| ᠮᠠᠨᠳᠠ | | | ᠰᠠᠯᠬᠢᠨ ᠳᠤ ᠪᠢᠰᠢᠯᠭᠠᠵᠤ ᠪᠤᠢ ᠬᠤᠩᠬᠤᠨ ᠤ ᠬᠡᠯᠡ | ᠰᠠᠷᠠ ᠵᠢᠯ ᠥᠩᠭᠡᠷᠡᠵᠦ ᠤᠳᠬᠤ ᠶᠢ ᠵᠢᠷᠤᠬᠤ ᠰᠢᠭ᠋ | ᠰᠠᠨᠠᠭᠠᠨ ᠳᠤ ᠦᠭᠡᠢ ᠪᠠᠶᠢᠬᠤ ᠳᠤ ᠡᠪᠡᠰᠦ ᠨᠣᠭᠤᠭᠠ ᠤᠷᠭᠤᠵᠤ | ᠰᠠᠶ᠋ᠢᠬᠠᠨ ᠤ ᠯᠠ ᠶᠤᠮ ᠰᠢᠭ᠋ ᠡᠳᠦᠷ ᠬᠤᠨᠤᠭ ᠤᠳ ᠬᠠᠭᠤᠴᠢᠷᠠᠨᠠ | ᠳᠤᠲᠠᠭᠤ ᠪᠣᠯᠤᠭᠰᠠᠨ ᠵᠢᠮᠢᠰ ᠭᠠᠵᠠᠷ ᠲᠤ ᠤᠨᠠᠬᠤ ᠰᠢᠭ᠋ | ᠲᠠᠰᠤᠷᠠᠵᠤ ᠦᠯᠡᠳᠡᠭᠰᠡᠨ ᠭᠤᠨᠢᠭ ᠢᠶᠠᠨ ᠬᠡᠮᠨᠡᠵᠦ ᠲᠠᠯᠪᠢᠴᠢᠬᠠᠭᠠᠳ | ᠲᠠᠭᠤ ᠦᠭᠡᠢ ᠰᠠᠭᠤᠵᠤ ᠦᠭᠡᠨ ᠳᠤ ᠨᠣᠷᠬᠤ ᠳᠠᠭᠠᠨ | ᠲᠠᠰᠤᠳᠠᠵᠤ ᠠᠪᠤᠭᠰᠠᠨ ᠢᠨᠢᠶᠡᠳᠦ ᠪᠠᠷ ᠢᠶᠠᠨ ᠵᠠᠯᠭᠢᠨᠠ | ᠮᠥᠴᠢᠷ ᠢᠶᠠᠨ ᠣᠭᠲᠣᠯᠣᠭᠤᠯᠤᠭᠰᠠᠨ ᠮᠣᠳᠣᠨ ᠤ ᠠᠮᠢᠰᠬᠤᠭᠠ ᠰᠢᠭ᠋ | ᠮᠥᠷᠥᠭᠡᠳᠦᠯ ᠢᠶᠠᠨ ᠵᠢᠷᠦᠬᠡᠨ ᠳᠡᠭᠡᠨ ᠳᠠᠷᠤᠴᠢᠬᠠᠭᠠᠳ | ᠮᠤᠤᠷ ᠤᠨ ᠨᠢᠳᠦ ᠰᠢᠭ ᠭᠡᠷᠡᠯ ᠤᠨ ᠳᠣᠣᠭᠤᠷ ᠠᠯᠬᠤᠬᠤ ᠳᠠᠭᠠᠨ | ᠮᠦᠳᠭᠡᠨ ᠵᠠᠮᠬᠠᠷᠠᠬᠤ ᠰᠡᠭᠦᠳᠡᠷ ᠢᠶᠠᠨ ᠭᠡᠲᠡᠭᠦ ᠶᠤᠮ | ᠲᠦᠷᠡᠶᠢᠪᠴᠢᠨ ᠤ ᠪᠠᠨ ᠳᠣᠲᠣᠷᠠ ᠨᠠᠩᠭᠢᠨ ᠳᠤ | ᠲᠦᠭᠦᠬᠡᠢ ᠳᠤᠷᠠᠳᠬᠠᠯ ᠢᠶᠠᠨ ᠵᠢᠷᠤᠭ ᠲᠠᠢ ᠬᠠᠮᠲᠤ | ᠠᠪᠳᠠᠷᠠ ᠶᠢᠨ ᠢᠷᠤᠭᠠᠷ ᠲᠤ ᠮᠠᠷᠲᠠᠭᠰᠠᠨ ᠰᠢᠭ᠋ ᠢᠶᠠᠨ | ᠠᠬᠢᠭᠠᠳ ᠭᠠᠷᠭᠠᠬᠤ ᠦᠭᠡᠢ ᠣᠨᠢᠰᠤᠯᠠᠵᠤ ᠬᠠᠶᠠᠨᠠ | ᠰᠡᠯᠢᠨ ᠬᠤᠯᠠᠳᠬᠤ ᠵᠠᠪᠢ ᠶᠢ ᠰᠢᠷᠲᠡᠨ | ᠰᠡᠳᠬᠢᠯ ᠤᠨ ᠭᠦᠨᠳᠡᠭᠦᠷᠢ ᠢᠶᠠᠨ ᠳᠠᠶᠢᠵᠤ ᠶᠠᠪᠤᠭᠤᠯᠴᠢᠬᠠᠭᠠᠳ | ᠰᠡᠮᠭᠡᠨ ᠮᠡᠭᠰᠢᠭᠦ ᠵᠢᠭᠠᠰᠤᠨ ᠤ ᠭᠠᠰᠢᠭᠤᠳᠠᠯ ᠢ | ᠤᠰᠤᠨ ᠤ ᠠᠷ ᠢᠶᠠᠷ ᠠᠷᠭᠠᠳᠠᠵᠤ ᠲᠠᠶᠢᠳᠬᠤᠷᠠᠭᠤᠯᠤᠨᠠ | ᠠᠰᠠᠷ ᠤᠨ ᠰᠢᠨᠠ ᠳᠤ ᠰᠢᠷᠭᠠᠯ ᠲᠤᠶᠠᠭᠠ ᠲᠠᠲᠠᠬᠤ ᠳᠤ | ᠠᠰᠤᠷᠤ ᠶᠡᠭᠡ ᠭᠠᠭᠴᠠᠭᠠᠷᠳᠠᠯ ᠳᠤ ᠨᠦᠮᠦᠷᠢᠭᠳᠡᠨ | ᠠᠵᠢᠯ ᠠᠴᠠ ᠪᠠᠨ ᠬᠠᠷᠢᠳᠠᠭ ᠭᠤᠳᠤᠮᠵᠢᠨ ᠤ ᠮᠤᠬᠤᠷ ᠴᠤ | ᠠᠷᠭᠠ ᠦᠭᠡᠢ ᠯᠠ ᠲᠠᠨᠢᠯ ᠪᠤᠰᠤ ᠰᠠᠨᠠᠭᠳᠠᠨᠠ | ᠰᠠᠨᠠᠭᠠᠨ ᠳᠤ ᠦᠭᠡᠢ ᠪᠠᠶᠢᠬᠤ ᠳᠤ ᠡᠪᠡᠰᠦ ᠨᠣᠭᠤᠭᠠ ᠤᠷᠭᠤᠵᠤ | ᠰᠠᠶ᠋ᠢᠬᠠᠨ ᠤ ᠯᠠ ᠶᠤᠮ ᠰᠢᠭ᠋ ᠡᠳᠦᠷ ᠬᠤᠨᠤᠭ ᠤᠳ ᠬᠠᠭᠤᠴᠢᠷᠠᠨᠠ᠃ |