| ᠴ᠊ · ᠰᠤᠳᠤᠨ ᠲᠠᠪᠰᠢᠯᠳᠤ | | ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠮᠠᠨᠳᠤᠯ ᠰᠤᠮᠤᠨ ᠤ ᠱᠠᠯᠠᠮᠠ ᠭᠠᠴᠠᠭᠠᠨ ᠳᠤ ᠱᠠᠯᠠᠮᠠ ᠶᠢᠨ ᠤᠪᠤᠭᠠ ᠭᠡᠳᠡᠭ | ᠨᠢᠭᠡᠨ ᠤᠪᠤᠭᠠ ᠪᠠᠶᠢᠳᠠᠭ᠃ ᠡᠨᠡ ᠤᠪᠤᠭᠠ ᠶᠢ ᠬᠠᠩᠰᠢ ᠶᠢᠨ ᠡᠳᠦᠷ ᠲᠠᠬᠢᠳᠠᠭ᠃ ᠨᠤᠳᠤᠭ ᠤᠨ ᠬᠦᠮᠦᠰ ᠪᠠᠰᠠ | ᠲᠠᠶᠢᠨ ᠤ ᠤᠪᠤᠭᠠ ᠪᠤᠶᠤ ᠬᠤᠮᠠᠬᠢ ᠶᠢᠨ ᠤᠪᠤᠭᠠ ᠭᠡᠮᠡᠨ ᠨᠡᠷᠡᠯᠡᠳᠡᠭ ᠪᠦᠭᠡᠳ ᠠᠮᠢᠳᠤ ᠬᠦᠮᠦᠨ ᠢᠶᠠᠷ ᠲᠠᠬᠢᠭᠰᠠᠨ | ᠭᠡᠯᠴᠡᠳᠡᠭ᠃ | | | | | | | | — ᠡ᠊ᠨᠳᠡ ᠠᠴᠠ ᠪᠠᠷᠠᠭᠤᠨ ᠡᠮᠤᠨᠡᠰᠢ ᠶᠠᠪᠤᠨᠠ᠂ ᠬᠡᠰᠡᠭ ᠶᠠᠪᠤᠭᠠᠳ ᠨᠠᠷᠢᠬᠠᠨ ᠲᠤᠰᠤᠨ ᠵᠠᠮ ᠳᠤ ᠭᠠᠷᠤᠨᠠ᠂ | ᠡᠬᠦᠨ ᠢ ᠲᠠᠭᠠᠭᠠᠳ ᠬᠡᠰᠡᠭ ᠶᠠᠪᠤᠪᠠᠯ ᠰᠢᠷᠤᠢ ᠶᠢᠨ ᠵᠠᠮ ᠰᠠᠯᠤᠨᠠ᠂ ᠵᠠᠮ ᠤᠨ ᠵᠡᠬᠦᠨᠳᠡᠢ ᠬᠠᠵᠠᠭᠤᠬᠠᠨ ᠳᠤ | ᠬᠤᠳᠳᠤᠭ ᠲᠤᠬᠢᠶᠠᠯᠳᠤᠨᠠ᠂ ᠪᠠᠰᠠ ᠨᠢᠭᠡ ᠰᠢᠪᠠᠷ ᠪᠠᠶᠢᠰᠢᠩ ᠲᠠᠢ ᠠᠶᠢᠯ ᠬᠠᠷᠠᠭᠳᠠᠨᠠ᠂ ᠡᠨᠡ ᠵᠠᠮ ᠢᠶᠠᠷ ᠢᠶᠠᠨ | ᠦᠷᠬᠦᠯᠵᠢᠯᠡᠨ ᠶᠠᠪᠤᠵᠦ ᠪᠠᠶᠢᠳᠠᠯᠠ ᠵᠡᠬᠦᠨ ᠡᠮᠤᠨᠡᠳᠡᠢ ᠱᠠᠯᠠᠮᠠ ᠶᠢᠨ ᠤᠪᠤᠭᠠ ᠬᠠᠷᠠᠭᠳᠠᠨᠠ ᠰᠢᠤ᠂ ᠤᠪᠤᠭᠠ ᠶᠢ | ᠴᠢᠭᠯᠡᠭᠰᠡᠨ ᠵᠠᠮ ᠢᠶᠠᠷ ᠶᠠᠪᠤᠭᠠᠳ ᠪᠠᠶᠢᠪᠠᠯ ᠬᠦᠷᠦᠭᠡᠳ ᠤᠴᠢᠴᠢᠬᠠᠨᠠ ᠳ᠋ᠠ᠃ | 4 ᠰᠠᠷᠠ ᠶᠢᠨ 5 ᠤ ᠡᠳᠦᠷ᠂ ᠡᠨᠡ ᠡᠳᠦᠷ ᠪᠤᠯ ᠬᠠᠩᠰᠢ ᠶᠢᠨ ᠡᠳᠦᠷ ᠪᠤᠯᠤᠨᠠ᠃ ᠬᠦᠮᠦᠰ ᠪᠦᠷ ᠴᠢᠯᠦᠭᠡ | ᠲᠠᠯᠪᠢᠨ ᠠᠮᠠᠷᠠᠵᠦ᠂ ᠡᠪᠦᠭᠡ ᠲᠡᠭᠡᠳᠦᠰ᠂ ᠦᠩᠭᠡᠷᠡᠭᠰᠡᠨ ᠬᠦᠮᠦᠰ ᠤᠨ ᠢᠶᠠᠨ ᠱᠠᠷᠢᠯ ᠤᠨ ᠭᠠᠵᠠᠷ ᠲᠤ ᠶᠠᠪᠤᠬᠤ | ᠪᠤᠶᠤ ᠲᠤᠬᠢᠳᠠᠢ ᠭᠠᠵᠠᠷ ᠢᠶᠠᠨ ᠤᠯᠵᠦ ᠬᠠᠩᠰᠢ ᠶᠢᠨ ᠡᠳᠦᠷ ᠤᠨ ᠤᠯᠠᠮᠵᠢᠯᠠᠯᠳᠦ ᠶᠤᠰᠤᠨ ᠢᠶᠠᠨ ᠬᠦᠢᠴᠡᠳᠭᠡᠵᠦ | ᠪᠠᠶᠢᠭᠠ ᠪᠠᠶᠢᠯᠬᠦᠢ᠃ ᠭᠡᠪᠡᠴᠦ ᠮᠠᠨ ᠤ ᠬᠠᠶᠢᠨ ᠰᠤᠷᠪᠤᠯᠵᠢᠯᠠᠬᠤ ᠪᠦᠯᠬᠦᠮ ᠤᠨ ᠬᠢᠨ ᠡᠨᠡ ᠪᠦᠬᠦᠨ ᠢ ᠤᠮᠠᠷᠳᠠᠨ | ᠦᠷᠯᠦᠭᠡ ᠡᠷᠳᠡᠯᠡᠨ ᠪᠤᠰᠴᠦ ᠠᠶᠠᠨ ᠤ ᠵᠠᠮ ᠢᠶᠠᠨ ᠡᠯᠬᠦᠬᠦ ᠪᠤᠯᠤᠭᠰᠠᠨ ᠨᠢ ᠤᠴᠢᠷᠳᠠᠢ ᠪᠢᠯᠡ᠃ ᠪᠢᠳᠠ ᠤᠷᠢᠳᠦ | ᠰᠦᠨᠢ ᠮᠠᠨᠳᠤᠯ ᠰᠤᠮᠤᠨ ᠤ ᠱᠠᠯᠠᠮᠠ ᠭᠠᠴᠠᠭᠠᠨ ᠳᠤ ᠪᠠᠶᠢᠭᠠ ᠲᠠᠪᠤᠨ ᠡᠷᠳᠡᠨᠢ ᠢᠩᠭᠡᠨ ᠰᠠᠭᠠᠯᠢ ᠶᠢᠨ ᠰᠠᠭᠤᠷᠢᠨ ᠳᠤ | ᠢᠷᠡᠵᠦ ᠬᠤᠨᠤᠭᠯᠠᠵᠦ᠂ ᠦᠷᠯᠦᠭᠡ ᠪᠦᠷᠢᠨᠮᠦ᠋ᠩᠬᠡ ᠪᠠᠷ ᠵᠠᠮ ᠵᠢᠭᠠᠯᠭᠠᠨ ᠱᠠᠯᠠᠮᠠ ᠶᠢᠨ ᠤᠪᠤᠭᠠ ᠶᠢ ᠴᠢᠭᠯᠡᠯᠡ᠃ | ᠦᠨᠦᠳᠦᠷ ᠱᠠᠯᠠᠮᠠ ᠶᠢᠨ ᠤᠪᠤᠭᠠ ᠶᠢ ᠲᠠᠬᠢᠵᠦ ᠪᠠᠶᠢᠭᠠ ᠶᠤᠮ᠃ ᠲᠡᠭᠷᠢ ᠨᠠᠮᠤᠭᠤᠬᠠᠨ᠂ ᠪᠠᠷᠠᠭᠤᠨ ᠬᠤᠶᠢᠨᠠ | ᠠᠴᠠ ᠵᠦᠭᠡᠯᠡᠨ ᠰᠠᠯᠬᠢ ᠰᠡᠷ ᠰᠡᠷ ᠦᠯᠢᠶᠡᠵᠦ᠂ ᠬᠠᠩᠰᠢ ᠶᠢᠨ ᠡᠳᠦᠷ ᠲᠤᠭᠳᠠᠭᠤᠬᠠᠨ ᠪᠤᠯᠤᠯᠠ᠃ ᠪᠢᠳᠠ ᠵᠠᠮ | ᠲᠠᠭᠠᠤ ᠬᠤᠳᠳᠤᠭ᠂ ᠰᠢᠪᠠᠷ ᠪᠠᠶᠢᠰᠢᠩ ᠲᠠᠢ ᠠᠶᠢᠯ ᠢ ᠭᠠᠳᠤᠯᠤᠨ ᠶᠠᠪᠤᠵᠦ ᠪᠠᠶᠢᠳᠠᠯᠠ ᠵᠡᠬᠦᠨ ᠡᠮᠤᠨᠡᠳᠡᠢ ᠬᠠᠷᠠ | ᠠᠭᠤᠯᠠ ᠬᠠᠷᠠᠭᠳᠠᠵᠦ ᠡᠨᠡ ᠬᠦ ᠬᠠᠷᠠ ᠠᠭᠤᠯᠠ ᠶᠢᠨ ᠡᠮᠤᠨᠡ ᠦᠵᠦᠭᠦᠷ ᠲᠠᠬᠢ ᠦᠨᠳᠦᠷ ᠤᠷᠤᠢ ᠳᠤ ᠤᠪᠤᠭᠠ | ᠰᠦᠨᠳᠡᠷᠯᠡᠨ ᠬᠦᠮᠦᠰ ᠤᠨ ᠪᠠᠷᠠ ᠨᠠᠭᠠᠰᠢ ᠴᠠᠭᠠᠰᠢ ᠰᠦᠯᠵᠢᠯᠳᠦᠵᠦ ᠬᠠᠷᠠᠭᠳᠠᠯᠠ᠃ ᠡᠨᠡ ᠪᠤᠯ ᠱᠠᠯᠠᠮᠠ ᠶᠢᠨ | ᠤᠪᠤᠭᠠ ᠪᠤᠯᠤᠨᠠ᠃ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠮᠠᠨᠳᠤᠯ ᠰᠤᠮᠤᠨ ᠤ ᠱᠠᠯᠠᠮᠠ ᠭᠠᠴᠠᠭᠠᠨ ᠳᠤ | ᠬᠠᠷᠢᠶᠠᠯᠠᠭᠳᠠᠳᠠᠭ᠃ ᠵᠢᠯ ᠪᠤᠯᠭᠠᠨ ᠤ ᠬᠠᠩᠰᠢ ᠶᠢᠨ ᠡᠳᠦᠷ ᠠᠳᠡᠬᠢ ᠶᠢᠨ ᠤᠶᠢᠷᠠ ᠬᠠᠪᠢ ᠶᠢᠨ ᠮᠠᠯᠴᠢᠳ ᠴᠤᠭᠯᠠᠷᠠᠨ | ᠤᠪᠤᠭᠠ ᠪᠠᠨ ᠲᠠᠬᠢᠭᠰᠠᠭᠠᠷ ᠤᠨ ᠤᠳᠠᠵᠠᠢ᠃ ᠡᠨᠡ ᠤᠪᠤᠭᠠ ᠶᠢ ᠨᠤᠳᠤᠭ ᠤᠨ ᠬᠦᠮᠦᠰ ᠪᠠᠰᠠ ᠲᠠᠶᠢᠨ ᠤ ᠤᠪᠤᠭᠠ | ᠪᠤᠶᠤ ᠬᠤᠮᠠᠬᠢ ᠶᠢᠨ ᠤᠪᠤᠭᠠ ᠭᠡᠮᠡᠨ ᠨᠡᠷᠡᠯᠡᠳᠡᠭ ᠪᠦᠭᠡᠳ ᠠᠮᠢᠳᠤ ᠬᠦᠮᠦᠨ ᠢᠶᠠᠷ ᠲᠠᠬᠢᠭᠰᠠᠨ ᠭᠡᠯᠴᠡᠳᠡᠭ᠃ ᠴᠤᠬᠤᠮ | ᠶᠠᠭᠠᠬᠢᠭᠠᠳ ᠬᠠᠩᠰᠢ ᠶᠢᠨ ᠡᠳᠦᠷ ᠲᠠᠬᠢᠳᠠᠭ ᠤᠯᠠᠮᠵᠢᠯᠠᠯ ᠲᠠᠢ ᠪᠤᠯᠤᠭᠰᠠᠨ ᠶᠤᠮ ᠪᠤᠯ︖ ᠡᠨᠡ ᠨᠢ ᠦᠨᠡᠨ ᠠᠮᠢᠳᠤ | ᠬᠦᠮᠦᠨ ᠢᠶᠠᠷ ᠲᠠᠬᠢᠭᠰᠠᠨ ᠲᠠᠢ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠳᠠᠭ ᠶᠤᠮ ᠪᠤᠯᠪᠠᠤ︖ | ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠰᠤᠶᠤᠯ ᠲᠡᠤᠬᠡ ᠰᠤᠳᠤᠯᠬᠤ | ᠤᠷᠳᠤᠨ ᠤ ᠰᠤᠳᠤᠯᠬᠤ ᠰᠠᠩᠴᠢ ᠴᠤᠭᠳᠦ ᠪᠠᠭᠰᠢ ᠪᠤᠯ ᠤᠳᠠᠭᠠᠨ ᠵᠢᠯ ᠠᠯᠠᠱᠠ ᠶᠢᠨ ᠰᠤᠶᠤᠯ ᠲᠡᠤᠬᠡ ᠶᠢ | ᠰᠤᠳᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠦᠭᠡᠳ ᠲᠡᠤᠬᠡ ᠰᠤᠶᠤᠯ ᠤᠨ ᠰᠤᠳᠤᠯᠭᠠᠨ ᠤ ᠤᠯᠠᠨ ᠨᠤᠮ ᠰᠤᠳᠤᠷ ᠢ ᠵᠤᠬᠢᠶᠠᠨ | ᠨᠠᠶᠢᠷᠠᠭᠤᠯᠵᠦ ᠬᠡᠪᠯᠡᠭᠰᠡᠨ ᠡᠷᠳᠡᠮᠳᠡᠨ ᠶᠤᠮ᠃ ᠴᠤᠭᠳᠦ ᠪᠠᠭᠰᠢ ᠤᠪᠤᠭᠠᠨ ᠳᠤ ᠭᠠᠷᠬᠤ ᠵᠠᠮ ᠵᠠᠭᠤᠷᠠ ᠪᠢᠳᠠᠨ ᠳᠤ | ᠡᠶᠢᠮᠦ ᠨᠢᠭᠡᠨ ᠦᠯᠢᠭᠡᠷ ᠢ ᠶᠠᠷᠢᠵᠦ ᠪᠢᠯᠡ᠃ ᠱᠠᠯᠠᠮᠠ ᠶᠢᠨ ᠤᠪᠤᠭᠠ ᠶᠢ ᠠᠮᠢᠳᠤ ᠬᠦᠮᠦᠨ ᠢᠶᠠᠷ ᠲᠠᠬᠢᠭᠰᠠᠨ ᠴᠡᠷᠢᠭ | ᠲᠠᠶᠢᠨ ᠤ ᠤᠪᠤᠭᠠ ᠭᠡᠵᠦ ᠬᠡᠯᠡᠳᠡᠭ᠃ ᠲᠤᠭ ᠲᠠᠬᠢᠬᠤ ᠳᠤ ᠵᠠᠪᠠᠯ ᠠᠮᠢᠳᠤ ᠬᠦᠮᠦᠨ ᠢᠶᠠᠷ ᠲᠠᠬᠢᠬᠤ ᠪᠦᠭᠡᠳ ᠠᠮᠢ | ᠪᠠᠨ ᠦᠭᠬᠦᠭᠰᠡᠨ ᠬᠦᠮᠦᠨ ᠨᠢ ᠵᠠᠪᠠᠯ ᠴᠡᠭᠡᠵᠢᠨ ᠠᠴᠠ ᠠᠪᠤᠭᠠᠳ ᠪᠢᠳᠡᠬᠦᠤ ᠤᠷᠤᠭ ᠰᠠᠬᠠᠯ ᠲᠠᠢ ᠬᠦᠮᠦᠨ ᠪᠠᠶᠢᠳᠠᠭ | ᠶᠤᠰᠤ ᠲᠠᠢ ᠭᠡᠨᠡ᠃ ᠠᠮᠢ ᠪᠠᠨ ᠦᠭᠬᠦ ᠬᠦᠮᠦᠨ ᠤ ᠬᠦᠯ ᠠᠴᠠ ᠨᠢ ᠡᠬᠢᠯᠡᠵᠦ ᠲᠤᠰᠤᠯᠠᠭᠰᠠᠨ ᠬᠦᠪᠦ᠋ᠩ ᠲᠡᠭᠡᠰᠦ | ᠪᠠᠷ ᠪᠡᠶᠡ ᠶᠢ ᠨᠢ ᠤᠷᠢᠶᠠᠨ ᠪᠤᠭᠤᠵᠦ᠂ ᠴᠢᠰᠦ ᠶᠢ ᠨᠢ ᠦᠭᠡᠳᠡ ᠨᠢ ᠰᠢᠬᠠᠵᠦ ᠬᠠᠮᠤᠭ ᠰᠡᠬᠦᠯ ᠳᠤ ᠲᠤᠯᠤᠭᠠᠢ ᠶᠢ | ᠨᠢ ᠴᠪᠴᠢᠬᠤ ᠳᠤ ᠴᠢᠰᠦ ᠨᠢ ᠬᠡᠳᠦᠢ ᠦᠨᠳᠦᠷ ᠤᠶᠢᠬᠤ ᠪᠠᠷ ᠨᠢ ᠲᠠᠶᠢᠨ ᠤ ᠢᠯᠠᠵᠦ ᠢᠯᠠᠭᠳᠠᠬᠤ ᠶᠢ ᠪᠡᠯᠭᠡᠰᠢᠶᠡᠳᠡᠭ | ᠪᠠᠶᠢᠵᠠᠢ᠃ ᠭᠡᠷᠪᠡ ᠡᠶᠢᠮᠦ ᠬᠦᠮᠦᠨ ᠬᠠᠶᠢᠭᠠᠳ ᠤᠯᠳᠠᠬᠤ ᠦᠭᠡᠢ ᠪᠤᠯ ᠦᠭᠡᠷᠡ ᠠᠮᠢᠳᠠᠨ ᠠᠯᠠᠵᠦ ᠤᠷᠤᠯᠠᠭᠤᠯᠵᠦ | ᠲᠠᠬᠢᠳᠠᠭ ᠶᠤᠰᠤ ᠪᠠᠰᠠ ᠪᠠᠶᠢᠵᠠᠢ᠃ ᠴᠢᠩ ᠤᠯᠤᠰ ᠤᠨ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤ ᠲᠠᠪᠢᠨ ᠬᠤᠶᠠᠳᠤᠭᠠᠷ ᠤᠨ | ︵1713 ᠤᠨ︶ ᠳᠤ ᠠᠯᠠᠱᠠ ᠬᠤᠱᠤᠳ ᠤᠨ ᠨᠢᠭᠡᠳᠦᠭᠡᠷ ᠦᠶᠡ ᠶᠢᠨ ᠨᠤᠶᠠᠨ ᠬᠤᠷᠤᠯᠠᠢ ᠶᠢᠨ ᠭᠤᠷᠪᠠᠳᠤᠭᠠᠷ | ᠬᠦᠪᠡᠬᠦᠨ᠂ ᠮᠠᠨᠵᠦ ᠶᠢᠨ ᠬᠠᠭᠠᠨ ᠤ ᠬᠦᠷᠭᠡᠨ᠂ ᠵᠠᠰᠠᠭ ᠲᠦᠷᠦ ᠶᠢᠨ ᠪᠠᠶᠢᠯᠠ ᠠᠪᠤᠤ ᠨᠤᠶᠠᠨ ᠵᠦᠩᠭᠠᠷ ᠬᠠᠭᠠᠨᠳᠦ | ᠤᠯᠤᠰ ᠤᠨ ᠲᠤᠪᠲᠤᠯᠤᠯᠳᠠ ᠶᠢ ᠰᠡᠷᠭᠡᠶᠢᠯᠡᠬᠦ ᠪᠠᠷ ᠲᠠᠶᠢᠨ ᠳᠤ ᠮᠤᠷᠳᠠᠬᠤ ᠳᠠᠭᠠᠨ ᠶᠠᠪᠠᠷᠠᠢ ᠶᠢᠨ ᠪᠠᠭ ᠤᠨ ᠬᠤᠮᠠᠬᠢ | ᠶᠢᠨ ᠭᠤᠤᠯ ᠤᠨ ᠬᠤᠶᠢᠳᠤ ᠲᠡᠭᠡᠷᠡ ᠪᠠᠶᠢᠭᠠ ᠡᠨᠡ ᠬᠦ ᠬᠠᠷᠠ ᠠᠭᠤᠯᠠ ᠶᠢᠨ ᠤᠷᠤᠢ ᠲᠡᠭᠡᠷᠡ ᠲᠤᠭ ᠢᠶᠠᠨ ᠲᠠᠬᠢᠬᠤ | ᠪᠠᠷ ᠪᠤᠯᠵᠦ ᠬᠦᠮᠦᠨ ᠬᠠᠶᠢᠵᠦ ᠪᠠᠶᠢᠳᠠᠯᠠ ᠨᠢᠭᠡ ᠠᠷᠪᠠᠨ ᠭᠤᠷᠪᠠ ᠲᠦᠷᠪᠡᠨ ᠨᠠᠰᠤᠨ ᠤ ᠱᠠᠯᠠᠮᠠ ᠭᠡᠳᠡᠭ ᠨᠡᠷᠡ ᠲᠠᠢ | ᠬᠡᠤᠭᠡᠳ ᠭᠠᠷᠴᠦ ᠢᠷᠡᠭᠡᠳ᠄ ︽ᠵᠠ᠂ ᠬᠤᠰᠢᠭᠤ ᠨᠤᠳᠤᠭ ᠤᠨ ᠠᠮᠤᠷ ᠲᠦᠪᠰᠢᠨ ᠤ ᠲᠦᠯᠦᠭᠡ ᠪᠢ ᠠᠮᠢ ᠪᠠᠨ | ᠡᠷᠬᠦᠶᠡ︾ ᠭᠡᠵᠦ ᠬᠡᠨᠡ᠃ ᠲᠡᠷᠡ ᠨᠢ ᠬᠡᠳᠦᠶᠢᠪᠡᠷ ᠬᠡᠤᠭᠡᠳ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠰᠠᠬᠠᠯ ᠤᠷᠭᠤᠭᠰᠠᠨ ᠪᠠᠶᠢᠭᠰᠠᠨ | ᠪᠤᠯᠬᠤᠷ ᠶᠤᠰᠤᠨ ᠳᠤ ᠨᠡᠶᠢᠴᠡᠵᠦ ᠲᠡᠷᠡ ᠬᠡᠤᠭᠡᠳ ᠢᠶᠠᠷ ᠲᠤᠭ ᠢᠶᠠᠨ ᠲᠠᠬᠢᠬᠤ ᠪᠠᠷ ᠪᠤᠯᠵᠦ᠂ ᠴᠠᠪᠴᠢᠬᠤ ᠳᠤ ᠴᠢᠰᠦ | ᠨᠢ ᠶᠡᠭᠡ ᠦᠨᠳᠦᠷ ᠲᠤ ᠭᠠᠷᠴᠤ ᠭᠡᠨᠡ᠃ ᠡᠬᠦᠨ ᠳᠤ ᠤᠯᠠᠨ ᠢᠶᠠᠷ ᠢᠶᠠᠨ ᠶᠡᠭᠡ ᠪᠠᠶᠠᠷᠯᠠᠵᠦ ᠡᠨᠡ ᠤᠳᠠᠭᠠᠨ ᠤ | ᠲᠠᠶᠢᠨ ᠳᠤ ᠬᠦᠮᠦᠨ ᠶᠡᠭᠡ ᠦᠷᠡᠭᠳᠡᠬᠦ ᠦᠭᠡᠢ ᠪᠠᠷ ᠢᠯᠡᠯᠳᠡ ᠤᠯᠬᠤ ᠶᠤᠮ ᠪᠠᠶᠢᠨᠠ ᠭᠡᠵᠦ ᠪᠡᠯᠭᠡᠰᠢᠶᠡᠭᠰᠡᠨ ᠭᠡᠨᠡ᠃ | ᠡᠬᠦᠨ ᠤ ᠰᠡᠬᠦᠯᠡᠷ ᠪᠠᠷᠠᠭᠤᠨ ᠪᠡᠶᠡ ᠳᠤ ᠪᠠᠰᠠ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠡᠬᠦᠰᠦᠭᠡᠳ ᠪᠤᠯᠬᠤ ᠦᠭᠡᠢ ᠪᠤᠯᠬᠤᠷ ᠮᠠᠨᠵᠦ | ᠶᠢᠨ ᠬᠠᠭᠠᠨ ᠠᠯᠠᠱᠠ ᠠᠴᠠ ᠴᠡᠷᠢᠭ ᠲᠠᠳᠠᠵᠦ ᠭᠡᠨᠡ᠃ ᠠᠪᠤᠤ ᠨᠤᠶᠠᠨ ᠤ ᠬᠦᠤ ᠯᠤᠪᠰᠠᠨᠳᠤᠷᠵᠢ ᠸᠠᠩ ᠦᠪᠡᠷ ᠤᠨ | ᠪᠠᠶᠠ ᠪᠠᠷ ᠢᠶᠠᠨ ᠴᠡᠷᠢᠭ ᠲᠠᠶᠢᠴᠢᠯᠠᠵᠦ ᠪᠠᠷᠠᠭᠤᠨᠰᠢ ᠶᠠᠪᠤᠬᠤ ᠳᠠᠭᠠᠨ ᠠᠪᠤ ᠶᠢᠨ ᠢᠶᠠᠨ ᠲᠤᠭ ᠲᠠᠬᠢᠭᠰᠠᠨ ᠡᠨᠡ ᠬᠦ | ᠬᠠᠷᠠ ᠠᠭᠤᠯᠠ ᠶᠢᠨ ᠤᠷᠤᠢ ᠲᠡᠭᠡᠷᠡ ᠤᠪᠤᠭᠠ ᠪᠤᠰᠬᠠᠨ ᠲᠠᠬᠢᠵᠦ ᠴᠡᠷᠢᠭ ᠲᠠᠶᠢᠨ ᠤ ᠢᠯᠠᠯᠳᠠ ᠤᠯᠬᠤ ᠶᠢ | ᠪᠡᠯᠭᠡᠰᠢᠶᠡᠭᠰᠡᠨ ᠭᠡᠳᠡᠭ᠃ ᠢᠩᠬᠢᠭᠡᠳ ᠬᠤᠵᠢᠮ ᠤᠨ ᠬᠦᠮᠦᠰ ᠡᠨᠡ ᠬᠦ ᠠᠭᠤᠯᠠ ᠶᠢ ᠱᠠᠯᠠᠮᠠ ᠶᠢᠨ ᠠᠭᠤᠯᠠ᠂ | ᠤᠪᠤᠭᠠ ᠶᠢ ᠱᠠᠯᠠᠮᠠ ᠶᠢᠨ ᠤᠪᠤᠭᠠ ᠭᠡᠮᠡᠨ ᠨᠡᠷᠡᠯᠡᠭᠰᠡᠨ ᠭᠡᠳᠡᠭ᠃ | ᠪᠢᠳᠠ ᠤᠪᠤᠭᠠᠨ ᠳᠤ ᠭᠠᠷᠴᠦ ᠠᠯᠤᠰ ᠢ ᠪᠠᠷᠠᠯᠠᠬᠤ ᠳᠤ ᠡᠮᠤᠨᠡ ᠵᠠᠬᠠ ᠪᠠᠷ ᠬᠠᠷᠠ ᠲᠤᠯᠤᠭᠠᠢ ᠶᠢᠨ ᠡᠯᠡᠰᠦ | ᠬᠦᠨᠳᠡᠯᠢᠰᠴᠤ ᠬᠤᠮᠠᠬᠢ ᠶᠢᠨ ᠭᠤᠤᠯ ᠤᠨ ᠠᠭᠤᠳᠠᠮ ᠴᠠᠶᠢᠳᠠᠮ ᠬᠦᠨᠳᠡᠢ ᠪᠠᠷ ᠠᠶᠢᠯ ᠤᠳ ᠤᠨ ᠪᠠᠷᠠ ᠰᠦᠮᠡᠯᠵᠡᠨ᠂ | ᠲᠡᠮᠡᠭᠡᠨ ᠰᠦᠷᠦᠭ ᠨᠠᠯᠠᠶᠢᠨ ᠪᠡᠯᠴᠢᠵᠦ ᠬᠠᠷᠠᠭᠳᠠᠨᠠ᠃ ᠵᠡᠬᠦᠨ ᠬᠤᠶᠢᠰᠢ ᠯᠤᠩᠬᠤᠳᠤ ᠶᠢᠨ ᠠᠭᠤᠯᠠ᠂ ᠪᠤᠷᠭᠠᠰᠤᠳᠠᠢ | ᠶᠢᠨ ᠠᠭᠤᠯᠠ ᠮᠠᠨᠠᠨ ᠪᠤᠳᠠᠩ ᠤᠨ ᠲᠤᠮᠳᠠ ᠰᠦᠨᠳᠡᠷᠯᠡᠨ᠂ ᠬᠤᠶᠢᠰᠢ ᠪᠠᠨ ᠱᠠᠯᠠᠮᠠ ᠶᠢᠨ ᠠᠭᠤᠯᠠ ᠦᠷᠬᠦᠯᠵᠢᠯᠡᠭᠡᠳ | ᠰᠦᠷᠯᠢᠭ ᠰᠠᠶᠢᠬᠠᠨ ᠬᠠᠷᠠᠭᠳᠠᠨᠠ ᠠᠵᠢ᠃ ᠡᠨᠡ ᠠᠭᠤᠯᠠ ᠪᠠ ᠤᠪᠤᠭᠠ ᠶᠢᠨ ᠨᠡᠷᠡ ᠶᠢᠨ ᠢᠷᠡᠯᠳᠡ ᠶᠢᠨ ᠲᠤᠬᠠᠢ | ᠨᠤᠳᠤᠭ ᠤᠨ ᠬᠦᠮᠦᠰ ᠤᠨ ᠲᠤᠮᠳᠠ ᠤᠯᠠᠨ ᠦᠯᠢᠭᠡᠷ ᠲᠤᠮᠤᠭ ᠪᠤᠶᠤ ᠶᠠᠷᠢᠶᠠ ᠤᠯᠠᠮᠵᠢᠯᠠᠭᠳᠠᠵᠦ ᠪᠠᠶᠢᠳᠠᠭ ᠠᠵᠤᠭᠤ᠃ | ᠡᠨᠡ ᠠᠭᠤᠯᠠ ᠶᠢᠨ ᠦᠯᠭᠡᠨ ᠳᠤ ᠱᠠᠯᠠᠮᠠ ᠶᠢᠨ ᠪᠦᠭᠡᠷᠡᠭ ᠭᠡᠳᠡᠭ ᠭᠠᠵᠠᠷ ᠪᠠᠶᠢᠳᠠᠭ᠃ ᠲᠡᠨᠳᠡ ᠤᠭ ᠲᠠᠭᠠᠨ | ᠲᠠᠪᠤᠨ ᠲᠡᠮᠡᠭᠡ ᠲᠠᠢ᠂ ᠴᠦᠯᠢᠭᠢᠷ ᠴᠤᠬᠢᠵᠦ ᠢᠳᠡᠭᠡᠳ ᠠᠮᠢᠳᠤᠷᠠᠳᠠᠭ ᠨᠢᠭᠡᠨ ᠱᠠᠯᠠᠮᠠ ᠭᠡᠳᠡᠭ ᠨᠡᠷᠡ ᠲᠠᠢ ᠲᠡᠨᠦᠬᠦᠯ | ᠬᠦᠮᠦᠨ ᠰᠠᠭᠤᠵᠦ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠡᠨᠡ ᠠᠭᠤᠯᠠ ᠶᠢ ᠱᠠᠯᠠᠮᠠ ᠶᠢᠨ ᠠᠭᠤᠯᠠ ᠭᠡᠮᠡᠨ ᠨᠡᠷᠡᠯᠡᠭᠰᠡᠨ ᠭᠡᠨᠡ᠃ | ᠪᠠᠰᠠ ᠨᠢᠭᠡᠨ ᠲᠤᠮᠤᠭ ᠶᠠᠷᠢᠶᠠ ᠶᠢ ᠲᠤᠷᠠᠳᠪᠠᠯ ᠠᠪᠤᠤ ᠨᠤᠶᠠᠨ ᠵᠦᠩᠭᠠᠷ ᠬᠠᠭᠠᠨᠳᠦ ᠤᠯᠤᠰ ᠤᠨ ᠲᠤᠪᠲᠤᠯᠤᠯᠳᠠ ᠶᠢ | ᠰᠡᠷᠭᠡᠶᠢᠯᠡᠬᠦ ᠪᠠᠷ ᠲᠠᠶᠢᠨ ᠳᠤ ᠮᠤᠷᠳᠠᠬᠤ ᠳᠠᠭᠠᠨ ᠡᠨᠡ ᠬᠦ ᠬᠠᠷᠠ ᠠᠭᠤᠯᠠ ᠶᠢᠨ ᠤᠷᠤᠢ ᠲᠡᠭᠡᠷᠡ ᠲᠤᠭ ᠢᠶᠠᠨ | ᠲᠠᠬᠢᠵᠠᠢ᠃ ᠬᠠᠭᠠᠨ ᠤ ᠬᠠᠳᠠᠭᠤ ᠠᠯᠪᠠᠨ ᠳᠤ ᠲᠠᠳᠠᠭᠳᠠᠭᠰᠠᠨ ᠪᠤᠯᠬᠤᠷ ᠵᠠᠪᠠᠯ ᠢᠯᠠᠯᠳᠠ ᠤᠯᠬᠤ ᠶᠢ ᠪᠡᠯᠭᠡᠰᠢᠶᠡᠨ | ᠡᠨᠡ ᠠᠭᠤᠯᠠ ᠶᠢᠨ ᠤᠷᠤᠢ ᠲᠡᠭᠡᠷᠡ ᠨᠦᠭᠡ ᠮᠠᠯᠳᠠᠵᠦ ᠨᠤᠮᠤ ᠰᠠᠭᠠᠳᠠᠭ ᠬᠤᠶᠠᠭᠯᠠᠭᠰᠠᠨ ᠱᠠᠯᠠᠮᠠ ᠭᠡᠳᠡᠭ ᠬᠦᠮᠦᠨ ᠢ | ᠮᠤᠷᠢ ᠤᠨᠤᠭᠤᠯᠤᠨ ᠲᠡᠷᠡ ᠬᠦ ᠨᠦᠭᠡᠨ ᠲᠤᠳᠤᠷᠠ ᠵᠤᠭᠰᠤᠭᠠᠭᠠᠳ᠄ ︽ᠵᠠ᠂ ᠴᠢ ᠮᠠᠨ ᠤ ᠡᠵᠡᠨ ᠰᠦᠯᠳᠡ ᠪᠤᠯᠵᠦ᠂ | ᠴᠡᠷᠢᠭ ᠲᠠᠶᠢᠨ ᠳᠤ ᠢᠯᠠᠯᠳᠠ ᠤᠯᠵᠦ ᠭᠠᠪᠢᠶᠠ ᠪᠠᠶᠢᠭᠤᠯᠤᠨ ᠡᠩᠭᠡ ᠮᠡᠨᠳᠦ ᠪᠠᠷ ᠪᠤᠴᠠᠵᠦ ᠢᠷᠡᠬᠦ ᠶᠢ ᠦᠷᠦᠰᠢᠶᠡᠨ | ᠪᠠᠳᠤᠯᠠᠳᠤᠭᠠᠢ︾ ᠭᠡᠮᠡᠨ ᠵᠠᠬᠢᠭᠠᠳ ᠲᠡᠭᠡᠷᠡ ᠨᠢ ᠤᠪᠤᠭᠠ ᠪᠤᠰᠬᠠᠵᠦ ᠲᠠᠬᠢᠭᠰᠠᠨ ᠠᠴᠠ ᠱᠠᠯᠠᠮᠠ ᠶᠢᠨ ᠤᠪᠤᠭᠠ | ᠭᠡᠮᠡᠨ ᠨᠡᠷᠡᠯᠡᠭᠰᠡᠨ ᠴᠣ᠋ ᠭᠡᠨᠡ᠃ ᠡᠬᠦᠨ ᠲᠠᠢ ᠠᠳᠠᠯᠢᠪᠳᠤᠷ ᠪᠠᠰᠠ ᠨᠢᠭᠡᠨ ᠦᠯᠢᠬᠡᠷ ᠶᠠᠷᠢᠶᠠ ᠳᠤ ᠠᠯᠠᠱᠠ ᠨᠤᠶᠠᠨ ᠤ | ᠴᠡᠷᠢᠭ ᠲᠤ ᠨᠢᠭᠡᠨ ᠱᠠᠯᠠᠮᠠ ᠭᠡᠰᠡᠨ ᠨᠡᠷᠡ ᠲᠠᠢ ᠴᠠᠭᠠᠨ ᠬᠠᠯᠢᠭᠤᠨ ᠮᠤᠷᠢ ᠲᠠᠢ ᠪᠠᠭᠠᠳᠤᠷ ᠪᠠᠶᠢᠭᠰᠠᠨ ᠭᠡᠨᠡ᠃ | ᠲᠡᠷᠡ ᠪᠠᠭᠠᠳᠤᠷ ᠡᠨᠡ ᠬᠠᠷᠠ ᠠᠭᠤᠯᠠᠨ ᠲᠡᠭᠡᠷᠡ ᠢᠷᠡᠴᠢᠭᠡᠭᠡᠳ᠄ ︽ᠡᠨᠡ ᠭᠠᠵᠠᠷ ᠶᠡᠭᠡ ᠦᠯᠵᠡᠢ ᠲᠠᠢ ᠰᠠᠶᠢᠬᠠᠨ | ᠭᠠᠵᠠᠷ ᠪᠠᠶᠢᠨᠠ᠂ ᠪᠢ ᠬᠤᠵᠢᠮ ᠡᠨᠡ ᠭᠠᠵᠠᠷ ᠲᠡᠭᠡᠷᠡ ᠨᠠᠪᠳᠠᠭ ᠪᠤᠯᠵᠦ ᠰᠠᠭᠤᠶᠠ︾ ᠭᠡᠵᠦ ᠬᠡᠯᠡᠭᠡᠳ | ᠲᠠᠶᠢᠯᠠᠯᠳᠤᠭᠰᠠᠨ ᠳᠤ ᠶᠡᠭᠡ ᠢᠯᠠᠯᠳᠠ ᠤᠯᠵᠦ ᠲᠠᠶᠢᠰᠤᠨ ᠢᠶᠠᠨ ᠤᠭ ᠬᠤᠭ ᠦᠭᠡᠢ ᠤᠰᠠᠳᠬᠠᠭᠰᠠᠨ ᠭᠡᠨᠡ᠃ | ᠴᠠᠭᠠᠨ ᠬᠠᠯᠢᠭᠤᠨ ᠮᠤᠷᠢ ᠲᠠᠢ ᠱᠠᠯᠠᠮᠠ ᠦᠬᠦᠬᠦᠯᠡᠷ ᠬᠦᠮᠦᠰ ᠲᠡᠬᠦᠨ ᠤ ᠬᠡᠯᠡᠭᠰᠡᠨ ᠢᠶᠠᠷ ᠨᠢ ᠱᠠᠯᠠᠮᠠ ᠤᠨ ᠠᠭᠤᠯᠠᠨ | ᠲᠡᠭᠡᠷᠡ ᠨᠦᠭᠡ ᠮᠠᠯᠳᠠᠵᠦ ᠲᠡᠬᠦᠨ ᠢ ᠮᠤᠷᠢ ᠲᠠᠢ ᠨᠢ ᠬᠠᠮᠳᠦ ᠨᠦᠬᠡᠨ ᠲᠤᠳᠤᠷᠠ ᠬᠢᠵᠦ ᠪᠤᠯᠠᠭᠠᠳ ᠲᠡᠭᠡᠷᠡ ᠨᠢ | ᠪᠦᠳᠦᠬᠦᠨ ᠤᠪᠤᠭᠠ ᠪᠤᠰᠬᠠᠵᠦ ᠲᠠᠬᠢᠭᠠᠳ ᠪᠠᠭᠠᠳᠤᠷ ᠢ ᠲᠤᠷᠠᠰᠬᠠᠨ ᠠᠷᠠᠳ ᠢᠷᠭᠡᠳ ᠠᠮᠤᠭᠤᠯᠠᠩ ᠪᠠᠶᠢᠳᠤᠭᠠᠢ | ᠭᠡᠮᠡᠨ ᠲᠡᠭᠷᠢ ᠭᠠᠵᠠᠷ ᠲᠤ ᠲᠠᠭᠠᠳᠬᠠᠳᠠᠭ ᠪᠤᠯᠤᠭᠰᠠᠨ ᠭᠡᠨᠡ᠃ ᠡᠳᠡᠭᠡᠷ ᠦᠯᠢᠭᠡᠷ ᠲᠤᠮᠤᠭ ᠪᠤᠶᠤ ᠶᠠᠷᠢᠶᠠ ᠳᠤ | ᠠᠯᠠᠱᠠ ᠸᠠᠩ ᠴᠡᠷᠢᠭ ᠲᠠᠶᠢᠴᠢᠯᠠᠨ ᠵᠦᠩᠭᠠᠷ ᠬᠠᠭᠠᠨᠳᠦ ᠤᠯᠤᠰ ᠲᠠᠢ ᠲᠠᠶᠢᠯᠠᠯᠳᠤᠬᠤ ᠪᠠᠷ ᠶᠠᠪᠤᠬᠤ ᠳᠠᠭᠠᠨ ᠠᠳᠡ | ᠲᠤᠭ ᠪᠠᠨ ᠲᠠᠬᠢᠵᠦ ᠤᠪᠤᠭᠠ ᠪᠤᠰᠬᠠᠭᠰᠠᠨ ᠨᠢ ᠲᠤᠳᠤᠷᠬᠠᠢ ᠠᠵᠢ᠃ | ᠤᠪᠤᠭᠠᠨ ᠲᠠᠬᠢᠯᠭᠠ ᠵᠤᠷᠰᠢᠯ ᠶᠤᠰᠤᠭᠠᠷ ᠰᠠᠶᠢᠬᠠᠨ ᠶᠠᠪᠤᠭᠳᠠᠯᠠ᠃ ᠪᠢᠳᠠ ᠡᠳᠡᠭᠡᠷ ᠤᠯᠠᠨ ᠤᠯᠠᠨ ᠦᠯᠢᠭᠡᠷ | ᠲᠤᠮᠤᠭ ᠲᠤ ᠰᠤᠨᠢᠭᠤᠴᠢ ᠪᠤᠳᠤᠯ ᠲᠦᠷᠦᠭᠳᠡᠨ ᠨᠤᠳᠤᠭ ᠤᠨ ᠠᠬᠠᠮᠠᠳ ᠠᠴᠠ ᠯᠠᠪᠯᠠᠨ ᠠᠰᠠᠭᠤᠬᠤ ᠳᠤ᠄ ︽ᠪᠢᠳᠠᠨ | ᠢ ᠪᠠᠭᠠ ᠪᠠᠶᠢᠬᠤ ᠳᠤ ᠶᠡᠬᠡᠴᠤᠤᠯ ᠢᠩᠬᠢᠵᠦ ᠬᠡᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠂ ᠡᠨᠡ ᠬᠦ ᠦᠯᠢᠭᠡᠷ ᠤᠴᠢᠷ ᠤᠳᠤ | ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠪᠠᠶᠢᠨᠠ︾ ᠭᠡᠵᠦ ᠪᠠᠶᠢᠪᠠ᠃ ᠤᠶᠢᠷᠠ ᠤᠷᠴᠢᠮ ᠤᠨ ᠮᠠᠯᠴᠢᠳ ᠤᠪᠤᠭᠠᠨ ᠳᠠᠭᠠᠨ | ᠡᠪᠡᠳᠴᠢᠨ ᠵᠤᠪᠠᠯᠠᠩ ᠦᠭᠡᠢ ᠡᠩᠬᠡ ᠠᠮᠤᠭᠤᠯᠠᠩ᠂ ᠬᠤᠷᠠ ᠪᠤᠷᠤᠭᠠᠨ ᠲᠠᠢ ᠦᠩ ᠰᠢᠮᠡᠯᠢᠭ ᠪᠠᠶᠢᠬᠤ ᠪᠠᠨ | ᠲᠠᠭᠠᠳᠬᠠᠨ ᠵᠠᠯᠪᠠᠷᠢᠭᠰᠠᠨ ᠪᠠᠶᠢᠬᠠ᠂ ᠬᠠᠩᠰᠢ ᠶᠢᠨ ᠡᠳᠦᠷ ᠤᠨ ᠶᠤᠰᠤ ᠭᠤᠷᠢᠮ ᠢᠶᠠᠷ ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠢᠶᠠᠨ | ᠦᠯᠢᠭᠡᠷ ᠲᠤᠮᠤᠭ ᠲᠤ ᠶᠤᠰᠤᠴᠢᠯᠠᠨ ᠲᠠᠭᠠᠳᠬᠠᠭᠰᠠᠨ ᠪᠠᠶᠢᠬᠠ᠃ ᠬᠠᠷᠢᠨ ᠪᠢᠳᠠᠨ ᠤ ᠰᠡᠳᠬᠢᠯ ᠳᠤ ᠡᠨᠡ ᠤᠪᠤᠭᠠ | ᠶᠢ ᠶᠠᠭᠠᠬᠢᠭᠠᠳ ᠬᠠᠩᠰᠢ ᠶᠢᠨ ᠡᠳᠦᠷ ᠲᠠᠬᠢᠳᠠᠭ ᠶᠤᠮ︖ ᠠᠮᠢᠳᠤ ᠬᠦᠮᠦᠨ ᠢᠶᠠᠷ ᠲᠠᠬᠢᠯᠠ ᠭᠡᠳᠡᠭ ᠦᠯᠢᠭᠡᠷ ᠶᠠᠷᠢᠶᠠ | ᠦᠨᠡᠨ ᠪᠤᠯᠪᠠᠤ︖ ᠭᠡᠰᠡᠨ ᠡᠭᠡᠳᠡᠷᠡᠭᠡ ᠲᠠᠶᠢᠯᠤᠭᠳᠠᠵᠦ ᠴᠢᠳᠠᠭᠠ ᠦᠭᠡᠢ ᠪᠠᠶᠢᠯᠠ᠃ ᠴᠤᠭᠳᠦ ᠪᠠᠭᠰᠢ᠄ ︽ᠠᠯᠠᠱᠠ | ᠳᠤ ᠨᠡᠯᠢᠶᠡᠳ ᠭᠡᠳᠦᠨ ᠤᠪᠤᠭᠠ ᠶᠢ ᠠᠮᠢᠳᠤ ᠬᠦᠮᠦᠨ ᠢᠶᠠᠷ ᠲᠠᠬᠢᠭᠰᠠᠨ ᠭᠡᠳᠡᠭ ᠠᠮᠠᠨ ᠶᠠᠷᠢᠶᠠ ᠪᠤᠶᠤ ᠦᠯᠢᠭᠡᠷ | ᠲᠤᠮᠤᠭ ᠪᠠᠶᠢᠳᠠᠭ᠃ ᠭᠡᠳᠡᠯᠡ ᠡᠳᠡᠭᠡᠷ ᠠᠮᠢᠳᠤ ᠬᠦᠮᠦᠨ ᠢᠶᠠᠷ ᠲᠠᠬᠢᠯᠠ ᠭᠡᠳᠡᠭ ᠤᠪᠤᠭᠠ ᠲᠤᠳᠤᠷᠠ ᠭᠠᠭᠴᠠ ᠬᠦ | ᠱᠠᠯᠠᠮᠠ ᠶᠢᠨ ᠤᠪᠤᠭᠠ ᠶᠢ ᠬᠠᠩᠰᠢ ᠶᠢᠨ ᠡᠳᠦᠷ ᠲᠠᠬᠢᠳᠠᠭ ᠨᠢ ᠪᠠᠰᠠ ᠤᠴᠢᠷᠳᠠᠢ ᠪᠠᠶᠢᠵᠦ ᠮᠡᠳᠡᠨᠡ᠃ ᠠᠪᠤᠤ | ᠨᠤᠶᠠᠨ ᠤ ᠦᠶᠡ ᠳᠤ ᠲᠤᠭ ᠢᠶᠠᠨ ᠠᠮᠢᠳᠤ ᠬᠦᠮᠦᠨ ᠢᠶᠠᠷ ᠲᠠᠬᠢᠳᠠᠭ ᠶᠤᠰᠤ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠠᠯᠠᠱᠠᠴᠤᠳ | ᠮᠠᠨᠵᠦ ᠶᠢ ᠲᠠᠭᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠨᠢᠭᠡ ᠬᠡᠮᠵᠢᠶᠡ ᠪᠠᠷ ᠬᠢᠳᠠᠳ ᠰᠤᠶᠤᠯ ᠬᠦᠷᠳᠡᠬᠦ ᠪᠤᠯᠵᠦ᠂ ᠬᠠᠩᠰᠢ ᠶᠢᠨ | ᠡᠳᠦᠷ ᠡᠪᠦᠭᠡ ᠲᠡᠭᠡᠳᠦᠰ ᠪᠤᠶᠤ ᠦᠩᠭᠡᠷᠡᠭᠰᠡᠨ ᠬᠦᠮᠦᠰ ᠲᠡᠭᠡᠨ ᠶᠠᠭᠤᠮᠠ ᠰᠢᠳᠠᠭᠠᠵᠦ᠂ ᠬᠡᠩᠰᠢᠬᠦᠤ ᠭᠠᠷᠭᠠᠳᠠᠭ | ᠰᠤᠶᠤᠯ ᠨᠡᠪᠴᠢᠭᠰᠡᠨ ᠨᠢ ᠶᠠᠷᠢᠶᠠᠨ ᠦᠭᠡᠢ᠂ ᠢᠩᠬᠢᠭᠡᠳ ᠡᠨᠡ ᠤᠪᠤᠭᠠ ᠶᠢ ᠬᠠᠩᠰᠢ ᠶᠢᠨ ᠡᠳᠦᠷ ᠲᠠᠬᠢᠬᠤ | ᠪᠤᠯᠤᠭᠰᠠᠨ ᠪᠠᠶᠢᠵᠦ ᠮᠠᠭᠠᠳ︾ ᠭᠡᠵᠦ ᠪᠠᠶᠢᠯᠠ᠃ ᠶᠠᠭᠤ ᠪᠤᠯᠤᠭᠰᠠᠨ ᠴᠤ ᠡᠳᠡᠭᠡᠷ ᠲᠤᠮᠤᠭ ᠶᠠᠷᠢᠶᠠ ᠨᠤᠳᠤᠭ ᠤᠨ | ᠤᠯᠠᠨ ᠤ ᠲᠤᠮᠳᠠ ᠦᠶᠡ ᠤᠯᠠᠮᠵᠢᠯᠠᠨ ᠶᠠᠷᠢᠭᠳᠠᠭᠰᠠᠭᠠᠷ ᠡᠳᠦᠭᠡ ᠪᠤᠯᠬᠤ ᠳᠤ ᠭᠤᠷᠪᠠᠨ ᠵᠠᠭᠤᠭᠠᠳ ᠵᠢᠯ ᠪᠤᠯᠵᠡᠢ᠃ | ᠡᠨᠡ ᠤᠪᠤᠭᠠ ᠶᠢ ᠠᠯᠢ ᠡᠷᠳᠡ ᠬᠤᠰᠢᠭᠤ ᠲᠠᠮᠠᠭᠠ ᠶᠢᠨ ᠶᠠᠮᠤᠨ ᠠᠴᠠ ᠲᠠᠬᠢᠵᠦ ᠪᠠᠶᠢᠭᠠᠳ ᠰᠡᠬᠦᠯᠡᠷ ᠨᠢ ᠶᠠᠪᠠᠷᠠᠢ | ᠶᠢᠨ ᠪᠠᠭ᠂ ᠮᠦᠩᠬᠦᠨᠪᠤᠯᠠᠭ ᠰᠤᠮᠤᠨ ︵ᠤᠳᠤ ᠮᠠᠨᠳᠤᠯ ᠰᠤᠮᠤ ᠲᠠᠢ ᠨᠡᠶᠢᠯᠡᠵᠡᠢ︶ ᠠᠴᠠ ᠲᠠᠬᠢᠵᠦ᠂ ᠤᠳᠤ ᠱᠠᠯᠠᠮᠠ | ᠭᠠᠴᠠᠭᠠᠨ ᠤ ᠤᠶᠢᠷᠠ ᠤᠷᠴᠢᠮ ᠤᠨ ᠮᠠᠯᠴᠢᠳ ᠠᠴᠠ ᠲᠠᠬᠢᠵᠦ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | ᠦᠳᠡ ᠪᠤᠯᠵᠠᠢ᠂ ᠪᠤᠴᠠᠬᠤ ᠪᠤᠯᠤᠯᠠ᠃ ᠪᠢᠳᠠᠨ ᠢ ᠠᠭᠤᠯᠠᠨ ᠠᠴᠠ ᠪᠠᠭᠤᠭᠠᠳ ᠡᠷᠬᠢᠨ ᠬᠠᠷᠠᠬᠤ ᠳᠤ ᠬᠦᠮᠦᠰ | ᠮᠦᠨ ᠯᠠ ᠴᠤᠪᠤᠷᠠᠯᠳᠤᠨᠤᠪᠤᠭᠠᠨ ᠳᠠᠭᠠᠨ ᠰᠠᠴᠤᠯᠢ ᠪᠠᠨ ᠡᠷᠬᠦᠨ ᠬᠦᠵᠢ ᠰᠠᠩ ᠢᠶᠠᠨ ᠤᠭᠤᠬᠢᠭᠤᠯᠤᠨ ᠲᠠᠭᠠᠳᠬᠠᠵᠦ | ᠬᠠᠷᠠᠭᠳᠠᠯᠠ᠃ ᠱᠠᠯᠠᠮᠠ ᠭᠡᠳᠡᠭ ᠪᠠᠭᠠᠳᠤᠷ ᠡᠷᠡ ᠡᠨᠡ ᠤᠪᠤᠭᠠᠨ ᠲᠤᠤᠷᠠ ᠦᠨᠢ ᠮᠦᠩᠭᠡ ᠨᠤᠶᠢᠷᠰᠤᠭᠰᠠᠭᠠᠷ ᠪᠠᠶᠢᠭᠠ | ᠴᠤ ᠪᠤᠯᠪᠠᠤ︖ | | | | |