| 1. ᠭᠦᠮᠦᠨ ᠲᠠᠢ ᠠᠭᠤᠯᠵᠠᠬᠤ ᠳᠠᠭᠠᠨ ᠨᠢᠳᠦᠨ ᠰᠢᠯ ᠢᠶᠠᠨ ᠠᠪᠳᠠᠭ᠃ ᠣᠯᠠᠩᠭᠢ ᠨᠠᠰᠣᠳᠠᠶᠢᠴᠣᠳ ᠭᠦᠳᠡᠭᠡ | ᠭᠡᠭᠡᠷᠡ ᠪᠤᠶᠤ ᠭᠡᠷ ᠤᠨ ᠭᠠᠳᠠᠨᠠ ᠭᠦᠮᠦᠨ ᠲᠠᠢ ᠠᠭᠤᠯᠵᠠᠬᠤ ᠳᠠᠭᠠᠨ ᠦᠪᠡᠷ ᠢᠶᠠᠨ ᠭᠡᠷᠪᠡ ᠨᠢᠳᠦᠨ ᠰᠢᠯ ︵ | ᠰᠠᠷᠠᠪᠴᠢ︶ ᠵᠡᠭᠦᠵᠤ ᠪᠠᠶᠢᠭᠰᠠᠨ ᠪᠤᠯ ᠣᠷᠢᠳ ᠢᠶᠠᠷ ᠨᠢᠳᠣᠨ ᠰᠢᠯ ᠢᠶᠠᠨ ᠠᠪᠴᠦ ᠵᠡᠭᠦᠨ ᠭᠠᠷ ᠲᠠᠭᠠᠨ | ᠪᠠᠷᠢᠴᠢᠬᠠᠭᠠᠳ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠠᠯᠠᠭᠠ ᠪᠠᠨ ᠳᠡᠯᠭᠡᠵᠦ ᠮᠡᠨᠳᠦᠴᠢᠯᠡᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠭᠰᠠᠨ ︵ᠭᠡᠯᠡᠯᠭᠡᠨ | ᠦᠭᠡᠢ ᠠᠮᠤᠷ ᠮᠡᠨᠳᠦ ᠠᠰᠠᠭᠤᠴᠢᠬᠠᠪᠠᠯ ᠮᠥᠨ ᠨᠢᠳᠦᠨ ᠳᠡᠭᠡᠨ ᠵᠡᠭᠦᠨᠡ ᠰᠢᠣ ᠳ᠋ᠠ︶᠃ ᠡᠨ᠋ᠨ ᠨᠢ ᠨᠢᠳᠣ ᠨᠢᠭᠤᠷ | ᠢᠶᠠᠨ ᠬᠠᠭᠠᠵᠤ ︵ᠬᠠᠯᠬᠠᠯᠠᠵᠤ︶ ᠪᠠᠶᠢᠭᠠᠳ ᠭᠦᠮᠦᠨ ᠲᠠᠢ ᠠᠭᠤᠯᠵᠠᠵᠤ ᠮᠡᠨᠳᠦᠯᠡᠭᠦ ᠶᠣᠰᠣ ᠦᠭᠡᠢ ᠭᠡᠰᠡᠨ ᠣᠳᠬᠠ | ᠰᠠᠨᠠᠭᠠ ᠲᠠᠢ ᠪᠠᠶᠢᠭᠠ ᠪᠠᠰᠠ ᠨᠢᠭᠡᠨ ᠵᠦᠢᠯ ᠤᠨ ᠭᠦᠨᠳᠦᠳᠭᠡᠯ ᠤᠨ ᠶᠣᠰᠣ ᠵᠠᠩᠰᠢᠯ ᠪᠤᠯᠤᠨᠠ᠃ ᠬᠠᠶ᠋ᠨ ᠵᠠᠷᠢᠮ | ᠭᠦᠮᠦᠨ ᠨᠢᠳᠣᠨ ᠰᠢᠯ ᠲᠠᠢ ᠪᠠᠨ ᠠᠮᠤᠷ ᠮᠡᠨᠳᠦ ᠠᠰᠠᠭᠤᠪᠠᠯ ︽ᠡᠨ᠋ᠨ ᠭᠦᠮᠣᠨ ᠨᠢᠳᠣ ᠪᠠᠨ ᠳᠠᠯᠳᠠᠯᠠᠵᠤ ᠬᠠᠯᠬᠠᠯᠠᠭᠠᠳ | ᠪᠠᠶᠢᠳᠠᠭ ᠴᠢᠨᠢ ᠨᠢᠳᠣ ᠨᠢ ᠰᠣᠬᠤᠷ ᠬᠠᠷᠠᠯᠭᠠᠨ ᠲᠠᠢ ᠶᠤᠮ ᠪᠠ︖︾᠂ ︽ᠡᠰᠡᠭᠦᠯᠡ ᠶᠡᠭᠡᠷᠭᠡᠭ ᠳᠡᠭᠡᠭᠦᠷ ᠵᠠᠩ ᠲᠠᠢ | ᠶᠤᠮ ᠪᠠᠶᠢᠨᠠ︾ ᠭᠡᠮᠡᠨ ᠳᠣᠷᠠ ᠦᠭᠡᠶᠢᠴᠡᠵᠦ ᠵᠢᠮᠡᠯᠡᠳᠡᠭ ᠪᠠᠶᠢᠪᠠ᠃ | 2. ᠠᠶᠢᠯ ᠤᠨ ᠭᠡᠷ ᠲᠤ ᠳᠡᠭᠡᠰᠦ ᠪᠤᠷᠠᠠᠳᠠᠭ ᠠᠪᠴᠦ ᠣᠷᠤᠳᠠᠭ ᠦᠭᠡᠢ᠃ ᠠᠶᠢᠯ ᠤᠨ ᠭᠡᠷ ᠦᠷᠭᠦᠭᠡ ᠳᠤ ᠣᠷᠤᠬᠤ | ᠳᠠᠭᠠᠨ ᠳᠡᠭᠡᠰᠦ ᠪᠤᠷᠠᠠᠳᠠᠭ ᠪᠦᠰᠡᠯᠡᠭᠦ ᠪᠤᠶᠤ ᠳᠡᠭᠡᠰᠦ ᠪᠤᠷᠠᠠᠳᠠᠭ᠂ ᠴᠢᠳᠣᠷ ᠳᠣᠱᠠ᠂ ᠮᠣᠳᠣ ᠳᠠᠰᠢᠭᠤᠷ ᠮᠡᠳᠦᠰ ᠤᠨ | ᠶᠠᠭᠤᠮᠠ ᠶᠢ ᠪᠠᠷᠢᠬᠤ ᠪᠤᠶᠤ ᠪᠦᠰᠠ ᠳᠡᠭᠡᠨ ᠵᠡᠭᠦᠵᠤ ᠬᠠᠪᠴᠢᠭᠤᠯᠵᠤ ᠤᠷᠤᠳᠠᠭ ᠦᠭᠡᠢ᠂ ᠡᠳᠡᠭᠡᠷ ᠶᠠᠭᠤᠮᠠᠰ ᠢ ᠵᠠᠪᠠᠯ | ᠭᠡᠷ ᠤᠨ ᠭᠠᠳᠠᠨᠠ ᠳᠠᠯᠪᠢᠭᠠᠳ ᠭᠡᠷ ᠲᠤ ᠤᠷᠤᠳᠠᠭ ᠶᠣᠰᠣ ᠲᠠᠢ ᠶᠤᠮ᠃ | 3. ᠴᠣᠮᠴᠣᠶᠢᠵᠤ ᠰᠠᠭᠤᠬᠤ ᠶᠣᠰᠣ᠃ ᠠᠶᠢᠯ ᠤᠨ ᠮᠤᠩᠭᠤᠯ ᠭᠡᠷ ᠲᠤ ᠪᠤᠶᠤ ᠪᠠᠶᠢᠰᠢᠩ ᠤᠨ ᠬᠠᠨᠵᠤᠨ ᠳᠡᠭᠡᠷᠡ | ᠰᠠᠭᠤᠬᠤ ᠳᠠᠭᠠᠨ ᠳᠦᠪ ᠶᠣᠰᠣᠷᠬᠠᠭ ᠢᠶᠠᠷ ᠴᠣᠮᠴᠣᠶᠢᠵᠤ ᠰᠠᠭᠤᠳᠠᠭ ᠶᠣᠰᠣ ᠲᠠᠢ᠃ ᠳᠡᠭᠡᠭᠦ ᠳᠡᠭᠡᠨ ᠳᠡᠪᠡᠯ ᠤᠨ | ᠡᠩᠭᠡᠷ ᠬᠤᠷᠮᠤᠢ ᠪᠠᠷ ᠢᠶᠠᠨ ᠡᠪᠦᠳᠦᠭ ᠰᠢᠯᠪᠢ ᠪᠠᠨ ᠪᠦᠷᠬᠦᠵᠤ ᠳᠠᠯᠳᠠᠯᠠᠵᠤ ᠰᠠᠭᠤᠳᠠᠭ᠃ ᠨᠠᠰᠣ ᠦᠨᠳᠦᠷ ᠯᠠᠮᠨ | ᠬᠤᠸᠠᠷᠠᠭ᠂ ᠡᠪᠦᠭᠡᠳ ᠨᠠᠰᠣᠳᠠᠨ ᠭᠦᠮᠦᠨ ᠪᠤᠯ ᠪᠠᠷᠤᠭ ᠳᠡᠭᠰᠢ ᠰᠠᠶᠢᠬᠠᠨ ᠵᠠᠪᠢᠯᠠᠵᠤ ᠰᠠᠭᠤᠳᠠᠭ ᠪᠤᠯᠪᠠᠴᠦ ᠮᠥᠨ | ᠭᠦᠯ ᠡᠪᠦᠳᠦᠭ ᠢᠶᠠᠨ ᠪᠦᠭᠦᠨ ᠢ ᠬᠤᠴᠢᠵᠤ ᠪᠦᠷᠭᠦᠵᠦ ᠰᠠᠭᠤᠳᠠᠭ ᠶᠤᠮ᠃ ᠡᠮᠡᠭᠳᠠᠶᠢᠴᠣᠳ ᠪᠤᠯ ᠪᠦᠷ ᠳᠡᠭᠡᠷᠡᠭᠢ | ᠲᠠᠢ ᠠᠳᠠᠯᠢ ᠴᠣᠮᠴᠣᠶᠢᠵᠤ ᠰᠠᠭᠤᠳᠠᠭ ᠳᠠᠳᠬᠠᠯ ᠲᠠᠢ ᠪᠠᠶᠢᠭᠰᠠᠨ᠃ ᠴᠣᠮᠴᠣᠶᠢᠵᠤ ᠰᠠᠭᠤᠬᠤ ᠨᠢ ᠠᠶᠢᠯ ᠭᠡᠷ ᠢ | ᠭᠦᠨᠳᠦᠳᠭᠡᠭᠰᠡᠨ ᠶᠣᠰᠣᠷᠬᠠᠭ ᠵᠠᠩᠰᠢᠯ ᠪᠤᠯᠵᠤ ᠪᠠᠶᠢᠳᠠᠭ ᠪᠦᠭᠡᠳ ᠵᠣᠴᠢᠨ ᠣᠯᠠᠨ ᠦᠶᠡ ᠳᠤ ᠵᠠᠢ ᠪᠠᠭᠠ ᠡᠵᠡᠯᠡᠭᠦ | ᠳᠠᠪᠠᠭᠤᠯᠢᠭ ᠳᠠᠯᠠ ᠲᠠᠢ ᠪᠠᠶᠢᠳᠠᠭ ᠪᠠᠶᠢᠨᠠ᠃ ᠠᠶᠢᠯ ᠭᠡᠷ ᠲᠤ ᠪᠠ ᠦᠪᠡᠷ ᠤᠨ ᠭᠡᠷ ᠲᠡᠭᠡᠨ ᠭᠦᠮᠦᠨ ᠤ ᠳᠡᠷᠭᠡᠳᠡ | ᠭᠦᠯ ᠢᠶᠠᠨ ᠵᠢᠭᠢᠭᠦ᠂ ᠠᠯᠴᠠᠶᠢᠵᠤ ᠰᠠᠭᠤᠬᠤ᠂ ᠶᠠᠪᠠᠭᠠᠨ ᠰᠠᠭᠤᠬᠤ᠂ ᠡᠩᠭᠡᠷ ᠬᠤᠷᠮᠤᠢ ᠪᠠᠨ ᠳᠡᠯᠭᠡᠵᠦ ᠵᠠᠳᠠᠭᠠᠶᠢᠯᠠᠵᠤ | ᠰᠠᠭᠤᠬᠤ᠂ ᠬᠤᠶᠠᠷ ᠭᠠᠷ ᠢᠶᠠᠨ ᠰᠠᠯᠠᠭᠠᠪᠴᠢᠯᠠᠵᠤ ᠡᠪᠦᠳᠦᠭ ᠢᠶᠠᠨ ᠳᠡᠪᠡᠷᠢᠵᠤ ᠰᠠᠭᠤᠬᠤ ᠁ ᠶᠢ ᠪᠦᠷ ᠶᠣᠰᠣ | ᠳᠣᠮᠤᠭᠠ ᠠᠯᠳᠠᠭᠰᠠᠨ ᠢᠶᠠᠷ ᠦᠵᠡᠳᠡᠭ ᠶᠤᠮ᠃ | 4. ᠭᠦᠮᠦᠨ ᠤ ᠣᠷᠢᠳᠠᠭᠤᠷ ︵ᠡᠮᠦᠨᠡᠭᠦᠷ︶ ᠶᠠᠪᠤᠬᠤ ᠦᠭᠡᠢ᠃ ᠭᠡᠵᠢᠶᠡ ᠬᠠᠮᠢᠭᠠ ᠴᠦ ᠭᠡᠰᠡᠨ ᠰᠠᠭᠤᠵᠤ | ᠰᠠᠭᠠᠳᠠᠵᠤ ᠪᠠᠶᠢᠭᠠ ᠶᠡᠭᠡᠰ ᠲᠠᠭᠡᠳᠤᠬᠦᠯ᠂ ᠳᠣᠮᠣ ᠭᠦᠮᠦᠨ᠂ ᠭᠡᠶᠢᠴᠢᠨ ᠵᠤᠴᠢᠨ ᠤ ᠳᠡᠷᠭᠡᠳᠡᠭᠦᠷ ᠶᠠᠪᠤᠬᠤ᠂ | ᠭᠠᠳᠣᠯᠬᠤ ᠳᠠᠭᠠᠨ ᠵᠠᠪᠠᠯ ᠭᠦᠮᠦᠨ ᠤ ᠠᠷᠤ ᠨᠢᠷᠤᠭᠤ ᠳᠠᠯᠠ ᠪᠠᠷ ᠨᠢ ᠶᠠᠪᠤᠳᠠᠭ ᠶᠣᠰᠣ ᠲᠠᠢ᠃ ᠭᠦᠮᠦᠨ ᠤ ᠡᠮᠦᠨᠡᠭᠦᠷ | ᠨᠢ ᠭᠦᠨᠳᠡᠯᠡᠨ ᠭᠤᠯᠳᠤ ᠭᠠᠳᠣᠯᠬᠤ ᠶᠢ ᠪᠤᠯ ᠭᠦᠮᠦᠨ ᠢ ᠭᠦᠩᠭᠡᠪᠴᠢᠯᠡᠵᠦ ᠬᠠᠯᠬᠠᠯᠠᠭᠰᠠᠨ ᠢᠶᠠᠷ ᠳᠣᠭᠠᠴᠠᠳᠠᠭ ᠶᠤᠮ᠃ | ᠭᠦᠮᠦᠨ ᠤ᠂ ᠦᠪᠡᠷ ᠤᠨ ᠭᠡᠷ ᠦᠷᠭᠦᠭᠡ ᠳᠤ ᠣᠷᠤᠬᠤ ᠳᠠᠭᠠᠨ ᠴᠦ ᠭᠦᠮᠦᠨ ᠢ ᠣᠷᠢᠳ ᠢᠶᠠᠷ ᠤᠷᠤᠭᠤᠯᠵᠤ᠂ | ᠦᠪᠡᠷ ᠢᠶᠠᠨ ᠬᠤᠶᠢᠨᠠ ᠠᠴᠠ ᠨᠢ ᠤᠷᠤᠬᠤ ᠶᠢ ᠡᠷᠭᠢᠮᠯᠡᠳᠡᠭ ᠨᠢ ᠮᠤᠩᠭᠤᠯᠴᠣᠳ ᠤᠨ ᠨᠡᠶᠢᠳᠡ ᠶᠢᠨ ᠶᠣᠰᠣ ᠳᠠᠳᠬᠠᠯ | ᠪᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠠᠶᠢᠭᠠ ᠶᠤᠮ᠃ | 5. ᠭᠦᠮᠦᠨ ᠲᠠᠢ ᠦᠭᠡ ᠭᠡᠯᠡᠯᠴᠡᠭᠦ ᠳᠡᠭᠡᠨ ᠴᠢᠷᠠᠢ ᠪᠠᠨ ᠪᠤᠷᠤᠭᠤ ᠬᠠᠷᠠᠭᠤᠯᠳᠠᠭ ᠦᠭᠡᠢ᠃ ᠶᠠᠮᠠᠷᠪᠠ ᠭᠦᠮᠦᠨ ᠳᠤ | ᠦᠭᠡ ᠭᠡᠯᠡᠭᠦ ᠪᠠ ᠭᠦᠮᠦᠨ ᠤ ᠠᠰᠠᠭᠤᠭᠰᠠᠨ ᠦᠭᠡ ᠶᠢ ᠬᠠᠷᠢᠭᠤᠯᠬᠤ ᠳᠠᠭᠠᠨ ᠴᠠᠰᠢ ᠪᠤᠷᠤᠭᠤ ᠬᠠᠨᠳᠣᠬᠤ ᠪᠤᠶᠤ | ᠭᠢᠭᠠᠰ ᠬᠠᠵᠠᠭᠠᠢ ᠬᠠᠷᠠᠵᠤ ᠪᠠᠶᠢᠵᠤ ᠭᠡᠯᠡᠳᠡᠭ ᠶᠣᠰᠣ ᠦᠭᠡᠢ ᠶᠤᠮ᠃ ᠶᠠᠮᠠᠷ ᠣᠴᠢᠷ ᠪᠠᠶᠢᠭᠰᠠᠨ ᠴᠦ ᠴᠢᠷᠠᠢ ᠡᠭ᠍ᠴᠨ | ᠪᠠᠷ ᠨᠢᠭᠤᠷᠳᠠᠵᠤ ᠭᠡᠯᠡᠳᠡᠭ ᠣᠴᠢᠷ ᠲᠠᠢ ᠪᠠᠶᠢᠳᠠᠭ᠃ ᠳᠡᠶᠢᠮᠤ ᠪᠢᠰᠢ ᠪᠤᠯ ︽ᠨᠢᠭᠤᠷ ᠲᠤ ᠴᠢᠨᠢ ᠶᠠᠷᠠ ᠭᠠᠷᠴᠢᠬᠠᠪᠠ | ᠤᠤ︖︾ ᠭᠡᠭᠦ ᠪᠤᠶᠤ ︽ᠭᠡᠷᠡᠭᠦᠯ ᠵᠣᠳᠤᠭᠠ ᠭᠢᠴᠢᠭᠡᠭᠰᠡᠨ ᠶᠤᠮ ᠪᠠ︕︾ ᠭᠡᠭᠦᠴᠢᠯᠡᠨ ᠳᠣᠭᠤᠭᠢᠯᠠᠵᠤ ᠮᠠᠭᠤ | ᠭᠡᠯᠡᠳᠡᠭ ᠪᠠᠶᠢᠨᠠ᠃ ᠣᠴᠢᠷ ᠨᠢ ᠪᠤᠷᠤᠭᠤ ᠬᠠᠷᠠᠵᠤ ᠪᠠᠶᠢᠵᠤ ᠭᠦᠮᠦᠨ ᠳᠤ ᠦᠭᠡ ᠭᠡᠯᠡᠭᠦ ᠪᠤᠯ ᠭᠦᠨᠳᠦᠳᠭᠡᠯ ᠤᠨ | ᠶᠣᠰᠣᠨ ᠳᠤ ᠦᠯᠦ ᠨᠡᠶᠢᠴᠡᠭᠦ ᠮᠠᠭᠤ ᠳᠠᠳᠬᠠᠯ ᠪᠤᠯᠤᠨᠠ᠃ | 6. ᠬᠠᠨᠴᠣᠢ ᠰᠢᠮᠠᠯᠠᠵᠤ ᠬᠤᠷᠮᠤᠢ ᠪᠠᠨ ᠰᠢᠭᠤᠬᠤ ᠶᠢ ᠭᠢᠴᠢᠶᠡᠳᠡᠭ᠃ ᠠᠶᠢᠯ ᠬᠤᠨᠠᠷ ᠤᠨ ᠳᠤ ᠣᠴᠢᠬᠤ᠂ ᠭᠦᠮᠦᠨ | ᠲᠠᠢ ᠠᠭᠤᠯᠵᠠᠵᠤ ᠵᠤᠯᠭᠠᠬᠤ᠂ ᠭᠦᠮᠦᠨ ᠭᠡᠶᠢᠴᠢᠨ ᠳᠤ ᠴᠠᠢ ᠬᠤᠭᠤᠯᠨ᠂ ᠠᠷᠢᠭᠢ ᠰᠠᠷᠬᠤᠳ ᠵᠠᠰᠠᠬᠤ ᠮᠠᠳᠤ ᠶᠢᠨ | ᠦᠢᠯᠨ ᠶᠠᠪᠤᠳᠠᠯ ᠳᠤ ᠬᠠᠨᠴᠣᠢ ᠪᠠᠨ ᠡᠷᠭᠢᠭᠦᠯᠵᠦ ᠰᠢᠮᠠᠯᠠᠳᠠᠭ ᠦᠭᠡᠢ᠃ ᠡᠩᠭᠡᠷ ᠬᠤᠷᠮᠤᠢ ᠪᠠᠨ ᠰᠡᠭᠡᠵᠦ ᠰᠢᠭᠤᠳᠠᠭ | ᠦᠭᠡᠢ᠂ ᠡᠩᠭᠡᠷ ᠵᠠᠭᠠᠮᠠ ᠪᠠᠨ ᠵᠠᠳᠠᠭᠠᠶᠢᠯᠠᠵᠤ ᠡᠪᠴᠢᠬᠦᠤ ᠡᠩᠭᠡᠯᠳᠡᠭ ᠢᠶᠠᠨ ᠳᠡᠯᠭᠡᠳᠡᠭ ᠦᠭᠡᠢ᠃ ᠭᠦᠮᠦᠨ ᠭᠡᠶᠢᠴᠢᠨ | ᠢᠷᠡᠭᠦ ᠳᠤ ᠪᠡᠶᠡ ᠨᠢᠴᠦᠭᠦᠨ ᠪᠤᠶᠤ ᠢᠯᠠᠩᠭᠤᠶᠠ ᠭᠠᠳᠠᠷ ᠦᠮᠤᠳᠣ ᠪᠠᠨ ᠡᠮᠦᠰᠭᠦ ᠦᠭᠡᠢ ᠪᠠᠷ ᠣᠭᠳᠣᠳᠠᠭ ᠶᠣᠰᠣ | ᠦᠭᠡᠢ ᠶᠤᠮ᠃ ᠡᠰᠡ ᠳᠡᠶᠢᠮᠣ ᠪᠤᠯ ᠰᠢᠨᠵᠢ ᠪᠡᠯᠭᠡ ᠮᠠᠭᠤ ᠲᠠᠢ ᠭᠡᠮᠡᠨ ᠦᠵᠡᠵᠦ ᠵᠢᠭᠰᠢᠭᠦ ᠪᠠ ᠵᠢᠮᠡᠯᠡᠵᠦ | ᠪᠤᠷᠤᠭᠤᠰᠢᠶᠠᠳᠠᠭ ᠪᠠᠶᠢᠭᠰᠠᠨ᠃ ᠡᠳᠡᠭᠡᠷ ᠨᠢ ᠮᠦᠨᠴᠦ ᠨᠣᠳᠤᠭ ᠤᠨ ᠭᠦᠨᠳᠦᠳᠭᠡᠯ ᠤᠨ ᠶᠣᠰᠣᠨ ᠤ ᠦᠨᠳᠦᠰᠦᠨ | ᠱᠠᠭᠠᠷᠳᠠᠯᠭᠠ ᠪᠤᠯᠵᠤ ᠪᠠᠶᠢᠳᠠᠭ ᠶᠤᠮ᠃ ᠭᠡᠪᠡᠴᠦ ᠠᠵᠢᠯ ᠭᠦᠳᠡᠯᠮᠤᠷᠢ ᠶᠢᠨ ᠭᠠᠵᠠᠷ ᠲᠤ ᠪᠡᠶᠡ ᠶᠢᠨ ᠭᠦᠳᠡᠯᠮᠤᠷᠢ | ᠭᠢᠵᠤ ᠶᠠᠭᠠᠷᠠᠵᠤ ᠪᠠᠶᠢᠬᠤ ᠦᠶᠡ ᠳᠤ ᠪᠤᠯ ᠬᠠᠨᠴᠣᠢ ᠰᠢᠮᠠᠯᠠᠵᠤ ᠬᠤᠷᠮᠤᠢ ᠰᠢᠭᠤᠬᠤ᠂ ᠳᠣᠪᠴᠢ ᠰᠢᠯᠪᠢ ᠪᠠᠨ | ᠰᠣᠯᠠᠳᠬᠠᠬᠤ᠂ ᠬᠤᠪᠴᠠᠰᠣ ᠬᠤᠨᠠᠷ ᠢᠶᠠᠨ ᠨᠢᠮᠭᠡᠯᠡᠭᠦ ᠨᠢ ᠴᠦᠮ ᠡᠩ ᠤᠨ ᠶᠠᠪᠤᠳᠠᠯ᠂ ᠠᠰ ᠲᠠᠭᠠᠨ ᠪᠠᠶᠢᠬᠤ ᠣᠴᠢᠷ | ᠪᠤᠯᠤᠨᠠ᠃ ᠳᠡᠶᠢᠮᠤ ᠦᠭᠦᠮᠡᠯ ᠴᠦ ᠶᠠᠭᠤᠮᠠ ᠪᠠᠰᠠ ᠪᠢᠰᠢ᠃ | 7. ᠭᠦᠮᠦᠨ ᠤ ᠡᠮᠦᠨᠡ ᠬᠤᠭᠤᠰᠣᠨ ᠠᠶᠠᠭᠠ ᠳᠠᠯᠪᠢᠳᠠᠭ ᠦᠭᠡᠢ᠃ ᠭᠦᠳᠡᠭᠡ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠣᠳ ᠶᠡᠷᠦ | ᠨᠢ ᠶᠠᠮᠠᠷᠪᠠ ᠭᠦᠮᠦᠨ ᠤ ᠣᠷᠢᠳᠠᠢ ᠠᠴᠠ ᠬᠤᠭᠤᠰᠣᠨ ᠰᠠᠪᠠ ᠳᠣᠰᠣᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ | ᠃ ᠭᠡᠷ ᠦᠷᠭᠦᠭᠡ ᠳᠤ ᠢᠷᠡᠭᠰᠡᠨ ᠭᠦᠮᠦᠨ ᠳᠤ ᠴᠠᠢ ᠬᠤᠭᠤᠯᠨ ᠵᠠᠰᠠᠬᠤ ᠳᠠᠭᠠᠨ ᠤᠷᠢᠤᠨ ᠢᠶᠠᠷ ᠬᠤᠭᠤᠰᠣᠨ ᠠᠶᠠᠭᠠ | ᠠᠪᠴᠢᠷᠠᠵᠤ ᠵᠤᠴᠢᠨ ᠤ ᠣᠷᠢᠳᠠᠢ ᠳᠠᠯᠪᠢᠳᠠᠭ ᠦᠭᠡᠢ᠂ ᠵᠠᠪᠠᠯ ᠳᠣᠳᠣᠷᠠ ᠨᠢ ᠴᠠᠢ ᠬᠤᠭᠤᠯᠨ ᠪᠠᠨ ᠭᠢᠴᠢᠭᠡᠭᠡᠳ | ᠵᠠᠰᠠᠵᠤ ᠭᠠᠷ ᠲᠤ ᠨᠢ ᠪᠠᠷᠢᠭᠤᠯᠳᠠᠭ ᠳᠠᠳᠬᠠᠯ ᠲᠠᠢ ᠶᠤᠮ ︵ᠣᠳᠣ ᠪᠠᠷᠤᠭ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠨ ᠳᠠᠯᠪᠢᠴᠢᠳᠠᠭ | ᠪᠤᠯᠵᠡᠢ︶᠃ ᠭᠦᠮᠦᠨ ᠵᠤᠴᠢᠨ ᠭᠡᠷ ᠦᠷᠦᠭᠡ ᠳᠤ ᠢᠷᠡᠭᠦ ᠳᠤ ᠡᠰᠡᠷᠭᠦ ᠠᠴᠠ ᠨᠢ ᠬᠤᠭᠤᠰᠣᠨ ᠵᠠᠳᠠᠭᠠᠢ ᠰᠠᠪᠠ | ᠳᠣᠰᠣᠭᠤᠯᠳᠠᠭ ᠦᠭᠡᠢ᠂ ᠭᠡᠷᠪᠡ ᠭᠦᠮᠦᠨ ᠤ ᠡᠮᠦᠨᠡ ᠢᠯᠨ ᠪᠠᠶᠢᠭᠰᠠᠨ ᠪᠤᠯ ᠳᠦᠷᠭᠡᠨ ᠵᠠᠶᠢᠯᠠᠭᠤᠯᠵᠤ ᠳᠠᠯᠳᠠ | ᠳᠠᠯᠪᠢᠬᠤ ᠪᠤᠶᠤ ᠬᠤᠷᠢᠶᠠᠵᠤ ᠠᠪᠳᠠᠭ ᠶᠤᠮ᠃ ᠠᠶᠢᠯ ᠤᠨ ᠭᠡᠷ ᠦᠷᠭᠦᠭᠡ ᠳᠤ ᠣᠴᠢᠬᠤ ᠳᠠᠭᠠᠨ ᠴᠦ ᠵᠠᠳᠠᠭᠠᠢ | ᠬᠤᠭᠤᠰᠣᠨ ᠰᠠᠪᠠ ᠪᠠᠷᠢᠵᠤ ᠭᠡᠷ ᠲᠤ ᠨᠢ ᠣᠷᠤᠳᠠᠭ ᠦᠭᠡᠢ᠃ ᠭᠦᠳᠡᠭᠡ ᠨᠣᠳᠤᠭ ᠲᠤ ᠪᠤᠯ ᠭᠡᠷᠪᠡ ᠣᠰᠣᠨ ᠤ | ᠪᠤᠷᠢᠪᠤ᠂ ᠴᠠᠢ ᠶᠢᠨ ᠱᠠᠭᠤ᠂ ᠠᠷᠭᠠᠯ ᠤᠨ ᠣᠭᠤᠳᠠ ᠮᠡᠳᠦᠰ ᠤᠨ ᠰᠣᠯᠨ ᠬᠤᠭᠤᠰᠣᠨ ᠰᠠᠪᠠ ᠠᠪᠴᠦ ᠶᠠᠪᠤᠵᠤ | ᠳᠠᠭᠠᠷᠠᠭᠰᠠᠨ ᠪᠤᠯ ᠪᠦᠷ ᠭᠡᠷ ᠤᠨ ᠭᠠᠳᠠᠨᠠ ᠳᠠᠯᠪᠢᠴᠢᠬᠠᠭᠠᠳ ᠰᠠᠶ᠋ᠢ ᠠᠶᠢᠯ ᠤᠨ ᠭᠡᠷ ᠲᠤ ᠣᠷᠣᠳᠠᠭ ᠳᠠᠳᠬᠠᠯ ᠲᠠᠢ | ᠪᠠᠶᠢᠭᠰᠠᠨ᠃ ᠭᠡᠷᠪᠡ ᠠᠶᠢᠯ ᠠᠴᠠ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠶᠢ ᠰᠠᠪᠠᠯᠠᠵᠤ ᠠᠪᠬᠤ ᠪᠠᠷ ᠰᠣᠯᠨ ᠰᠠᠪᠠ ᠠᠪᠴᠦ | ᠣᠴᠢᠭᠰᠠᠨ ᠪᠤᠯ ᠰᠠᠪᠠᠨ ᠳᠠᠭᠠᠨ ᠶᠣᠰᠣ ᠶᠢᠨ ᠳᠡᠳᠦᠢ ᠴᠦ ᠭᠡᠰᠡᠨ ᠪᠠᠭᠠ ᠰᠠᠭᠠ ᠶᠠᠭᠤᠮᠠ ᠬᠢᠬᠦ ᠪᠤᠶᠤ ᠠᠮᠠᠨ | ᠳᠡᠭᠡᠷᠡ ᠨᠢ ᠳᠠᠯᠪᠢᠵᠤ ᠦᠭᠭᠦᠭᠡᠳ ᠶᠠᠭᠤᠮᠠ ᠪᠠᠨ ᠰᠠᠪᠠᠯᠠᠵᠤ ᠠᠪᠳᠠᠭ ᠶᠣᠰᠣ ᠲᠠᠢ ᠶᠤᠮ᠃ ᠡᠳᠡᠭᠡᠷ ᠵᠠᠩᠰᠢᠯ ᠨᠢ | ᠮᠦᠨᠴᠦ ᠠᠶᠢᠯ ᠭᠡᠷ ᠪᠠ ᠭᠡᠶᠢᠴᠢᠨ ᠵᠤᠴᠢᠨ ᠢ ᠭᠦᠨᠳᠦᠳᠭᠡᠭᠦ᠂ ᠰᠢᠨᠵᠢ ᠪᠡᠯᠭᠡ ᠶᠢ ᠡᠷᠭᠢᠮᠯᠡᠭᠦ ᠭᠡᠰᠡᠨ ᠳᠠᠪᠬᠤᠷ | ᠣᠳᠬᠠ ᠰᠠᠨᠠᠭᠠ ᠶᠢ ᠠᠭᠤᠯᠵᠤ ᠪᠠᠶᠢᠳᠠᠭ ᠶᠤᠮ᠃ | 8. ᠭᠠᠯ ᠪᠠ ᠪᠤᠷᠬᠠᠨ ᠤ ᠣᠶᠢᠷᠠᠠᠬᠨ ᠭᠤᠳᠣᠯ ᠦᠢᠮᠣᠰᠣ ᠪᠠᠨ ᠳᠠᠶᠢᠯᠵᠤ ᠳᠠᠯᠪᠢᠳᠠᠭ ᠦᠭᠡᠢ᠃ ᠮᠤᠩᠭᠤᠯᠴᠣᠳ | ᠠᠶᠢᠯ ᠤᠨ ᠭᠡᠷ ᠦᠷᠭᠦᠭᠡ ᠳᠤ ᠣᠴᠢᠪᠠᠯ ᠭᠠᠯ ᠪᠤᠷᠬᠠᠨ᠂ ᠰᠠᠭᠠᠯᠢ ᠶᠢᠨ ᠰᠠᠪᠠ᠂ ᠳᠣᠭᠤᠭᠠ ᠰᠢᠨᠠᠭᠠ ᠶᠢᠨ | ᠣᠶᠢᠷᠠᠬᠠᠨ ᠬᠠᠵᠠᠭᠤ ᠳᠡᠷᠭᠡᠳᠡ ᠭᠤᠳᠣᠯ ᠣᠶᠢᠮᠣᠰᠣ ᠪᠠᠨ ᠳᠠᠶᠢᠯᠵᠤ ᠭᠦᠯ ᠦᠯᠮᠡᠢ ᠪᠠᠨ ᠨᠢᠴᠦᠭᠦᠯᠭᠦ ᠪᠠ ᠦᠮᠣᠳᠣ | ᠭᠤᠳᠣᠯ ︵ᠱᠠᠬᠠᠢ︶ ᠢᠶᠠᠨ ᠳᠡᠳᠡᠭᠡᠷ ᠶᠠᠭᠤᠮᠠᠨ ᠳᠤ ᠭᠡᠳᠦ ᠣᠶᠢᠷᠠᠬᠠᠨ ᠳᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠳᠠᠳᠬᠠᠯ ᠲᠠᠢ | ᠪᠠᠶᠢᠳᠠᠭ᠃ ᠡᠨ᠋ᠨ ᠨᠢ ᠮᠦᠨᠴᠦ ᠠᠶᠢᠯ ᠤᠨ ᠭᠡᠷ ᠦᠷᠭᠦᠭᠡ᠂ ᠭᠦᠮᠦᠨ ᠡᠵᠡᠨ ᠢ ᠭᠦᠨᠳᠦᠳᠭᠡᠵᠦ᠂ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ | ᠢ ᠡᠷᠭᠢᠮᠯᠡᠵᠦ ᠪᠠᠶᠢᠭᠠ ᠤᠴᠢᠷ ᠶᠣᠰᠣ ᠪᠤᠯᠤᠨᠠ᠃ ᠭᠡᠷᠪᠡ ᠵᠦᠷᠢᠴᠡᠭᠦ ᠳᠤ ᠭᠦᠷᠪᠡᠯ ᠶᠤᠰᠣ ᠠᠯᠳᠠᠵᠤ ᠠᠶᠢᠯ ᠢ | ᠭᠤᠳᠣᠭᠠᠨ ᠡᠵᠡᠨ ᠢ ᠨᠢ ᠳᠣᠷᠤᠮᠵᠢᠯᠠᠭᠰᠠᠨ ᠳᠤ ᠳᠣᠭᠠᠴᠠᠭᠳᠠᠳᠠᠭ ᠪᠠᠶᠢᠨᠠ᠃ | 9. ᠭᠦᠮᠦᠨ ᠤ ᠡᠮᠦᠨᠡ ᠠᠴᠠ ᠪᠤᠶᠤ ᠬᠤᠶᠢᠨᠠ ᠠᠴᠠ ᠬᠤᠭ ᠢᠶᠠᠨ ᠬᠠᠶᠠᠳᠠᠭ ᠦᠭᠡᠢ᠃ ᠡᠨ᠋ᠨ ᠪᠤᠯ ᠮᠤᠩᠭᠤᠯᠴᠣᠳ | ᠂ ᠮᠠᠯᠴᠢᠨ ᠳᠦᠮᠡᠨ ᠤ ᠮᠠᠰᠢ ᠠᠩᠬᠠᠷᠳᠠᠭ ᠭᠢᠴᠢᠶᠠᠮᠵᠢ ᠪᠤᠯᠤᠨᠠ᠃ ᠡᠶᠢᠮᠣ ᠠᠴᠠ ᠶᠠᠮᠠᠷᠪᠠ ᠭᠦᠮᠦᠨ ᠢᠷᠡᠭᠦ ᠳᠤ | ᠡᠮᠦᠨᠡ ᠠᠴᠠ ᠨᠢ ᠬᠤᠭ ᠦᠨᠡᠰᠦ ᠬᠠᠶᠠᠬᠤ᠂ ᠬᠠᠷᠠ ᠣᠰᠣ᠂ ᠪᠤᠵᠠᠷ ᠣᠰᠣ ᠰᠠᠴᠣᠬᠤ ᠶᠢ ᠰᠡᠷᠭᠡᠶᠢᠯᠡᠵᠦ | ᠴᠡᠭᠡᠷᠯᠡᠳᠡᠭ ᠪᠤᠯᠪᠠᠰᠣᠨ ᠳᠠᠳᠬᠠᠯ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠶᠠᠪᠤᠭᠰᠠᠨ ᠭᠦᠮᠦᠨ ᠤ ᠬᠤᠶᠢᠨᠠ ᠠᠴᠠ ᠴᠦ ᠬᠤᠭ | ᠨᠤᠪᠰᠢ᠂ ᠣᠰᠣ ᠴᠠᠰᠣ ᠶᠢ ᠪᠡᠯᠡᠨ ᠳᠣᠣᠷᠠ ᠪᠠᠨ ᠬᠠᠶᠠᠵᠤ ᠰᠠᠴᠣᠳᠠᠭ ᠦᠭᠡᠢ᠃ ᠬᠠᠶᠠᠬᠤ ᠴᠢᠬᠤᠯᠨ ᠲᠠᠢ ᠪᠤᠯ | ᠭᠦᠮᠦᠨ ᠪᠦᠷ ᠬᠤᠯᠨ ᠶᠠᠪᠤᠭᠰᠠᠨ ᠤ ᠬᠤᠶᠢᠨᠠ ᠲᠠᠪᠠ ᠪᠠᠷ ᠠᠪᠠᠴᠢᠵᠤ ᠬᠠᠶᠠᠳᠠᠭ ᠶᠤᠮ᠃ ᠡᠨ᠋ᠨ ᠨᠢ ᠭᠦᠮᠦᠨ ᠢ | ᠭᠦᠨᠳᠦᠳᠭᠡᠭᠦ ᠡᠰᠡᠭᠦ ᠳᠤ ᠰᠢᠭᠤᠳ ᠬᠤᠯᠪᠤᠭᠳᠠᠬᠤ ᠨᠢᠭᠡᠨ ᠵᠦᠢᠯ ᠤᠨ ᠵᠠᠩ ᠮᠤᠷᠠᠯ ᠤᠨ ᠣᠴᠢᠷ ᠶᠤᠮ ᠪᠤᠯᠬᠤᠷ | ᠡᠷᠭᠡᠪᠰᠢ ᠠᠩᠬᠠᠷᠴᠤ ᠭᠢᠴᠢᠶᠡᠭᠦ ᠳᠡᠭᠡᠨ ᠳᠠᠭᠠᠷᠠᠬᠤ ᠪᠠᠶᠢᠬᠠ᠃ | 10. ᠭᠦᠮᠦᠨ ᠤ ᠳᠡᠷᠭᠡᠳᠡ ᠨᠢᠷᠤᠭᠤ ᠪᠠᠨ ᠡᠭᠦᠷᠳᠡᠭ ᠦᠭᠡᠢ᠃ ᠨᠢᠷᠤᠭᠤ ᠡᠭᠦᠷᠦᠨᠡ ᠭᠡᠳᠡᠭ ᠨᠢ ᠬᠤᠶᠠᠷ ᠭᠠᠷ | ᠢᠶᠠᠨ ᠠᠷᠤ ᠨᠢᠷᠤᠭᠤ ᠳᠠᠭᠠᠨ ᠡᠭᠦᠷᠭᠦ ᠶᠢ ᠭᠡᠯᠡᠳᠡᠭ᠃ ᠮᠤᠩᠭᠤᠯᠴᠣᠳ ᠤᠨ ᠵᠤᠷᠰᠢᠯ ᠢᠶᠠᠷ ᠪᠤᠯ ᠶᠠᠮᠠᠷᠪᠠ ᠭᠦᠮᠦᠨ ᠤ | ᠳᠡᠷᠭᠡᠳᠡ᠂ ᠢᠯᠠᠩᠭᠤᠶᠠ ᠶᠡᠭᠡᠰ ᠲᠠᠭᠡᠳᠤᠬᠦᠯ ᠪᠠ ᠠᠭᠢᠮᠠᠭ ᠨᠠᠰᠣᠨ ᠤ ᠭᠦᠮᠦᠨ ᠤ ᠳᠡᠷᠭᠡᠳᠡ ᠨᠢᠷᠤᠭᠤ ᠪᠠᠨ ᠡᠭᠦᠷᠴᠦ | ᠵᠣᠭᠰᠣᠬᠤ ︵ᠶᠠᠪᠤᠬᠤ︶ ᠪᠤᠶᠤ ᠦᠭᠡ ᠭᠡᠯᠡᠯᠴᠡᠭᠦ ᠶᠢ ᠠᠩᠬᠠᠷᠴᠦ ᠭᠢᠴᠢᠶᠡᠳᠡᠭ ᠪᠠᠶᠢᠨᠠ᠃ ᠭᠦᠮᠦᠨ ᠤ ᠪᠠ ᠦᠪᠡᠷ | ᠤᠨ ᠭᠡᠷ ᠳᠣᠳᠣᠷᠠ ᠴᠦ ᠨᠢᠷᠤᠭᠤ ᠡᠭᠦᠷᠭᠦ ᠶᠢ ᠴᠡᠭᠡᠷᠯᠡᠳᠡᠭ ᠪᠠᠶᠢᠭᠰᠠᠨ᠃ ᠨᠢᠷᠤᠭᠤ ᠪᠠᠨ ᠡᠭᠦᠷᠭᠦ ᠪᠤᠯ ᠵᠠᠷᠢᠮ ᠳᠠᠯᠠ | ᠪᠠᠷ ᠢᠶᠠᠨ ᠭᠦᠮᠦᠨ ᠤ ᠤᠪᠤᠷ ᠵᠠᠩ ᠤᠨ ᠢᠯᠡᠷᠡᠯ ᠪᠤᠯᠵᠤ ᠪᠠᠶᠢᠳᠠᠭ ᠶᠤᠮ ᠪᠤᠯᠬᠤᠷ ᠳᠠᠷᠤᠤ ᠭᠢᠴᠢᠶᠡᠩᠭᠦᠢ ᠭᠦᠮᠦᠨ | ᠶᠡᠷᠦ ᠨᠢ ᠭᠦᠮᠦᠨ ᠤ ᠳᠡᠷᠭᠡᠳᠡ ᠨᠢᠷᠤᠭᠤ ᠪᠠᠨ ᠡᠭᠦᠷᠳᠡᠭ ᠦᠭᠡᠢ ᠶᠤᠮ᠃ ᠳᠡᠭᠡᠭᠡᠳ ᠡᠨ᠋ᠨ ᠨᠢ ᠭᠦᠮᠦᠨ ᠢ | ᠭᠦᠨᠳᠦᠳᠭᠡᠭᠦ ᠶᠣᠰᠣ ᠵᠤᠷᠰᠢᠯ ᠪᠤᠯᠵᠤ ᠭᠡᠪᠰᠢᠭᠳᠡᠭᠰᠡᠨ ᠪᠠᠶᠢᠳᠠᠭ ᠶᠤᠮ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |