| ᠠᠯᠠᠱᠠ ᠲᠡᠮᠡᠭᠡᠨ ᠤ ᠰᠦᠷᠦᠭ ᠤᠨ ᠪᠦᠲᠦᠴᠡ ᠬᠢᠭᠡᠳ ᠳᠦᠷᠪᠡᠨ ᠤᠯᠠᠷᠢᠯ ᠤᠨ ᠪᠡᠯᠴᠢᠭᠡᠷᠯᠡᠯᠲᠡ | ᠠᠯᠠᠱᠠ ᠨᠤᠲᠤᠭ ᠤᠨ ᠭᠠᠩ ᠬᠠᠭᠤᠷᠠᠢ ᠣᠷᠴᠢᠨ ᠲᠤᠭᠤᠷᠢᠨ ᠪᠠ ᠡᠪᠡᠰᠦ ᠦᠨᠳᠦᠰᠦᠨ ᠤ ᠰᠡᠶᠢᠷᠡᠭ ᠨᠢᠮᠳᠠᠷ | ᠪᠠᠶᠢᠳᠠᠯ ᠳᠤ ᠵᠣᠬᠢᠴᠠᠭᠤᠯᠤᠨ ᠬᠠᠮᠤᠭ ᠣᠯᠠᠨ ᠳᠠᠭᠠᠨ 150—200 ᠲᠡᠮᠡᠭᠡ ᠪᠠᠷ ᠨᠢᠭᠡ ᠬᠤᠲᠠ ᠰᠦᠷᠦᠭ | ᠪᠣᠯᠭᠠᠵᠤ ᠮᠠᠯᠵᠢᠳᠠᠭ᠃ ᠭᠡᠬᠦ ᠳᠡᠭᠡᠨ ᠴᠠᠭ ᠵᠢᠯ ᠤᠨ ᠦᠩᠭᠡ᠂ ᠡᠪᠡᠰᠦ ᠤᠰᠤᠨ ᠤ ᠪᠠᠨ ᠪᠠᠶᠢᠳᠠᠯ ᠳᠤ ᠵᠣᠬᠢᠴᠠᠭᠤᠯᠤᠨ | ᠰᠤᠪᠠᠢ ᠰᠦᠷᠦᠭ᠂ ᠢᠩᠭᠡᠨ ᠰᠦᠷᠦᠭ᠂ ᠬᠠᠶᠢᠮᠠᠯ ᠢᠩᠭᠡ ᠪᠣᠶᠤ ᠪᠣᠲᠤᠭᠤ ᠲᠠᠢ ᠢᠩᠭᠡᠨ ᠰᠦᠷᠦᠭ ᠭᠡᠮᠡᠨ ᠢᠯᠭᠠᠵᠤ | ᠲᠤᠰᠠᠭᠠᠷᠯᠠᠨ ᠮᠠᠯᠵᠢᠬᠤ ᠵᠠᠩᠰᠢᠯ ᠵᠦᠩᠳᠡᠭᠡᠨ ᠪᠠᠶᠢᠳᠠᠭ᠃ ᠪᠠᠷᠤᠭ ᠲᠠᠭᠠᠨ 30—50 ᠢᠩᠭᠡᠨ ᠳᠤ ᠨᠢᠭᠡ ᠪᠤᠤᠷᠠ | ᠲᠠᠯᠪᠢᠵᠤ᠂ ᠢᠩᠭᠡᠨ ᠤ ᠲᠤᠭᠠ ᠠᠷᠪᠢᠳᠪᠠᠯ 2 ᠪᠤᠶᠤ 3 ᠪᠤᠤᠷᠠ ᠶᠢ ᠡᠳᠤᠷ ︵ᠪᠤᠶᠤ ᠬᠠᠭᠠᠰ ᠡᠳᠤᠷ︶ ᠢᠶᠠᠷ | ᠡᠭᠡᠯᠵᠢᠯᠡᠨ ᠲᠠᠯᠪᠢᠬᠤ ᠤᠴᠢᠷ ᠣᠯᠠᠨᠲᠠ ᠲᠣᠬᠢᠶᠠᠯᠳᠤᠳᠠᠭ᠃ ᠨᠢᠭᠡ ᠬᠤᠲᠠ ᠰᠦᠷᠦᠭ ᠲᠡᠮᠡᠭᠡ ᠶᠢ ᠶᠡᠷᠦ ᠳᠡᠭᠡᠨ | ᠰᠤᠪᠠᠢ ᠲᠡᠮᠡᠭᠡ᠂ ᠢᠩᠭᠡᠨ ᠲᠡᠮᠡᠭᠡ᠂ ᠬᠠᠶᠢᠮᠠᠯ ᠲᠡᠮᠡᠭᠡ ᠪᠤᠶᠤ ᠪᠣᠲᠤᠭᠤ ᠲᠠᠢ ᠢᠩᠭᠡ ᠭᠡᠬᠦᠴᠢᠯᠡᠨ ᠠᠰ ᠠᠰ ᠲᠤᠨᠢ | ᠢᠯᠭᠠᠨ ᠪᠡᠯᠴᠢᠭᠡᠵᠦ ᠬᠠᠷᠢᠭᠤᠯᠳᠠᠭ ᠪᠠ ᠬᠤᠲᠠ ᠬᠠᠰᠢᠶᠠ ᠶᠢ ᠴᠤ ᠲᠤᠰ ᠲᠤᠰ ᠲᠤᠨᠢ ᠭᠠᠷᠭᠠᠳᠠᠭ᠃ ᠰᠤᠪᠠᠢ | ᠲᠡᠮᠡᠭᠡᠨ ᠤ ᠰᠦᠷᠦᠭ ᠨᠢ ᠬᠦᠭᠰᠢᠨ ᠠᠬᠠᠯᠠᠬᠤ ᠠᠲᠠ ᠪᠠᠷ ᠲᠣᠯᠤᠭᠠᠶᠢᠯᠠᠭᠤᠯᠤᠭᠰᠠᠨ ᠭᠤᠨᠠᠨ ᠲᠠᠶᠢᠯᠤᠭ ᠠᠴᠠ | ᠳᠡᠭᠡᠭᠰᠢᠬᠢ ᠨᠠᠰᠤᠨ ᠤ ᠡᠷᠡ ᠲᠡᠮᠡᠭᠡᠳ ᠢ ᠢᠯᠭᠠᠪᠤᠷᠢᠯᠠᠨ ᠭᠠᠷᠭᠠᠳᠠᠭ᠃ ᠢᠩᠭᠡᠨ ᠲᠡᠮᠡᠭᠡᠨ ᠤ ᠰᠦᠷᠦᠭ ᠨᠢ ᠬᠦᠭᠰᠢᠨ | ᠠᠬᠠᠯᠠᠬᠤ ᠲᠡᠮᠡᠭᠡ ᠢᠩᠭᠡ ᠪᠠᠷ ᠲᠣᠯᠤᠭᠠᠶᠢᠯᠠᠭᠤᠯᠤᠭᠰᠠᠨ ᠭᠤᠨᠵᠢᠨ ᠢᠩᠭᠡ ᠠᠴᠠ ᠳᠡᠭᠡᠭᠰᠢᠬᠢ ᠨᠠᠰᠤᠨ ᠤ ᠰᠤᠪᠠᠢ | ᠢᠩᠭᠡ᠂ ᠲᠤᠷᠤᠮ ᠲᠠᠢ ᠢᠩᠭᠡ ᠪᠠᠷ ᠪᠦᠷᠢᠳᠦᠭᠦᠯᠦᠨ ᠪᠤᠤᠷᠠ ᠪᠠᠨ ᠳᠠᠭᠠᠭᠤᠯᠤᠨ ᠢᠯᠭᠠᠳᠠᠭ᠃ ᠬᠠᠶᠢᠮᠠᠯ ᠢᠩᠭᠡ ᠶᠢ | ᠶᠡᠷᠦ ᠳᠡᠭᠡᠨ ᠠᠰ ᠲᠤᠨᠢ ᠮᠠᠯᠯᠠᠵᠤ᠂ ᠪᠣᠲᠤᠭᠤᠯᠠᠭᠰᠠᠭᠠᠷ ᠮᠦᠨ ᠬᠠᠮᠲᠤ ᠳᠤᠨᠢ ᠪᠠᠶᠢᠯᠭᠠᠵᠤ ᠪᠤᠲᠤᠭᠤ ᠶᠢ | ᠬᠤᠭᠤᠷᠤᠨᠳᠤ ᠨᠢ ᠳᠠᠰᠤᠯᠴᠠᠭᠤᠯᠳᠠᠭ᠃ ᠨᠢᠯᠬᠠ ᠪᠤᠲᠤᠭᠤ ᠦᠶᠡᠷᠬᠡᠨ ᠲᠣᠭᠯᠠᠵᠤ᠂ ᠢᠵᠢᠯᠢᠰᠢᠨ ᠳᠠᠰᠤᠯᠴᠠᠬᠤ ᠪᠠᠷ | ᠬᠤᠷᠳᠤᠨ ᠲᠤᠯᠠ ᠬᠡᠵᠢᠶᠡᠳᠡ ᠪᠠᠨ ᠰᠠᠯᠵᠤ ᠶᠠᠪᠤᠳᠠᠭ ᠦᠭᠡᠢ ᠶᠤᠮ᠃ | ᠠᠯᠠᠱᠠ ᠨᠤᠲᠤᠭ ᠤᠨ ᠵᠢᠯ ᠤᠨ ᠬᠤᠷᠠ ᠲᠤᠨᠳᠠᠰᠤ ᠪᠠᠭᠠ᠂ ᠭᠠᠩ ᠬᠠᠭᠤᠷᠠᠢ ᠦᠷᠭᠦᠯᠵᠢᠯᠡᠪᠡᠴᠦ᠂ ᠨᠤᠲᠤᠭ | ᠪᠡᠯᠴᠢᠭᠡᠷ ᠦᠷᠭᠡᠨ ᠠᠭᠤᠳᠠᠮ᠂ ᠡᠪᠡᠰᠦᠨ ᠤ ᠲᠦᠷᠦᠯ ᠵᠦᠢᠯ ᠨᠡᠯᠢᠶᠡᠳ ᠠᠷᠪᠢᠨ᠂ ᠭᠠᠵᠠᠷ ᠤᠨ ᠬᠦᠷᠦᠰᠦᠨ ᠤ | ᠴᠢᠬᠢᠭ ᠬᠠᠲᠠᠭᠠᠯᠠᠬᠤ ᠨᠢ ᠮᠠᠭᠤ ᠪᠣᠯᠪᠠᠴᠤ ᠠᠳᠡᠬᠢ ᠡᠪᠡᠰᠦ ᠪᠡᠯᠴᠢᠭᠡᠷ ᠤᠨ ᠭᠠᠩ ᠳᠠᠭᠠᠭᠠᠬᠤ ᠴᠢᠳᠠᠪᠤᠷᠢ ᠨᠢ ᠰᠠᠶᠢᠨ | ᠪᠠᠶᠢᠳᠠᠭ ᠲᠤᠯᠠ ᠡᠪᠡᠰᠦᠨ ᠤ ᠰᠢᠮᠡ ᠲᠡᠵᠢᠭᠡᠯ ᠨᠢ ᠴᠤ ᠪᠤᠰᠤᠳ ᠭᠠᠵᠠᠷ ᠤᠨ ᠬᠢ ᠠᠴᠠ ᠳᠠᠪᠠᠭᠤᠯᠢᠭ ᠪᠠᠶᠢᠳᠠᠭ᠃ | ᠠᠯᠠᠱᠠ ᠮᠣᠩᠭᠤᠯᠴᠤᠳ ᠡᠷᠲᠡ ᠳᠡᠭᠡᠳᠤ ᠦᠶᠡ ᠠᠴᠠ ᠪᠠᠨ ᠣᠲᠤᠷᠯᠠᠨ ᠮᠠᠯᠵᠢᠵᠤ᠂ ᠨᠤᠲᠤᠭ ᠪᠡᠯᠴᠢᠭᠡᠷ ᠢᠶᠠᠨ | ᠰᠡᠯᠭᠦᠨ ᠬᠠᠮᠠᠭᠠᠯᠠᠵᠤ᠂ ᠲᠡᠮᠡᠭᠡ ᠮᠠᠯ ᠢᠶᠠᠨ ᠵᠢᠯ ᠲᠤᠵᠢ ᠤᠨᠳᠤᠷᠤᠭᠤᠯᠵᠤ᠂ ᠦᠨᠢᠷ ᠦᠰᠬᠡᠭᠰᠡᠭᠡᠷ ᠢᠷᠡᠭᠰᠡᠨ | ᠳᠠᠪᠰᠢᠩᠭᠤᠢ ᠪᠤᠯᠪᠠᠰᠤᠨ ᠲᠡᠤᠬᠡ ᠲᠠᠢ ᠪᠢᠯᠡ᠃ | ᠠᠯᠠᠱᠠ ᠮᠣᠩᠭᠤᠯᠴᠤᠳ ᠶᠡᠷᠦ ᠳᠡᠭᠡᠨ ᠳᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠡᠭᠡᠯᠵᠢᠯᠡᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠰᠣᠯᠢᠨ | ᠣᠲᠤᠷᠯᠠᠳᠠᠭ᠃ ᠭᠡᠬᠦ ᠳᠡᠭᠡᠨ ᠴᠠᠭ ᠤᠯᠠᠷᠢᠯ᠂ ᠡᠪᠡᠰᠦ ᠤᠰᠤᠨ ᠤ ᠠᠰᠢᠭ ᠲᠠᠢ ᠨᠦᠭᠦᠴᠡᠯ᠂ ᠲᠡᠮᠡᠭᠡᠨ ᠤ ᠲᠤᠰ | ᠪᠡᠶᠡ ᠶᠢᠨ ᠬᠢᠨᠢ ᠢᠳᠡᠰᠢᠯᠡᠵᠦ ᠪᠡᠯᠴᠢᠭᠡᠷᠯᠡᠬᠦ ᠴᠢᠬᠤᠯᠠᠴᠢᠯᠠᠭᠠ ᠪᠠᠷ ᠰᠢᠯᠲᠠᠭᠠᠯᠠᠵᠤ ᠡᠪᠡᠰᠦ ᠪᠡᠯᠴᠢᠭᠡᠷ ᠢᠶᠠᠨ ᠰᠣᠩᠭᠤᠨ | ᠲᠣᠭᠳᠠᠭᠠᠳᠠᠭ᠃ ᠲᠤᠬᠠᠶᠢᠯᠠᠪᠠᠯ᠂ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠵᠠᠭ᠂ ᠪᠦᠭᠡᠷᠡᠭ᠂ ᠤᠯᠠᠭᠠᠨ ᠪᠤᠳᠠᠷᠭᠠᠨᠠ᠂ ᠪᠣᠷᠤ | ᠪᠤᠳᠠᠷᠭᠠᠨᠠ᠂ ᠰᠢᠪᠠᠭ᠂ ᠣᠷᠲᠤᠭᠤᠯᠠ ᠡᠯᠪᠡᠭ ᠲᠠᠢ ᠭᠠᠵᠠᠷ ᠢ ᠰᠣᠩᠭᠤᠵᠤ᠂ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠭᠤᠪᠢ | ᠮᠠᠩᠬᠠᠨ ᠭᠠᠵᠠᠷ ᠡᠷᠲᠡ ᠨᠢᠯᠬᠠᠷᠠᠳᠠᠭ ᠰᠤᠯᠢ᠂ ᠬᠤᠯᠤᠰᠤ᠂ ᠪᠤᠴᠢᠭᠢᠨᠠᠭᠤᠷ᠂ ᠬᠡᠳᠦᠨ ᠵᠦᠢᠯ ᠤᠨ ᠬᠠᠷᠭᠠᠨᠠ ᠲᠠᠢ | ᠭᠠᠵᠠᠷ ᠢ ᠰᠤᠩᠭᠤᠵᠤ᠂ ᠵᠤᠨ ᠤ ᠤᠯᠠᠷᠢᠯ ᠳᠤ ᠰᠢᠨᠳᠠ᠂ ᠬᠤᠶᠢᠷᠠᠭ᠂ ᠳᠠᠯᠠᠨ ᠬᠠᠯᠢᠰᠤ᠂ ᠳᠠᠰᠬᠢ᠂ ᠲᠤᠷᠯᠤᠭ ᠲᠠᠢ | ᠭᠠᠵᠠᠷ ᠢ ᠰᠣᠩᠭᠤᠵᠤ᠂ ᠨᠡᠩ ᠴᠤ ᠰᠢᠨᠲᠠ᠂ ᠬᠤᠶᠢᠷᠠᠭ᠂ ᠲᠡᠰᠬᠢ ᠡᠯᠪᠡᠭ ᠲᠠᠢ ᠭᠠᠵᠠᠷ ᠪᠣᠯ ᠪᠤᠲᠤᠭᠤ ᠢᠯᠭᠠᠬᠤ ᠳᠤ | ᠳᠠᠪᠠᠭᠤ ᠰᠠᠶᠢᠨ ᠪᠠᠶᠢᠳᠠᠭ᠃ ᠨᠠᠮᠦᠷ ᠲᠠᠭᠠᠨ ᠨᠠᠮᠤᠷ ᠤᠨ ᠪᠣᠷᠤᠭᠠ ᠪᠠᠷ ᠠᠮᠠᠷᠬᠠᠨ ᠨᠢᠯᠬᠠᠷᠠᠳᠠᠭ ᠬᠤᠶᠢᠷᠠᠭ᠂ ᠲᠡᠰᠬᠢ᠂ | ᠬᠦᠮᠡᠯᠢ᠂ ᠲᠠᠭᠠᠨᠠ ᠲᠠᠢ ᠭᠠᠵᠠᠷ ᠢ ᠬᠠᠷᠠᠬᠤ ᠮᠦᠷᠲᠡᠭᠡᠨ ᠴᠣᠯᠢᠬᠡᠷ᠂ ᠬᠠᠮᠬᠤᠤᠯ ᠮᠡᠲᠦ ᠶᠢᠨ ᠦᠷᠡ ᠰᠠᠶᠢᠲᠠᠢ᠂ | ᠲᠡᠵᠢᠭᠡᠯ ᠦᠨᠳᠦᠷ ᠡᠪᠡᠰᠦᠨ ᠤ ᠡᠯᠪᠡᠭ ᠢ ᠳᠠᠭᠠᠵᠤ ᠮᠠᠯᠵᠢᠳᠠᠭ᠃ ᠶᠡᠷᠦ ᠨᠢ ᠡᠪᠤᠯ ᠳᠡᠭᠡᠨ ᠨᠠᠭᠤᠷ ᠵᠠᠳᠠᠭᠠᠢ | ᠬᠦᠯᠳᠡᠵᠦ ᠮᠦᠰᠦᠵᠢᠬᠦ ᠲᠤᠯᠠ ᠬᠤᠳᠳᠤᠭ ᠤᠰᠤ ᠪᠠᠨ ᠡᠷᠲᠡᠬᠡᠨ ᠠᠴᠠ ᠪᠡᠯᠡᠳᠬᠡᠵᠦ᠂ ᠬᠠᠪᠤᠷ ᠤᠨ ᠰᠡᠭᠦᠯ | ᠰᠢᠪᠲᠤᠷᠠᠲᠠᠯᠠ ᠲᠡᠮᠡᠭᠡᠨ ᠰᠦᠷᠦᠭ ᠬᠤᠳᠳᠤᠭ ᠠᠴᠠ ᠰᠠᠯᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠮᠠᠯᠴᠢᠳ ᠤᠨ ᠤᠳᠠᠭᠠᠨ ᠵᠢᠯ ᠤᠨ | ᠲᠤᠷᠰᠢᠯᠭᠠ ᠠᠴᠠ ᠳ᠋ᠦᠩᠨᠡᠪᠡᠯ᠂ ᠬᠠᠪᠤᠷ ᠤᠨ ᠲᠡᠮᠡᠭᠡ ᠤᠰᠤ ᠪᠠᠷ ᠬᠠᠳᠠᠪᠠᠯ ᠵᠢᠯᠴᠢᠨ ᠲᠡᠩᠬᠡᠯ ᠠᠪᠳᠠᠭ ᠦᠭᠡᠢ᠃ | ᠨᠠᠮᠤᠷ ᠤᠨ ᠲᠡᠮᠡᠭᠡ ᠤᠰᠤ ᠤᠤᠭᠤᠬᠤ ᠦᠭᠡᠢ ᠪᠣᠯ ᠲᠤᠰᠤᠨ ᠲᠠᠷᠭᠤ ᠭᠦᠢᠴᠡᠳ ᠰᠠᠭᠤᠨᠠ ᠭᠡᠳᠡᠭ᠃ ᠪᠠᠰᠠ ︽ | ᠲᠡᠮᠡᠭᠡ ᠨᠠᠮᠤᠷ ᠲᠠᠷᠭᠤᠯᠠᠵᠤ᠂ ᠬᠠᠪᠤᠷ ᠦᠭᠡᠬᠦ ᠪᠠᠨ ᠢᠳᠡᠨᠡ︾ ᠭᠡᠰᠡᠨ ᠶᠠᠷᠢᠶᠠ ᠪᠠᠶᠢᠳᠠᠭ ᠪᠢᠯᠡ᠃ ᠬᠤᠷᠠ | ᠪᠣᠷᠤᠭᠠᠨ ᠡᠯᠪᠡᠭ ᠵᠤᠨ ᠤ ᠲᠡᠮᠡᠭᠡ ᠴᠤ ᠭᠡᠳ ᠤᠰᠤ ᠤᠤᠭᠤᠬᠤ ᠨᠢ ᠪᠠᠭᠠ ᠪᠠᠶᠢᠳᠠᠭ᠃ | ᠡᠪᠦᠯ ᠬᠠᠪᠤᠷ ᠤᠨ ᠲᠡᠮᠡᠭᠡ ᠶᠢ ᠠᠯᠭᠤᠷ ᠪᠡᠯᠴᠢᠭᠡᠵᠦ᠂ ᠵᠤᠨ ᠨᠠᠮᠤᠷ ᠤᠨ ᠲᠡᠮᠡᠭᠡ ᠶᠢ ᠨᠠᠷᠠᠨ ᠠᠴᠠ ᠡᠮᠦᠨᠡ ᠰᠣᠶᠢᠯ | ᠠᠯᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠤᠴᠢᠷ ᠨᠢ ᠬᠠᠯᠠᠭᠰᠠᠨ ᠡᠪᠡᠰᠦ ᠢᠳᠡᠪᠡᠯ ᠲᠡᠮᠡᠭᠡ ᠰᠣᠶᠢᠯ ᠠᠯᠳᠠᠳᠠᠭ ᠲᠤᠯᠠ ᠰᠡᠷᠢᠭᠦᠨ | ᠡᠪᠡᠰᠦ ᠢᠳᠡᠭᠦᠯᠬᠦ ᠭᠡᠰᠡᠨ ᠰᠠᠨᠠᠭᠠ ᠶᠤᠮ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | | | | |