| | ᠣᠣᠬᠠᠨ · ᠬᠠᠭᠳᠠ ᠵᠣᠬᠢᠶᠠᠪᠠ | ᠶᠡᠭᠡ ᠶᠡᠭᠡ ᠨᠠᠭᠤᠷ ᠣᠰᠣ ᠶᠢ ᠲᠠᠯᠠᠢ ᠭᠡᠵᠦ ᠨᠡᠷᠡᠯᠡᠳᠡᠭ ᠵᠠᠩᠰᠢᠯ ᠪᠣᠯ ᠮᠣᠩᠭᠤᠯᠴᠣᠳ ᠲᠤ ᠢᠵᠠᠭᠤᠷ ᠠᠴᠠ | ᠪᠠᠶᠢᠭᠰᠠᠨ ᠲᠠᠳᠬᠠᠯ ᠮᠦᠨ᠃ ᠡᠶᠢᠮᠦ ᠠᠴᠠ ᠲᠡᠷᠡᠬᠦ ᠬᠤᠯᠠ ᠶᠢᠨ ᠾᠦᠩᠨᠦ ᠶᠢᠨ ᠦᠶᠡ ᠳᠤ ᠵᠢᠥᠢ ᠶᠠᠨ ᠨᠠᠭᠤᠷ ᠢ | ᠴᠦ ᠲᠠᠯᠠᠢ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠶᠢᠪᠠ᠃ 居延 ᠬᠤᠶᠠᠷ ᠬᠢᠳᠠᠳ ᠦᠰᠦᠭ ᠪᠣᠯ ᠰᠠᠶ᠋ᠢ ᠡᠨᠡᠬᠦ ᠨᠠᠭᠤᠷ ᠤᠨ | ᠵᠢᠩᠬᠢᠨᠢ ᠾᠦᠩᠨᠦ ᠨᠡᠷᠡ ᠶᠢ ᠬᠢᠳᠠᠳ ᠦᠰᠦᠭ ᠢᠶᠠᠷ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠵᠣ ᠢᠯᠡᠳᠭᠡᠭᠰᠡᠨ ᠦᠭᠡ ᠶᠣᠮ᠃ | ᠡᠨᠡᠬᠦ ᠵᠢᠥᠢ ᠶᠠᠨ ᠭᠡᠳᠡᠭ ᠨᠡᠷᠡ ᠦᠭᠡ ᠬᠠᠮᠤᠭ ᠠᠩᠬᠠ ᠾᠦᠸᠧ ᠴᠢᠥᠢ ᠪᠢᠩ ᠤᠨ ᠨᠠᠮᠳᠠᠷ ᠲᠤ ᠭᠠᠷᠳᠠᠭ ᠶᠣᠮ᠃ | ᠾᠦᠩᠨᠦ ᠶᠢᠨ ᠱᠠᠰᠳᠢᠷ ᠲᠤ ᠾᠦᠸᠧ ᠴᠢᠥᠢ ᠪᠢᠩ ᠤᠨ ᠾᠦᠩᠨᠦ ᠶᠢᠨ ᠪᠠᠷᠠᠭᠤᠨ ᠭᠠᠷ ᠲᠤ ᠲᠠᠷᠣᠩᠭᠤᠶᠢᠯᠠᠨ | ᠰᠠᠭᠤᠭᠰᠠᠨ ᠸᠠᠩ ᠨᠡᠷ ᠢ ᠲᠣᠪᠳᠣᠯᠣᠭᠰᠠᠨ ᠬᠡᠷᠡᠭ ᠲᠤ ᠴᠦ ︽ᠵᠢᠥᠢ ᠶᠠᠨ ᠢ ᠦᠩᠭᠡᠷᠡᠨ ᠴᠢ ᠯᠢᠶᠠᠨ ᠱᠠᠨ ᠠᠭᠤᠯᠠ | ᠶᠢ ᠲᠣᠪᠳᠣᠯᠤᠭᠠ︾ ᠭᠡᠵᠦ ᠭᠠᠷᠳᠠᠭ ᠶᠣᠮ᠃ | 居 ᠦᠰᠦᠭ ᠤᠨ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ ᠨᠢ jū ︵ᠵᠢᠥᠢ︶᠂ ᠭᠡᠶᠡ ᠡᠷᠳᠡᠨ ᠤ ᠭᠤᠸᠠᠩ ᠶᠦᠨ ᠲᠣᠯᠢ | ᠳᠤ 九魚切 ᠭᠡᠵᠡᠢ᠂ 九 ᠦᠰᠦᠭ ᠤᠨ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ ᠨᠢ jiǔ ᠪᠣᠯᠪᠠᠴᠣ᠂ ᠲᠡᠭᠦᠨ ᠤ | ᠡᠷᠳᠡᠨ ᠤ ᠠᠪᠢᠶᠠ ᠨᠢ ᠦᠨᠡᠬᠡᠷ *gioǔ ᠪᠣᠶᠣ KYU ᠪᠠᠶᠢᠭᠰᠠᠨ ᠶᠣᠮ᠃ ᠡᠶᠢᠮᠦ ᠠᠴᠠ 居 ᠶᠢᠨ ᠲᠠᠩ | ᠣᠯᠣᠰ ᠤᠨ ᠦᠶᠡ ᠶᠢᠨ ᠠᠪᠢᠶᠠ ᠨᠢ giu ᠪᠠᠶᠢᠵᠣ᠂ ᠺᠣᠷᠢᠶᠠ ᠬᠡᠯᠡᠨ ᠳᠤ KE ᠪᠣᠶᠣ KI ᠭᠡᠳᠡᠭ᠃ ᠣᠳᠣ | ᠦᠶᠡ ᠶᠢᠨ ᠺᠧ ᠵᠢᠶᠠ ᠬᠡᠯᠡᠨ ᠤ ᠣᠯᠠᠨ ᠰᠠᠯᠪᠣᠷᠢ ᠳᠤ ᠪᠦᠷ gi1 ᠭᠡᠵᠦ ᠪᠠᠶᠢᠬᠤ ᠳᠤ᠂ ᠶᠦᠸᠡᠢ ᠬᠡᠯᠡᠨ ᠳᠤ ᠪᠣᠯ | geoi1 ︵ᠣᠶᠢᠷᠠᠯᠴᠠᠭᠠ ᠪᠠᠷ ᠭᠤᠢ 4︶ ᠭᠡᠳᠡᠭ ᠠᠵᠠᠢ᠃ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ ᠨᠢ kɯ᠂ kas | ᠪᠠᠶᠢᠵᠣ᠂ ᠴᠢᠨ ᠠᠴᠠ ᠡᠮᠦᠨᠡᠬᠢ ᠡᠭᠡᠰᠢᠭ ᠭᠡᠶᠢᠭᠦᠯᠦᠭᠴᠢ ᠶᠢᠨ ᠰᠢᠰᠲ᠋ᠧᠮ ᠳᠤ k ᠭᠡᠶᠢᠭᠦᠯᠦᠭᠴᠢ ᠪᠠᠷ ᠡᠬᠢᠯᠡᠨ᠂ | i̯o᠂ ǐa᠂ jaɡ ᠵᠡᠷᠭᠡ ᠶᠢᠨ ᠠᠶᠠᠯᠭᠤ ︵ᠡᠭᠡᠰᠢᠭ︶ ᠲᠠᠢ ᠭᠡᠵᠡᠢ᠃ ᠵᠡᠭᠦᠨ ᠬᠠᠨ ᠣᠯᠣᠰ ᠤᠨ ᠦᠶᠡ | ᠶᠢᠨ ︽ᠱᠦᠸᠧ ᠸᠧᠨ ᠵᠢᠶᠧ ᠽᠢ ᠲᠣᠯᠢ︾ ᠳᠤ ᠦᠬᠦᠯᠡᠭᠰᠡᠨ ᠢᠶᠠᠷ 从尸古者，九魚切 ᠭᠡᠪᠡ | ᠃ ᠲᠣᠮᠳᠠᠳᠣ ᠭᠠᠳᠠᠭᠠᠳᠣ ᠶᠢᠨ ᠬᠢᠳᠠᠳ ᠬᠡᠯᠡᠨ ᠤ ᠡᠷᠳᠡᠮᠳᠡᠳ ᠤᠨ ᠰᠡᠷᠭᠦᠭᠡᠭᠰᠡᠨ ᠡᠷᠳᠡᠨ ᠤ ᠠᠪᠢᠶᠠ ᠨᠢ ki᠂ | kĭə ᠪᠣᠶᠣ ki̯wo᠂ kĭo᠂ kiɔ ᠵᠡᠷᠭᠡ ᠪᠣᠢ᠃ ︽ᠮᠣᠩᠭᠤᠯ ᠦᠰᠦᠭ ᠤᠨ ᠠᠶᠠᠯᠭᠤ︾ ᠳᠤ | ꡂꡦꡟ ︵gÿu︶᠂ ᠮᠢᠩ ᠣᠯᠣᠰ ᠤᠨ ᠦᠶᠡ ᠶᠢᠨ ᠵᠧᠩ ᠶᠦᠨ ᠲᠣᠯᠢ ᠳᠤ kiu ᠭᠡᠵᠡᠢ᠃ ᠲᠡᠭᠡᠷᠡᠬᠢ | ᠪᠠᠶᠢᠳᠠᠯ ᠢ ᠣᠶᠠᠯᠳᠣᠭᠤᠯᠣᠨ ᠦᠵᠡᠪᠡᠯ ᠲᠣᠰ ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠ ᠨᠢ Gyu7 ᠪᠣᠶᠣ Gyo 4 5 | ᠪᠠᠶᠢᠪᠠᠯ ᠲᠠᠭᠠᠷᠠᠨᠠ᠃ ᠡᠶᠢᠮᠦ ᠠᠴᠠ ᠮᠢᠨᠦ ᠦᠵᠡᠬᠦ ᠪᠠᠷ ᠬᠦᠢᠬᠡᠨ ︵ᠭᠦᠶᠦᠬᠡᠨ︶ ᠭᠡᠳᠡᠭ ᠦᠭᠡᠨ ᠤ ᠡᠬᠢᠨ ᠤ | ᠬᠠᠭᠠᠰ ᠤᠨ ᠬᠢᠳᠠᠳ ᠠᠪᠢᠶᠠᠨ ᠤ ᠭᠠᠯᠢᠭᠴᠢᠯᠠᠯᠭᠠ ᠪᠣᠯᠣᠨᠠ᠃ 延 ᠦᠰᠦᠭ ᠤᠨ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ ᠨᠢ | jĭɛn ᠭᠡᠵᠦ ᠲᠠᠩ ᠣᠯᠣᠰ ᠤᠨ ᠦᠶᠡ ᠶᠢᠨ ᠠᠪᠢᠶᠠ ᠨᠢ *iɛn ᠪᠠᠶᠢᠵᠣ᠂ ᠬᠦᠢᠬᠡᠨ ᠭᠡᠳᠡᠭ ᠦᠭᠡᠨ ᠤ | ᠬᠤᠶᠢᠨᠠ ᠬᠠᠭᠠᠰ ᠤᠨ ᠠᠪᠢᠶᠠᠴᠢᠯᠠᠯᠭᠠ ᠪᠣᠯᠣᠨᠠ᠃ ᠨᠢᠭᠡᠯᠡ ᠦᠭᠡ ᠪᠠᠷ ᠬᠡᠯᠡᠪᠡᠯ 居延 ᠭᠡᠪᠡᠯ ᠬᠦᠢᠬᠡᠨ | ᠭᠡᠳᠡᠭ ᠾᠦᠩᠨᠦ — ᠮᠣᠩᠭᠤᠯ ᠦᠭᠡ ᠪᠣᠯᠣᠨᠠ᠃ | ᠲᠡᠭᠡᠪᠡᠯ ᠭᠦᠢᠬᠡᠨ ᠨᠠᠭᠤᠷ ︵居延海︶ ᠪᠣᠯ ᠴᠢ ᠯᠢᠶᠠᠨ ᠱᠠᠨ ᠠᠭᠤᠯᠠᠨ ᠠᠴᠠ ᠡᠬᠢ ᠠᠪᠣᠭᠠᠳ ᠵᠡᠭᠦᠨᠰᠢ | ᠣᠷᠣᠰᠣᠨ ᠢᠷᠡᠵᠦ ᠪᠠᠶᠢᠭᠠ ᠲᠣᠲᠣᠭᠠᠳᠣ ᠣᠷᠣᠰᠬᠠᠯᠳᠣ ᠭᠤᠣᠯ — ᠬᠠᠷᠠ ᠭᠤᠣᠯ ᠤᠨ ᠠᠳᠠᠭ ᠲᠤ ᠡᠭᠦᠰᠦᠭᠰᠡᠨ | ᠨᠠᠭᠤᠷ ᠶᠣᠮ᠃ ᠲᠣᠰ ᠨᠠᠭᠤᠷ ᠣᠳᠣ ᠬᠢ ᠦᠪᠦᠷ ᠮᠣᠩᠭᠤᠯ ᠤᠨ ᠡᠵᠡᠨᠡ ᠬᠤᠰᠢᠭᠤᠨ ᠳᠤ ᠪᠣᠢ᠃ ᠲᠡᠣᠬᠡᠨ | ᠲᠡᠭᠡᠷᠡ ᠡᠨᠡᠬᠦ ᠨᠠᠭᠤᠷ ᠬᠡᠳᠦᠶᠢᠪᠡᠷ ᠲᠠᠯᠠᠪᠠᠢ ᠪᠠᠷ ᠣᠨᠴᠠᠭᠠᠢ ᠶᠡᠭᠡ ᠪᠠᠶᠢᠭᠰᠠᠨ ᠪᠣᠯᠪᠠᠴᠣ᠂ ᠬᠠᠷᠢᠨ ᠣᠳᠣ ᠦᠶᠡ ᠶᠢᠨ | ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠢᠶᠠᠷ ᠬᠠᠶᠢᠨ ᠬᠡᠮᠵᠢᠭᠰᠡᠨ ᠳ᠋ᠦᠩ ᠳᠤ ᠲᠣᠮᠳᠠᠴᠢ ᠭᠦᠨᠴᠡ ᠨᠢ ᠰᠠᠶ᠋ᠢ ᠮᠧᠲᠷ ᠬᠠᠭᠠᠰ ᠯᠠ | ᠪᠠᠶᠢᠳᠠᠭ ᠶᠣᠮ ᠭᠡᠨᠡ᠃ ᠡᠭᠦᠨ ᠠᠴᠠ ᠮᠡᠳᠡᠵᠦ ᠪᠣᠯᠬᠤ ᠨᠢ ᠠᠯᠢ ᠡᠷᠳᠡ ᠬᠤᠶᠠᠷ ᠮᠢᠩᠭᠠᠨ ᠢᠯᠡᠭᠦᠥ ᠵᠢᠯ ᠤᠨ | ᠡᠮᠦᠨᠡᠬᠢ᠂ ᠾᠦᠩᠨᠦ ᠶᠢᠨ ᠦᠶᠡ ᠳᠤ ᠬᠦᠮᠦᠰ ᠨᠢᠭᠡᠨᠳᠡ ᠲᠡᠭᠦᠨ ᠤ ᠬᠦᠨ ᠬᠦᠢᠬᠡᠨ ᠢ ᠮᠠᠰᠢ ᠲᠣᠲᠣᠷᠬᠠᠢ ᠡᠵᠡᠮᠰᠢᠨ | ᠣᠶᠢᠯᠭᠠᠵᠣ ᠪᠠᠶᠢᠭᠰᠠᠨ ᠠᠵᠠᠢ᠃ ᠡᠨᠡ ᠨᠢ ᠬᠡᠯᠡᠯᠭᠡᠨ ᠦᠭᠡᠢ ᠮᠠᠯ ᠣᠨᠤᠭᠠ ᠵᠣᠨ ᠤ ᠬᠠᠯᠠᠭᠤᠨ ᠢᠶᠠᠷ ᠨᠠᠭᠤᠷ | ᠲᠣᠲᠣᠭᠰᠢ ᠣᠷᠣᠵᠣ ᠰᠡᠷᠢᠭᠦᠴᠡᠬᠦ ᠠᠴᠠ ᠪᠣᠯᠵᠣ᠂ ᠮᠠᠯᠴᠢᠨ ᠠᠷᠠᠳ ᠲᠡᠭᠦᠨ ᠤ ᠬᠦᠨ ᠬᠦᠢᠬᠡᠨ ᠢ ᠲᠣᠲᠣᠷᠬᠠᠢ | ᠡᠵᠡᠮᠰᠢᠵᠣ ᠪᠠᠶᠢᠭᠰᠠᠨ ᠬᠡᠷᠡᠭ ᠶᠣᠮ᠃ ᠡᠶᠢᠮᠦ ᠠᠴᠠ ᠲᠡᠭᠦᠨ ᠳᠤ ᠬᠦᠢᠬᠡᠨ ︵ᠭᠦᠶᠦᠬᠡᠨ︶ ᠲᠠᠯᠠᠢ ᠨᠡᠷᠡ | ᠬᠠᠶᠢᠷᠠᠯᠠᠬᠤ ᠨᠢ ᠰᠣᠨᠢᠨ ᠬᠡᠷᠡᠭ ᠪᠢᠰᠢ ᠭᠡᠯᠳᠡᠢ᠃ ᠡᠭᠦᠨ ᠢ ᠬᠢᠳᠠᠳ ᠬᠡᠯᠡᠨ ᠳᠤ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠣᠭᠠᠳ 居 | 延海 ᠪᠣᠯᠭᠠᠭᠰᠠᠨ ᠬᠡᠷᠡᠭ ᠠᠵᠠᠢ᠃ ᠾᠦᠩᠨᠦ ᠶᠢᠨ ᠴᠠᠭ ᠦᠶᠡ ᠳᠤ ᠬᠠᠷᠠ ᠭᠤᠣᠯ ᠤᠨ ᠣᠷᠣᠰᠬᠠᠯ ᠲᠠᠭᠠᠨ | ᠬᠦᠢᠬᠡᠨ ᠲᠠᠯᠠᠢ ᠬᠦᠷᠳᠡᠯᠡ ᠪᠦᠷ ᠮᠠᠰᠢ ᠰᠠᠶᠢᠨ ᠨᠣᠳᠤᠭ ᠪᠡᠯᠴᠢᠭᠡᠷ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠡᠨᠡᠭᠦᠷ ᠾᠦᠩᠨᠦ ᠶᠢᠨ | ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠨ ᠶᠧ ᠸᠠᠩ᠂ ᠰᠢᠥ ᠴᠦ᠋ ︵ ᠲᠤ︶ ᠸᠠᠩ ᠲᠡᠷᠢᠭᠦᠳᠡᠢ ᠶᠡᠬᠡᠰ ᠢᠵᠠᠭᠤᠷᠳᠠᠳ ᠮᠠᠯᠵᠢᠵᠣ | ᠪᠠᠶᠢᠪᠠ᠃ ᠡᠳᠡᠭᠡᠷ ᠨᠣᠳᠤᠭ ᠬᠤᠵᠢᠮ ᠬᠠᠨ ᠡᠣ ᠳ᠋ᠢ ᠬᠠᠭᠠᠨ ᠤ ᠶᠣᠸᠠᠨ ᠱᠸᠥ ᠶᠢᠨ ᠣᠨ ᠢᠶᠠᠷ ᠾᠦᠩᠨᠦ ᠶᠢᠨ | ᠬᠤᠨ ᠶᠧ ᠸᠠᠩ ᠬᠠᠨ ᠣᠯᠣᠰ ᠲᠤ ᠲᠠᠭᠠᠷᠠ ᠣᠷᠣᠭᠠᠳ᠂ ᠡᠨᠡ ᠨᠣᠳᠤᠭ ᠬᠠᠨ ᠣᠯᠣᠰ ᠲᠤ ᠬᠠᠷᠢᠶᠠᠯᠠᠭᠳᠠᠵᠠᠢ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |