| | ᠪᠦᠬᠦ ᠲᠥᠷᠥᠯ ᠤᠨ ᠮᠠᠯ ᠪᠠᠰᠠ ᠬᠥᠮᠦᠨ ᠡᠪᠡᠳᠴᠢᠯᠡᠭᠦᠯᠳᠡᠭ ᠠᠷᠬᠠᠭ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠃ | ᠡᠪᠡᠳᠴᠢᠯᠡᠭᠰᠡᠨ ᠬᠡᠭᠡᠯ ᠲᠠᠢ ᠮᠠᠯ ᠣᠯᠠᠨ ᠢᠶᠠᠷ ᠬᠡᠭᠡᠯ ᠬᠠᠶᠠᠬᠤ ᠂ ᠰᠤᠪᠠᠶᠢᠷᠠᠬᠤ ᠂ ᠠᠮᠢᠳᠤᠷᠠᠬᠤ ᠴᠢᠳᠠᠪᠤᠷᠢ ᠦᠭᠡᠢ | ᠲᠥᠯ ᠭᠠᠷᠬᠤ ᠵᠡᠷᠭᠡ ᠬᠤᠬᠢᠷᠠᠯ ᠤᠴᠠᠷᠠᠭᠤᠯᠤᠨᠠ ᠃ | ᠡᠭᠦᠰᠬᠡᠭᠴᠢ ᠨᠢ ᠄ ᠪᠷᠦ᠋ᠼᠧᠯᠯᠢᠶᠣᠽ ︵布鲁氏菌病︶ ᠬᠡᠮᠡᠬᠦ 6 ᠲᠥᠷᠥᠯ ᠤᠨ ᠨᠢᠶᠠᠨ ᠪᠠᠶᠢᠳᠠᠭ ᠃ | ᠭᠠᠳᠠᠭᠠᠳᠤ ᠣᠷᠴᠢᠨ ᠳᠤ ᠨᠡᠯᠢᠶᠡᠳ ᠲᠡᠰᠪᠦᠷᠢᠲᠡᠢ ᠂ ᠭᠠᠵᠠᠷ ᠤᠨ ᠬᠥᠷᠥᠰᠥ ᠂ ᠤᠰᠤ ᠪᠠᠭᠤᠴᠠ ᠂ ᠲᠡᠵᠢᠭᠡᠯ ᠳᠤ | 120 ᠬᠤᠨᠤᠭ ᠂ ᠪᠣᠬᠢᠷᠳᠠᠭᠰᠠᠨ ᠬᠤᠪᠴᠠᠰᠤᠨ ᠳᠤ 14 ᠂ ᠬᠤᠨᠢᠨ ᠤ ᠨᠣᠣᠰᠣ ᠂ ᠠᠷᠠᠰᠤᠨ ᠳᠤ 45-120 ᠂ | ᠪᠢᠰᠢᠯᠠᠭ ᠂ ᠴᠥᠴᠥᠭᠡᠢ ᠶᠢᠨ ᠲᠣᠰᠣ ᠂ ᠳᠠᠪᠤᠰᠤᠯᠠᠭᠰᠠᠨ ᠠᠷᠠᠰᠤᠨ ᠳᠤ 60-70 ᠂ ᠮᠢᠬᠠᠨ ᠳᠤ 120 ᠂ ᠬᠥᠯᠳᠡᠭᠦᠦ | ᠰᠦᠨ ᠳᠤ 6-8 ᠬᠤᠨᠤᠭ ᠠᠮᠢᠳᠤᠷᠠᠵᠤ ᠴᠢᠳᠠᠨᠠ ᠃ | ᠬᠠᠯᠠᠭᠤᠨ ᠳᠤ ᠲᠡᠰᠪᠦᠷᠢ ᠮᠠᠭᠤᠲᠠᠢ ᠲᠤᠯᠠ ᠰᠦ ᠶᠢ 65-75 ᠭᠷᠡᠳᠦ᠋ᠰ ᠬᠠᠯᠠᠭᠠᠬᠤ ᠂ ᠹᠤᠷᠮᠠᠯᠢᠨ ︵福尔马林 | ︶ 1-2 ᠬᠤᠪᠢ ᠶᠢᠨ ᠠᠭᠤᠰᠤᠮᠠᠯ ᠳᠤ 1 ᠴᠠᠭ ᠂ ᠴᠣᠬᠤᠢ ᠶᠢᠨ 5 ᠬᠤᠪᠢ ᠶᠢᠨ ᠠᠭᠤᠰᠤᠮᠠᠯ ᠳᠤ 1-3 ᠴᠠᠭ ᠲᠤ | ᠦᠬᠦᠨᠡ ᠃ | ᠬᠠᠯᠳᠠᠪᠤᠷᠢᠯᠠᠬᠤ ᠵᠠᠮ ᠄ ᠭᠤᠣᠯ ᠡᠬᠢ ᠪᠤᠯᠠᠭ ᠨᠢ ᠢᠯᠡ ᠡᠪᠡᠳᠴᠢᠲᠡᠶ ᠮᠠᠯ ᠂ ᠠᠮᠢᠲᠠᠨ ᠃ | ᠡᠪᠡᠳᠴᠢᠲᠡᠶ ᠮᠠᠯ ᠤᠨ ᠬᠠᠭ ᠬᠠᠯᠢᠰᠤ ᠂ ᠬᠡᠭᠡᠯ ᠂ ᠰᠠᠪᠠ ᠂ ᠦᠲᠦᠷᠢᠶᠡᠨ ᠤ ᠭᠤᠭᠤᠵᠢᠳᠠᠰᠤ ᠂ ᠦᠷᠡ ᠶᠢᠨ ᠰᠢᠩᠭᠡᠨ ᠂ | ᠴᠢᠰᠤ ᠂ ᠲᠦᠭᠦᠬᠡᠢ ᠰᠦ ᠂ ᠤᠭᠤᠷᠠᠭ ᠪᠣᠯᠣᠨ ᠲᠡᠳᠡᠭᠡᠷ ᠲᠤ ᠪᠣᠬᠢᠷᠳᠠᠭᠰᠠᠨ ᠮᠠᠯ ᠂ ᠠᠮᠢᠲᠠᠳ ᠤᠨ ᠬᠡᠪᠲᠡᠷᠢ ᠂ | ᠲᠦᠭᠦᠬᠡᠢ ᠡᠳ᠋ ᠂ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠂ ᠤᠰᠤ ᠪᠡᠯᠴᠢᠭᠡᠷ ᠪᠣᠯᠣᠨᠠ ᠃ | ᠬᠡᠭᠡᠯ ᠬᠠᠶᠠᠬᠤ ᠡᠪᠡᠳᠴᠢᠨ ᠬᠥᠮᠥᠨ ᠠᠴᠠ ᠬᠥᠮᠥᠨ ᠳᠤ ᠬᠠᠯᠳᠠᠭᠰᠠᠨ ᠲᠣᠬᠢᠶᠠᠯᠳᠤᠯ ᠪᠦᠷᠢᠳᠬᠡᠭᠳᠡᠭᠡ ᠦᠭᠡᠢ ᠃ | ᠰᠢᠨᠵᠢ ᠲᠡᠮᠳᠡᠭ ᠄ ᠬᠡᠭᠡᠯ ᠬᠠᠶᠠᠬᠤ ᠡᠪᠡᠳᠴᠢᠨ ᠲᠠᠢ ᠬᠤᠨᠢ ᠂ ᠢᠮᠠᠭᠠ ᠂ ᠦᠨᠢᠶᠡ ᠬᠡᠭᠡᠯ ᠶᠢᠨ ᠰᠡᠭᠦᠯ ᠤᠨ | ᠬᠠᠭᠠᠰ ᠲᠤ ᠬᠡᠭᠡᠯ ᠬᠠᠶᠠᠨᠠ ᠃ | ᠮᠥᠨ ᠰᠠᠪᠠ ᠦᠲᠦᠷᠦᠭᠡ ᠦᠷᠪᠢᠰᠴᠦ ᠪᠣᠷᠣ ᠬᠦᠷᠡᠩ ᠥᠩᠭᠡ ᠲᠠᠢ ᠰᠢᠩᠭᠡᠨ ᠭᠤᠭᠤᠵᠢᠨᠠ ᠃ | ᠬᠠᠭ ᠰᠠᠭᠠᠲᠠᠬᠤ ᠨᠢ ᠡᠯᠪᠡᠭ ᠃ | ᠪᠣᠷᠪᠢ ᠂ ᠡᠪᠦᠳᠦᠭ ᠤᠨ ᠦᠶᠡ ᠦᠷᠪᠢᠰᠴᠦ ᠬᠠᠪᠤᠳᠤᠨᠠ ᠃ | ᠬᠤᠨᠢ ᠂ ᠭᠠᠭ᠋ᠠᠢ ᠳᠤ ᠦᠶᠡ ᠮᠥᠴᠢ ᠨᠢ ᠬᠠᠪᠤᠳᠬᠤ ᠂ ᠮᠡᠳᠡᠷᠡᠯ ᠤᠨ ᠦᠢᠯᠡ ᠠᠵᠢᠯᠯᠠᠭᠠ ᠬᠢᠮᠤᠷᠠᠬᠤ ᠨᠢ | ᠠᠵᠢᠭᠯᠠᠭᠳᠠᠨᠠ ᠃ | ᠬᠤᠶᠢᠲᠤ ᠬᠥᠯ ᠳᠤ ᠰᠠ ᠲᠤᠰᠬᠤ ᠲᠣᠬᠢᠶᠠᠯᠳᠤᠯ ᠭᠠᠷᠴᠤ ᠪᠣᠯᠣᠨᠠ ᠃ | ᠬᠡᠭᠡᠯ ᠬᠠᠶᠠᠬᠤ ᠡᠪᠡᠳᠴᠢᠨ ᠲᠠᠢ ᠮᠠᠯ ᠢ ᠵᠠᠭᠠᠵᠠᠯᠠᠨ ᠰᠦᠷᠦᠭ ᠠᠴᠠ ᠲᠤᠰᠠᠭᠠᠷᠯᠠᠵᠤ ᠨᠢᠲᠤᠯᠬᠤ ᠬᠡᠷᠡᠭᠲᠡᠢ ᠃ | ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠯᠲᠡ ᠄ ᠮᠠᠯ ᠣᠯᠠᠨ ᠢᠶᠠᠷ ᠢᠶᠠᠨ ᠬᠡᠭᠡᠯ ᠬᠠᠶᠠᠭᠰᠠᠨ ᠦᠶᠡ ᠳᠤ ᠡᠮᠴᠢ ᠳᠠᠭᠤᠳᠠᠵᠤ ᠣᠨᠣᠰᠢ | ᠲᠣᠭᠲᠠᠭᠠᠯᠭᠠᠨᠠ ᠃ | ᠬᠡᠭᠡᠯ ᠬᠠᠶᠠᠬᠤ ᠡᠪᠡᠳᠴᠢᠨ ᠢᠶᠠᠷ ᠲᠠᠶᠢᠪᠤᠩ ᠰᠤᠮᠤ ᠂ ᠪᠠᠭ ᠂ ᠡᠷᠦᠬᠡ ᠶᠢᠨ ᠮᠠᠯ ᠳᠤ ᠬᠡᠭᠡᠯ ᠬᠠᠶᠠᠬᠤ ᠡᠪᠡᠳᠴᠢᠨ | ᠡᠪᠡᠳᠴᠢᠲᠡᠶ ᠮᠠᠯ ᠣᠷᠣᠭᠤᠯᠬᠤ ᠦᠭᠡᠢ ᠪᠠᠶᠢᠬᠤ ᠂ ᠡᠭᠦᠨ ᠤ ᠲᠤᠯᠠᠳᠠ ᠰᠦᠷᠦᠭ ᠰᠡᠯᠪᠢᠬᠦ ᠮᠠᠯ ᠳᠤ ᠪᠠᠨ ᠰᠢᠨᠵᠢᠯᠡᠭᠡ | ᠬᠢᠯᠭᠡᠵᠦ ᠡᠷᠡᠭᠦᠯ ᠢ ᠨᠢ ᠲᠣᠭᠲᠠᠭᠠᠭᠰᠠᠨ ᠤ ᠳᠠᠷᠠᠭᠠ ᠰᠦᠷᠦᠭ ᠲᠤ ᠨᠡᠶᠢᠯᠡᠭᠦᠯᠬᠦ ᠃ | ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠤᠯᠠᠳᠠ ᠄ ᠢᠩᠭᠡ ᠂ ᠦᠨᠢᠶᠡ ᠶᠢ 19 ᠳ᠋ᠦ᠋ᠭᠡᠷ ᠣᠮᠤᠭ ᠤᠨ ᠸᠠᠺᠼᠢᠨ ᠂ ᠡᠮ ᠬᠤᠨᠢ ᠂ ᠢᠮᠠᠭᠠ ᠶᠢ | PEB-1 ᠸᠠᠺᠼᠢᠨ ᠢᠶᠠᠷ ᠲᠠᠷᠢᠭᠤᠯᠬᠤ ᠂ ᠸᠠᠺᠼᠢᠨ ᠲᠠᠷᠢᠭᠰᠠᠨ ᠮᠠᠯ ᠠᠴᠠ ᠭᠠᠷᠤᠭᠰᠠᠨ ᠥᠬᠢᠨ ᠲᠥᠯ ᠢ ᠵᠢᠯ | ᠵᠢᠯ ᠳᠤ ᠨᠢ ᠲᠠᠷᠢᠭᠤᠯᠵᠤ ᠪᠠᠶᠢᠬᠤ ᠂ ᠮᠠᠯᠴᠢᠳ ᠂ ᠮᠡᠷᠭᠡᠵᠢᠯᠲᠡᠨ ᠨᠦᠭᠦᠳ ᠬᠡᠭᠡᠯ ᠬᠠᠶᠠᠬᠤ ᠡᠪᠡᠳᠴᠢᠨ ᠠᠴᠠ | ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠂ ᠡᠭᠦᠨ ᠤ ᠲᠤᠯᠠᠳᠠ ᠮᠠᠯ ᠤᠨ ᠰᠦ ᠶᠢ ᠪᠤᠴᠠᠯᠭᠠᠵᠤ ᠬᠡᠷᠡᠭᠯᠡᠬᠦ ᠂ ᠳᠤᠲᠠᠭᠤ ᠴᠢᠨᠠᠭᠰᠠᠨ | ᠮᠢᠬᠠ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠂ ᠬᠤᠭᠤᠯᠠᠯᠠᠬᠤ ᠶᠢᠨ ᠡᠮᠦᠨᠡ ᠭᠠᠷ ᠢᠶᠠᠨ ᠤᠬᠢᠶᠠᠵᠤ ᠵᠠᠩᠰᠢᠬᠤ ᠂ ᠦᠶᠡ | ᠮᠥᠴᠡ ᠪᠠᠷ ᠡᠪᠡᠳᠬᠦ ᠂ ᠬᠠᠯᠠᠭᠤᠷᠠᠬᠤ ᠂ ᠶᠡᠭᠡ ᠪᠠᠷ ᠬᠥᠯᠥᠷᠡᠬᠦ ᠰᠢᠨᠵᠢ ᠮᠡᠳᠡᠭᠳᠡᠪᠡᠯ ᠡᠮᠴᠢ ᠳᠤ ᠦᠵᠡᠭᠦᠯᠵᠦ ᠵᠥᠪᠯᠡᠯᠭᠡ | ᠠᠪᠬᠤ ᠬᠡᠷᠡᠭᠲᠡᠢ ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |