| ᠠᠶᠠᠨ ᠤ ᠵᠤᠭᠤᠭ — ᠬᠠᠳᠠᠨ ᠤ ᠡᠷᠢᠯ | ᠦᠩᠭᠡᠷᠡᠭᠰᠡᠨ ᠳᠤ ᠨᠢᠭᠡᠨ ᠠᠩᠴᠢᠨ ᠶᠠᠪᠠᠷᠠᠢ ᠠᠭᠤᠯᠠᠨ ᠳᠤ ᠠᠪᠠᠯᠠᠨ ᠶᠠᠪᠤᠵᠦ ᠪᠠᠶᠢᠭᠠᠳ ᠠᠭᠤᠯᠠᠨ ᠡᠩᠭᠡᠷ | ᠲᠤ ᠵᠤᠭᠰᠤᠵᠦ ᠪᠠᠶᠢᠭᠰᠠᠨ ᠠᠷᠭᠠᠯᠢ ᠶᠢ ᠤᠯᠵᠦ ᠦᠵᠡᠭᠡᠳ ᠤᠶᠢᠷᠠᠳᠴᠦ ᠤᠴᠢᠨ ᠫᠤᠤᠳᠠᠶᠠ ᠭᠡᠵᠦ ᠪᠠᠶᠢᠳᠠᠯᠠ ᠲᠡᠷᠡ | ᠠᠷᠭᠠᠯᠢ ᠶᠢᠨ ᠲᠡᠷᠭᠡᠳᠡᠬᠢ ᠬᠠᠳᠠᠨ ᠠᠭᠤᠢ ᠠᠴᠠ ᠨᠢᠭᠡᠨ ᠯᠠᠮᠠ ᠪᠠᠳᠢᠷ ᠤᠨ ᠠᠶᠠᠭᠠ ᠪᠠᠷᠢᠨ ᠭᠠᠷᠴᠦ ᠢᠷᠡᠭᠡᠳ ᠦᠨᠦ | ᠠᠷᠭᠠᠯᠢ ᠶᠢᠨ ᠰᠦ ᠶᠢ ᠨᠢ ᠰᠠᠭᠠᠵᠦ ᠠᠪᠤᠭᠠᠳ ᠠᠭᠤᠢ ᠳᠠᠭᠠᠨ ᠪᠤᠴᠠᠵᠦ ᠤᠷᠤᠬᠤ ᠶᠢ ᠦᠵᠡᠭᠡᠳ ᠶᠡᠭᠡ ᠯᠠ | ᠰᠤᠨᠢᠷᠬᠠᠨ ︽ᠡᠨᠡ ᠴᠢᠨᠢ ᠬᠤᠪᠢᠯᠭᠠᠨ ᠪᠠᠶᠢᠭᠰᠠᠨ ᠴᠤ ᠶᠤᠮ ᠤᠤ︖︾ ᠭᠡᠵᠦ ᠰᠦᠰᠦᠭᠯᠡᠨ ᠫᠤᠤᠳᠠᠬᠤ ᠪᠠᠨ | ᠪᠤᠯᠢᠵᠦ ᠭᠡᠨᠡ᠃ | ᠡᠨᠡ ᠪᠤᠯ ᠬᠦᠷᠮᠡᠳᠦ ᠶᠢᠨ ᠠᠭᠤᠢ ᠶᠢᠨ ᠲᠤᠬᠠᠢ ᠨᠢᠭᠡᠨ ᠦᠯᠢᠭᠡᠷ ᠪᠤᠯᠬᠤ ᠶᠤᠮ᠃ ᠮᠠᠨ ᠤ ᠠᠶᠠᠨ ᠤ | ᠪᠦᠯᠬᠦᠮ 4 ᠰᠠᠷᠠ ᠶᠢᠨ 6 ᠤ ᠡᠳᠦᠷ ᠤᠨ ᠦᠳᠡ ᠶᠢᠨ ᠦᠶᠡ ᠪᠠᠷ ᠡᠨᠡᠬᠦ ᠦᠯᠢᠭᠡᠷ ᠲᠤᠮᠤᠭᠳᠦ ᠬᠠᠳᠠᠨ ᠠᠭᠤᠢ ᠶᠢ | ᠬᠠᠶᠢᠨ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠬᠦᠷᠮᠡᠳᠦ ᠶᠢᠨ ᠰᠦᠮᠡ ᠳᠤ ᠢᠷᠡᠵᠦ ᠪᠢᠯᠡ᠃ ᠰᠦᠮᠡ ᠶᠢᠨ ᠭᠡᠰᠬᠦᠢ ᠰᠤ᠋ ᠳ᠋ᠡᠶᠡᠨ | ᠴᠢᠶᠠᠩ ᠪᠢᠳᠠᠨ ᠢ ᠤᠭᠳᠤᠨ ᠠᠪᠴᠣ ᠦᠯᠢᠭᠡᠷ ᠲᠤᠮᠤᠭ ᠬᠠᠭᠤᠴᠢᠯᠠᠯᠠ᠃ ᠬᠡᠳᠦᠶᠢᠪᠡᠷ ᠨᠠᠰᠤᠨ ᠰᠡᠬᠦᠳᠡᠷ ᠨᠠᠶᠠ ᠶᠢ | ᠲᠦᠬᠦᠭᠰᠡᠨ ᠪᠤᠯᠪᠠᠴᠤ ᠪᠡᠶᠡ ᠴᠢᠬᠢᠷᠠᠭ᠂ ᠤᠬᠠᠭᠠᠨ ᠰᠠᠷᠠᠭᠤᠯ᠂ ᠮᠤᠩᠭᠤᠯ ᠦᠭᠡ ᠶᠢ ᠤᠷᠤᠰᠤᠮᠠ ᠰᠠᠶᠢᠬᠠᠨ ᠶᠠᠷᠢᠨᠠ | ᠃ ᠠᠷᠪᠠᠨ ᠬᠡᠳᠤᠳᠠᠢ ᠳᠡᠭᠡᠨ ᠡᠨᠡ ᠨᠤᠳᠤᠭ ᠲᠤ ᠢᠷᠡᠵᠦ ᠠᠶᠢᠯ ᠭᠡᠷ ᠪᠤᠰᠬᠠᠨ ᠦᠷᠡ ᠰᠠᠳᠤᠨ ᠵᠠᠶᠠᠭᠠᠵᠠᠢ᠃ ᠪᠢᠳᠠ | ᠨᠠᠰᠤᠳᠠᠨ ᠲᠠᠢ ᠵᠤᠭᠤᠭ ᠲᠡᠯᠭᠡᠨ ᠡᠨᠡ ᠨᠤᠳᠤᠭ ᠤᠨ ᠦᠯᠢᠭᠡᠷ ᠲᠤᠮᠤᠭ ᠢ ᠨᠡᠯᠢᠶᠡᠳ ᠤᠶᠢᠯᠠᠭᠠᠯᠠ᠃ | ᠵᠡᠬᠦᠨ ᠬᠡᠶᠢᠳ ᠤᠨ ᠬᠠᠷᠢᠶᠠᠳᠦ ᠰᠦᠮᠡ ᠪᠤᠯᠬᠤ ᠬᠦᠷᠮᠡᠳᠦ ᠶᠢᠨ ᠰᠦᠮᠡ ᠶᠢ ᠪᠠᠰᠠ ᠠᠭᠤᠢ ᠶᠢᠨ ᠰᠦᠮᠡ | ᠭᠡᠳᠡᠭ᠃ ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠡᠯᠡᠰᠤᠨ ᠤ ᠵᠡᠬᠦᠨ ᠲᠠᠯᠠ ᠳᠤ ᠮᠦᠷᠦ ᠵᠡᠷᠭᠡᠴᠡᠨ ᠰᠦᠨᠳᠡᠷᠯᠡᠭᠰᠡᠨ ᠶᠠᠪᠠᠷᠠᠢ ᠠᠭᠤᠯᠠ | ᠶᠢᠨ ᠲᠤᠮᠳᠠ ᠬᠡᠰᠡᠭ ᠤᠨ ᠡᠮᠤᠨᠡ ᠡᠩᠭᠡᠷ ᠲᠠᠬᠢ ᠬᠠᠪᠢᠷᠭᠠ ᠪᠤᠯᠠᠭ ᠭᠡᠮᠡᠬᠦ ᠭᠠᠵᠠᠷ ᠲᠤ ᠪᠠᠶᠢᠷᠢᠰᠢᠵᠦ᠂ ᠬᠦᠷᠮᠡᠳᠦ | ᠶᠢᠨ ᠠᠭᠤᠢ ᠨᠢ ᠰᠦᠮᠡ ᠠᠴᠠ ᠬᠤᠶᠢᠰᠢ ᠵᠢᠷᠭᠤᠭᠠᠨ ᠵᠠᠭᠤ ᠰᠢᠬᠠᠮ ᠮᠧᠲᠷ ᠵᠠᠶᠢᠳᠠᠢ ᠲᠠᠢ ᠬᠦᠨ ᠠᠰᠬᠠ ᠠᠭᠤᠯᠠᠨ | ᠵᠢᠯᠠᠭᠠ ᠳᠤ ᠪᠠᠶᠢᠳᠠᠭ ᠠᠵᠢ᠃ ᠨᠤᠳᠤᠭ ᠤᠨ ᠬᠦᠮᠦᠰ ᠪᠠᠰᠠ ᠬᠠᠪᠢᠷᠭᠠ ᠪᠤᠯᠠᠭ ᠤᠨ ᠬᠠᠳᠠᠨ ᠠᠭᠤᠢ ᠭᠡᠵᠦ | ᠨᠡᠷᠡᠯᠡᠳᠡᠭ᠃ ᠬᠦᠷᠮᠡᠳᠦ ᠭᠡᠳᠡᠭ ᠨᠡᠷᠡ ᠶᠢᠨ ᠢᠷᠡᠯᠳᠡ ᠶᠢᠨ ᠲᠤᠬᠠᠢ ᠭᠡᠪᠡᠯ ᠨᠤᠳᠤᠭ ᠤᠨ ᠬᠦᠮᠦᠰ ᠤᠨ ᠤᠯᠠᠮᠵᠢᠯᠠᠯ | ᠶᠠᠷᠢᠶᠠ ᠪᠠᠷ ᠪᠤᠯ ᠨᠢᠭᠡᠨ ᠬᠦᠷᠮᠡ ᠬᠤᠪᠴᠠᠰᠤ ᠠᠴᠠ ᠢᠷᠡᠭᠰᠡᠨ ᠭᠡᠨᠡ᠃ ᠡᠷᠳᠡ ᠦᠶᠡ ᠳᠤ ᠪᠠᠭᠠᠳᠤᠷ ᠬᠠᠷᠠ | ᠵᠠᠩᠵᠣᠨ ᠲᠠᠶᠢᠰᠤᠨ ᠳᠤ ᠪᠦᠰᠡᠯᠡᠭᠳᠡᠵᠦ ᠤᠷᠠᠨ ᠠᠷᠭᠠ ᠪᠠᠷ ᠪᠦᠰᠡᠯᠡᠯᠳᠡ ᠶᠢ ᠰᠢᠪᠳᠤᠯᠵᠦ ᠭᠠᠷᠤᠭᠠᠳ ᠡᠨᠡ ᠠᠭᠤᠯᠠ | ᠶᠢᠨ ᠵᠡᠬᠦᠨ ᠲᠠᠯᠠ ᠶᠢᠨ ᠭᠤᠤᠯ ᠤᠨ ᠠᠮᠠ ᠪᠠᠷ ᠭᠠᠷᠴᠦ ᠶᠠᠪᠤᠬᠤ ᠳᠠᠭᠠᠨ ᠦᠪᠡᠷ ᠤᠨ ᠵᠢᠩᠰᠠ ᠲᠠᠢ ᠮᠠᠯᠠᠭᠠᠢ᠂ | ᠬᠦᠷᠮᠡ ᠪᠠᠨ ᠲᠠᠯᠪᠢᠨ ᠲᠠᠬᠢᠵᠦ᠄ ︽ᠬᠢᠴᠢᠨᠡᠨ ᠶᠡᠭᠡ ᠲᠠᠶᠢᠨ ᠪᠤᠯᠤᠭᠰᠠᠨ ᠴᠤ ᠬᠦᠮᠦᠨ ᠤ ᠦᠷᠡ ᠪᠤᠤ | ᠲᠠᠰᠤᠷᠠᠳᠤᠭᠠᠢ᠂ ᠬᠢᠴᠢᠨᠡᠨ ᠶᠡᠭᠡ ᠭᠠᠩ ᠪᠤᠯᠤᠭᠰᠠᠨ ᠴᠤ ᠮᠠᠯ ᠤᠨ ᠦᠷᠡ ᠪᠤᠤ ᠲᠠᠰᠤᠷᠠᠳᠤᠭᠠᠢ︾ ᠭᠡᠵᠦ | ᠢᠷᠦᠭᠡᠭᠡᠳ ᠶᠠᠪᠤᠵᠠᠢ ᠭᠡᠨᠡ᠃ ᠵᠠᠷᠢᠮ ᠦᠯᠢᠬᠡᠷ ᠲᠤᠮᠤᠭ ᠲᠤ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠪᠠᠷᠠᠭᠤᠨᠰᠢ ᠬᠦᠬᠡᠨᠠᠭᠤᠷ | ᠲᠤ ᠶᠠᠪᠤᠬᠤ ᠵᠠᠮ ᠳᠠᠭᠠᠨ ᠠᠳᠡ ᠰᠠᠭᠠᠳᠠᠵᠦ ᠬᠦᠷᠮᠡ ᠪᠠᠨ ᠲᠠᠶᠢᠯᠵᠦ ᠲᠠᠯᠪᠢᠭᠠᠳ ᠶᠠᠪᠤᠭᠰᠠᠨ ᠭᠡᠮᠡᠨ ᠶᠠᠷᠢᠵᠦ ᠪᠤᠢ᠃ | ᠴᠤᠬᠤᠮ ᠪᠠᠭᠠᠳᠤᠷ ᠬᠠᠷᠠ ᠵᠠᠩᠵᠣᠨ ᠴᠤ ᠪᠤᠯᠤᠭ᠂ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠴᠤ ᠪᠤᠯᠤᠭ᠂ ᠨᠢᠭᠡᠨ ᠪᠠᠭᠠᠳᠤᠷ | ᠡᠷᠡ ᠠᠳᠡ ᠬᠦᠷᠮᠡ ᠪᠠᠨ ᠲᠠᠶᠢᠯᠵᠦ ᠲᠠᠯᠪᠢᠭᠠᠳ ᠶᠠᠪᠤᠭᠰᠠᠨ ᠦᠯᠢᠭᠡᠷ ᠲᠤᠮᠤᠭ ᠠᠴᠠ ᠡᠰᠢᠯᠡᠵᠦ ᠬᠦᠷᠮᠡᠳᠦ ᠶᠢᠨ | ᠰᠦᠮᠡ᠂ ᠬᠦᠷᠮᠡᠳᠦ ᠶᠢᠨ ᠠᠭᠤᠢ᠂ ᠬᠦᠷᠮᠡᠳᠦ ᠶᠢᠨ ᠭᠤᠤᠯ ᠭᠡᠮᠡᠨ ᠨᠡᠷᠡᠯᠡᠬᠦ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠪᠢᠳᠠ ᠰᠦᠮᠡ ᠶᠢᠨ ᠪᠠᠷᠠᠭᠤᠨᠳᠠᠢ ᠬᠠᠵᠠᠭᠤᠬᠠᠨ ᠳᠤ ᠪᠠᠶᠢᠭᠠ ᠠᠭᠤᠯᠠᠨ ᠵᠢᠯᠠᠭᠠ ᠶᠢ ᠦᠭᠰᠦᠵᠦ ᠠᠭᠤᠢ ᠶᠢ | ᠴᠢᠭᠯᠡᠯᠡ᠃ ᠵᠢᠯᠠᠭᠠ ᠶᠢᠨ ᠬᠤᠶᠠᠷ ᠲᠠᠯᠠ ᠶᠢᠨ ᠠᠭᠤᠯᠠ ᠬᠠᠳᠠ ᠶᠠᠪᠤᠬᠤ ᠲᠤᠳᠤᠮ ᠦᠨᠳᠦᠷᠵᠢᠨ ᠡᠭ᠍ᠴᠡ ᠠᠰᠬᠠ | ᠪᠤᠯᠵᠦ ᠲᠡᠮᠡᠢ ᠶᠠᠪᠤᠯ ᠦᠭᠡᠢ ᠦᠨᠳᠦᠷ ᠠᠭᠤᠯᠠᠨ ᠤ ᠬᠠᠳᠠᠨ ᠮᠤᠬᠤᠷ ᠲᠤ ᠲᠤᠯᠵᠦ ᠤᠴᠢᠬᠤ ᠳᠤ ᠠᠭᠤᠢ ᠳᠤ | ᠭᠠᠷᠬᠤ ᠡᠭ᠍ᠴᠡ ᠨᠠᠷᠢᠬᠠᠨ ᠱᠠᠳᠤ ᠨᠢᠳᠤᠨ ᠳᠤ ᠲᠤᠳᠤᠷᠠᠵᠦ᠂ ᠱᠠᠳᠤ ᠶᠢ ᠲᠠᠭᠠᠨ ᠬᠠᠷᠠᠬᠤ ᠳᠤ ᠠᠭᠤᠢ ᠳᠤ ᠤᠴᠢᠬᠤ | ᠬᠠᠳᠠᠨ ᠬᠦᠨᠳᠡᠢ ᠶᠢᠨ ᠠᠮᠠ ᠬᠠᠷᠠᠭᠳᠠᠪᠠ᠃ ᠡᠨᠡ ᠠᠮᠠ ᠪᠠᠷ ᠰᠢᠷᠭᠤᠨ ᠲᠡᠭᠡᠭᠰᠢ ᠭᠠᠷᠪᠠᠯ ᠰᠠᠶ᠋ᠢ ᠠᠭᠤᠢ ᠶᠢ ᠤᠯᠵᠦ | ᠬᠠᠷᠠᠨᠠ ᠰᠢᠤ ᠭᠡᠮᠡᠨ ᠴᠤᠭᠳᠦ ᠪᠠᠭᠰᠢ ᠶᠠᠷᠢᠵᠦ ᠪᠠᠶᠢᠯᠠ᠃ ᠠᠭᠤᠢ ᠭᠠᠵᠠᠷ ᠠᠴᠠ ᠲᠡᠭᠡᠭᠰᠢ ᠪᠠᠷᠤᠭ ᠲᠦᠴᠢᠭᠡᠳ | ᠮᠧᠲᠷ ᠤᠨ ᠦᠨᠳᠦᠷ ᠲᠤ ᠪᠠᠶᠢᠵᠦ᠂ ᠠᠭᠤᠢ ᠳᠤ ᠭᠠᠷᠬᠤ ᠵᠠᠮ ᠨᠢ ᠦᠩᠭᠡᠷᠡᠭᠰᠡᠨ ᠳᠤ ᠠᠭᠤᠯᠠᠨ ᠬᠠᠵᠠᠭᠤ ᠶᠢ ᠵᠠᠰᠠᠨ | ᠴᠢᠯᠠᠭᠤ ᠪᠠᠷ ᠱᠠᠳᠤ ᠲᠡᠪᠢᠰᠴᠦ ᠪᠠᠶᠢᠭᠰᠠᠨ ᠪᠤᠯᠤᠯᠳᠠᠢ᠂ ᠤᠳᠤ ᠨᠢᠭᠡᠨᠳᠡ ᠡᠪᠳᠡᠢ ᠰᠠᠶᠢᠬᠠᠨ ᠵᠠᠰᠠᠵᠦ ᠬᠠᠰᠢᠯᠭᠠ ᠲᠠᠢ | ᠱᠦᠢᠨᠢ ᠱᠠᠳᠤ ᠪᠤᠯᠭᠠᠭᠰᠠᠨ ᠪᠦᠭᠡᠳ ᠠᠪᠠᠷᠢᠬᠤ ᠳᠤ ᠡᠭ᠍ᠴᠡ ᠪᠠᠷᠳᠠᠭᠠ ᠲᠠᠢ ᠪᠤᠯᠬᠤᠷ ᠲᠤᠰᠬᠠᠶᠢᠯᠠᠨ ᠲᠠᠳᠠᠵᠦ | ᠪᠠᠷᠢᠬᠤ ᠲᠡᠭᠡᠰᠦ ᠪᠡᠯᠡᠳᠭᠡᠵᠡᠢ᠃ ᠶᠡᠷᠤᠨᠢ ᠤᠯᠠᠩᠬᠢ ᠰᠦᠮᠡ ᠬᠡᠶᠢᠳ ᠤᠨ ᠭᠠᠵᠠᠷ ᠲᠤ ᠠᠭᠤᠢ ᠪᠠᠶᠢᠳᠠᠭ ᠪᠦᠭᠡᠳ | ᠬᠤᠪᠢ ᠬᠤᠪᠢᠨ ᠤ ᠪᠠᠨ ᠦᠯᠢᠭᠡᠷ ᠲᠤᠮᠤᠭ᠂ ᠬᠠᠴᠢᠨ ᠭᠠᠶᠢᠬᠠᠮᠰᠢᠭ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠬᠦᠷᠮᠡᠳᠦ ᠶᠢᠨ ᠠᠭᠤᠢ | ᠶᠢᠨ ᠬᠠᠴᠢᠷᠬᠠᠭᠤᠰᠢᠳᠠᠢ ᠰᠠᠨᠠᠭᠳᠠᠭᠰᠠᠨ ᠵᠦᠢᠯ ᠭᠡᠪᠡᠯ ᠡᠨᠡ ᠠᠭᠤᠢ ᠳᠤ ᠭᠠᠷᠬᠤ ᠳᠤ ᠵᠠᠪᠠᠯ ᠨᠢᠭᠡᠨ ᠬᠠᠳᠠᠨ ᠬᠦᠨᠳᠡᠢ | ᠠᠴᠠ ᠲᠡᠭᠡᠭᠰᠢ ᠴᠤᠭᠤᠯᠤᠭᠰᠠᠨ ᠨᠦᠭᠡ ᠬᠡᠮᠡᠷ ᠠᠮᠠ ᠪᠠᠷ ᠰᠢᠷᠭᠤᠵᠦ ᠭᠠᠷᠤᠭᠠᠳ ᠰᠠᠶ᠋ᠢ ᠠᠭᠤᠢ ᠳᠤ ᠬᠦᠷᠳᠡᠭ ᠠᠵᠢ᠃ | ᠪᠢᠳᠠ ᠠᠭᠤᠢ ᠳᠤ ᠭᠠᠷᠬᠤ ᠱᠠᠳᠤ ᠶᠢ ᠠᠪᠠᠷᠢᠵᠦ ᠲᠠᠭᠤᠰᠬᠤ ᠳᠤ ᠨᠢᠭᠡᠨ ᠬᠠᠳᠠᠨ ᠬᠦᠨᠳᠡᠢ ᠲᠤᠬᠢᠶᠠᠵᠦ᠂ ᠡᠨᠡᠬᠦ | ᠬᠠᠳᠠᠨ ᠬᠦᠨᠳᠡᠢ ᠶᠢᠨ ᠤᠷᠤᠢ ᠳᠤ ᠪᠠᠶᠢᠭᠠ ᠵᠦᠪᠬᠡᠨ ᠨᠢᠭᠡ ᠯᠡ ᠬᠦᠮᠦᠨ ᠰᠢᠷᠭᠤᠵᠦ ᠭᠠᠷᠬᠤ ᠨᠦᠬᠡᠨ ᠠᠮᠠ ᠪᠠᠷ | ᠮᠠᠴᠤᠨ ᠭᠠᠷᠬᠤ ᠳᠤ ᠬᠠᠵᠠᠭᠤᠬᠠᠨ ᠪᠠᠷᠠᠭᠤᠨ ᠡᠮᠤᠨᠡ ᠲᠠᠯᠠ ᠳᠤ ᠠᠭᠤᠢ ᠶᠢᠨ ᠠᠮᠠ ᠬᠠᠷᠠᠭᠳᠠᠯᠠ᠃ ᠠᠭᠤᠢ ᠶᠢᠨ | ᠠᠮᠠ ᠨᠢ ᠵᠡᠬᠦᠨ ᠬᠤᠶᠢᠰᠢ ᠬᠠᠨᠳᠤᠵᠦ᠂ ᠡᠰᠡᠷᠬᠦ ᠲᠠᠯᠠ ᠳᠤᠨᠢ ᠠᠰᠠᠷ ᠤᠨ ᠨᠠᠷᠠᠪᠴᠢ ᠬᠡᠮᠡᠷᠬᠡᠨ ᠪᠠᠷᠠ ᠬᠠᠷᠠᠬᠤ | ᠲᠠᠶᠢᠰᠠ ᠲᠠᠢ ᠪᠠᠶᠢᠵᠦ᠂ ᠡᠬᠦᠨ ᠠᠴᠠ ᠲᠤᠭᠤᠭᠰᠢ ᠡᠭ᠍ᠴᠡ ᠠᠰᠬᠠ ᠬᠠᠳᠠᠨ ᠠᠭᠤᠯᠠ ᠪᠠᠶᠢᠭᠠ ᠠᠵᠢ᠃ ᠪᠢᠳᠠ | ᠲᠦᠯᠬᠢᠬᠦᠷ ᠢᠶᠠᠷ ᠠᠭᠤᠢ ᠶᠢᠨ ᠡᠬᠦᠳᠡ ᠶᠢ ᠨᠡᠭᠡᠭᠡᠵᠦ ᠲᠤᠳᠤᠭᠰᠢ ᠤᠷᠤᠯᠠ᠃ ᠠᠭᠤᠢ ᠶᠢᠨ ᠲᠤᠳᠤᠷᠠᠬᠢ ᠵᠠᠢ ᠨᠢ | ᠪᠠᠷᠤᠭ ᠨᠢᠭᠡ ᠴᠡᠭᠡᠵᠢᠨ ᠭᠡᠷ ᠤᠨ ᠬᠢᠷᠢᠳᠡᠢ᠂ ᠲᠤᠳᠤᠷᠠ ᠨᠢ ᠪᠤᠷᠬᠠᠨ ᠤ ᠬᠦᠷᠦᠭ᠂ ᠨᠤᠮ ᠪᠢᠰᠢᠯᠭᠠᠬᠤ ᠰᠢᠷᠡᠭᠡ᠂ | ᠤᠷᠤ ᠰᠠᠭᠤᠳᠠᠯ᠂ ᠬᠡᠩᠭᠡᠷᠭᠡ ᠴᠠᠩ᠂ ᠵᠤᠯᠠ ᠬᠦᠵᠢ ᠪᠦᠷᠢᠨ ᠲᠦᠬᠦᠭᠡᠷᠦᠨ ᠲᠠᠯᠪᠢᠵᠡᠢ᠃ ᠠᠭᠤᠢ ᠶᠢᠨ ᠬᠠᠨᠠ ᠨᠢ | ᠴᠢᠯᠠᠭᠤ ᠪᠠᠷ ᠪᠦᠷᠢᠯᠳᠦᠵᠦ᠂ ᠤᠳᠠᠭᠠᠨ ᠵᠢᠯ ᠤᠨ ᠤᠳᠤᠭᠠᠨ ᠳᠤ ᠬᠠᠷᠠᠯᠠᠭᠰᠠᠨ ᠠᠴᠠ ᠦᠵᠡᠬᠦ ᠳᠤ ᠬᠦᠮᠦᠨ | ᠤᠷᠤᠩᠨᠠᠨ ᠰᠠᠭᠤᠵᠦ ᠪᠠᠶᠢᠭᠰᠠᠨ ᠢ ᠭᠡᠷᠡᠴᠢᠯᠡᠨᠡ ᠠᠵᠢ᠃ | ᠶᠡᠷᠤᠨᠢ ᠮᠤᠩᠭᠤᠯ ᠤᠷᠤᠨ ᠤ ᠭᠠᠵᠠᠷ ᠤᠰᠤᠨ ᠳᠤ ᠦᠯᠢᠭᠡᠷ ᠲᠤᠮᠤᠭ ᠲᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠡᠨᠡ ᠨᠢ | ᠪᠦᠷ ᠤᠷᠤ ᠲᠠᠢ ᠪᠠᠶᠢᠵᠦ᠂ ᠦᠶᠡ ᠶᠢᠨ ᠦᠶᠡ ᠠᠷᠠᠳ ᠤᠨ ᠠᠮᠠᠨ ᠶᠠᠷᠢᠶᠠ ᠪᠠᠷ ᠲᠠᠮᠵᠢᠭᠳᠠᠨ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ | ᠪᠠᠶᠢᠳᠠᠭ᠃ ᠲᠡᠤᠬᠡ ᠰᠤᠳᠤᠷ ᠢ ᠡᠷᠬᠢᠬᠦᠯᠪᠡᠰᠦ 1840 ᠤᠨ ᠤ ᠦᠶᠡ ᠪᠠᠷ ᠪᠠᠷᠠᠭᠤᠨ ᠲᠦᠪᠡᠳ ᠤᠨ ᠤᠷᠤᠨ ᠤ | ᠤᠶᠢᠽᠠᠩ ᠬᠡᠮᠡᠬᠦ ᠭᠠᠵᠠᠷ ᠤᠨ ᠲᠢᠶᠡᠨᠴᠢ ᠱᠠᠪᠷᠤᠩ ᠪᠤᠯᠬᠤ ᠠᠭᠸᠠᠩᠳᠠᠰᠢᠵᠠᠮᠰᠦ ︵ᠠᠯᠠᠱᠠ ᠳᠠᠬᠢ ᠨᠢᠭᠡᠳᠦᠭᠡᠷ ᠲᠦᠷᠢ | ︶ ᠭᠡᠳᠡᠭ ᠨᠢᠭᠡᠨ ᠯᠠᠮᠠ ᠠᠯᠠᠱᠠ ᠳᠤ ᠢᠷᠡᠵᠦ ᠡᠨᠡᠬᠦ ᠠᠭᠤᠢ ᠳᠤ ᠰᠠᠭᠤᠵᠦ ᠠᠷᠪᠠᠭᠠᠳ ᠵᠢᠯ ᠨᠤᠮ ᠪᠢᠰᠢᠯᠭᠠᠯ ᠬᠢᠵᠡᠢ᠃ | ᠶᠠᠪᠠᠷᠠᠢ ᠠᠭᠤᠯᠠᠨ ᠳᠤ ᠶᠡᠷᠦ ᠠᠴᠠ ᠪᠠᠨ ᠠᠷᠭᠠᠯᠢ ᠤᠭᠠᠯᠵᠠ ᠠᠷᠪᠢᠨ ᠪᠦᠭᠡᠳ ᠡᠨᠡ ᠬᠠᠳᠠᠨ ᠠᠭᠤᠢ ᠳᠤ ᠵᠤᠨ | ᠳᠠᠭᠠᠨ ᠰᠡᠬᠦᠳᠡᠷᠯᠡᠵᠦ ᠡᠪᠤᠯ ᠳᠡᠭᠡᠨ ᠨᠦᠮᠦᠷᠢᠳᠦᠳᠡᠭ ᠪᠠᠶᠢᠭᠰᠠᠨ ᠲᠤᠯᠠ ᠠᠭᠤᠢ ᠳᠤ ᠰᠠᠭᠤᠭᠰᠠᠨ ᠯᠠᠮᠠ ᠠᠷᠭᠠᠯᠢ | ᠰᠠᠭᠠᠵᠦ ᠦᠯ ᠬᠤᠭᠤᠯᠠ ᠪᠠᠨ ᠵᠠᠯᠭᠠᠳᠠᠭ ᠪᠠᠶᠢᠭᠰᠠᠨ ᠨᠢ ᠲᠠᠮᠵᠢᠭ ᠦᠭᠡᠢ᠃ ᠦᠯᠢᠭᠡᠷ ᠲᠤ ᠭᠠᠷᠳᠠᠭ ᠠᠷᠭᠠᠯᠢ | ᠰᠠᠭᠠᠭᠠᠳ ᠠᠭᠤᠢ ᠳᠠᠭᠠᠨ ᠪᠤᠴᠠᠨ ᠤᠷᠤᠭᠰᠠᠨ ᠯᠠᠮᠠ ᠨᠢ ᠠᠭᠸᠠᠩᠳᠠᠰᠢᠵᠠᠮᠰᠦ ᠪᠠᠶᠢᠭᠰᠠᠨ ᠭᠡᠮᠡᠨ ᠵᠠᠷᠢᠮ ᠨᠣᠮ | ᠰᠤᠳᠤᠷ ᠲᠤ ᠪᠢᠴᠢᠵᠦ ᠪᠤᠢ᠃ ᠠᠭᠸᠠᠩᠳᠠᠰᠢᠵᠠᠮᠰᠦ ᠤᠷᠤᠨ ᠨᠤᠳᠤᠭ ᠤᠨ ᠨᠤᠶᠠᠨ ᠲᠦᠰᠢᠮᠡᠯ ᠪᠤᠯᠤᠨ ᠮᠦᠷᠬᠦᠯᠴᠢᠨ | ᠤ ᠲᠡᠮᠵᠢᠯᠭᠡ ᠶᠢ ᠤᠯᠵᠦ᠂ 1860 ᠤᠨ ᠤ ᠦᠶᠡ ᠪᠠᠷ ᠠᠯᠠᠱᠠ ᠬᠤᠱᠤᠳ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠭᠠᠵᠠᠷ | ᠤᠨ ᠵᠦᠪᠰᠢᠶᠡᠷᠡᠯ ᠢᠶᠠᠷ ᠦᠭᠯᠢᠭᠡ ᠶᠢᠨ ᠡᠵᠡᠳ ᠤᠨ ᠲᠡᠮᠵᠢᠯᠭᠡ ᠳᠤ ᠲᠦᠰᠢᠭᠯᠡᠨ ᠱᠠᠳᠤᠪᠳᠠᠷᠵᠢᠯᠢᠩ ᠭᠡᠮᠡᠬᠦ ᠰᠦᠮᠡ | ᠶᠢ ᠪᠠᠶᠢᠭᠤᠯᠤᠭᠰᠠᠨ ᠨᠢ ᠤᠳᠤ ᠶᠢᠨ ᠬᠦᠷᠮᠡᠳᠦ ᠶᠢᠨ ᠰᠦᠮᠡ ᠪᠤᠯᠬᠤ ᠶᠤᠮ᠃ ᠠᠭᠸᠠᠩᠳᠠᠰᠢᠵᠠᠮᠰᠦ ᠪᠠᠷᠠᠭᠤᠨ | ᠲᠦᠪᠡᠳ ᠤᠨ ᠤᠷᠤᠨ ᠠᠴᠠ ᠳ᠋ᠠᠮᠵᠢᠨ ︵ᠲᠠᠮᠵᠢᠨ︶ ᠪᠤᠷᠬᠠᠨ ᠢ ᠵᠠᠯᠠᠵᠦ ᠬᠦᠷᠮᠡᠳᠦ ᠶᠢᠨ ᠠᠭᠤᠢ ᠶᠢᠨ ᠭᠤᠤᠯ | ᠰᠢᠳᠦᠭᠡᠨ ᠪᠤᠯᠭᠠᠵᠦ᠂ ᠦᠷᠯᠦᠭᠡ ᠪᠤᠯᠭᠠᠨ ᠵᠢᠰᠠ ᠤᠩᠰᠢᠵᠦ᠂ ᠰᠠᠷᠠ ᠪᠤᠯᠭᠠᠨ ᠤ ᠰᠢᠨᠡ ᠶᠢᠨ ᠬᠤᠶᠠᠷ ᠲᠤ | ᠲᠠᠬᠢᠯᠭᠠ ᠬᠢᠵᠦ᠂ ᠤᠳᠤ ᠪᠤᠯᠳᠠᠯᠠ ᠦᠷᠬᠦᠯᠵᠢᠯᠡᠭᠰᠡᠭᠡᠷ ᠪᠤᠢ᠃ ᠠᠭᠸᠠᠩᠳᠠᠰᠢᠵᠠᠮᠰᠦ ᠶᠢᠨ ᠲᠦᠷᠢ ᠤᠳᠤ ᠨᠢᠭᠡᠨᠳᠡ | ᠵᠠᠯᠭᠠᠮᠵᠢᠯᠠᠭᠳᠠᠭᠠᠳ ᠲᠠᠪᠤᠳᠤᠭᠠᠷ ᠲᠦᠷᠢ ᠪᠤᠯᠤᠭᠠᠳ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | ᠣᠳᠣ ᠬᠦᠷᠮᠡᠳᠦ ᠶᠢᠨ ᠠᠭᠤᠢ᠂ ᠬᠥᠷᠮᠡᠳᠦ ᠶᠢᠨ ᠰᠦᠮᠡ ᠨᠢ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠤᠶᠤᠯ | ᠲᠡᠤᠬᠡ᠂ ᠦᠵᠡᠮᠵᠢ ᠶᠢᠨ ᠭᠠᠶᠢᠬᠠᠮᠰᠢᠭᠳᠦ ᠤᠷᠤᠨ ᠤ ᠨᠢᠭᠡ ᠪᠤᠯᠵᠦ ᠬᠤᠯᠠ ᠤᠶᠢᠷᠠ ᠶᠢᠨ ᠵᠤᠴᠢᠨ ᠢᠶᠠᠨ | ᠤᠭᠳᠤᠭᠰᠠᠭᠠᠷ ᠠᠵᠢ᠃ | | | | | | | | | | | | | | | | | |