| ᠲ᠊ · ᠨᠠᠶᠠᠨᠲᠠᠢ | | | ᠭᠠᠭᠴᠠ ᠮᠥᠷ ᠰᠢᠯᠦᠭ ᠮᠢᠨᠢ | ᠭᠠᠭᠴᠠᠭᠠᠷᠳᠠᠯ ᠶᠤᠮ | ᠭᠠᠭᠴᠠᠬᠠᠨ ᠵᠢᠷᠤᠭᠠᠰᠤ ᠡᠭᠦᠯᠡ ᠭᠠᠷᠪᠠ | ᠭᠠᠳᠠᠭᠠ ᠪᠣᠷᠤᠭᠠ ᠵᠦᠰᠡᠷᠡᠵᠦ ᠡᠬᠢᠯᠡᠯᠡ | ᠶᠢᠷᠲᠢᠨᠴᠦ ᠭᠡᠵᠦ ᠠᠷᠭᠠ ᠦᠭᠡᠢ ᠵᠢᠷᠤᠭᠠᠴᠢ ᠶᠤᠮ ᠠ᠋ | ᠶᠠᠨᠲᠠᠢ ᠳᠦᠭᠦᠷᠡᠩ ᠪᠣᠷᠣᠭᠠᠨ ᠳᠤ ᠦᠵᠦᠭ ᠢᠶᠠᠨ ᠲᠦᠷᠦᠵᠤ | ᠪᠢ ᠪᠠᠰᠠ ᠵᠢᠷᠤᠵᠤ ᠡᠬᠢᠯᠡᠯᠡ᠂ ᠭᠠᠭᠴᠠᠭᠠᠷᠳᠠᠯ ᠢᠶᠠᠨ ᠁ | ᠭᠠᠭᠴᠠ ᠲᠤᠰᠤᠯ ᠪᠡᠭᠡ ᠮᠢᠨᠢ | ᠲᠥᠰᠥᠭᠡᠯᠡᠯ ᠶᠤᠮ | ᠭᠠᠭᠴᠠᠬᠠᠨ ᠴᠡᠭ ᠲᠠᠯᠪᠢᠵᠤ ᠨᠡᠷᠡ ᠬᠠᠳᠠᠪᠠ | ᠭᠠᠭᠴᠠᠭᠠᠷᠳᠠᠯ ᠭᠡᠮᠡᠭᠦ ᠰᠢᠯᠦᠭ ᠲᠦᠷᠦᠯᠡ | ᠶᠢᠷᠲᠢᠨᠴᠦ ᠭᠡᠵᠦ ᠦᠨᠡᠬᠡᠷ ᠰᠢᠯᠦᠭᠴᠢ ᠶᠤᠮ ᠠ᠋ | ᠨᠡᠷᠡ ᠲᠠᠢ ᠮᠢᠨᠢ ᠢᠵᠢᠯᠬᠡᠨ ᠰᠢᠯᠦᠭ ᠲᠤ ᠳᠤᠷᠠᠯᠠᠵᠤ | ᠪᠢ ᠪᠠᠰᠠ ᠪᠢᠴᠢᠵᠦ ᠦᠵᠡᠯᠡ᠂ ᠭᠠᠭᠴᠠᠭᠠᠷᠳᠠᠯ ᠤᠨ ᠳᠡᠷᠭᠡᠳᠡ ᠁ | ᠳᠦᠷᠪᠡᠨ ᠮᠥᠷᠲᠦ ᠲᠡᠷᠯᠡᠭᠰᠡᠨ ᠮᠢᠨᠢ | ᠡᠷᠦᠭᠡ ᠶᠤᠮ | ᠵᠡᠭᠦᠳᠦ ᠪᠠᠷ ᠢᠶᠠᠨ ᠭᠠᠷᠴᠤ ᠲᠠᠲᠠᠪᠠ | ᠡᠪᠦᠷ ᠳᠦᠭᠦᠷᠡᠩ ᠤᠳᠤ ᠬᠥᠯᠪᠡᠷᠢᠯᠡ | ᠶᠢᠷᠲᠢᠨᠴᠦ ᠭᠡᠵᠦ ᠭᠡᠷᠡᠯ ᠲᠦᠭᠡᠭᠡᠭᠴᠢ ᠶᠤᠮ ᠠ᠋ | ᠰᠠᠷᠠᠨ ᠤ ᠴᠠᠭᠠᠨ ᠭᠡᠭᠡᠨ ᠳᠤ ᠤᠷᠤᠭᠤᠯ ᠢᠶᠠᠨ ᠬᠦᠷᠭᠡᠵᠦ | ᠪᠢ ᠪᠠᠰᠠ ᠡᠷᠬᠡᠯᠡᠵᠦ ᠨᠢᠯᠬᠠᠷᠠᠯᠠ᠂ ᠭᠠᠭᠴᠠᠭᠠᠷᠳᠠᠯ ᠤᠨ ᠳᠤᠮᠳᠠ ᠁ | ᠮᠥᠷᠥᠭᠡᠳᠦᠯ ᠤᠨ ᠴᠡᠩᠬᠡᠷ ᠵᠢᠷᠤᠭ ᠮᠢᠨᠢ | ᠪᠣᠷᠣᠭᠠᠨ ᠶᠤᠮ | ᠬᠦᠰᠡᠯ ᠢᠶᠠᠨ ᠨᠥᠮᠥᠷᠴᠦ ᠨᠣᠷᠪᠠ | ᠬᠡᠬᠦᠳᠡᠭ ᠲᠡᠯᠡᠲᠡᠯᠡ ᠰᠣᠯᠣᠩᠭᠠ ᠲᠠᠲᠠᠯᠠ | ᠶᠢᠷᠲᠢᠨᠴᠦ ᠭᠡᠵᠦ ᠮᠢᠨᠤ ᠨᠡᠷᠡ ᠲᠠᠢ ᠭᠠᠭᠴᠠᠭᠠᠷᠳᠠᠯ ᠶᠤᠮ | ᠥᠪᠡᠷ ᠥᠪᠡᠷ ᠤᠨ ᠢᠶᠠᠨ ᠭᠡᠭᠡᠨ ᠶᠢᠷᠲᠢᠨᠴᠦ ᠪᠠᠷ ᠢᠶᠠᠨ | ᠪᠢ ᠪᠠᠰᠠ ᠠᠶᠠᠯᠠᠵᠤ ᠶᠠᠪᠤᠯᠠ᠂ ᠭᠠᠭᠴᠠᠭᠠᠷᠳᠠᠯ ᠲᠠᠢ ᠪᠠᠨ ᠬᠠᠮᠲᠤ ᠁ | |