| ᠣᠣᠬᠠᠨ · ᠬᠠᠭᠳᠠ ᠵᠣᠬᠢᠶᠠᠪᠠ | ᠵᠣᠬᠢᠶᠠᠭᠴᠢ ᠠᠴᠠ ᠬᠢᠲᠠᠳ ᠬᠡᠯᠡ ᠪᠠᠷ ᠨᠢᠭᠡᠨ ︽ᠾᠦᠩᠨᠦ ᠬᠡᠯᠡ︾ ᠭᠡᠳᠡᠭ ᠣᠯᠠᠨ ᠨᠡᠶᠢᠳᠡ ᠶᠢᠨ ᠲᠠᠪᠴᠠᠩ | ᠪᠠᠶᠢᠭᠤᠯᠵᠣ᠂ ᠾᠦᠩᠨᠦᠴᠦᠳ ᠮᠣᠩᠭᠤᠯ ᠬᠡᠯᠡ ᠲᠠᠢ ᠭᠡᠳᠡᠭ ᠦᠪᠡᠷ ᠤᠨ ᠰᠣᠳᠣᠯᠭᠠᠨ ᠤ ᠪᠦᠳᠦᠭᠡᠯ ᠢᠶᠠᠨ ᠣᠯᠠᠨ | ᠨᠠᠶᠢᠳᠠ ᠲᠠᠢ ᠬᠤᠪᠢᠶᠠᠯᠴᠠᠬᠤ ᠶᠢ ᠵᠣᠷᠢᠯᠠ᠃ ᠲᠣᠰ ᠣᠯᠠᠨ ᠨᠠᠶᠢᠳᠠ ᠶᠢᠨ ᠲᠠᠪᠴᠠᠩ ᠳᠤ ᠪᠦᠷ ᠦᠪᠡᠷ ᠤᠨ | ᠪᠦᠳᠦᠭᠡᠯ ᠢᠶᠠᠨ ᠨᠡᠶᠢᠳᠡᠯᠡᠬᠦ ᠶᠢᠨ ᠬᠠᠮᠳᠣ᠂ ᠪᠠᠰᠠ ᠲᠡᠯᠡᠬᠡᠢ ᠶᠢᠨ ᠣᠯᠠᠨ ᠭᠠᠵᠠᠷ ᠠᠴᠠ ᠢᠯᠡᠷᠡᠭᠰᠡᠨ ᠡᠷᠳᠡᠨ ᠤ | ᠣᠮᠠᠷᠠᠳᠣ ᠶᠢᠨ ᠨᠡᠭᠦᠳᠡᠯᠴᠢᠳ ᠭᠡᠳᠡᠭ ᠾᠦᠩᠨᠦ ᠬᠦᠮᠦᠰ ᠲᠠᠢ ᠬᠤᠯᠪᠣᠭᠠ ᠲᠠᠢ ᠡᠷᠳᠡᠨ ᠤ ᠲᠡᠣᠬᠡ ᠶᠢᠨ ᠡᠳ᠋ ᠦᠯᠬᠡ | ᠪᠠ ᠬᠠᠭᠤᠴᠢ ᠮᠠᠯᠳᠠᠮᠠᠯ ᠨᠤᠭᠤᠳ ᠢ ᠲᠠᠭᠠᠯᠳᠣᠭᠤᠯᠣᠨ ᠣᠬᠠᠭᠤᠯᠬᠤ ᠰᠠᠨᠠᠭᠠ ᠲᠠᠢ ᠪᠠᠶᠢᠭᠠ᠃ ᠭᠡᠪᠡᠴᠦ ᠬᠤᠶᠢᠨᠠᠬᠢ | ᠠᠭᠤᠯᠭᠠ ᠪᠠᠨ ᠪᠦᠷ ᠲᠣᠬᠠᠢ ᠶᠢᠨ ᠪᠣᠳᠠᠳᠣ ᠵᠢᠷᠤᠭ ᠤᠨ ᠭᠡᠯᠪᠡᠷᠢ ᠪᠠᠷ ᠨᠡᠶᠢᠳᠡᠯᠡᠵᠦ᠂ ᠦᠪᠡᠷ ᠤᠨ ᠬᠠᠷᠠᠵᠣ | ᠠᠵᠢᠭᠯᠠᠭᠰᠠᠨ ᠣᠶᠢᠯᠭᠠᠯᠳᠠ ᠪᠠᠨ ᠲᠦᠭᠦᠮ ᠢᠶᠠᠷ ᠶᠠᠷᠢᠬᠤ ᠪᠣᠯᠣᠨᠠ᠃ ᠡᠨᠡ ᠣᠳᠠᠭᠠ ᠶᠢᠨ ᠠᠭᠤᠯᠭᠠ ᠳᠤ 金留 | 犁 ᠭᠡᠳᠡᠭ ᠨᠡᠷᠡ ᠪᠠᠷ ᠬᠢᠳᠠᠳ ᠲᠡᠣᠬᠡᠨᠡ ᠲᠡᠮᠳᠡᠭᠯᠡᠭᠳᠡᠨ ᠦᠯᠡᠳᠡᠭᠰᠡᠨ ᠾᠦᠩᠨᠦ ᠶᠢᠨ ᠡᠳᠦᠷ ᠲᠣᠲᠣᠮ ᠤᠨ | ᠨᠢᠭᠡᠨ ᠬᠡᠷᠡᠭᠰᠡᠯ ᠢ ᠲᠠᠨᠢᠯᠴᠠᠭᠤᠯᠬᠤ ᠶᠢᠨ ᠬᠠᠮᠳᠣ ᠬᠢᠳᠠᠳ ᠤᠨ ᠬᠠᠨ ᠣᠯᠣᠰ ᠤᠨ ᠦᠶᠡ ᠶᠢᠨ ᠯᠣᠣ ᠪᠣᠯᠣᠨ | ᠾᠦᠩᠨᠦ ᠶᠢᠨ ᠯᠣᠣ ᠵᠢᠷᠤᠭ ᠲᠦᠷᠰᠦ ᠶᠢ ᠲᠠᠭᠠᠳᠣᠭᠤᠯᠣᠨ ᠲᠠᠨᠢᠯᠴᠠᠭᠤᠯᠣᠨᠠ᠃ | ᠾᠦᠩᠨᠦ ᠦᠭᠡ 金留犁 ᠶᠢᠨ ᠦᠭᠡᠨ ᠤ ᠠᠶᠠᠯᠭᠤ ᠪᠠ ᠣᠳᠬᠠ ᠶᠢ ᠲᠠᠶᠢᠯᠪᠣᠷᠢᠯᠠᠬᠤ ᠨᠢ | ᠾᠦᠩᠨᠦ ᠦᠭᠡ 金留犁 ᠶᠢᠨ ᠲᠡᠣᠬᠡᠨ ᠳᠤ ᠢᠯᠡᠷᠡᠭᠰᠡᠨ ᠭᠠᠵᠠᠷ ᠢ ᠣᠯᠳᠣᠢ ᠵᠣᠬᠢᠶᠠᠯ ︽径路刀 | ︾ ︵ᠵᠣᠬᠢᠶᠠᠭᠴᠢ ᠡᠭᠦᠨ ᠢ ᠬᠢᠩᠭᠠᠷᠠᠭ ᠬᠢᠳᠤᠭᠠ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠶᠣᠮ︶ ᠠᠴᠠ ᠯᠠᠪᠯᠠᠭᠠᠷᠠᠢ᠃ ᠲᠣᠬᠠᠢ | ᠶᠢᠨ ᠦᠶᠡ ᠳᠤ ᠬᠠᠭᠠᠨᠰᠡ ᠴᠠᠨ ᠢᠥᠢ ᠠᠯᠳᠠᠨ ᠠᠶᠠᠭᠠᠨᠠ ᠠᠷᠢᠬᠢ ᠬᠤᠳᠬᠤᠬᠤ ᠦᠶᠡ ᠳᠤ ᠬᠡᠷᠡᠭᠯᠡᠭᠰᠡᠨ ᠨᠢᠭᠡᠨ | ᠬᠡᠷᠡᠭᠰᠡᠯ ᠨᠢ ᠬᠢᠩᠭᠠᠷᠠᠭ ᠬᠢᠳᠤᠭᠠ ᠶᠣᠮ᠂ ᠨᠦᠭᠦᠭᠡ ᠨᠢᠭᠡ ᠨᠢ ᠲᠠᠷᠣᠢ ᠠᠳᠡ ᠦᠬᠦᠯᠡᠬᠦ ᠪᠠᠷ ᠪᠠᠶᠢᠭᠠ 金留犁 | ᠪᠣᠯᠣᠨᠠ᠃ 金留犁 ᠶᠢᠨ ᠡᠷᠳᠡᠨ ᠤ ᠬᠢᠳᠠᠳ ᠬᠡᠯᠡᠨ ᠳᠠᠬᠢ ᠣᠶᠢᠷᠠᠯᠴᠠᠭᠠ ᠠᠶᠠᠯᠭᠤ ᠨᠢ ᠺᠢᠮ ᠯᠢᠦ ᠷᠢ ︵ | kim liu ri︶ ᠪᠣᠯᠣᠨᠠ᠃ ᠡᠭᠦᠨ ᠢ ᠣᠳᠣ ᠦᠶᠡ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠳᠤ ᠪᠣᠯ ᠬᠡᠮᠨᠡᠭᠦᠷᠢ ᠬᠡᠬᠦ ᠪᠣᠶᠣ | ᠬᠡᠮᠨᠡᠭᠦᠷ ︵hemnuur︶ ᠭᠡᠳᠡᠭ ᠦᠭᠡ ᠶᠣᠮ᠃ ᠬᠡᠮᠨᠡᠭᠦᠷ ᠢ ᠠᠮᠠᠨ ᠶᠠᠷᠢᠶᠠᠨ ᠳᠤ ᠶᠡᠷᠦ ᠨᠢ ᠬᠡᠮᠯᠡᠭᠦᠷ ︵ | hemluur︶ ᠭᠡᠵᠦ ᠴᠦ ᠬᠡᠯᠡᠳᠡᠭ᠃ ᠲᠡᠭᠦᠨ ᠤ ᠦᠭᠡᠨ ᠤ ᠢᠵᠠᠭᠤᠷ ᠨᠢ ᠬᠡᠮ ︵hem︶ ᠪᠣᠯᠣᠨᠠ᠃ ᠡᠯᠡ | ᠭᠠᠵᠠᠷ ᠤᠨ ᠮᠣᠩᠭᠤᠯᠴᠣᠳ ᠤᠨ ᠨᠣᠳᠤᠭ ᠤᠨ ᠬᠡᠯᠡᠨ ᠳᠤ ᠬᠡᠮ ᠢ ᠪᠠᠰᠠ ᠺᠡᠮ ︵kem︶ ᠭᠡᠮ ︵gem︶ | ᠭᠡᠵᠦ ᠶᠠᠷᠢᠳᠠᠭ ᠵᠠᠩᠰᠢᠯ ᠪᠠᠶᠢᠭᠠ ᠶᠢ ᠦᠭᠡᠶᠢᠰᠭᠡᠬᠦ ᠦᠭᠡᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠮᠣᠩᠭᠤᠯ ᠬᠡᠯᠡᠨ ᠳᠤ ᠯ᠊ | ᠪᠣᠯᠣᠨ ᠨ᠊ ᠬᠤᠶᠠᠷ ᠭᠡᠶᠢᠭᠦᠯᠦᠭᠴᠢ ᠶᠢ ᠰᠡᠯᠭᠦᠴᠡᠨ ᠬᠡᠷᠡᠭᠯᠡᠬᠦ ᠦᠵᠡᠭᠳᠡᠯ ᠴᠦ ᠦᠷᠭᠡᠨ ᠢᠶᠠᠷ ᠲᠠᠷᠬᠠᠵᠣ ᠪᠠᠶᠢᠭᠠ᠃ | ᠡᠷᠳᠡᠮᠳᠡᠳ ᠤᠨ ᠲᠠᠶᠢᠯᠪᠣᠷᠢᠯᠠᠬᠤ ᠪᠠᠷ ᠡᠨᠡ ᠬᠤᠶᠠᠷ ᠭᠡᠶᠢᠭᠦᠯᠦᠭᠴᠢ ᠶᠢᠨ ᠠᠪᠢᠶᠠ ᠭᠠᠷᠭᠠᠬᠤ ᠣᠷᠣᠨ ᠪᠠᠶᠢᠷᠢ ᠨᠢ | ᠣᠶᠢᠷᠠᠯᠴᠠᠭᠠ ᠮᠦᠷᠳᠡᠭᠡᠨ ᠠᠪᠢᠶᠠ ᠭᠠᠷᠭᠠᠬᠤ ᠠᠷᠭᠠ ᠬᠡᠯᠪᠡᠷᠢ ᠨᠢ ᠴᠦ ᠢᠵᠢᠯᠬᠡᠨ ᠪᠣᠯᠬᠤᠷ ᠶᠡᠷᠦ ᠨᠢ ᠰᠡᠯᠭᠦᠴᠡᠨ | ᠬᠡᠷᠡᠭᠯᠡᠳᠡᠭ ᠭᠡᠵᠡᠢ᠃ ᠦᠨᠡᠨᠳᠡᠭᠡᠨ ᠡᠶᠢᠮᠦ ᠦᠵᠡᠭᠳᠡᠯ ᠬᠢᠳᠠᠳ ᠬᠡᠯᠡᠨ ᠳᠤ ᠴᠦ ᠨᠡᠶᠢᠳᠡᠮ ᠪᠠᠶᠢᠭᠠ᠃ ᠾᠦᠩᠨᠦ | ᠬᠦᠮᠦᠰ ᠺᠡᠮᠯᠡᠭᠦᠷ ᠭᠡᠵᠦ ᠶᠠᠷᠢᠭᠰᠠᠨ ᠦᠭᠡ ᠶᠢ ᠲᠡᠭᠦᠨ ᠤ ᠠᠪᠢᠶᠠ ᠪᠠᠷ ᠬᠢᠳᠠᠳ ᠬᠦᠮᠦᠰ ᠠᠪᠢᠶᠠᠴᠢᠯᠠᠨ | ᠣᠷᠴᠢᠭᠤᠯᠵᠣ kim liu ri ︵金留犁︶ ᠪᠣᠯᠭᠠᠭᠰᠠᠨ ᠬᠡᠷᠡᠭ ᠶᠣᠮ᠃ ᠲᠣᠷᠣᠭᠰᠢ ᠪᠢᠳᠡ 金留犁 | ᠭᠤᠷᠪᠠᠨ ᠬᠢᠳᠠᠳ ᠦᠰᠦᠭ ᠤᠨ ᠡᠷᠳᠡᠨ ᠡᠳᠦᠬᠡ ᠶᠢᠨ ᠠᠪᠢᠶᠠ ᠠᠶᠠᠯᠭᠤ ᠶᠢ ᠨᠠᠷᠢᠪᠴᠢᠯᠠᠨ ᠦᠵᠡᠶᠡ᠃ | 金᠄ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ ᠨᠢ jīn᠃ ᠸᠢᠺᠢ ᠲᠣᠯᠢ ᠪᠢᠴᠢᠭ ᠲᠤ ᠲᠣᠰ ᠦᠰᠦᠭ ᠤᠨ ᠡᠷᠳᠡᠨ ᠡᠳᠦᠬᠡ | ᠶᠢᠨ ᠠᠪᠢᠶᠠ ᠠᠶᠠᠯᠭᠤ ᠶᠢ ᠶᠠᠷᠢᠭᠰᠠᠨ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠠᠭᠤᠯᠭᠠ ᠮᠠᠰᠢ ᠪᠣᠳᠣᠯᠢᠶᠠᠨ ᠶᠡᠬᠡᠳᠡᠢ ᠪᠣᠯᠬᠤᠷ ᠠᠳᠡ | ᠵᠦᠪᠬᠡᠨ ᠲᠣᠪᠴᠢᠯᠠᠨ ᠬᠦᠷᠭᠡᠶᠡ᠃ | 金 ᠪᠣᠯ ᠲᠣᠮᠳᠠᠳᠣ ᠺᠣᠷᠢᠶᠠ ᠶᠠᠫᠣᠨ ᠭᠤᠷᠪᠠᠨ ᠣᠯᠣᠰ ᠤᠨ ᠬᠠᠮᠳᠣ ᠪᠠᠷ ᠬᠡᠷᠡᠭᠯᠡᠬᠦ ᠣᠳᠬᠠᠳᠣ ᠦᠰᠦᠭ ᠮᠦᠨ᠃ | ᠬᠢᠳᠠᠳ ᠤᠨ ︽说文解字︾ ᠲᠣᠯᠢ ᠪᠢᠴᠢᠭ ᠲᠤ ᠲᠡᠭᠦᠨ ᠤ ᠠᠪᠢᠶᠠ ᠶᠢ 今聲 ᠭᠡᠵᠡᠢ᠃ ᠲᠠᠷᠣᠢ 今 | ᠢᠶᠠᠷ ᠠᠪᠢᠶᠠᠯᠠᠨᠠ ᠭᠡᠰᠡᠨ ᠦᠭᠡ ᠶᠣᠮ᠃ ᠲᠡᠭᠡᠪᠡᠯ 今 ᠤ ᠡᠷᠳᠡᠨ ᠤ ᠠᠪᠢᠶᠠ ᠨᠢ gim ᠪᠣᠯᠣᠨᠠ᠃ 金 | ᠦᠰᠦᠭ ᠢ ᠶᠣᠸᠠᠢ ᠬᠡᠯᠡᠨ ᠳᠤ : gam1᠂ ᠭᠠᠨ ᠬᠡᠯᠡᠨ ᠳᠤ : jin1 ᠺᠧ ᠵᠢᠶᠠ ᠬᠡᠯᠡᠨ ᠳᠤ : kîm᠂ ᠶᠢᠨ | ᠬᠡᠯᠡᠨ ᠳᠤ : jing1᠂ ᠮᠢᠨᠪᠸᠢ ᠬᠡᠯᠡᠨ ᠳᠤ : géng᠂ ᠮᠢᠨᠳᠦ᠋ᠩ ᠬᠡᠯᠡᠨ ᠳᠤ : gĭng᠂ ᠮᠢᠨᠨᠠᠨ ᠬᠡᠯᠡᠨ | ᠳᠤ : kim ᠪᠣᠯᠣᠨ gim1᠂ ᠡᠣ ᠬᠡᠯᠡᠨ ᠳᠤ : jin (T1)᠂ ᠰᠢᠶᠠᠩ ᠬᠡᠯᠡᠨ ᠳᠤ : jin1 ᠭᠡᠳᠡᠭ ᠭᠡᠵᠦ | ᠨᠣᠳᠤᠭ ᠤᠨ ᠠᠪᠢᠶᠠ ᠪᠦᠬᠦᠨ ᠢ ᠵᠢᠬᠰᠠᠭᠠᠵᠠᠢ᠃ | ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ᠄ *kəm，{*k(r)[ə]m}/᠂ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ᠄ kim ᠭᠡᠪᠡ᠃ | | ︽ᠬᠠᠨ ᠳ᠋ᠢᠶᠠᠨ ᠰᠦᠯᠵᠢᠶᠡ︾ ᠳᠤ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠨᠢ᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ ᠨᠢ krɯm᠂ | ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ ᠶᠢ ᠰᠡᠷᠭᠦᠭᠡᠭᠰᠡᠨ ᠲᠣᠲᠣᠭᠠᠳᠣ ᠭᠠᠳᠠᠭᠠᠳᠣ ᠶᠢᠨ ᠡᠷᠳᠡᠮᠳᠡᠳ ᠤᠨ ᠰᠡᠷᠭᠦᠭᠡᠯᠳᠡ ᠪᠣᠯ | kĭĕm，kjəm，kiem，kɯim，kjim ᠵᠡᠷᠭᠡ ᠪᠣᠢ ᠭᠡᠵᠡᠢ᠃ | ᠲᠠᠩ ᠣᠯᠣᠰ ᠤᠨ ᠦᠶᠡ ᠶᠢᠨ ᠠᠪᠢᠶᠠ ᠨᠢ *gyim᠂ ᠶᠠᠫᠣᠨ ᠬᠡᠯᠡᠨ ᠳᠤ きん᠂ ᠺᠣᠷᠢᠶᠠ ᠬᠡᠯᠡᠨ ᠳᠤ᠂ | KIM ᠪᠣᠶᠣ KUM ᠺᠣᠷᠢᠶᠠ ᠦᠰᠦᠭ ᠢᠶᠠᠷ 금김᠂ ᠸᠢᠶᠧᠲᠨᠠᠮ ᠬᠡᠯᠡᠨ ᠳᠤ kim ᠭᠡᠵᠡᠢ᠃ ᠪᠣᠰᠣᠳ ᠢ ᠨᠢ | ᠲᠣᠪᠴᠢᠯᠠᠪᠠ᠃ | 金 ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠᠨ ᠤ ᠰᠡᠷᠭᠦᠭᠡᠯᠳᠡ᠄ ᠡᠷᠳᠡ ᠲᠡᠭᠡᠷᠡ ᠦᠶᠡ ᠳᠤ ᠲᠣᠰ ᠦᠰᠦᠭ ᠤᠨ | ᠠᠪᠢᠶᠠᠨ ᠤ ᠡᠬᠢᠯᠡᠪᠣᠷᠢ ᠨᠢ kr ᠪᠣᠶᠣ kj ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠠᠭᠠᠵᠢᠮ ᠢᠶᠠᠷ k ᠪᠣᠶᠣ G ᠵᠦᠭ ᠰᠢᠯᠵᠢᠨ | ᠢᠷᠡᠵᠡᠢ᠃ ᠠᠶᠠᠯᠭᠤ ᠨᠢ iə᠂ jə᠂ ɯi ᠵᠡᠷᠭᠡ ᠣᠯᠠᠨ ᠵᠦᠢᠯ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠠᠭᠠᠵᠢᠮ ᠢᠶᠠᠷ i ᠳᠤ | ᠬᠡᠪᠰᠢᠵᠦ ᠢᠷᠡᠵᠡᠢ ᠠᠶᠠᠯᠭᠤᠨ ᠤ ᠰᠡᠬᠦᠯ ᠨᠢ ᠬᠠᠷᠢᠨ ᠮᠠᠰᠢ ᠲᠣᠲᠣᠷᠬᠠᠢ ᠪᠦᠷ m ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠣᠯᠠᠩᠬᠢ | ᠨᠢ n ᠪᠣᠶᠣ ng ᠪᠣᠯᠣᠨ ᠬᠤᠪᠢᠷᠠᠵᠣ᠂ ᠣᠳᠣ ᠦᠶᠡ ᠶᠢᠨ ᠬᠢᠳᠠᠳ ᠨᠣᠳᠤᠭ ᠤᠨ ᠠᠶᠠᠯᠭᠤ ᠳᠤ jin ᠪᠠ jing | ᠪᠣᠯᠵᠠᠢ᠃ ᠭᠡᠪᠡᠴᠦ ᠡᠨᠡᠬᠦ ᠬᠤᠪᠢᠷᠠᠯ ᠤᠨ ᠶᠠᠪᠣᠴᠠ ᠵᠠᠷᠢᠮ ᠨᠢ ᠲᠠᠩ ᠣᠯᠣᠰ ᠤᠨ ᠦᠶᠡ ᠳᠤ ᠨᠢᠭᠡᠨᠳᠡ | ᠪᠡᠶᠡᠯᠡᠭᠳᠡᠭᠰᠡᠨ ᠪᠣᠯᠣᠯᠳᠠᠢ᠃ ᠡᠶᠢᠮᠦ ᠠᠴᠠ ᠶᠠᠫᠣᠨ ᠬᠡᠯᠡᠨ ᠳᠤ ᠡᠨᠡᠬᠦ ᠦᠰᠦᠭ きん ᠭᠡᠵᠦ ᠣᠩᠰᠢᠳᠠᠭ ᠪᠣᠯᠵᠠᠢ᠃ | ᠭᠡᠪᠡᠴᠦ ᠸᠢᠶᠧᠲᠨᠠᠮ ᠬᠡᠯᠡ ᠪᠣᠯ ᠲᠡᠭᠦᠨ ᠤ ᠬᠠᠮᠤᠭ ᠡᠷᠳᠡᠨ ᠤ ᠠᠪᠢᠶᠠ ᠶᠢ ᠨᠡᠯᠢᠶᠡᠳ ᠪᠦᠳᠦᠨ ᠢᠶᠠᠷ ᠬᠠᠳᠠᠭᠠᠯᠠᠵᠣ | găm,ghim ᠪᠣᠶᠣ kim ᠢᠶᠠᠷ ᠣᠩᠰᠢᠭᠰᠠᠭᠠᠷ ᠪᠠᠶᠢᠨᠠ᠃ ᠲᠣᠰ ᠦᠰᠦᠭ ᠢ ᠾᠦᠩᠨᠦ ᠶᠢᠨ ᠴᠠᠭ ᠦᠶᠡ | ᠳᠤ ᠪᠣᠳᠠᠳᠠᠢ ᠬᠡᠯᠡᠪᠡᠯ ᠬᠠᠭᠠᠨᠰᠡ ᠴᠠᠨ ᠢᠥᠢ ᠶᠢᠨ ᠦᠶᠡ ᠨᠢᠭᠡᠨᠳᠡ ᠺᠢᠮ ᠭᠡᠵᠦ ᠣᠩᠰᠢᠬᠤ ᠪᠣᠯᠣᠭᠰᠠᠨ ᠪᠠᠶᠢᠨᠠ | ᠭᠡᠵᠦ ᠦᠵᠡᠬᠦ ᠨᠢ ᠪᠣᠷᠣᠭᠤ ᠦᠭᠡᠢ᠃ | 留᠄ ᠸᠢᠺᠢ ᠲᠣᠯᠢ ᠪᠢᠴᠢᠭ ᠲᠤ ᠲᠣᠰ ᠦᠰᠦᠭ ᠤᠨ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ ᠶᠢ liú᠂ liù᠂ liǔ | ᠭᠡᠵᠦ ᠭᠤᠷᠪᠠᠨ ᠡᠷᠭᠦᠯᠳᠡ ᠲᠠᠢ ᠦᠰᠦᠭ ᠭᠡᠵᠦ ᠲᠡᠮᠳᠡᠭᠯᠡᠵᠡᠢ᠃ ᠲᠡᠭᠦᠨ ᠤ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ᠄ ljuw | ᠭᠡᠵᠦ᠂ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ ᠶᠢ /*C.ru/ ᠭᠡᠵᠡᠢ᠃ ᠭᠡᠳᠡᠯᠡ ᠬᠠᠨ ᠳ᠋ᠢᠶᠠᠨ ᠰᠦᠯᠵᠢᠶᠡ ᠲᠡᠭᠦᠨ ᠤ ᠲᠡᠭᠡᠳᠦ | ᠡᠷᠳᠡᠨ ᠤ ᠠᠪᠢᠶᠠ ᠶᠢ m·ru ᠭᠡᠪᠡ᠃ ᠶᠠᠫᠣᠨ ᠬᠡᠯᠡᠨ ᠳᠤ りゅう(ryū),る(ru) ᠭᠡᠵᠦ᠂ ᠺᠣᠷᠢᠶᠠ | ᠬᠡᠯᠨ ᠳᠤ 류 (lyu)유 (yu) ᠭᠡᠵᠦ᠂ ᠸᠢᠶᠧᠲᠨᠠᠮ ᠬᠡᠯᠨ ᠳᠤ lưu ᠭᠡᠪᠡ᠃ ︽说文解字︾ | ᠲᠣᠯᠢ ᠪᠢᠴᠢᠭ ᠲᠤ 从田丣聲 ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠵᠠᠢ᠃ ᠴᠢᠨ ᠠᠴᠠ ᠡᠮᠦᠨᠡᠬᠢ ᠠᠪᠢᠶᠠ ᠠᠶᠠᠯᠭᠤ ᠶᠢᠨ | ᠰᠢᠰᠲ᠋ᠧᠮ᠄ ᠠᠪᠢᠶᠠ ᠨᠢ L᠂ ᠠᠶᠠᠯᠭᠤ ᠨᠢ iu᠂ joɡ᠂ iəw ᠪᠠ jəgw ᠭᠡᠵᠡᠢ᠃ | 留 ᠶᠢᠨ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠠᠪᠢᠶᠠ᠄ m·ru᠂ Liu᠂ Lyu᠂ ᠶᠠᠫᠣᠨ ᠬᠡᠯᠡᠨ ᠳᠤ りゅう ︵ | ryu︶ ᠭᠡᠳᠡᠭ ᠨᠢ ᠶᠠᠫᠣᠨ ᠬᠡᠯᠡᠨ ᠳᠤ L ᠭᠡᠶᠢᠭᠦᠯᠦᠭᠴᠢ ᠪᠠᠶᠢᠬᠤ ᠦᠭᠡᠢ ᠲᠠᠢ ᠬᠤᠯᠪᠣᠭᠳᠠᠯ ᠲᠠᠢ᠂ ᠡᠶᠢᠮᠦ ᠠᠴᠠ | りゅう ︵ryu︶ ᠨᠢ ᠲᠠᠷᠣᠢ Lyu ᠪᠣᠯᠣᠨᠠ᠃ | 犁᠄ ᠸᠢᠺᠢ ᠰᠦᠯᠵᠢᠶᠡᠨ ᠳᠤ ᠲᠣᠰ ᠦᠰᠦᠭ ᠤᠨ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ ᠨᠢ lí ᠭᠡᠵᠦ᠂ ᠲᠣᠮᠳᠠᠳᠣ | ᠡᠷᠳᠡᠨ ᠤ ᠠᠪᠢᠶᠠ ᠶᠢ lij ᠭᠡᠵᠦ᠂ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ ᠶᠢ /*rij {*[r][i]j}/ ᠭᠡᠵᠡᠢ᠃ ᠶᠠᠫᠣᠨ ᠬᠡᠯᠡᠨ ᠤ 音 | 讀 ᠪᠠᠷ り (ri) ᠪᠣᠶᠣ れい (rei) ᠭᠡᠵᠦ᠂ ᠺᠣᠷᠢᠶᠠ ᠬᠡᠯᠡᠨ ᠳᠤ 리 (li) ᠭᠡᠵᠡᠢ᠃ ᠬᠠᠨ ᠳ᠋ᠢᠶᠠᠨ | ᠰᠦᠯᠵᠢᠶᠡᠨ ᠳᠤ ︽說文解字︾ ᠲᠣᠯᠢ ᠪᠢᠴᠢᠭ ᠲᠤ 从牛黎聲。郎奚切 ᠭᠡᠵᠡᠢ᠃ | ᠬᠠᠷᠢᠨ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ ᠶᠢ riːl ᠪᠠ ril ᠭᠡᠵᠦ ᠬᠤᠶᠠᠷ ᠵᠦᠢᠯ ᠢᠶᠠᠷ ᠲᠡᠮᠳᠡᠭᠯᠡᠵᠡᠢ᠃ ᠴᠢᠨ ᠠᠴᠠ | ᠡᠮᠦᠨᠡᠬᠢ ᠠᠪᠢᠶᠠ ᠠᠶᠠᠯᠭᠤ ᠶᠢᠨ ᠰᠢᠰᠲ᠋ᠧᠮ᠄ ᠠᠪᠢᠶᠠ ᠶᠢ ᠨᠢ L᠂ ᠠᠶᠠᠯᠭᠤ ᠶᠢ ᠨᠢ i̯ər᠂ jed ᠵᠡᠷᠭᠡ | ᠭᠡᠵᠡᠢ᠃ | 犁 ᠶᠢᠨ ᠠᠪᠢᠶᠠᠨ ᠤ ᠰᠡᠷᠭᠦᠭᠡᠯᠳᠡ᠄ *rij，ril， LI，liər ᠵᠡᠷᠭᠡ ᠠᠴᠠ ᠣᠶᠢᠷᠠᠯᠴᠠᠭᠠ ᠨᠢᠭᠡ ᠨᠢ | ᠪᠣᠯᠣᠨᠠ᠃ | 金留犁 ᠭᠤᠷᠪᠠᠨ ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠᠨ ᠤ ᠰᠡᠷᠭᠦᠭᠡᠯᠳᠡ᠄ kim lyu ︵luu︶ ril ︵li | ︶ ᠮᠦᠨ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠬᠡᠮ ᠢᠶᠠᠨ ︽ᠬᠡᠮᠯᠡᠭᠦᠷᠢ︾ ᠭᠡᠵᠦ ᠶᠠᠷᠢᠵᠣ ᠪᠠᠶᠢᠭᠰᠠᠨ ᠪᠣᠯᠣᠯᠴᠠᠭᠠ ᠲᠠᠢ | ᠪᠣᠯᠬᠤᠷ ᠬᠢᠳᠠᠳ ᠬᠦᠮᠦᠰ ᠲᠡᠭᠦᠨ ᠤ ᠠᠪᠢᠶᠠ ᠶᠢ ᠣᠶᠢᠷᠠᠳᠣᠭᠤᠯᠣᠨ ᠪᠠᠭᠤᠯᠭᠠᠵᠣ 金留犁 ᠭᠡᠰᠡᠨ ᠪᠠᠶᠢᠨᠠ᠃ | ᠬᠡᠮ ᠪᠣᠶᠣ ᠬᠡᠮᠨᠡᠭᠦᠷ ᠢ ᠮᠣᠩᠭᠤᠯ ᠬᠦᠮᠦᠨ ᠳᠤ ᠣᠯᠠᠨ ᠲᠠᠶᠢᠯᠪᠣᠷᠢ ᠬᠢᠬᠦ ᠴᠢᠬᠤᠯᠠ ᠠᠯᠠᠭᠠ᠃ | ᠲᠠᠭᠠᠯᠳᠠ ᠵᠢᠷᠤᠭ᠄ ᠨᠢᠭᠡ ᠪᠣᠯᠣᠨ ᠬᠤᠶᠠᠷ ᠪᠦᠷ ᠾᠧᠪᠸᠢ ᠮᠣᠵᠢ ᠶᠢᠨ ᠰᠢᠥᠢ ᠱᠦᠢ ᠰᠢᠶᠠᠨ ᠠᠴᠠ ᠢᠯᠡᠷᠡᠭᠰᠡᠨ | ᠬᠠᠨ ᠣᠯᠣᠰ ᠤᠨ ᠪᠣᠯᠠᠰᠢ ᠲᠠᠬᠢ ︽ᠵᠢᠷᠤᠭ ᠰᠡᠶᠢᠯᠪᠣᠷᠢᠯᠠᠭᠰᠠᠨ ᠴᠢᠯᠠᠭᠤᠨ ᠬᠠᠪᠳᠠᠰᠣᠨ︾ ᠤ ᠯᠣᠣ ᠶᠢᠨ ᠵᠢᠷᠤᠭ | ᠪᠣᠯᠣᠨᠠ᠃ ᠡᠨᠡ ᠯᠣᠣ ᠶᠢᠨ ᠵᠢᠷᠤᠭ ᠪᠣᠯ ᠮᠦᠨᠴᠦ ᠵᠣᠬᠢᠶᠠᠭᠴᠢ ᠶᠢᠨ ᠣᠯᠵᠣ ᠦᠵᠡᠭᠰᠡᠨ ᠬᠢᠳᠠᠳ ᠯᠣᠣ ᠶᠢᠨ ᠵᠢᠷᠤᠭ | ᠲᠣᠲᠣᠷᠠᠬᠢ ᠬᠠᠮᠤᠭ ᠡᠷᠳᠡᠨ ᠤ ᠵᠢᠷᠤᠭ ᠶᠣᠮ᠃ ᠡᠨᠡᠬᠦ ᠯᠣᠣ ᠶᠢᠨ ᠵᠢᠷᠤᠭ ᠢ ᠵᠣᠬᠢᠶᠠᠭᠴᠢ ᠠᠴᠠ ᠨᠢᠭᠡᠨᠳᠡ | ᠲᠠᠨᠢᠯᠴᠠᠭᠤᠯᠵᠣ ᠦᠩᠭᠡᠷᠡᠭᠰᠡᠨ ᠪᠣᠯᠬᠤᠷ ᠲᠠᠬᠢᠵᠣ ᠶᠠᠷᠢᠬᠤ ᠦᠭᠡᠢ ᠣᠷᠬᠢᠶᠠ᠃ | ᠲᠠᠭᠠᠯᠳᠠ ᠵᠢᠷᠤᠭ ᠭᠤᠷᠪᠠ ᠪᠣᠯ ᠮᠣᠩᠭᠤᠯ ᠣᠯᠣᠰ ᠠᠴᠠ ᠣᠯᠳᠠᠭᠰᠠᠨ᠂ ᠬᠤᠶᠠᠷ ᠮᠢᠩᠭᠠ ᠬᠤᠶᠠᠷ ᠭᠤᠷᠪᠠᠨ | ᠵᠠᠭᠤᠨ ᠣᠨ ᠤ ᠡᠮᠦᠨᠡᠬᠢ ᠾᠦᠩᠨᠦ ᠢᠵᠠᠭᠤᠷᠳᠠᠨ ᠤ ᠪᠣᠯᠠᠰᠢ ᠠᠴᠠ ᠢᠯᠡᠷᠡᠭᠰᠡᠨ ᠠᠯᠳᠠ ᠰᠢᠷᠠᠭᠰᠠᠨ ᠴᠣᠯᠣ | ᠮᠦᠩᠭᠦᠨ ᠴᠢᠣᠬᠤᠮᠠᠯ ᠯᠣᠣ ᠶᠢᠨ ᠵᠢᠷᠤᠭ ᠪᠣᠯᠣᠨᠠ᠃ ᠲᠣᠰ ᠯᠣᠣ ᠶᠢ ᠵᠣᠬᠢᠶᠠᠭᠴᠢ ︽ᠾᠦᠩᠨᠦ ᠯᠣᠣ︾ ᠭᠡᠵᠦ | ᠨᠡᠷᠡᠶᠢᠳᠦᠪᠡ᠂ ᠲᠣᠰ ᠯᠣᠣ ᠶᠢᠨ ᠶᠡᠭᠡ ᠪᠠᠭᠠ ᠨᠢ ᠪᠠᠷᠤᠭ 5*10 ᠠᠷᠪᠠ ᠭᠠᠷᠣᠢ cm ᠲᠡᠳᠦᠢ ᠠᠵᠠᠢ᠃ ᠭᠠᠷ | ᠲᠠᠭᠠᠨ ᠠᠳᠬᠤᠨ ᠨᠠᠭᠠᠳᠣᠬᠤ ᠡᠳ᠋ ᠪᠣᠯᠣᠯᠳᠠᠢ᠃ | ᠵᠢᠷᠤᠭ ᠨᠢᠭᠡ | | | | ᠵᠢᠷᠤᠭ ᠬᠤᠶᠠᠷ | | | | ᠵᠢᠷᠤᠭ ᠭᠤᠷᠪᠠ | | | | ︽ᠾᠦᠩᠨᠦ ᠬᠡᠯᠡ︾ ᠣᠯᠠᠨ ᠨᠠᠶᠢᠳᠡ ᠶᠢᠨ ᠲᠠᠪᠴᠠᠩ ᠳᠤ ᠣᠷᠣᠬᠤ ᠰᠠᠨᠠᠭᠠ ᠲᠠᠢ ᠬᠦᠮᠦᠰ ᠲᠣᠰ ᠮᠡᠷᠭᠡᠨ | ᠴᠣᠬᠤᠷ ᠢ ᠰᠢᠷᠪᠢᠭᠡᠷᠡᠢ᠃ | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |