| ᠣᠣᠬᠠᠨ · ᠬᠠᠭᠳᠠ ᠵᠣᠬᠢᠶᠠᠪᠠ | ᠬᠠᠨ ᠣᠯᠣᠰ ᠤᠨ ᠰᠢᠶᠣᠣ ᠸᠧᠨ ᠬᠤᠸᠠᠩᠳᠢ ᠯᠢᠦ ᠾᠧᠩ ᠦᠪᠡᠷ ᠤᠨ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠪᠠᠶᠢᠭᠰᠠᠨ ᠦᠶᠡ | ᠶᠢᠨ ᠡᠮᠦᠨᠡ ᠵᠢᠷᠭᠤᠳᠣᠭᠠᠷ ᠣᠨ ᠳᠤ᠂ ᠲᠠᠷᠣᠢ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡ 175 ᠣᠨ ᠳᠤ᠂ | ᠾᠦᠩᠨᠦ ᠶᠢᠨ ᠣᠯᠣᠰ ᠤᠨ ᠪᠣᠭᠳᠠ ᠴᠠᠨ ᠢᠥᠢ ᠶᠢᠨ ᠵᠠᠬᠢᠳᠠᠯ ᠳᠤ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠯᠡᠭᠡᠭᠡᠬᠦ ᠳᠡᠭᠡᠨ᠂ ᠲᠣᠰ | ᠵᠠᠬᠢᠳᠠᠯ ᠤᠨ ᠬᠠᠮᠳᠣᠳᠠ ᠪᠠᠰᠠ ᠪᠣᠭᠳᠠ ᠴᠠᠨ ᠢᠥᠢ ᠳᠤ ᠪᠡᠯᠡᠭ ᠬᠦᠷᠭᠡᠵᠡᠢ᠃ ᠲᠣᠰ ᠵᠠᠬᠢᠳᠠᠯ ᠳᠤ ᠵᠢᠬᠰᠠᠭᠠᠵᠣ | ᠪᠢᠴᠢᠭᠰᠡᠨ ᠪᠡᠯᠡᠭ ᠤᠨ ᠡᠳ᠋ ᠨᠢ ᠭᠤᠣᠯᠳᠠᠭᠤ ᠮᠠᠩᠨᠤᠭ ᠲᠣᠷᠭᠠᠨ ᠲᠡᠪᠡᠯ ᠬᠤᠪᠴᠠᠰᠣ᠂ ᠲᠣᠷᠭᠠ ᠲᠣᠷᠳᠣᠩ᠂ | ᠬᠤᠷᠭᠤᠢ ᠮᠠᠩᠨᠤᠭ ᠪᠣᠯᠣᠨ ᠪᠠᠰᠠ 黄金饰具带 ᠨᠢᠭᠡ ᠪᠣᠯᠣᠨ 黄金犀毗 ᠨᠢᠭᠡ ᠭᠡᠵᠦ | ᠲᠣᠲᠣᠷᠬᠠᠶᠢᠯᠠᠨ ᠪᠢᠴᠢᠵᠠᠢ᠃ ᠵᠣᠬᠢᠶᠠᠭᠴᠢ ᠠᠴᠠ ᠲᠣᠰ ᠵᠣᠬᠢᠶᠠᠯ ᠳᠠᠭᠠᠨ ᠲᠣᠰᠬᠠᠶᠢᠯᠠᠨ 犀毗 ᠭᠡᠳᠡᠭ ᠬᠤᠶᠠᠷ | ᠦᠰᠦᠭ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠡᠨᠡᠬᠦ ᠾᠦᠩᠨᠦ ᠬᠡᠯᠡᠨ ᠤ ᠨᠡᠷᠡᠰ ᠦᠭᠡ ᠳᠤ ᠲᠡᠭᠦᠨ ᠤ ᠠᠪᠢᠶᠠ ᠣᠳᠬᠠ ᠪᠣᠯᠣᠨ | ᠬᠡᠯᠡᠨ ᠤ ᠬᠠᠷᠢᠶᠠᠯᠠᠯ ᠤᠨ ᠲᠣᠬᠠᠢ ᠲᠦᠭᠦᠮ ᠶᠠᠷᠢᠨᠠ᠃ 犀毗 ᠭᠡᠳᠡᠭ ᠬᠤᠶᠠᠷ ᠬᠢᠳᠠᠳ ᠦᠰᠦᠭ ᠢᠶᠠᠷ | ᠪᠦᠷᠢᠯᠳᠦᠭᠰᠡᠨ ᠡᠨᠡᠬᠦ ᠨᠡᠷᠡᠰ ᠦᠭᠡ ᠪᠣᠯ ᠨᠡᠩ ᠡᠷᠳᠡᠨ ᠤ ᠦᠶᠡ ᠶᠢᠨ ᠾᠦᠩᠨᠦ ᠦᠭᠡ ᠪᠣᠯᠣᠨᠠ᠃ ᠬᠠᠨ ᠣᠯᠣᠰ | ᠤᠨ ᠦᠶᠡ ᠪᠣᠯᠳᠠᠯᠠ᠂ ᠡᠨᠡᠬᠦ ᠦᠭᠡ ᠶᠢ ᠬᠢᠳᠠᠳᠴᠣᠳ ᠵᠢᠭᠡᠯᠡᠨ ᠬᠡᠷᠡᠭᠯᠡᠵᠦ ᠣᠳᠠᠵᠣ ᠪᠠᠶᠢᠵᠠᠢ᠃ ᠡᠭᠦᠨ ᠤ ᠲᠣᠬᠠᠢ | ᠲᠣᠣᠷᠠᠬᠢ ᠠᠭᠤᠯᠭᠠ ᠪᠣᠯᠣᠨ ᠵᠣᠬᠢᠶᠠᠭᠴᠢ ᠶᠢᠨ ᠲᠠᠭᠠᠯᠳᠣᠭᠤᠯᠣᠨ ᠨᠡᠶᠢᠳᠡᠯᠡᠭᠰᠡᠨ ᠲᠠᠭᠠᠯᠳᠠ ᠵᠢᠷᠤᠭ ᠨᠤᠭᠤᠳ ᠠᠴᠠ | ᠭᠦᠨᠵᠡᠭᠡᠶᠢᠷᠡᠨ ᠯᠠᠪᠯᠠᠭᠠᠷᠠᠢ᠃ | ᠰᠢᠵᠢᠷ ᠠᠯᠳᠠᠨ ᠴᠢᠮᠡᠭᠯᠡᠯ ᠲᠠᠢ ᠪᠦᠰᠡ ︵黄金饰具带︶᠂ ᠰᠢᠵᠢᠷ ᠠᠯᠳᠠᠨ ︽犀毗︾ ᠶᠢᠨ | ᠲᠣᠬᠠᠢ ᠡᠷᠳᠡᠨ ᠤ ᠬᠢᠳᠠᠳ ᠬᠦᠮᠦᠰ ᠤᠨ ᠬᠢᠭᠰᠡᠨ ᠲᠠᠶᠢᠯᠪᠣᠷᠢ ᠶᠢ ᠵᠢᠬᠰᠠᠭᠠᠪᠠᠯ᠄ | 黄金饰具带 ᠶᠢ ᠨᠢ ︽ᠬᠤᠷᠢᠶᠠᠩᠭᠤᠢ ᠲᠡᠶᠢᠯᠪᠣᠷᠢ︾ ᠳᠤ᠄ ︽ᠪᠦᠰᠡᠯᠡᠭᠦᠷ ᠤᠨ ᠲᠣᠮᠣ ᠪᠦᠰᠡ︾ ︵ | 要中大带︶ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠵᠠᠢ᠃ 黄金胥纰 ᠭᠡᠳᠡᠭ ᠦᠭᠡᠨ ᠶᠢ ᠰᠢᠥᠢ ᠭᠤᠸᠠᠩ ᠤᠨ | ᠬᠡᠯᠡᠭᠰᠡᠨ ᠦᠭᠡ ᠠᠴᠠ ᠡᠰᠢᠯᠡᠵᠦ᠂ 胥纰 ᠶᠢ ᠪᠠᠰᠠ 犀毗 ᠬᠡᠮᠡᠮᠣᠢ ᠭᠡᠵᠡᠢ᠃ | ︽ᠬᠡᠯᠬᠢᠶᠡᠰᠦ︾ ᠳᠤ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠨᠢ᠄ ︽ᠬᠠᠨ ᠣᠯᠣᠰ ᠤᠨ ᠪᠢᠴᠢᠭ ᠲᠤ 犀毗 ᠬᠡᠮᠡᠨ ᠪᠢᠴᠢᠵᠣ | ᠠᠮᠣᠢ᠃ ᠠᠳᠡ 胥᠂ 犀 ᠪᠣᠶᠣ 师 ᠭᠡᠳᠡᠭ ᠦᠰᠦᠭ ᠢ ᠬᠡᠷᠡᠭᠯᠡᠪᠡᠢ᠃ ᠰᠢᠯᠳᠠᠭᠠᠨ ᠨᠢ ᠡᠨᠡ ᠭᠤᠷᠪᠠᠨ | ᠦᠰᠦᠭ ᠤᠨ ᠣᠩᠰᠢᠯᠭᠠ ᠣᠶᠢᠷᠠᠯᠴᠠᠭᠠ ᠠᠴᠠ ᠪᠣᠯᠵᠣᠬᠤᠢ ᠭᠡᠵᠡᠢ᠃ ᠲᠡᠭᠡᠭᠡᠳ ᠵᠠᠯᠭᠠᠨ ᠦᠬᠦᠯᠡᠭᠰᠡᠨ ᠨᠢ᠂ ᠵᠠᠩ | ᠶᠠᠨ ᠦᠬᠦᠯᠡᠷᠦᠨ᠄ ᠰᠢᠶᠠᠨᠪᠸᠢ ᠬᠦᠮᠦᠨ ᠤ 郭落带 ᠭᠡᠮᠡᠭᠴᠢ ᠪᠦᠰᠡ ᠪᠣᠯᠪᠠᠰᠣ ᠪᠡᠯᠭᠡᠳᠦ ᠭᠦᠷᠦᠭᠡᠰᠦᠨ ᠤ | ᠨᠡᠷᠡ ᠪᠣᠯᠠᠢ᠂ ᠵᠡᠭᠦᠨ ᠬᠣ᠋ ᠶᠢᠨ ᠬᠦᠮᠦᠰ ᠤᠨ ᠮᠠᠰᠢᠳᠠ ᠡᠷᠬᠢᠮᠯᠡᠬᠦ ᠡᠳ᠋ᠯᠡᠯ ᠪᠦᠯᠦᠭᠡ ᠭᠡᠵᠡᠢ᠃ ᠵᠠᠯᠭᠠᠭᠠᠳ | ᠪᠠᠶᠢᠯᠳᠣᠭᠠᠨᠳᠣ ᠣᠯᠣᠰ ᠤᠨ ᠪᠣᠳᠣᠯᠭᠠ ᠬᠡᠮᠡᠭᠴᠢ ᠪᠢᠴᠢᠭ ᠠᠴᠠ ᠡᠰᠢᠯᠡᠨ ᠦᠭᠦᠯᠡᠭᠰᠡᠨ ᠨᠢ᠄ ︽ᠵᠣᠣ ᠡᠣ ᠯᠢᠩ | ᠸᠠᠩ ᠠᠴᠠ ᠵᠸᠥ ᠱᠣᠣ ᠳᠤᠷ ᠰᠣᠶᠣᠷᠬᠠᠭᠰᠠᠨ ᠰᠢᠵᠢᠷ ᠠᠯᠳᠠᠨ 师比 ᠬᠡᠮᠡᠭᠴᠢ ᠮᠦᠨ ᠡᠨᠡ ᠡᠳ᠋ ᠪᠣᠯᠠᠢ ᠭᠡᠵᠡᠢ᠃ | ᠪᠠᠰᠠ ᠵᠠᠯᠭᠠᠨ ᠶᠠᠨ ᠳ᠋ᠦ᠋ ᠦᠬᠦᠯᠡᠭᠰᠡᠨ ᠠᠨᠣ᠄ ︵ᠡᠨᠡ ᠪᠣᠯᠪᠠᠰᠣ︶ ︽ᠬᠣ᠋ ᠶᠢᠨ ᠬᠦᠮᠦᠰ ᠤᠨ ᠠᠷᠠᠰᠣᠨ ᠪᠦᠰᠡᠨ ᠤ | ᠭᠤᠬᠠ ᠪᠣᠯᠣᠮᠣᠢ︾ ᠭᠡᠵᠡᠢ᠃ ᠡᠨᠡᠬᠦ ᠭᠤᠬᠠ ᠶᠢᠨ ᠨᠡᠷᠡ ᠨᠢ ᠪᠠᠰᠠ 师比 ᠭᠡᠮᠡᠮᠣᠢ᠂ ᠡᠶᠢᠮᠦ ᠠᠴᠠ 胥᠂ 犀 | ᠂ 师 ᠨᠢ ᠪᠦᠷ ᠠᠪᠢᠶᠠ ᠣᠶᠢᠷᠠᠯᠴᠠᠭᠠ ᠪᠣᠯᠬᠤᠷ ᠢᠩᠬᠢᠵᠦ ᠬᠡᠷᠡᠭᠯᠡᠨ ᠠᠵᠠᠢ᠃ ᠲᠠᠷᠣᠢ ᠪᠠᠨ ᠭᠦ᠋ ᠶᠢᠨ ᠳ᠋ᠸᠥ | ᠰᠢᠶᠠᠨ ᠳᠤ ᠢᠯᠡᠭᠡᠭᠰᠡᠨ ᠵᠠᠬᠢᠳᠠᠯ ᠳᠤ ᠦᠭᠦᠯᠡᠭᠰᠡᠨ ︽犀比 ᠬᠡᠮᠡᠭᠴᠢ ᠠᠯᠳᠠᠨ ᠲᠣᠯᠣᠭᠠᠶᠢᠳᠣ ᠪᠦᠰᠡ | ᠰᠣᠶᠣᠷᠬᠠᠪᠠᠢ︾ ᠭᠡᠳᠡᠭ ᠨᠢ ᠴᠦ ᠮᠦᠨ ᠡᠭᠦᠨ ᠢ ᠬᠡᠯᠡᠮᠣᠢ ᠭᠡᠵᠡᠢ᠃ | ᠲᠡᠭᠡᠷᠡᠬᠢ ᠡᠳᠡᠭᠡᠷ ᠣᠯᠠᠨ ᠬᠦᠮᠦᠰ ᠤᠨ ᠲᠠᠶᠢᠯᠪᠣᠷᠢ ᠠᠴᠠ ᠦᠵᠡᠬᠦᠯᠡ᠂ 犀比 ᠵᠡᠷᠭᠡ ᠬᠡᠳᠦᠨ ᠵᠦᠢᠯ ᠢᠶᠠᠷ | ᠪᠢᠴᠢᠨ ᠢᠯᠡᠳᠭᠡᠵᠦ ᠪᠠᠶᠢᠭᠠ ᠡᠨᠡᠬᠦ ᠡᠳ᠋ ᠪᠣᠯ ᠬᠣ᠋ ᠬᠦᠮᠦᠰ ᠤᠨ ᠠᠷᠠᠰᠣᠨ ᠪᠦᠰᠡᠨ ᠤ ᠭᠤᠬᠠ ᠪᠣᠯᠬᠤ ᠨᠢ | ᠲᠣᠲᠣᠷᠬᠠᠢ ᠪᠣᠯᠵᠠᠢ᠃ ᠭᠡᠪᠡᠴᠦ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠬᠤ ᠳᠤ ᠬᠡᠷᠡᠭᠯᠡᠭᠰᠡᠨ ᠦᠰᠦᠭ ᠨᠢ ᠣᠨᠳᠣᠣ ᠪᠣᠯᠬᠤᠷ᠂ | ᠬᠦᠮᠦᠰ ᠲᠤ ᠵᠢᠭᠠᠬᠠᠨ ᠲᠦᠭᠡᠷᠢᠭᠳᠡᠯ ᠠᠪᠴᠢᠷᠠᠭᠰᠠᠨ ᠠᠵᠠᠢ᠃ ᠭᠡᠪᠡᠴᠦ ᠦᠨᠡᠨᠳᠡᠭᠡᠨ ᠪᠦᠷ ᠬᠣ᠋ ᠬᠦᠮᠦᠰ ᠤᠨ | ᠦᠷᠬᠦᠯᠵᠢ ᠬᠡᠷᠡᠭᠯᠡᠳᠡᠭ ᠠᠷᠠᠰᠣᠨ ᠪᠦᠰᠡᠨ ᠤ ᠬᠦᠷᠡᠯ ᠭᠤᠬᠠ ᠶᠢᠨ ᠬᠣ᠋ ᠬᠡᠯᠡᠨ ᠳᠠᠬᠢ ᠨᠡᠷᠡ ᠦᠭᠡ ᠶᠢ ᠬᠢᠳᠠᠳ | ᠬᠡᠯᠡᠨ ᠳᠤ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠣᠭᠰᠠᠨ ᠦᠰᠦᠭ ᠪᠣᠯᠣᠨᠠ ᠭᠡᠳᠡᠭ ᠨᠢ ᠰᠡᠵᠢᠭᠯᠡᠰᠢ ᠦᠭᠡᠢ ᠪᠣᠯᠵᠠᠢ᠃ | ᠡᠨᠡᠬᠦ ᠰᠡᠳᠦᠪ ᠤᠨ ᠲᠣᠬᠠᠢ᠂ ᠠᠳᠡ ᠬᠦᠷᠦᠭᠡᠳ ᠪᠢᠳᠡ ᠶᠡᠭᠡ ᠲᠦᠯᠦᠪ ᠨᠡᠯᠢᠶᠡᠳ ᠲᠣᠲᠣᠷᠬᠠᠢ ᠣᠶᠢᠯᠭᠠᠯᠳᠠ ᠲᠠᠢ | ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠬᠠᠨ ᠸᠧᠨ ᠳ᠋ᠢ ᠬᠠᠭᠠᠨ ᠠᠴᠠ ᠨᠡᠩ ᠡᠷᠳᠡᠨ ᠤ ᠬᠦᠮᠦᠨ᠂ ᠵᠣᠣ ᠡᠣ ᠯᠢᠩ ᠸᠠᠩ ᠤᠨ ᠦᠶᠡ | ᠳᠤ ᠡᠨᠡᠬᠦ ᠡᠳ᠋ ᠢ ᠲᠠᠷᠣᠢ ︽师比︾ ᠭᠡᠵᠦ ᠨᠡᠷᠡᠶᠢᠳᠦᠵᠦ᠂ ᠲᠡᠭᠦᠨ ᠢᠶᠠᠨ ᠬᠣ᠋ ᠬᠦᠮᠦᠰ ᠤᠨ ᠠᠷᠠᠰᠣᠨ | ᠪᠦᠰᠡᠨ ᠤ ᠭᠤᠬᠠ ᠪᠣᠯᠣᠨᠠ ᠭᠡᠳᠡᠭ ᠢ ᠲᠣᠲᠣᠷᠬᠠᠢ ᠮᠡᠳᠡᠵᠦ ᠪᠠᠶᠢᠵᠠᠢ᠃ ᠬᠡᠳᠦᠶᠢᠪᠡᠷ ᠬᠡᠷᠡᠭᠯᠡᠭᠰᠡᠨ ᠦᠰᠦᠭ ᠨᠢ | ᠠᠳᠠᠯᠢ ᠦᠭᠡᠢ ᠪᠣᠯᠪᠠᠴᠣ᠂ ︽ᠬᠣ᠋ ᠬᠦᠮᠦᠰ ᠤᠨ ᠠᠷᠠᠰᠣᠨ ᠪᠦᠰᠡᠨ ᠤ ᠭᠤᠬᠠ︾ ᠭᠡᠳᠡᠭ ᠣᠶᠢᠯᠭᠠᠯᠳᠠ ᠨᠢ | ᠠᠳᠠᠯᠢᠬᠠᠨ ᠠᠵᠠᠢ᠃ ᠠᠩᠬᠠᠷᠬᠤ ᠨᠢ ᠠᠳᠡ ᠦᠬᠦᠯᠡᠵᠦ ᠪᠠᠶᠢᠭᠠ ᠠᠷᠠᠰᠣᠨ ᠪᠦᠰᠡᠨ ᠤ ᠭᠤᠬᠠ ᠭᠡᠳᠡᠭ ᠦᠭᠡ ᠪᠣᠯ | ᠲᠡᠭᠦᠨ ᠤ ᠬᠡᠯᠪᠡᠷᠢ ᠲᠦᠷᠰᠦ ᠶᠢ ᠦᠨᠳᠦᠰᠦᠯᠡᠨ ᠬᠢᠳᠠᠳ ᠦᠭᠡ ᠪᠠᠷ ᠢᠯᠡᠳᠭᠡᠭᠰᠡᠨ ᠬᠡᠷᠡᠭ ᠶᠣᠮ᠃ ᠦᠨᠡᠨᠳᠡᠭᠡᠨ | ᠬᠣ᠋ ᠬᠦᠮᠦᠰ ᠶᠠᠭᠠᠬᠢᠵᠣ ᠢᠯᠡᠳᠭᠡᠵᠦ ᠪᠠᠶᠢᠭᠰᠠᠨ ᠪᠣᠢ ᠭᠡᠪᠡᠯ ᠬᠡᠯᠡᠯᠭᠡᠨ ᠦᠭᠡᠢ ︽师比᠂ ᠰᠢᠯᠪᠢ︾ ᠪᠣᠯᠣᠨᠠ | ᠃ ᠵᠣᠬᠢᠶᠠᠭᠴᠢ ᠠᠴᠠ ᠡᠨᠡᠬᠦ ︽ᠬᠣ᠋ ᠬᠦᠮᠦᠰ ᠤᠨ ᠠᠷᠠᠰᠣᠨ ᠪᠦᠰᠡᠨ ᠤ ᠭᠤᠬᠠ︾ ᠶᠢᠨ ᠪᠣᠳᠠᠳᠣ ᠡᠳ᠋ ᠢ ᠦᠨᠡᠬᠡᠷ | ᠣᠯᠵᠣ ᠦᠵᠡᠵᠡᠢ᠃ ᠲᠠᠷᠣᠢ ᠪᠠᠶᠢᠯᠳᠣᠭᠠᠨᠳᠣ ᠣᠯᠣᠰ ᠤᠨ ᠦᠶᠡ ᠶᠢᠨ ᠣᠮᠠᠷᠠᠳᠣ ᠳ᠋ᠢ ᠶᠢᠨ ᠨᠢᠭᠡᠨ ᠲᠦᠷᠦᠳᠦ | ᠣᠯᠣᠰ ᠪᠣᠯᠬᠤ ︽ᠵᠦᠩ ᠱᠠᠨ ᠣᠯᠣᠰ︾ ᠤᠨ ᠸᠠᠩ ᠤᠨ ᠣᠩᠭᠤᠨ ᠠᠴᠠ ᠢᠯᠡᠷᠡᠭᠰᠡᠨ ᠠᠯᠳᠠᠨ ᠭᠠᠷᠣᠳᠢ | ᠰᠢᠭᠢᠳᠭᠡᠭᠰᠡᠨ ᠴᠣᠯᠣ ᠮᠦᠩᠭᠦᠨ ᠪᠦᠰᠡᠨ ᠭᠤᠬᠠ ︵镶金凤纯银带钩︶ ᠶᠢ ᠮᠦᠽᠸᠢ ᠳᠤ | ᠬᠠᠷᠠᠭᠰᠠᠨ ᠶᠣᠮ᠃ ᠵᠢᠷᠤᠭ ᠨᠢᠭᠡ ᠲᠤ ᠦᠵᠡ᠃ ᠲᠣᠣᠷᠠ ᠪᠢᠳᠡ 犀比 ᠬᠤᠶᠠᠷ ᠦᠰᠦᠭ ᠤᠨ ᠵᠦᠪᠬᠡᠨ | ᠡᠷᠳᠡᠨ ᠤ ᠠᠪᠢᠶᠠ ᠶᠢ ᠵᠢᠬᠰᠠᠭᠠᠨ ᠬᠠᠷᠢᠴᠠᠭᠤᠯᠵᠣ ᠦᠵᠡᠶᠡ᠃ | 犀比 ᠬᠤᠶᠠᠷ ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠ ᠠᠶᠠᠯᠭᠤ ᠶᠢᠨ ᠮᠠᠲ᠋ᠧᠷᠢᠶᠠᠯ᠄ ᠭᠤᠣᠯᠳᠠᠭᠤ ᠪᠦᠷ ︽ᠬᠠᠨ | ᠳ᠋ᠢᠶᠠᠨ ᠰᠦᠯᠵᠢᠶᠡ︾ ᠪᠣᠯᠣᠨ ︽ᠸᠢᠺᠢ ᠰᠦᠯᠵᠢᠶᠡ︾ ᠠᠴᠠ ᠯᠠᠪᠯᠠᠵᠠᠢ᠃ | 犀 ︵ᠪᠠᠰᠠ 胥 ᠪᠣᠯᠣᠨ 师 ᠶᠢ ᠪᠠᠭᠳᠠᠭᠠᠨᠠ︶᠄ | ᠸᠢᠺᠢ ᠰᠦᠯᠵᠢᠶᠡ᠄ | 犀᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ /*s.lˁəj/᠃ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ sej᠃ ᠣᠳᠣ ᠦᠶᠡ ᠶᠢᠨ | ᠠᠪᠢᠶᠠ xī᠃ | 胥᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ ᠶᠢ ᠡᠷᠢᠵᠦ ᠣᠯᠣᠭᠰᠠᠨ ᠦᠭᠡᠢ᠃ ᠶᠠᠫᠣᠨ ᠬᠡᠯᠡᠨ ᠤ ᠠᠪᠢᠶᠠᠨ ᠣᠩᠰᠢᠯᠭᠠ ᠪᠠᠷ | しょ (sho)᠂ そ (so)᠃ ᠺᠣᠷᠢᠶᠠ ᠬᠡᠯᠡᠨ ᠳᠤ 서 (se)᠃ ᠣᠳᠣ ᠦᠶᠡ ᠶᠢᠨ ᠬᠢᠳᠠᠳ ᠠᠪᠢᠶᠠ | xū ᠪᠣᠯᠣᠨ xǔ᠃ | 师᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ /*srij/᠃ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ srij᠃ ᠣᠳᠣ ᠦᠶᠡ ᠶᠢᠨ | ᠠᠪᠢᠶᠠ shī᠃ | ᠬᠠᠨ ᠳᠢᠶᠠᠨ ᠰᠦᠯᠵᠢᠶᠡ᠄ | 犀᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ sliːl᠃ ᠴᠢᠨ ᠠᠴᠠ ᠡᠮᠦᠨᠡᠬᠢ ᠠᠪᠢᠶᠠ ᠠᠶᠠᠯᠭᠤ siər᠂ siei᠂ | sied ᠵᠡᠷᠭᠡ ᠪᠣᠢ᠃ 《说文解字》从牛㞑聲。 ᠲᠠᠩ ᠣᠯᠣᠰ ᠤᠨ ᠦᠶᠡ ᠶᠢᠨ | ᠠᠪᠢᠶᠠ sei ᠭᠡᠵᠡᠢ᠃ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ xī ᠭᠡᠪᠡ᠃ | 胥᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ sŋa᠃ ᠴᠢᠨ ᠠᠴᠠ ᠡᠮᠦᠨᠡᠬᠢ ᠠᠪᠢᠶᠠ ᠠᠶᠠᠯᠭᠤ sŋa᠂ sǐa᠂ | sjaɡ ᠵᠡᠷᠭᠡ᠃ 《说文解字》从肉疋聲᠃ ᠲᠠᠩ ᠣᠯᠣᠰ ᠤᠨ ᠦᠶᠡ ᠶᠢᠨ ᠠᠪᠢᠶᠠ | siu᠃ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ xī᠃ | 师᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ sri᠃ ᠴᠢᠨ ᠠᠴᠠ ᠡᠮᠦᠨᠡᠬᠢ ᠠᠪᠢᠶᠠ ᠠᠶᠠᠯᠭᠤ srjid᠂ ʂi̯ər᠂ s | ier ᠵᠡᠷᠭᠡ᠃ 《说文解字》从肉疋聲᠃ ᠲᠠᠩ ᠣᠯᠣᠰ ᠤᠨ ᠦᠶᠡ ᠶᠢᠨ ᠠᠪᠢᠶᠠ | ᠠᠶᠠᠯᠭᠤ ʃjei᠃ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ shī ᠭᠡᠪᠡ᠃ | 比 ︵纰 ᠪᠣᠯᠣᠨ 毗 ᠶᠢ ᠪᠠᠭᠳᠠᠭᠠᠨᠠ︶᠄ | ᠸᠢᠺᠢ ᠰᠦᠯᠵᠢᠶᠡ᠄ | 比᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ᠄ /*C.pijʔ/᠃ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ pjijX᠃ ᠶᠠᠫᠣᠨ ᠬᠡᠯᠡᠨ | ᠤ ᠠᠪᠢᠶᠠᠨ ᠤ ᠣᠩᠰᠢᠯᠭᠠ ひ (hi)᠃ ᠺᠣᠷᠢᠶᠠ ᠬᠡᠯᠡᠨ ᠳᠤ 비 (pi)᠃ ᠸᠶ᠋ᠢᠶᠧᠲᠨᠠᠮ ᠬᠡᠯᠡᠨ ᠳᠤ bí, | bì, bỉ, tị, tỷ, tỵ, tí, tì, tý, tỳ ᠵᠡᠷᠭᠡ᠃ ᠣᠳᠣ ᠦᠶᠡ ᠶᠢᠨ ᠬᠢᠳᠠᠳ ᠬᠡᠯᠡᠨ ᠳᠤ | bǐ ᠪᠣᠯᠣᠨ bì᠃ | 纰᠄ ᠲᠡᠭᠡᠳᠦ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ ᠶᠢ ᠡᠷᠢᠵᠣ ᠣᠯᠣᠭᠰᠠᠨ ᠦᠭᠡᠢ᠃ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ | pī᠂ pí᠂ bǐ᠃ | 毗᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ /*big {*[b]ij}/᠃ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ bjij᠃ ᠣᠳᠣ ᠦᠶᠡ | ᠶᠢᠨ ᠠᠪᠢᠶᠠ pí᠃ | ᠬᠠᠨ ᠳ᠋ᠢᠶᠠᠨ ᠰᠦᠯᠵᠢᠶᠡ᠄ | 比᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ piʔ᠂ bi᠃ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ bi᠂ bji᠃ ᠲᠠᠩ ᠣᠯᠣᠰ | ᠤᠨ ᠦᠶᠡ ᠶᠢᠨ ᠠᠪᠢᠶᠠ *bǐ᠂ bhi᠂ bì ᠵᠡᠷᠭᠡ᠃ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ bǐ᠃ | 纰᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ be᠃ 《说文解字》从糸比聲᠃ ᠲᠣᠮᠳᠠᠳᠣ | ᠡᠷᠳᠡᠨ ᠤ ᠠᠪᠢᠶᠠ pʰji᠃ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ pī᠂ pí᠂ bǐ᠃ | 毗᠄ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ bi᠂ Biei᠂ bjer᠃ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶᠠ bi᠂ Bjir᠃ 《说 | 文解字》从比聲᠃ ᠣᠳᠣ ᠦᠶᠡ ᠶᠢᠨ ᠠᠪᠢᠶᠠ pí᠃ | 犀毗᠂ 胥纰 ᠪᠣᠯᠣᠨ 师比 ᠶᠢᠨ ᠡᠷᠳᠡᠨ ᠤ ᠠᠪᠢᠶᠠᠨ ᠤ ᠰᠡᠷᠭᠦᠭᠡᠯᠳᠡ᠄ | 犀（胥 ᠪᠣᠯᠣᠨ 师） ᠶᠢᠨ ᠡᠷᠳᠡᠨ ᠤ ᠠᠪᠢᠶᠠ ᠭᠡᠪᠡᠯ ᠣᠶᠢᠷᠠᠯᠴᠠᠭᠠ ᠪᠠᠷ sri ᠪᠣᠶᠣ /*s.lˁəj/ | ᠪᠠᠶᠢᠵᠣ᠂ ᠲᠡᠭᠦᠨ ᠤ ᠠᠪᠢᠶᠠᠨ ᠤ ᠡᠬᠢᠯᠡᠪᠦᠷᠢ ᠨᠢ sr ᠪᠣᠶᠣ sl ᠭᠡᠳᠡᠭ ᠬᠤᠣᠰ ᠭᠡᠶᠢᠭᠦᠯᠦᠭᠴᠢ ᠪᠠᠶᠢᠵᠣ᠂ ᠠᠪᠢᠶᠠᠨ | ᠤ ᠪᠡᠶᠡ ᠨᠢ i᠂ iei᠂ jei ᠵᠡᠷᠭᠡ ᠪᠠᠶᠢᠵᠣ᠂ ᠬᠠᠶᠠ ᠵᠠᠷᠢᠮ ᠨᠢ ǐa ᠪᠠᠶᠢᠵᠠᠢ᠃ ᠠᠪᠢᠶᠠᠨ ᠤ ᠰᠡᠭᠦᠯ ᠨᠢ ᠶᠡᠷᠦ | ᠨᠢ h ᠪᠣᠶᠣ ɡ ᠪᠠᠶᠢᠬᠤ ᠳᠤ᠂ ᠣᠨᠴᠠᠭᠠᠢ ᠵᠠᠷᠢᠮ r᠂ d ᠵᠡᠷᠭᠡ ᠪᠠᠶᠢᠵᠠᠢ᠃ ᠪᠦᠬᠦᠶᠢᠯᠡ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ | 犀（胥 ᠪᠣᠯᠣᠨ 师） ᠶᠢᠨ ᠡᠷᠳᠡᠨ ᠤ ᠠᠪᠢᠶᠠ ᠨᠢ ᠣᠶᠢᠷᠠᠯᠴᠠᠭᠠ ᠪᠠᠷ sri ᠪᠣᠶᠣ ᠡᠰᠡᠬᠦᠯᠡ sli ᠭᠡᠪᠡᠯ | ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠵᠦᠪ ᠣᠨᠣᠪᠴᠢᠳᠠᠢ ᠠᠪᠢᠶᠠ ᠲᠠᠢ ᠪᠠᠨ ᠣᠶᠢᠷᠠᠳᠴᠣ ᠪᠠᠶᠢᠬᠠ ᠭᠡᠵᠦ ᠪᠣᠳᠣᠵᠣ ᠪᠠᠶᠢᠨᠠ᠃ | 比（纰 ᠪᠣᠯᠣᠨ 毗） ᠶᠢᠨ ᠡᠷᠳᠡᠨ ᠤ ᠠᠪᠢᠶᠠ ᠣᠨᠴᠠ ᠶᠢᠨ ᠣᠯᠠᠨ ᠪᠣᠳᠣᠯᠢᠶᠠᠨ ᠲᠠᠢ ᠬᠤᠪᠢᠷᠠᠯᠳᠠ | ᠪᠠᠶᠢᠬᠤ ᠦᠭᠡᠢ᠂ ᠲᠡᠭᠦᠨ ᠤ ᠠᠪᠢᠶᠠ ᠠᠶᠠᠯᠭᠤ ᠶᠢᠨ ᠲᠠᠯᠠ ᠠᠴᠠ ᠦᠵᠡᠪᠡᠯ ᠨᠡᠯᠢᠶᠡᠳ ᠲᠣᠲᠣᠷᠬᠠᠢ ᠠᠵᠠᠢ᠃ | ᠬᠡᠳᠦᠶᠢᠪᠡᠷ ᠬᠠᠶᠠ ᠵᠠᠷᠢᠮ ᠨᠢ ᠡᠳᠦᠬᠡ pi ᠭᠡᠵᠦ ᠠᠪᠢᠶᠠᠯᠠᠵᠣ ᠪᠠᠶᠢᠪᠠᠴᠣ᠂ ᠲᠣᠬᠠᠢ ᠶᠢᠨ ᠦᠶᠡ ᠳᠤ bi ᠠᠴᠠ | ᠣᠶᠢᠷᠬᠠᠨ ᠠᠪᠢᠶᠠᠯᠠᠵᠣ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠪᠣᠰᠣᠳ ᠣᠯᠠᠩᠬᠢ ᠶᠢᠨ ᠠᠪᠢᠶᠠ ᠨᠢ ᠪᠦᠷ bi ᠪᠣᠶᠣ bji ᠪᠠᠷ | ᠠᠪᠢᠶᠠᠯᠠᠭᠳᠠᠵᠣ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ 比（纰 ᠪᠣᠯᠣᠨ 毗） ᠶᠢᠨ ᠡᠷᠳᠡᠨ ᠤ ᠠᠪᠢᠶᠠ ᠶᠢ bi ᠪᠣᠶᠣ | bji ᠭᠡᠵᠦ ᠰᠡᠷᠭᠦᠭᠡᠬᠦ ᠨᠢ ᠨᠡᠯᠢᠶᠡᠳ ᠪᠠᠳᠣᠯᠠᠭᠠ ᠲᠠᠢ ᠠᠵᠠᠢ᠃ | ᠲᠡᠭᠡᠷᠡᠬᠢ ᠪᠠᠶᠢᠳᠠᠯ ᠢ ᠬᠤᠷᠢᠶᠠᠩᠭᠤᠶᠢᠯᠠᠵᠣ ᠦᠵᠡᠪᠡᠯ 犀毗᠂ 师比 ᠡᠰᠡᠬᠦᠯᠡ 胥纰 ᠭᠡᠳᠡᠭ ᠦᠭᠡ | ᠪᠣᠯ ᠠᠷᠠᠰᠣᠨ ᠪᠦᠰᠡᠨ ᠤ ᠭᠤᠬᠠ ᠶᠢ ᠨᠡᠷᠡᠶᠢᠳᠦᠬᠦ ᠬᠣ᠋ ᠬᠦᠮᠦᠰ ᠤᠨ ︽ᠰᠢᠯᠪᠢ︾ ︵silbi) ᠭᠡᠳᠡᠭ ᠦᠭᠡᠨ ᠤ | ᠬᠢᠳᠠᠳ ᠬᠡᠯᠡᠨ ᠳᠠᠬᠢ ᠠᠳᠠᠯᠢ ᠪᠣᠰᠣ ᠦᠰᠦᠭ ᠢᠶᠠᠷ ᠢᠯᠡᠳᠭᠡᠭᠰᠡᠨ ᠠᠪᠢᠶᠠᠨ ᠤ ᠣᠷᠴᠢᠭᠤᠯᠭᠠ ᠪᠣᠯᠬᠤ ᠨᠢ | ᠰᠡᠵᠢᠭᠯᠡᠰᠢ ᠦᠭᠡᠢ ᠬᠡᠷᠡᠭ ᠭᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ ᠡᠨᠡᠬᠦ silbi ᠭᠡᠳᠡᠭ ᠦᠭᠡ ᠬᠠᠨ ᠣᠯᠣᠰ ᠤᠨ ᠦᠶᠡ ᠳᠤ | ᠰᠠᠶ᠋ᠢ ᠲᠡᠣᠬᠡᠨ ᠳᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠾᠦᠩᠨᠦ ᠦᠭᠡ ᠪᠢᠰᠢ᠂ ᠬᠠᠷᠢᠨ ᠪᠠᠶᠢᠯᠳᠣᠭᠠᠨᠳᠣ ᠣᠯᠣᠰ ᠤᠨ ᠦᠶᠡ ᠶᠢᠨ | ᠵᠣᠣ ᠡᠣ ᠯᠢᠩ ᠸᠠᠩ ᠤᠨ ᠴᠠᠭ ᠦᠶᠡ ᠳᠤ ᠨᠢᠭᠡᠨᠳᠡ ᠬᠢᠳᠠᠳ ᠲᠡᠣᠬᠡᠨ ᠳᠤ ᠲᠡᠮᠳᠡᠭᠯᠡᠭᠳᠡᠨ ᠦᠯᠡᠳᠡᠵᠡᠢ᠃ silbi | ᠶᠢ ᠣᠳᠣ ᠦᠶᠡ ᠳᠤ ᠴᠦ ᠮᠣᠩᠭᠤᠯ ᠬᠡᠯᠡᠨ ᠳᠤ ᠢᠳᠡᠪᠬᠢᠳᠡᠢ ᠬᠡᠷᠡᠭᠯᠡᠭᠰᠡᠭᠡᠷ ᠪᠠᠶᠢᠭᠠ ᠠᠮᠢᠳᠣ ᠦᠭᠡ ᠶᠣᠮ᠃ | ᠰᠢᠯᠪᠢ ᠪᠣᠯ ᠣᠳᠣ ᠦᠶᠡ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠳᠤ ᠬᠡᠯᠡᠯᠭᠡᠨ ᠦᠭᠡᠢ ᠨᠡᠯᠢᠶᠡᠳ ᠣᠯᠠᠨ ᠰᠠᠯᠪᠣᠷᠢ ᠣᠳᠬᠠ ᠲᠠᠢ | ᠪᠣᠯᠣᠭᠰᠠᠨ ᠪᠣᠯᠪᠠᠴᠣ᠂ ᠮᠦᠨᠴᠦ ᠲᠡᠭᠦᠨ ᠤ ᠣᠵᠣᠭᠤᠷ ᠣᠳᠬᠠ ᠪᠠᠨ ᠠᠯᠳᠠᠯ ᠦᠭᠡᠢ ᠬᠡᠪ ᠢᠶᠠᠷ ᠪᠠᠶᠢᠭᠰᠠᠭᠠᠷ ᠶᠣᠮ | ᠃ ᠵᠢᠱᠢᠶᠡᠯᠡᠪᠡᠯ ᠲᠣᠣᠷᠠᠬᠢ ᠮᠡᠳᠦ ᠬᠡᠳᠦᠨ ᠵᠢᠱᠢᠶᠡ ᠶᠢ ᠲᠣᠷᠠᠳᠣᠵᠣ ᠪᠣᠯᠣᠨᠠ᠃ ᠲᠣᠪᠴᠢ ᠶᠢᠨ ᠰᠢᠯᠪᠢ᠂ ᠱᠠᠭᠠᠢ | ᠶᠢᠨ ᠰᠢᠯᠪᠢ᠂ ᠭᠠᠩᠰᠠᠨ ᠰᠢᠯᠪᠢ ᠭᠡᠬᠦ ᠮᠡᠳᠦ ᠪᠠᠷ ᠶᠠᠷᠢᠭᠳᠠᠵᠣ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠪᠠᠶᠢᠨᠠ᠃ ᠲᠡᠭᠡᠪᠡᠯ ᠮᠠᠨ ᠤ | ᠦᠬᠦᠯᠡᠵᠦ ᠪᠠᠶᠢᠭᠠ ᠡᠨᠡ ᠬᠡᠰᠡᠭ ᠲᠤ ᠣᠣᠯ ᠨᠢ ᠲᠠᠷᠣᠢ ︽ᠪᠦᠰᠡᠨ ᠰᠢᠯᠪᠢ︾ ᠭᠡᠳᠡᠭ ᠦᠭᠡ ᠪᠠᠶᠢᠭᠰᠠᠨ ᠪᠣᠯᠬᠤᠷ | ᠬᠢᠳᠠᠳ ᠲᠡᠣᠬᠡᠨ ᠳᠤ ᠰᠠᠶ᠋ᠢ 犀毗᠂ 师比 ᠡᠰᠡᠬᠦᠯᠡ 胥纰 ᠭᠡᠳᠡᠭ ᠦᠭᠡ ᠪᠠᠷ ᠠᠪᠢᠶᠠᠴᠢᠯᠠᠨ | ᠣᠷᠴᠢᠭᠤᠯᠵᠣ ᠵᠢᠭᠡᠯᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠪᠠ᠃ ᠡᠳᠦᠬᠡ ᠡᠨᠡ ᠦᠭᠡ ᠲᠣᠪᠴᠢ ᠶᠢᠨ ᠰᠢᠯᠪᠢ ᠶᠢᠨ ᠬᠡᠯᠪᠡᠷᠢ ᠪᠠᠷ ᠣᠳᠣ | ᠪᠣᠯᠳᠠᠯᠠ ᠬᠡᠷᠡᠭᠯᠡᠭᠰᠡᠭᠡᠷ ᠪᠠᠶᠢᠨᠠ᠃ ᠡᠷᠳᠡ ᠴᠠᠭ ᠦᠶᠡ ᠳᠤ ᠡᠨᠡᠬᠦ ᠬᠦᠷᠡᠯ᠂ ᠵᠡᠰ᠂ ᠠᠯᠳᠠ᠂ ᠮᠦᠩᠭᠦ ᠵᠡᠷᠭᠡ ᠪᠠᠷ | ᠦᠢᠯᠡᠳᠦᠳᠡᠭ ᠪᠦᠰᠡᠨ ᠤ ᠰᠢᠯᠪᠢ ᠪᠣᠯ ᠬᠦᠮᠦᠨ ᠪᠦᠬᠦᠨ ᠤ ᠬᠡᠷᠡᠭᠯᠡᠬᠦ ᠡᠳᠦᠷ ᠲᠣᠲᠣᠮ ᠤᠨ ᠡᠳ᠋ ᠪᠣᠯᠬᠤᠷ᠂ ᠲᠡᠭᠦᠨ | ᠢ ᠦᠢᠯᠡᠳᠬᠦ ᠡᠳ᠋ ᠤᠨ ᠴᠢᠨᠠᠷ᠂ ᠣᠷᠠᠯᠠᠨ ᠵᠣᠬᠢᠶᠠᠬᠤ ᠬᠡᠪ ᠶᠠᠩᠵᠣ᠂ ᠵᠠᠰᠠᠯ ᠴᠢᠮᠡᠭᠯᠡᠯ ᠬᠡ ᠣᠭᠠᠯᠵᠠ᠂ ᠶᠡᠭᠡ ᠪᠠᠭᠠ | ᠵᠡᠷᠭᠡ ᠶᠢᠨ ᠣᠯᠠᠨ ᠲᠠᠯᠠ ᠪᠠᠷ ᠵᠦᠢᠯ ᠵᠢᠰᠣᠮ ᠤᠨ ᠢᠯᠭᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠨᠢ ᠣᠶᠢᠯᠭᠠᠮᠵᠢ ᠲᠠᠢ ᠬᠡᠷᠡᠭ ᠶᠣᠮ᠃ | ᠲᠠᠭᠠᠯᠳᠠ ᠵᠢᠷᠤᠭ ᠨᠢᠭᠡ ᠳᠤ ᠵᠦᠩ ᠱᠠᠨ ᠣᠯᠣᠰ ᠤᠨ ᠸᠠᠩ ᠤᠨ ᠣᠩᠭᠤᠨ ᠠᠴᠠ ᠢᠯᠡᠷᠡᠭᠰᠡᠨ ᠠᠯᠳᠠᠨ ᠭᠠᠷᠣᠳᠢ | ᠰᠢᠭᠢᠳᠭᠡᠭᠰᠡᠨ ᠴᠣᠯᠣ ᠮᠦᠩᠭᠦᠨ ᠪᠦᠰᠡᠨ ᠰᠢᠯᠪᠢ ︵ᠭᠤᠬᠠ︶ ᠶᠢᠨ ᠵᠢᠷᠤᠭ ᠪᠣᠯᠣᠨ ᠲᠡᠭᠦᠨ ᠤ ᠬᠡ ᠣᠭᠠᠯᠵᠠ ᠶᠢ | ᠬᠠᠷᠠᠭᠤᠯᠣᠭᠰᠠᠨ ᠵᠢᠷᠤᠭ ᠢ ᠰᠣᠨᠢᠷᠬᠠᠭᠠᠷᠠᠢ᠃ ᠮᠢᠨᠦ ᠣᠶᠢᠯᠭᠠᠵᠣ ᠪᠠᠶᠢᠭᠠ ᠪᠠᠷ ᠡᠶᠢᠮᠦᠷᠬᠦ ᠬᠢᠳᠠᠳ ᠬᠡᠯᠡᠨ ᠳᠤ | ᠪᠦᠰᠡᠨ ᠭᠤᠬᠠ ᠭᠡᠵᠦ ᠨᠡᠷᠡᠶᠢᠳᠦᠵᠦ ᠪᠠᠶᠢᠭᠠ ᠪᠦᠰᠡᠨ ᠤ ᠰᠢᠯᠪᠢ ᠪᠣᠯ᠂ ᠯᠠᠪᠳᠠᠢ ᠪᠦᠰ ᠪᠦᠰᠡᠨ ᠳᠤ ᠵᠣᠷᠢᠭᠤᠯᠣᠯᠳᠠ | ᠲᠠᠢ ᠬᠢᠭᠰᠡᠨ ᠡᠳ᠋ ᠪᠢᠰᠢ ᠶᠣᠮ᠃ ᠰᠢᠯᠳᠠᠭᠠᠨ ᠨᠢ ᠲᠡᠭᠦᠨ ᠤ ᠪᠦᠳᠦᠴᠡ ᠠᠴᠠ ᠬᠠᠷᠠᠪᠠᠯ ᠲᠣᠰᠬᠠᠶᠢᠯᠠᠨ ᠠᠷᠠᠰᠣᠨ | ᠪᠦᠰᠡᠨ ᠳᠤ ᠵᠣᠷᠢᠭᠤᠯᠣᠯᠳᠠ ᠲᠠᠢ ᠵᠣᠬᠢᠶᠠᠵᠣ ᠪᠠᠶᠢᠭᠰᠠᠨ ᠨᠢ ᠲᠣᠲᠣᠷᠬᠠᠢ ᠪᠠᠶᠢᠭᠠ᠃ ᠡᠭᠦᠨ ᠠᠴᠠ ᠵᠢᠭᠠᠬᠠᠨ | ᠬᠤᠵᠢᠮ ᠦᠶᠡ ᠶᠢᠨ ᠬᠠᠨ ᠣᠯᠣᠰ ᠤᠨ ᠦᠶᠡ ᠳᠤ ᠢᠯᠡᠷᠡᠭᠰᠡᠨ ᠬᠠᠰ ᠪᠦᠰᠡᠨ ᠰᠢᠯᠪᠢ ᠶᠢ ᠡᠭᠦᠨ ᠲᠠᠢ | ᠬᠠᠷᠢᠴᠠᠭᠤᠯᠪᠠᠯ᠂ ᠬᠡᠯᠪᠡᠷᠢ ᠲᠦᠷᠰᠦ ᠶᠢᠨ ᠲᠠᠯᠠ ᠪᠠᠷ ᠠᠳᠠᠯᠢᠪᠳᠣᠷ ᠪᠣᠯᠪᠠᠴᠣ᠂ ᠬᠠᠰ ᠪᠦᠰᠡᠨ ᠰᠢᠯᠪᠢ ᠪᠣᠯ | ᠵᠦᠪᠬᠡᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠪᠣᠶᠣ ᠵᠡᠷᠭᠡ ᠲᠡᠰ ᠢ ᠢᠯᠭᠠᠷᠠᠭᠤᠯᠬᠤ ᠡᠭᠦᠳᠡᠨ ᠠᠴᠠ ᠦᠢᠯᠡᠳᠦᠭᠰᠡᠨ ᠪᠣᠯᠬᠤᠷ ᠵᠢᠭᠠᠬᠠᠨ | ᠪᠠᠭᠠ ᠪᠦᠭᠡᠳ ᠨᠢᠮᠭᠡᠨ ᠬᠡᠪᠷᠡᠭ ᠪᠠᠶᠢᠳᠠᠭ ᠴᠦ ᠪᠣᠯᠪᠠᠣ ᠭᠡᠳᠡᠭ ᠲᠦᠷᠦᠭᠳᠡᠯ ᠦᠭᠳᠡᠭ ᠶᠣᠮ᠃ | ᠵᠢᠷᠤᠭ ᠬᠤᠶᠠᠷ ᠪᠣᠯ ᠵᠦᠩ ᠱᠠᠨ ᠣᠯᠣᠰ ᠤᠨ ᠸᠠᠩ ᠤᠨ ᠣᠩᠭᠤᠨ ᠠᠴᠠ ᠢᠯᠡᠷᠡᠭᠰᠡᠨ ᠰᠦᠯᠳᠡ ᠪᠣᠯᠣᠨᠠ᠃ | ᠡᠶᠢᠮᠦᠷᠬᠦ ᠰᠦᠯᠳᠡ ᠮᠠᠰᠢ ᠣᠯᠠᠨ ᠲᠤᠭᠠ ᠪᠠᠷ ᠢᠯᠡᠷᠡᠵᠡᠢ᠂ ᠬᠠᠶᠠ ᠵᠠᠷᠢᠮ ᠨᠢ ᠴᠣᠯᠣ ᠵᠡᠰ ᠢᠶᠠᠷ ᠴᠢᠳᠬᠤᠭᠰᠠᠨ | ᠪᠠᠶᠢᠬᠤ ᠳᠤ ᠨᠡᠩ ᠣᠯᠠᠨ ᠨᠢ ᠬᠦᠷᠡᠯ ᠢᠶᠠᠷ ᠴᠢᠳᠬᠤᠭᠰᠠᠨ ᠠᠵᠠᠢ᠃ ᠮᠣᠩᠭᠤᠯ ᠬᠦᠮᠦᠨ ᠳᠤ ᠰᠦᠯᠳᠡ ᠭᠡᠳᠡᠭ ᠡᠳ᠋ | ᠢ ᠲᠠᠶᠢᠯᠪᠣᠷᠢᠯᠠᠬᠤ ᠴᠢᠬᠤᠯᠠ ᠨᠢᠭᠡᠴᠦ ᠪᠠᠶᠢᠬᠤ ᠦᠭᠡᠢ᠃ ᠠᠳᠡ ᠢᠯᠡᠬᠦᠴᠡ ᠬᠡᠯᠡᠬᠦ ᠠᠴᠠ ᠡᠳᠡᠭᠡᠷ ᠪᠣᠯᠠᠰᠢᠨ ᠠᠴᠠ | ᠢᠯᠡᠷᠡᠭᠰᠡᠨ ᠵᠡᠰ ᠢᠶᠠᠷ ᠴᠢᠳᠬᠤᠭᠰᠠᠨ ᠲᠠᠪᠣᠨ ᠰᠢᠳᠣ ᠲᠠᠢ ᠭᠠᠯ ᠤᠨ ᠮᠠᠯᠳᠠᠭᠤᠷ᠂ ᠶᠡᠭᠡ ᠪᠠᠭᠠ ᠨᠢ ᠵᠦᠳᠡᠵᠦ | ᠵᠢᠷᠭᠤᠭᠠ ᠲᠣᠯᠣᠭᠠᠬᠠᠨ cm ᠦᠷᠭᠡᠨ ᠪᠣᠯᠪᠠᠴᠣ᠂ ᠲᠠᠪᠣᠨ ᠰᠢᠳᠣ ᠲᠠᠢ᠂ ᠣᠷᠳᠣ ᠪᠠᠷ ᠭᠤᠴᠢᠭᠠᠳ cm | ᠪᠠᠶᠢᠵᠣ᠂ ᠲᠡᠭᠦᠨ ᠲᠠᠢ ᠬᠠᠮᠳᠣ ᠢᠯᠡᠷᠡᠭᠰᠡᠨ ᠦᠨᠡᠰᠦ ᠶᠢ ᠨᠢ ᠭᠤᠭᠤᠵᠢᠭᠤᠯᠵᠣ ᠭᠠᠷᠭᠠᠳᠠᠭ ᠨᠦᠬᠡ ᠨᠦᠭᠦᠳ ᠲᠠᠢ᠂ | ᠭᠠᠯ ᠤᠨ ᠴᠤᠭ ᠤᠨ ᠵᠢᠵᠢᠭ ᠬᠤᠰᠣᠭᠤᠷ ᠴᠦ ᠪᠠᠶᠢᠵᠠᠢ᠃ ᠡᠳᠡᠭᠡᠷ ᠡᠳ ᠢ ᠣᠯᠠᠩᠬᠢ ᠶᠢ ᠨᠢ ᠵᠡᠰ ᠢᠶᠠᠷ | ᠦᠢᠯᠡᠳᠦᠭᠰᠡᠨ ᠠᠵᠠᠢ᠃ ᠰᠣᠨᠢᠷᠬᠠᠯ ᠲᠠᠢ ᠬᠦᠮᠦᠰ ᠰᠦᠯᠵᠢᠶᠡᠨ ᠠᠴᠠ ᠡᠷᠢᠵᠦ ᠦᠵᠡᠵᠦ ᠪᠣᠯᠣᠨᠠ᠃ | ᠵᠢᠷᠤᠭ ᠨᠢᠭᠡ | | | ᠵᠢᠷᠤᠭ ᠬᠤᠶᠠᠷ | | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |