶᠢ ᠪᠡᠯᠭᠡᠳᠡᠨ | ︽ᠮᠦᠩᠭᠦᠨᠲᠤᠯᠭᠠ︾᠂ ︽ᠠᠯᠲᠠᠨᠲᠤᠯᠭᠠ︾ ᠭᠡᠵᠦ ᠨᠡᠷᠡ ᠦᠭᠭᠦᠭᠰᠡᠨ ᠪᠠᠶᠢᠭᠰᠠᠨ ᠪᠠ ︽ᠬᠡᠨ ᠬᠡᠨ ᠭᠡᠳᠡᠭ ᠠᠶᠢᠯ | ᠦᠩᠭᠡᠷᠡᠭᠰᠡᠨ ᠳᠤ ᠮᠠᠯ ᠨᠢ ᠦᠰᠦᠭᠡᠳ ᠮᠦᠩᠭᠦᠨ ᠲᠤᠯᠭᠠ ᠲᠤᠯᠤᠭᠰᠠᠨ ᠠᠶᠢᠯ ᠪᠣᠯᠬᠤ ᠶᠤᠮ︾᠂ ︽ᠬᠡᠨ ᠬᠡᠨ ᠤ | ᠡᠪᠦᠭᠡ ᠶᠢᠨ ᠮᠠᠯ ᠨᠢ ᠦᠰᠦᠭᠡᠳ ᠠᠯᠲᠠᠨ ᠲᠤᠯᠭᠠ ᠲᠤᠯᠤᠭᠰᠠᠨ ᠶᠤᠮ︾ ᠭᠡᠵᠦ ᠬᠠᠭᠤᠴᠢᠯᠠᠵᠤ ᠬᠡᠯᠡᠬᠦ ᠬᠡᠯᠡᠯᠭᠡ | ᠪᠠᠶᠢᠳᠠᠭ᠃ | ᠪᠣᠳᠠᠰ ᠤᠨ ᠠᠮᠢᠳᠤᠷᠠᠯ ᠳᠡᠭᠡᠭᠰᠢᠯᠡᠵᠦ᠂ ᠬᠦᠮᠦᠰ ᠤᠨ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠬᠦ ᠶᠠᠭᠤᠮᠠ ᠡᠯᠪᠡᠭ ᠪᠣᠯᠤᠭᠰᠠᠨ ᠠᠴᠠ ᠠᠯᠢ | ᠭᠠᠵᠠᠷ ᠲᠤ ᠴᠤ ᠲᠤᠯᠭᠠ ᠲᠤᠯᠬᠤ ᠪᠠᠨ ᠪᠠᠶᠢᠵᠤ᠂ ᠶᠠᠩᠯᠤᠤ ᠪᠤᠶᠤ ᠲᠡᠮᠦᠷ ᠵᠤᠤᠬᠠ ᠲᠤᠯᠬᠤ ᠪᠤᠯᠤᠭᠰᠠᠨ ᠲᠤᠯᠠ | ᠤᠷᠢᠳᠤ ᠨᠢ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠲᠤᠯᠭᠠ ᠭᠡᠷ ᠤᠨ ᠵᠡᠭᠦᠨ ᠪᠡᠶᠡ ᠶᠢᠨ ᠢᠷᠭᠢ ᠳᠤ ᠭᠠᠷᠴᠦ ᠭᠤᠯᠤᠮᠲᠠ ᠠᠴᠠ | ᠰᠢᠯᠵᠢᠭᠰᠡᠨ ᠪᠦᠭᠡᠳ ᠲᠡᠷᠡ ᠨᠢ ᠵᠦᠪᠬᠡᠨ ᠬᠠᠶᠢᠰᠤ ᠪᠠᠨ ᠰᠤᠯᠠ ᠨᠡᠷᠡᠵᠦ ᠲᠠᠯᠪᠢᠬᠤ ᠲᠡᠳᠦᠢ ᠦᠢᠯᠡᠳᠦᠯ ᠲᠠᠢ | ᠶᠠᠭᠤᠮᠠ ᠪᠣᠯᠤᠭᠰᠠᠨ ᠪᠠᠶᠢᠳᠠᠭ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |