| ᠲᠠ ᠮᠡᠲᠡᠬᠦ ᠦᠭᠡᠢ ᠪᠠᠶᠢᠵᠤ ᠮᠡᠲᠡᠨᠡ᠄ ᠵᠢᠷᠤᠭ ᠭᠤᠶᠤᠯᠠᠬᠤ ᠨᠢᠭᠡ ᠵᠦᠭᠡᠯᠡᠨ ᠬᠡᠷᠡᠭᠰᠡᠯ ᠬᠠᠷᠢᠨ ᠴᠢᠨᠤ | ᠤᠲᠠᠰᠦ ᠨᠡᠪᠲᠡᠷᠡᠭᠰᠡᠨ ᠳᠡᠮᠲᠡᠭᠯᠡᠯ ᠢ ᠠᠪᠬᠤ ᠪᠠᠷ ᠱᠠᠭᠠᠷᠲᠠᠭᠰᠠᠨ ᠪᠠᠶᠢᠵᠤ ᠮᠡᠲᠡᠨᠡ︔ ᠨᠢᠭᠡᠨ ᠳᠡᠦᠬᠡᠨ ᠦᠯᠢᠭᠡᠷ ᠤᠩᠰᠢᠬᠤ | ᠵᠦᠭᠡᠯᠡᠨ ᠬᠡᠷᠡᠭᠰᠡᠯ ᠨᠢ ᠴᠢᠨᠤ ᠤᠲᠤ ᠪᠠᠶᠢᠭᠠ ᠭᠠᠵᠠᠷ ᠢ ᠳᠡᠮᠲᠡᠭᠯᠡᠴᠢᠭᠰᠡᠨ ᠪᠠᠶᠢᠵᠤ ᠮᠡᠲᠡᠨᠡ᠃ ᠤᠯᠠᠮ ᠤᠯᠠᠮ ᠢᠶᠠᠷ | ᠳᠦᠭᠡᠮᠡᠯᠵᠢᠵᠦ ᠪᠠᠶᠢᠭᠠ ᠤᠶᠤᠨᠴᠢᠷ ᠭᠠᠷ ᠤᠲᠠᠰᠦ᠂ ᠦᠢ ᠤᠯᠠᠨ ᠬᠡᠷᠡᠭᠯᠡᠬᠡᠨ ᠤ ᠵᠦᠭᠡᠯᠡᠨ ᠬᠡᠷᠡᠭᠰᠡᠯ ᠨᠢ ᠪᠢᠲᠠ ᠳᠤ | ᠰᠤᠨᠢᠷᠬᠠᠯ ᠪᠠᠭ᠋ᠠᠷᠬᠠᠯ ᠢ ᠡᠳ᠋ᠯᠡᠬᠦᠯᠵᠦ ᠪᠠᠶᠢᠬᠤ ᠶᠢᠨ ᠵᠡᠷᠭᠡ ᠳᠤ ᠰᠠᠨᠠᠭᠠᠨ ᠳᠤ ᠦᠭᠡᠢ ᠬᠤᠭᠤᠷᠤᠨᠳᠦ ᠬᠠᠷᠢᠨ ᠮᠠᠨ ᠤ ᠪᠠᠶᠢᠭᠠ | ᠤᠷᠤᠨ ᠪᠠᠶᠢᠷᠢ᠂ ᠮᠡᠲᠡᠭᠡ ᠨᠡᠪᠲᠡᠷᠡᠬᠦ ᠬᠠᠶ᠋ᠢᠭ᠂ ᠴᠠᠬᠢᠮ ᠴᠢᠮᠡᠭᠡ᠂ ᠴᠢᠨᠠᠭᠰᠢᠯᠠᠪᠠᠯ ᠭᠠᠷ ᠤᠲᠠᠰᠦ ᠬᠡᠷᠡᠭᠯᠡᠬᠦ ᠳᠠᠳᠬᠠᠯ ᠢ | ᠡᠵᠡᠮᠰᠢᠭᠰᠡᠨ ᠪᠠᠶᠢᠵᠤ ᠮᠡᠲᠡᠨᠡ᠃ | ᠰᠦᠯᠵᠢᠶᠠᠨ ᠦᠷᠲᠡᠭᠡᠨ ᠤ ᠨᠠᠶᠢᠷᠠᠭᠤᠯᠤᠭᠴᠢ ᠵᠢᠭᠠᠯ ᠰᠢᠶᠧ ᠨᠢᠭᠡ ᠤᠲᠠᠭᠠ ᠰᠠᠨᠠᠮᠰᠠᠷ ᠦᠭᠡᠢ ᠪᠠᠷ ᠭᠠᠷ ᠤᠲᠠᠰᠦᠨ | ᠤ ᠪᠠᠨ ᠤᠷᠤᠨ ᠪᠠᠶᠢᠷᠢ ᠲᠤᠭᠲᠠᠭᠠᠬᠤ ᠳᠦᠬᠦᠬᠡᠷᠤᠮᠵᠢ ᠶᠢ ᠨᠡᠭᠡᠭᠡᠵᠦ ᠦᠵᠡᠭᠡᠳ᠂ ᠳᠡᠬᠦᠨ ᠤ ᠡᠳᠦᠷ ᠪᠦᠷᠢ ᠠᠵᠢᠯ ᠳᠤ | ᠶᠠᠪᠤᠬᠤ ᠵᠠᠮ ᠳᠠᠭᠠᠨ ᠨᠠᠭᠠᠳᠲᠠᠭ ︽ᠳᠠᠷᠪᠤᠰ ᠬᠡᠷᠴᠢᠬᠦ︾ ᠲᠤᠭᠯᠠᠭᠠᠮ ᠨᠢ ᠬᠠᠷᠢᠨ ᠳᠡᠬᠦᠨ ᠤ ᠶᠠᠪᠤᠭᠠ ᠤᠷᠤᠨ ᠪᠠᠶᠢᠷᠢ ᠶᠢ | ᠴᠠᠭ ᠢᠮᠠᠭᠲᠠ ᠮᠦᠷᠲᠡᠨ ᠭᠡᠲᠡᠵᠦ ᠪᠠᠶᠢᠬᠤ ᠶᠢ ᠤᠯᠵᠤ ᠮᠡᠲᠡᠵᠡᠢ᠃ | ᠳᠠᠷᠠ ᠬᠡᠯᠡᠭᠰᠡᠨ ᠨᠢ᠄ ︽ᠭᠠᠵᠠᠷ ᠤᠨ ᠵᠢᠷᠤᠭ᠂ ᠠᠶᠠᠯᠠᠯ ᠵᠠᠮᠴᠢᠯᠠᠭᠴᠢ᠂ ᠪᠦᠯᠬᠦᠮ ᠢᠶᠠᠷ ᠬᠤᠲᠠᠯᠳᠤᠨ ᠠᠪᠬᠤ ᠵᠡᠷᠭᠡ | ᠳᠤ ᠤᠷᠤᠨ ᠪᠠᠶᠢᠷᠢ ᠲᠤᠭᠲᠠᠭᠠᠬᠤ ᠶᠢ ᠱᠠᠭᠠᠷᠲᠠᠬᠤ ᠨᠢ ᠤᠶᠢᠯᠠᠭᠠᠮᠵᠢᠲᠠᠢ ᠬᠡᠷᠡᠭ᠂ ᠭᠡᠪᠡᠴᠦ ᠳᠠᠷᠪᠤᠰ ᠬᠡᠷᠴᠢᠬᠦ ᠳᠤᠭᠯᠠᠭᠠᠮ᠂ | ᠨᠤᠮ ᠤᠩᠰᠢᠬᠤ ᠵᠦᠭᠡᠯᠡᠨ ᠲᠤᠨᠤᠭ᠂ ᠬᠦᠮᠦᠨ ᠤ ᠳᠤᠯᠤᠭᠠᠢ ᠶᠢᠨ ᠰᠡᠬᠦᠲᠡᠷ ᠤᠨ ᠵᠦᠭᠡᠯᠡᠨ ᠲᠤᠨᠤᠭ᠂ ᠭᠤᠶᠤ ᠵᠢᠷᠤᠭ | ᠦᠢᠯᠡᠳᠬᠦ ᠬᠡᠷᠡᠭᠰᠡᠯ ᠵᠡᠷᠭᠡ ᠳᠤ ᠮᠢᠨᠦ ᠤᠷᠤᠨ ᠪᠠᠶᠢᠷᠢ ᠶᠢ ᠲᠤᠭᠲᠠᠭᠠᠬᠤ ᠬᠡᠷᠡᠭᠴᠡᠭᠡ ᠪᠠᠶᠢᠨᠠ ᠤᠤ︖︾ ᠭᠡᠵᠡᠢ᠃ ᠡᠳᠡᠭᠡᠷ | ᠵᠦᠭᠡᠯᠡᠨ ᠬᠡᠷᠡᠭᠰᠡᠯ ᠢ ᠲᠠᠭᠠᠷᠠᠭᠤᠯᠬᠤ ᠦᠶᠡ ᠳᠤ ᠡᠷᠭᠡ ᠤᠯᠭᠤᠬᠤ ᠳᠤᠬᠠᠢ ᠰᠠᠨᠠᠭᠤᠯᠤᠭᠰᠠᠨ ᠵᠦᠢᠯ ᠪᠠᠶᠢᠬᠤ ᠡᠰᠡᠬᠦ ᠶᠢ | ᠲᠠᠷᠠ ᠨᠢᠭᠡᠨᠳᠡ ᠮᠠᠷᠲᠠᠵᠠᠢ᠃ | ᠰᠠᠨᠠᠭᠤᠯᠤᠭᠰᠠᠨ ᠵᠦᠢᠯ ᠪᠠᠶᠢᠬᠤ ᠪᠠᠷ ᠪᠤᠲᠤᠭᠰᠠᠨ ᠴᠦ ᠮᠠᠰᠢ ᠤᠯᠠᠨ ᠬᠡᠷᠡᠭᠯᠡᠭᠴᠢᠳ ᠳᠡᠬᠦᠨ ᠢ ᠶᠡᠭᠡ | ᠠᠩᠬᠠᠷᠤᠭᠰᠠᠨ ᠦᠭᠡᠢ᠃ ᠵᠦᠭᠡᠯᠡᠨ ᠬᠡᠷᠡᠭᠰᠡᠯ ᠲᠠᠭᠠᠷᠠᠭᠤᠯᠬᠤ ᠦᠶᠡ ᠳᠤ ᠶᠡᠷᠦ ᠳᠡᠭᠡᠨ᠄ ᠳᠤᠰ ᠵᠦᠭᠡᠯᠡᠨ ᠬᠡᠷᠡᠭᠰᠡᠯ ᠢ | ᠲᠠᠭᠠᠷᠠᠭᠤᠯᠪᠠᠯ ᠭᠠᠷ ᠤᠲᠠᠰᠦᠨ ᠲᠤᠲᠤᠷᠠ ᠪᠠᠶᠢᠭᠠ ᠮᠡᠲᠡᠭᠡ ᠨᠡᠪᠲᠡᠷᠡᠬᠦ ᠬᠠᠶ᠋ᠢᠭ᠂ GPS ᠵᠡᠷᠭᠡ ᠮᠡᠲᠡᠭᠡ ᠵᠠᠩᠬᠢ ᠶᠢ | ᠭᠠᠲᠠᠭᠰᠢ ᠮᠡᠲᠡᠭᠲᠡᠬᠦ ᠪᠤᠯᠤᠨᠠ ᠭᠡᠰᠡᠨ ᠰᠠᠨᠠᠭᠤᠯᠤᠮᠵᠢ ᠳᠤ ᠤᠴᠠᠷᠠᠲᠠᠭ᠂ ᠡᠬᠦᠨ ᠢ ᠨᠢ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ ᠪᠤᠯ ᠵᠦᠭᠡᠯᠡᠨ | ᠬᠡᠷᠡᠭᠰᠡᠯ ᠢ ᠲᠠᠭᠠᠷᠠᠭᠤᠯᠵᠤ ᠴᠢᠲᠠᠬᠤ ᠦᠭᠡᠢ ᠪᠤᠯᠲᠠᠭ᠃ ︽ᠨᠢᠭᠡ ᠡᠷᠭᠡ ᠶᠢᠨ ᠬᠢᠵᠠᠭᠠᠷ ᠤᠨ ᠤᠴᠢᠷ ᠠᠴᠠ ᠪᠤᠯᠵᠤ ᠵᠦᠭᠡᠯᠡᠨ | ᠬᠡᠷᠡᠭᠰᠡᠯ ᠲᠠᠭᠠᠷᠠᠭᠤᠯᠬᠤ ᠪᠠᠨ ᠪᠤᠯᠢᠴᠢᠬᠠᠵᠤ ᠪᠤᠯᠬᠤ ᠦᠭᠡᠢ ᠪᠢᠵᠠ ᠳ᠋ᠠ︾ ᠭᠡᠵᠤ ᠲᠢᠶᠠᠨᠵᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ | ᠵᠦᠭᠡᠯᠡᠨ ᠬᠡᠷᠡᠭᠰᠡᠯ ᠤᠨ ᠲᠡᠭᠡᠲᠤ ᠰᠤᠷᠭᠠᠭᠤᠯᠢ ᠶᠢᠨ ᠭᠤᠷᠪᠠᠲᠤᠭᠠᠷ ᠠᠩᠬᠢ ᠶᠢᠨ ᠰᠤᠷᠤᠭᠴᠢ ᠴᠧᠨ ᠷᠦ᠋ ᠢ ᠬᠡᠯᠡᠵᠡᠢ | ᠃ ᠭᠡᠪᠡᠴᠦ ᠳᠡᠬᠦᠨ ᠤ ᠭᠠᠷ ᠤᠲᠠᠰᠦᠨ ᠳᠤ ᠮᠠᠰᠢ ᠤᠯᠠᠨ ᠵᠠᠷ ᠳᠤᠶᠢᠯ ᠤᠨ ᠤᠨᠤᠪᠴᠢᠲᠠᠢ ᠤᠷᠤᠵᠤ ᠪᠠᠶᠢᠬᠤ ᠪᠤᠯᠬᠤᠷ | ᠳᠡᠬᠦᠨ ᠤ ᠭᠠᠷ ᠤᠲᠠᠰᠦᠨ ᠳᠤ ᠪᠠᠶᠢᠭᠠ ᠬᠤᠪᠢ ᠶᠢᠨ ᠨᠢᠭᠤᠴᠠ ᠨᠢ ᠯᠡᠪᠡᠷᠡᠭᠰᠡᠨ ᠪᠠᠶᠢᠬᠤ ᠭᠡᠵᠤ ᠲᠠᠷᠠ ᠰᠡᠵᠢᠭᠯᠡᠵᠦ ᠪᠠᠶᠢᠨᠠ | ᠃ | ᠭᠠᠷ ᠤᠲᠠᠰᠦᠨ ᠤ ᠠᠮᠤᠷ ᠳᠦᠪᠰᠢᠨ ᠤ ᠨᠢᠭᠡᠨ ᠺᠤᠮᠫᠠᠨᠢ ᠶᠢᠨ ᠨᠡᠶᠢᠲᠡᠯᠡᠭᠰᠡᠨ ᠮᠡᠲᠡᠬᠦᠯᠦᠯᠲᠡ ᠠᠴᠠ ᠦᠵᠡᠪᠡᠯ᠂ | ᠭᠠᠷ ᠤᠲᠠᠰᠦ ᠬᠡᠷᠡᠭᠯᠡᠭᠴᠢᠳ ᠤᠨ ᠬᠤᠪᠢ ᠶᠢᠨ ᠨᠢᠭᠤᠴᠠ ᠵᠠᠲᠠᠷᠠᠬᠤ ᠶᠠᠪᠤᠲᠠᠯ ᠤᠯᠠᠮ ᠬᠡᠴᠡᠬᠦᠦ ᠪᠤᠯᠵᠤ ᠪᠠᠶᠢᠨᠠ᠂ ᠬᠤᠪᠢ | ᠬᠦᠮᠦᠨ ᠤ ᠮᠡᠲᠡᠭᠡ ᠵᠠᠩᠬᠢ ᠶᠢᠨ ᠠᠮᠤᠷ ᠳᠦᠪᠰᠢᠨ ᠨᠢ ᠤᠲᠤᠬᠠᠨ ᠤ ᠭᠠᠷ ᠤᠲᠠᠰᠦ ᠬᠡᠷᠡᠭᠯᠡᠭᠴᠢᠳ ᠲᠤ ᠲᠤᠯᠭᠠᠷᠠᠵᠤ | ᠪᠠᠶᠢᠭᠠ ᠭᠤᠤᠯ ᠰᠦᠷᠲᠡᠬᠦᠯᠦᠯ ᠤᠨ ᠨᠢᠭᠡ ᠪᠤᠯᠵᠠᠢ᠃ | ᠸᠢᠷᠦ᠋ᠰ ᠲᠠᠷᠤᠬᠤ ᠰᠢᠰᠲ᠋ᠧᠮ ᠢ ᠬᠡᠷᠡᠭᠯᠡᠨ ᠪᠠᠶᠢᠴᠠᠭᠠᠨ ᠴᠡᠪᠡᠷᠯᠡᠵᠦ ᠪᠤᠯᠬᠤ ᠬᠤᠪᠢ ᠶᠢᠨ ᠨᠢᠭᠤᠴᠠ | ᠬᠤᠯᠠᠭᠠᠶᠢᠯᠠᠬᠤ ᠮᠠᠭᠤ ᠰᠠᠨᠠᠭᠠᠲᠤ ᠵᠦᠭᠡᠯᠡᠨ ᠬᠡᠷᠡᠭᠰᠡᠯ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠤᠯᠠᠮ ᠠᠴᠠ ᠤᠯᠠᠮ ᠤᠯᠠᠰᠢᠷᠠᠵᠤ | ᠪᠠᠶᠢᠭᠠ ︽ᠬᠡᠳᠦ ᠠᠷᠪᠢᠨ ᠡᠷᠭᠡ ᠤᠯᠭᠤᠬᠤ ᠶᠢ ᠱᠠᠭᠠᠷᠲᠠᠬᠤ︾ ᠵᠢᠩᠬᠢᠨᠢ ᠵᠦᠭᠡᠯᠡᠨ ᠬᠡᠷᠡᠭᠰᠡᠯ ᠨᠢ ᠬᠡᠷᠡᠭᠯᠡᠭᠴᠢᠳ ᠢ | ᠰᠡᠷᠭᠡᠶᠢᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠭᠠᠵᠤ ᠪᠠᠶᠢᠨᠠ᠃ ᠵᠢᠱᠢᠶᠠᠯᠠᠪᠠᠯ᠂ ᠷᠧᠨ ᠷᠧᠨ ᠰᠦᠯᠵᠢᠶᠠᠨ ᠤ ᠭᠠᠷ ᠤᠲᠠᠰᠦᠨ | ᠤ ᠬᠡᠷᠡᠭᠯᠡᠭᠴᠢᠳ ᠤᠨ ᠤᠲᠠᠰᠦ ᠨᠡᠪᠲᠡᠷᠡᠭᠰᠡᠨ ᠳᠡᠮᠲᠡᠭᠯᠡᠯ ᠢ ᠳᠤᠰ ᠰᠦᠯᠵᠢᠶᠠᠨ ᠦᠷᠲᠡᠭᠡ ᠡᠵᠡᠮᠰᠢᠵᠦ ᠪᠤᠯᠲᠠᠭ᠂ ᠰᠦᠯᠵᠢᠶᠠ | ᠪᠠᠷ ᠲᠠᠮᠵᠢᠭᠤᠯᠤᠭᠰᠠᠨ ᠴᠠᠬᠢᠮ ᠮᠡᠲᠡᠭᠡ ᠶᠢᠨ ᠠᠭᠤᠯᠭᠠ ᠶᠢ ᠰᠦᠯᠵᠢᠶᠠᠨ ᠦᠷᠲᠡᠭᠡ ᠮᠡᠲᠡᠵᠦ ᠪᠤᠯᠲᠠᠭ᠂ ᠪᠢᠴᠢᠯ ᠮᠡᠲᠡᠭᠡ | ᠶᠢᠨ ︽ᠰᠠᠵᠢᠯᠠᠭᠤᠯᠤᠯᠲᠠ︾ ᠭᠡᠲᠡᠭ ᠳᠤᠭᠯᠠᠭᠠᠮ ᠨᠢ ᠭᠠᠷ ᠤᠲᠠᠰᠦ ᠬᠡᠷᠡᠭᠯᠡᠭᠴᠢ ᠶᠢᠨ ᠤᠷᠤᠨ ᠪᠠᠶᠢᠷᠢ ᠶᠢ | ᠤᠨᠤᠪᠴᠢᠲᠠᠢ ᠪᠠᠷ ᠮᠡᠲᠡᠭᠡᠯᠡᠲᠡᠭ᠃ |