| ᠭᠤ᠊ · ᠲᠦᠭᠵᠢᠷᠵᠠᠪ ᠮᠥᠩᠬᠡᠵᠢᠷᠭᠠᠯ' | | ᠨᠢᠳᠦ ᠪᠠᠷ ᠨᠢ ᠨᠠᠰᠤ ᠶᠢ ᠨᠢ ᠮᠡᠳᠡᠭᠦ | | ᠲᠡᠮᠡᠭᠡᠨ ᠤ ᠨᠢᠳᠦ ᠶᠢ ᠨᠢ ᠬᠠᠷᠠᠵᠤ ᠨᠠᠰᠤ ᠶᠢ ᠨᠢ ᠮᠡᠳᠡᠭᠦ ᠭᠡᠳᠡᠭ ᠨᠢ ᠲᠤᠶᠢᠯ ᠤᠨ ᠪᠤᠳᠤᠯᠢᠶᠠᠨ ᠲᠠᠢ ᠨᠢᠭᠡ | ᠵᠦᠢᠯ ᠤᠨ ᠮᠡᠷᠭᠡᠵᠢᠯ ᠤᠨ ᠴᠢᠨᠠᠷ ᠲᠠᠢ ᠠᠰᠠᠭᠤᠳᠠᠯ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠲᠤᠶᠢᠯ ᠤᠨ ᠲᠤᠷᠰᠢᠯᠭᠠ ᠲᠠᠢ | ᠲᠡᠮᠡᠭᠡᠴᠢᠨ ᠬᠥᠮᠥᠨ ᠤ ᠦᠵᠡᠵᠦ ᠭᠠᠷᠳᠠᠭ ᠶᠠᠪᠤᠳᠠᠯ ᠶᠤᠮ᠃ ᠭᠡᠲᠡᠯᠡ ᠠᠯᠠᠱᠠ ᠲᠡᠮᠡᠭᠡᠴᠢᠳ ᠲᠡᠮᠡᠭᠡᠨ ᠤ ᠨᠢᠳᠦ ᠶᠢ | ᠬᠠᠷᠠᠮᠠᠭᠴᠠ ᠪᠠᠨ ᠬᠡᠳᠦᠨ ᠨᠠᠰᠤᠲᠠᠢ ᠲᠡᠮᠡᠭᠡ ᠪᠠᠶᠢᠨᠠ ᠭᠡᠵᠦ ᠲᠠᠨᠢᠳᠠᠭ ᠨᠢ ᠪᠠᠰᠠ ᠨᠢᠭᠡ ᠬᠠᠴᠢᠨ ᠰᠣᠨᠢᠷᠬᠠᠯᠲᠠᠢ | ᠲᠡᠮᠡᠭᠡ ᠮᠠᠯᠵᠢᠬᠤ ᠰᠣᠶᠣᠯ ᠤᠨ ᠪᠦᠷᠢᠯᠳᠦᠭᠦᠨ ᠪᠤᠯᠬᠤ ᠶᠤᠮ᠃ ᠲᠡᠭᠡᠵᠤ ᠢᠩᠭᠢᠵᠦ ᠮᠡᠳᠡᠳᠡᠭ ᠭᠡᠵᠦ ᠣᠨᠣᠯᠰᠢᠭᠤᠯᠣᠨ | ᠲᠠᠶᠢᠯᠪᠤᠷᠢᠯᠠᠬᠤ ᠬᠥᠮᠥᠨ ᠣᠯᠳᠠᠳᠠᠭ ᠦᠭᠡᠢ ᠪᠣᠯᠬᠤᠷ ᠪᠢᠳᠠ ᠵᠥᠪᠭᠡᠨ ᠠᠯᠠᠱᠠ ᠨᠤᠲᠤᠭ ᠲᠤ ᠡᠶᠢᠮᠦ ᠨᠢᠭᠡ | ᠵᠦᠢᠯ ᠤᠨ ᠰᠠᠶᠢᠬᠠᠨ ᠰᠣᠶᠣᠯ ᠪᠠᠶᠢᠳᠠᠭ ᠭᠡᠵᠦ ᠲᠡᠮᠳᠡᠭᠯᠡᠬᠦ ᠲᠡᠳᠦᠢ ᠪᠣᠯᠵᠤ ᠪᠠᠶᠢᠨᠠ᠃ ᠡᠭᠦᠨ ᠠᠴᠠ ᠨᠢᠭᠡ ᠬᠤᠶᠠᠷ ᠢ | ᠵᠢᠱᠢᠶᠡ ᠪᠤᠯᠭᠠᠵᠤ ᠳᠤᠷᠠᠳᠪᠠᠯ᠄ ᠲᠡᠮᠡᠭᠡᠨ ᠤ ᠨᠢᠳᠦ ᠶᠢ ᠨᠢ ᠬᠠᠷᠠᠵᠤ ᠨᠠᠰᠤ ᠶᠢ ᠨᠢ ᠮᠡᠳᠡᠭᠦ ᠭᠡᠳᠡᠭ ᠨᠢ ᠲᠡᠮᠡᠭᠡᠨ ᠤ | ᠬᠠᠷᠠᠭᠠ ᠳᠤ ᠬᠥᠮᠥᠨ ᠠᠮᠢᠲᠠᠨ ᠤ ᠲᠤᠰᠤᠭᠳᠠᠬᠤ ᠳᠦᠷᠰᠦ ᠪᠠᠶᠢᠳᠠᠯ᠂ ᠥᠨᠳᠥᠷ ᠪᠣᠭᠤᠨᠢ ᠪᠠᠷ ᠨᠢ ᠲᠡᠮᠡᠭᠡᠨ ᠤ | ᠨᠠᠰᠤ ᠶᠢ ᠪᠠᠷᠤᠭᠴᠠᠭᠠᠯᠠᠬᠤ ᠶᠢ ᠬᠡᠯᠡᠳᠡᠭ᠃ ᠶᠠᠮᠠᠷ ᠨᠢᠭᠡᠨ ᠬᠥᠮᠥᠨ ᠠᠮᠢᠳᠠᠨ ᠲᠡᠮᠡᠭᠡᠨ ᠤ ᠡᠮᠦᠨᠡ ᠠᠯᠳᠠ ᠭᠠᠷᠤᠢ | ᠵᠠᠶᠢᠲᠠᠢ ᠵᠣᠭᠰᠣᠭᠠᠳ ᠬᠠᠷᠠᠬᠤ ᠳᠤ ᠳᠥᠷᠪᠡ ᠠᠴᠠ ᠠᠷᠪᠠᠨ ᠨᠠᠰᠤᠨ ᠤ ᠵᠠᠯᠠᠭᠤ ᠲᠡᠮᠡᠭᠡᠨ ᠤ ᠬᠡᠦᠬᠡᠨ ᠬᠠᠷᠠᠭᠠᠨ ᠤ | ᠭᠤᠣᠯ ᠳᠤᠮᠳᠠ ᠨᠢ ᠪᠦᠬᠦᠯᠢ ᠪᠠᠷ ᠢᠶᠠᠨ ᠲᠣᠳᠣ ᠬᠠᠷᠠᠭᠳᠠᠳᠠᠭ︔ ᠠᠷᠪᠠᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢ ᠨᠠᠰᠤ ᠲᠠᠢ | ᠲᠡᠮᠡᠭᠡᠨ ᠤ ᠬᠡᠦᠬᠡᠨ ᠬᠠᠷᠠᠭᠠᠨ ᠤ ᠳᠣᠲᠣᠷᠠ ᠨᠢ ᠶᠡᠬᠡᠩᠬᠢ ᠬᠠᠭᠠᠰ ᠬᠠᠷᠠᠭᠳᠠᠬᠤ ᠪᠥᠭᠡᠳ ᠲᠡᠮᠡᠭᠡᠨ ᠤ ᠨᠢᠳᠦᠨ | ᠴᠡᠴᠡᠭᠡᠢ ᠶᠢᠨ ᠳᠣᠣᠷᠠ ᠲᠠᠯᠠ ᠳᠤᠨᠢ ᠳᠡᠪᠢᠭᠦᠷ ᠬᠡᠯᠪᠡᠷᠢᠲᠡᠢ ᠠᠲᠤᠷᠢᠶᠠ ᠢᠯᠠᠷᠠᠭᠦ ᠦᠵᠡᠭᠳᠡᠯ ᠭᠠᠷᠳᠠᠬ᠂ ᠲᠡᠮᠡᠭᠡᠨ ᠤ | ᠨᠠᠰᠤ ᠬᠥᠭᠰᠢᠷᠡᠬᠦ ᠲᠤᠳᠤᠮ ᠬᠡᠦᠬᠡᠨ ᠬᠠᠷᠠᠭᠠ ᠳᠤᠨᠢ ᠲᠤᠰᠬᠤ ᠳᠦᠷᠢ ᠶᠢᠨ ᠬᠡᠮᠵᠢᠶᠡ ᠨᠢ ᠤᠯᠠᠮ ᠢᠶᠠᠷ ᠪᠠᠭᠠᠰᠴᠤ | ᠪᠠᠯᠠᠷᠬᠠᠢ ᠪᠤᠯᠳᠠᠭ ᠭᠡᠬᠦ ᠪᠤᠶᠤ ᠠᠷᠪᠠᠨ ᠭᠤᠷᠪᠠ ᠠᠴᠠ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤ ᠲᠠᠢ ᠲᠡᠮᠡᠭᠡᠨ ᠤ ᠬᠡᠦᠬᠡᠨ | ᠬᠠᠷᠠᠭᠠ ᠳᠤ ᠬᠥᠮᠥᠨ ᠤ ᠪᠡᠶᠡ ᠶᠢᠨ ᠪᠡᠯᠬᠡᠭᠦᠰᠦ ᠠᠴᠠ ᠳᠡᠭᠡᠭᠰᠢᠬᠢ ᠬᠡᠰᠡᠭ ᠨᠢ ᠦᠵᠡᠭᠳᠡᠵᠦ᠂ ᠳᠣᠣᠷᠠ ᠬᠡᠰᠡᠭ ᠨᠢ | ᠲᠣᠳᠣ ᠦᠵᠡᠭᠳᠡᠬᠦ ᠦᠭᠡᠢ ᠪᠤᠯᠳᠠᠭ᠃ ᠠᠷᠪᠠᠨ ᠲᠤᠯᠤᠭᠠ ᠠᠴᠠ ᠠᠷᠪᠠᠨ ᠨᠠᠢᠮᠠᠨ ᠨᠠᠰᠤ ᠲᠠᠢ ᠲᠡᠮᠡᠭᠡᠨ ᠤ ᠬᠡᠦᠬᠡᠨ | ᠬᠠᠷᠠᠭᠠᠨ ᠳᠤ ᠬᠥᠮᠥᠨ ᠤ ᠲᠤᠰᠬᠤ ᠳᠦᠷᠢ ᠴᠡᠭᠡᠵᠢᠨ ᠪᠡᠶᠡ ᠯᠠ ᠲᠣᠳᠣ ᠦᠵᠡᠭᠳᠡᠵᠦ᠂ ᠠᠷᠪᠠ ᠶᠢᠰᠦ ᠠᠴᠠ ᠬᠤᠷᠢᠨ | ᠨᠠᠰᠤ ᠲᠠᠢ ᠲᠡᠮᠡᠭᠡᠨ ᠤ ᠬᠡᠦᠬᠡᠨ ᠬᠠᠷᠠᠭᠠᠨ ᠳᠤ ᠬᠥᠮᠥᠨ ᠤ ᠲᠤᠰᠬᠤ ᠳᠦᠷᠢ ᠬᠦᠵᠦᠭᠦᠦ ᠲᠣᠯᠣᠭᠠᠢ ᠯᠠ ᠦᠯᠡᠳᠡᠵᠦ᠂ | ᠬᠤᠷᠢᠨ ᠨᠢᠭᠡ ᠠᠴᠠ ᠳᠡᠭᠡᠭᠰᠢ ᠨᠠᠰᠤ ᠲᠠᠢ ᠲᠡᠮᠡᠭᠡᠨ ᠤ ᠬᠡᠦᠬᠡᠨ ᠬᠠᠷᠠᠭᠠᠨ ᠳᠤ ᠬᠥᠮᠥᠨ ᠤ ᠲᠤᠰᠬᠤ ᠳᠦᠷᠢ ᠵᠥᠪᠭᠡᠨ | ᠲᠣᠯᠣᠭᠠᠢ ᠶᠢᠨ ᠬᠠᠭᠠᠰ ᠦᠯᠡᠳᠡᠵᠦ᠂ ᠲᠡᠮᠡᠭᠡ ᠬᠥᠭᠰᠢᠷᠡᠬᠦ ᠲᠤᠳᠤᠮ ᠬᠠᠷᠠᠭᠠ ᠨᠢ ᠴᠠᠶᠢᠵᠤ ᠴᠠᠭᠠᠨ ᠲᠣᠯᠪᠤ ᠰᠠᠭᠤᠬᠤ | ᠵᠡᠷᠭᠡ ᠦᠵᠡᠭᠳᠡᠯ ᠲᠠᠢ ᠪᠠᠶᠢᠳᠠᠭ᠃ | ᠭᠠᠳᠠᠷ ᠪᠠᠶᠢᠳᠠᠯ ᠢᠶᠠᠷ ᠨᠢ ᠨᠠᠰᠤ ᠶᠢ ᠨᠢ ᠮᠡᠳᠡᠭᠦ | ᠲᠡᠮᠡᠭᠡ ᠶᠢ ᠭᠠᠳᠠᠷ ᠪᠠᠶᠢᠳᠠᠯ ᠢᠶᠠᠷ ᠨᠢ ᠨᠠᠰᠤ ᠶᠢ ᠨᠢ ᠮᠡᠳᠡᠭᠦ ᠭᠡᠳᠡᠭ ᠨᠢ ᠲᠡᠮᠡᠭᠡᠨ ᠤ ᠥᠰᠦᠯᠲᠡ ᠪᠤᠶᠢᠵᠢᠯᠳᠠ ᠶᠢ | ᠳᠠᠭᠠᠯᠳᠤᠨ ᠬᠤᠪᠢᠷᠠᠳᠠᠭ ᠭᠠᠳᠠᠷ ᠪᠠᠶᠢᠳᠠᠯ ᠢᠶᠠᠷ ᠨᠢ ᠨᠠᠰᠤ ᠶᠢ ᠪᠠᠷᠤᠭᠴᠠᠭᠠᠯᠠᠬᠤ ᠶᠢ ᠬᠡᠯᠡᠵᠦ ᠪᠤᠢ᠃ ᠲᠡᠮᠡᠭᠡᠨ ᠤ | ᠥᠰᠦᠯᠲᠡ ᠪᠤᠶᠢᠵᠢᠯᠳᠠ ᠶᠢᠨ ᠬᠤᠪᠢᠷᠠᠯᠲᠠ ᠶᠢ ᠳᠠᠭᠠᠯᠳᠤᠨ ᠭᠠᠳᠠᠷ ᠳᠦᠷᠰᠦ ᠨᠢ ᠴᠦ ᠶᠡᠬᠡᠬᠡᠨ ᠬᠤᠪᠢᠷᠠᠯᠲᠠ | ᠭᠠᠷᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ | ᠪᠣᠲᠣᠭᠤᠨ ᠤ ᠲᠣᠯᠣᠭᠠᠢ ᠨᠢ ᠲᠣᠮᠣ᠂ ᠮᠠᠩᠨᠠᠢ ᠨᠢ ᠲᠤᠪᠤᠭᠤᠷ᠂ ᠪᠦᠭᠦ ᠨᠢ ᠪᠠᠭᠠ᠂ ᠴᠡᠭᠡᠵᠢ ᠨᠢ ᠭᠦᠶᠦᠬᠡᠨ᠂ | ᠬᠥᠯ ᠨᠢ ᠤᠷᠳᠤ᠂ ᠳᠠᠯᠤ ᠪᠠᠷ ᠢᠶᠠᠨ ᠢᠪᠴᠤᠤ᠂ ᠰᠡᠭᠡᠷ ᠨᠢ ᠥᠨᠳᠥᠷ ᠪᠠᠶᠢᠳᠠᠭ᠃ ᠪᠣᠲᠣᠭᠤ ᠦᠷᠭᠦᠯᠵᠢ ᠲᠣᠯᠣᠭᠠᠢ | ᠬᠦᠵᠦᠭᠦᠦ ᠪᠠᠨ ᠳᠡᠭᠡᠷᠡ ᠡᠷᠭᠦᠵᠦ ᠶᠠᠪᠤᠳᠠᠭ ᠪᠥᠭᠡᠳ ᠤᠷᠤᠭᠤᠯ ᠬᠤᠩᠰᠢᠶᠠᠷ ᠨᠢ ᠴᠡᠮᠴᠡᠭᠡᠷ ᠴᠡᠪᠡᠷ᠂ ᠠᠯᠬᠤᠵᠤ | ᠭᠢᠰᠭᠢᠭᠦ ᠨᠢ ᠳᠡᠭᠵᠢᠨ ᠴᠣᠪᠣᠭᠤ ᠪᠠᠶᠢᠳᠠᠭ᠃ | ᠲᠣᠷᠤᠮ ᠤᠨ ᠪᠡᠶᠡ ᠶᠢᠨ ᠶᠡᠭᠡ ᠪᠠᠭᠠ ᠨᠢ ᠲᠡᠩᠴᠡᠭᠦᠨ᠂ ᠲᠦᠷᠪᠠᠨ ᠮᠥᠴᠢ ᠨᠢ ᠤᠷᠳᠤ᠂ ᠤᠭᠤᠴᠠ ᠪᠠᠷ ᠢᠶᠠᠨ | ᠥᠨᠳᠥᠷ᠂ ᠲᠣᠯᠣᠭᠠᠢ ᠨᠢ ᠪᠠᠭᠠ᠂ ᠨᠣᠣᠰᠣ ᠨᠤᠤᠯᠤᠭᠤᠷ ᠨᠢ ᠨᠠᠷᠢᠯᠢᠭ ᠵᠥᠭᠡᠯᠡᠨ᠂ ᠬᠥᠳᠡᠯᠵᠦ ᠪᠠᠷᠢᠬᠤ ᠨᠢ | ᠬᠤᠷᠳᠤᠨ ᠱᠠᠯᠠᠮᠠᠭᠠᠢ ᠪᠠᠶᠢᠳᠠᠭ᠃ | ᠭᠤᠨᠠ᠂ ᠳᠥᠨᠡ ᠶᠢᠨ ᠪᠡᠶᠡ ᠨᠢ ᠣᠬᠤᠷ᠂ ᠲᠦᠷᠪᠠᠨ ᠮᠥᠴᠢ ᠨᠢ ᠤᠷᠳᠤ᠂ ᠨᠢᠳᠦᠨ ᠤᠬᠤᠷᠬᠠᠢ ᠨᠢ ᠮᠢᠬᠠᠯᠢᠭ | ᠳᠦᠭᠦᠷᠡᠩ᠂ ᠬᠤᠩᠰᠢᠶᠠᠷ ᠨᠢ ᠱᠥᠪᠥᠭᠡᠷ᠂ ᠲᠠᠷᠭᠤ ᠬᠦᠴᠦ ᠰᠠᠶᠢᠲᠠᠢ ᠦᠶᠡ ᠳᠤ ᠪᠦᠭᠦ ᠨᠢ ᠰᠡᠷᠡᠭᠡᠯᠡᠭᠰᠡᠨ ᠪᠠᠶᠢᠳᠠᠭ᠃ | | ᠨᠠᠰᠤ ᠭᠦᠢᠴᠡᠭᠰᠡᠨ ᠲᠡᠮᠡᠭᠡᠨ ᠤ ᠥᠰᠦᠯᠲᠡ ᠪᠤᠶᠢᠵᠢᠯᠳᠠ ᠨᠢ ᠭᠦᠢᠴᠡᠭᠰᠡᠨ ᠲᠤᠯᠠ ᠪᠡᠶᠡ ᠨᠢ ᠳᠣᠷᠪᠢᠯᠢᠭ᠂ | ᠪᠤᠯᠴᠢᠩ ᠮᠢᠬᠠ ᠨᠢ ᠳᠦᠭᠦᠷᠡᠩ᠂ ᠠᠷᠠᠰᠤ ᠨᠢ ᠵᠤᠵᠠᠭᠠᠨ ᠮᠥᠷᠲᠡᠭᠡᠨ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠢᠶᠠᠷ ᠰᠠᠶᠢᠨ ᠪᠠᠶᠢᠳᠠᠭ᠃ | ᠬᠥᠭᠰᠢᠨ ᠲᠡᠮᠡᠭᠡ ᠪᠣᠯ ᠲᠣᠯᠣᠭᠠᠢ ᠨᠢ ᠪᠦᠳᠦᠭᠦᠨ᠂ ᠨᠢᠳᠦᠨ ᠴᠡᠭᠴᠡᠭᠡᠢ ᠳᠤᠨᠢ ᠴᠠᠭᠠᠨ ᠲᠣᠯᠪᠤ ᠰᠠᠭᠤᠵᠤ᠂ | ᠤᠷᠤᠭᠤᠯ ᠨᠢ ᠤᠨᠵᠢᠢᠵᠤ᠂ ᠠᠷᠠᠰᠤ ᠮᠢᠬᠠ ᠨᠢ ᠰᠤᠯᠠᠷᠠᠵᠤ᠂ ᠴᠤᠭ ᠰᠦᠯᠳᠡ ᠨᠢ ᠮᠠᠭᠤᠳᠠᠭᠰᠠᠨ ᠪᠠᠶᠢᠳᠠᠭ ᠪᠥᠭᠡᠳ | ᠬᠥᠮᠥᠰᠬᠡ ᠰᠠᠬᠠᠯ ᠨᠢ ᠴᠠᠶᠢᠵᠤ᠂ ᠬᠥᠯ ᠤᠨ ᠦᠶᠡ ᠨᠢ ᠪᠠᠨᠳᠠᠶᠢᠵᠤ᠂ ᠴᠠᠭᠠᠨ ᠨᠣᠣᠰᠣ ᠤᠷᠭᠤᠭᠰᠠᠨ ᠪᠠᠶᠢᠳᠠᠭ᠃ | | |