| | ᠯᠣᠪᠰᠠᠩᠳᠣᠷᠵᠢ ᠨᠣᠶᠠᠨ ᠤ ᠦᠶᠡ ᠠᠴᠠ ᠠᠯᠠᠱᠠ ᠬᠤᠰᠢᠭᠤ ᠨᠢ ᠪᠦᠭᠦ ᠨᠤᠲᠤᠭ ᠭᠠᠵᠠᠷ ᠢᠶᠠᠨ | ᠵᠢᠷᠭᠤᠭᠠᠨ ᠬᠡᠰᠡᠭ ᠬᠤᠪᠢᠶᠠᠨ ᠵᠠᠬᠢᠷᠴᠤ᠂ ᠳᠥᠷᠪᠡᠳᠦᠭᠡᠷ ᠦᠶᠡ ᠶᠢᠨ ᠲᠠᠪᠤᠳᠤᠭᠠᠷ ᠨᠣᠶᠠᠨ ᠪᠤᠯᠬᠤ ᠮᠠᠾᠠᠪᠠᠯᠠ | ᠸᠠᠩ ᠤᠨ ᠦᠶᠡ ᠳᠤ ᠭᠦᠷᠦᠭᠰᠡᠨ ᠪᠠᠶᠢᠨᠠ᠃ ᠮᠠᠾᠠᠪᠠᠯᠠ ᠸᠠᠩ ᠡᠴᠢᠭᠡ ᠸᠠᠩ ᠤᠨ ᠢᠶᠠᠨ ᠬᠠᠭᠤᠴᠢᠨ ᠳᠦᠷᠢᠮ ᠢ | ᠥᠭᠡᠷᠡᠴᠢᠯᠡᠨ ᠭᠠᠵᠠᠷ ᠨᠤᠲᠤᠭ ᠤᠨ ᠶᠡᠭᠡ ᠪᠠᠭᠠ ᠪᠠ ᠠᠶᠢᠯ ᠡᠷᠦᠭᠡ ᠶᠢᠨ ᠤᠯᠠᠨ ᠴᠥᠭᠡᠨ ᠤ ᠪᠠᠶᠢᠳᠠᠯ ᠢ | ᠦᠨᠳᠦᠰᠦᠯᠡᠨ ᠪᠦᠭᠦ ᠬᠤᠰᠢᠭᠤ ᠪᠠᠨ ᠭᠤᠴᠢᠨ ᠵᠢᠷᠭᠤᠭᠠᠨ ᠪᠠᠭ ᠲᠤ ᠲᠡᠭᠰᠢᠯᠡᠨ ᠬᠤᠪᠢᠶᠠᠵᠤ ᠵᠠᠬᠢᠷᠬᠤ ᠪᠣᠯᠵᠠᠢ᠃ | ᠡᠳᠡᠭᠡᠷ ᠭᠤᠴᠢᠨ ᠵᠢᠷᠭᠤᠭᠠᠨ ᠪᠠᠭ ᠤᠨ ᠨᠡᠷᠡ ᠨᠢ ᠴᠥᠮ ᠲᠤᠰ ᠲᠤᠰ ᠲᠠᠭᠠᠨ ᠦᠨᠳᠦᠰᠦ ᠡᠭᠦᠰᠬᠡᠯ ᠲᠠᠢ᠂ ᠵᠠᠷᠢᠮ | ᠨᠢ ᠪᠦᠷ ᠴᠤ ᠡᠷᠲᠡ ᠬᠠᠭᠤᠴᠢᠨ ᠤ ᠦᠯᠢᠭᠡᠷ ᠲᠤᠮᠤᠭ ᠤᠳ ᠲᠠᠢ ᠬᠤᠯᠪᠣᠭᠳᠠᠨᠠ᠃ ᠡᠭᠦᠨ ᠤ ᠳᠣᠲᠣᠷᠠ | ᠤᠷᠳᠤ ᠶᠢᠨ ᠪᠠᠭ ᠭᠡᠳᠡᠭ ᠪᠠᠭ ᠪᠠᠶᠢᠭᠰᠠᠨ ᠪᠥᠭᠡᠳ ᠨᠡᠷᠡ ᠶᠢᠨ ᠢᠷᠡᠯᠲᠡ ᠨᠢ ᠡᠶᠢᠮᠦᠷᠬᠦᠦ ᠦᠯᠢᠭᠡᠷ ᠲᠤᠮᠤᠭ ᠲᠠᠢ | ᠠᠵᠢ᠃ | | ᠠᠯᠠᠱᠠ ᠠᠭᠤᠯᠠᠨ ᠳᠤ ᠠᠪᠠᠯᠠᠵᠤ ᠠᠩᠴᠢᠨ ᠵᠠᠯᠠᠭᠤ ᠰᠣᠨᠢᠨ ᠠᠮᠢᠳᠠᠨ ᠲᠠᠢ ᠲᠠᠭᠠᠷᠠᠯᠳᠤᠭᠰᠠᠨ | ᠤᠷᠢᠳᠤ ᠴᠠᠭ ᠨᠢᠭᠡ ᠠᠩᠴᠢᠨ ᠪᠠᠶᠢᠵᠠᠢ᠃ ᠨᠢᠭᠡ ᠡᠳᠦᠷ ᠠᠯᠠᠱᠠ ᠠᠭᠤᠯᠠᠨ ᠳᠤ ᠭᠥᠷᠥᠭᠡᠯᠡᠵᠦ | ᠶᠠᠪᠤᠲᠠᠯᠠ ᠨᠢᠭᠡ ᠰᠣᠨᠢᠨ ᠠᠮᠢᠳᠠᠨ ᠲᠠᠢ ᠲᠠᠭᠠᠷᠠᠯᠳᠤᠵᠠᠢ᠃ ᠬᠥᠮᠥᠨ ᠭᠡᠬᠦᠯᠡᠷ ᠪᠡᠶᠡ ᠪᠠᠷ ᠢᠶᠠᠨ ᠳᠦᠭᠦᠷᠡᠩ | ᠨᠣᠣᠰᠣ ᠲᠠᠢ᠂ ᠬᠥᠮᠥᠨ ᠪᠢᠰᠢ ᠭᠡᠬᠦᠯᠡ ᠬᠥᠮᠥᠨ ᠲᠠᠢ ᠠᠳᠠᠯᠢ ᠭᠠᠷ ᠬᠥᠯ ᠤᠨ ᠢᠯᠭᠠᠪᠤᠷᠢ ᠲᠠᠢ᠂ ᠰᠠᠶᠢᠨ ᠪᠦᠳᠦᠭᠦᠨ | ᠪᠥᠬᠡᠴᠢᠨ ᠡᠷᠡ ᠰᠢᠭ ᠬᠦᠳᠡᠷ ᠥᠨᠳᠥᠷ ᠪᠡᠶᠡ ᠲᠠᠢ᠂ ᠲᠡᠶᠢᠮᠦ ᠨᠢᠭᠡ ᠰᠦᠷᠡᠬᠡᠢ ᠶᠠᠩᠵᠤ ᠶᠢᠨ ᠠᠮᠢᠳᠠᠨ ᠠᠭᠤᠯᠠᠨ ᠤ | ᠭᠤᠣᠯ ᠤᠷᠤᠭᠤᠳᠠᠨ ᠠᠩᠴᠢᠨ ᠤ ᠥᠭᠡᠳᠡ ᠠᠴᠠ ᠢᠷᠡᠵᠦ ᠶᠠᠪᠤᠨᠠ ᠭᠡᠨᠡ᠃ ᠠᠩᠴᠢᠨ ᠪᠠᠭ᠋ᠠᠨ ᠠᠶᠢᠳᠠᠰ ᠬᠦᠷᠴᠦ | ᠦᠬᠡᠷ ᠴᠢᠯᠠᠭᠤᠨ ᠤ ᠠᠷᠤ ᠳᠤ ᠪᠡᠶᠡ ᠪᠠᠨ ᠳᠠᠯᠳᠠᠯᠠᠨ ᠳᠤᠲᠠᠭᠠᠬᠤ ᠪᠢᠯᠡ ᠤᠤ ᠭᠡᠵᠦ ᠪᠤᠳᠤᠬᠰᠠᠨ ᠪᠤᠯᠪᠠᠴᠤ ᠪᠠᠰᠠ | ᠲᠡᠷᠡ ᠠᠮᠢᠳᠠᠨ ᠤ ᠶᠠᠭᠠᠬᠢᠬᠤ ᠶᠢ ᠨᠢ ᠦᠵᠡᠬᠦ ᠭᠡᠵᠦ ᠬᠦᠰᠡᠬᠦ ᠲᠤᠯᠠ ᠨᠤᠮᠤ ᠰᠤᠮᠤ ᠪᠠᠨ ᠵᠡᠬᠡᠵᠦ ᠠᠪᠤᠭᠠᠳ ᠭᠡᠳᠡᠨ | ᠬᠠᠷᠠᠵᠤ ᠵᠣᠭᠰᠣᠵᠠᠢ᠃ ᠲᠡᠭᠡᠭᠡᠳ ᠬᠠᠷᠠᠵᠤ ᠪᠠᠶᠢᠲᠠᠯᠠ ᠲᠡᠷᠡ ᠠᠮᠢᠳᠠᠨ ᠬᠠᠷᠢᠨ ᠪᠠᠷᠠᠭᠤᠨ ᠮᠥᠷᠥᠨ ᠳᠡᠭᠡᠷᠡ ᠪᠠᠨ | ᠨᠢᠭᠡ ᠭᠤᠵᠣᠭᠤᠷ ᠤᠷᠳᠤ ᠤᠭᠤᠲᠠ ᠲᠠᠢ ᠶᠠᠭᠤᠮᠠ ᠲᠣᠬᠤᠴᠢᠬᠠᠭᠰᠠᠨ ᠶᠠᠪᠤᠵᠤ ᠪᠠᠶᠢᠭᠠ ᠭᠡᠨᠡ᠃ ᠲᠡᠷᠡ ᠤᠭᠤᠲᠠ | ᠨᠢ ᠮᠥᠨ ᠲᠡᠭᠦᠨ ᠤ ᠪᠡᠶᠡ ᠲᠠᠢ ᠨᠢᠭᠡᠨ ᠠᠳᠠᠯᠢ ᠪᠢᠲᠡᠭᠦᠦ ᠬᠠᠷᠠ ᠨᠤᠤᠰᠤᠳᠠᠢ ᠠᠵᠢ᠃ ᠲᠡᠭᠡᠵᠦ ᠪᠠᠶᠢᠲᠠᠯᠠ ᠲᠡᠷᠡ | ᠠᠮᠢᠳᠠᠨ ᠭᠡᠨᠡᠳᠲᠡᠬᠡᠨ ᠵᠤᠭ ᠲᠤᠰᠤᠭᠠᠳ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠᠨ ᠤ ᠠᠨᠢᠷ ᠪᠤᠶᠤ ᠦᠨᠦᠷ ᠠᠪᠤᠭᠰᠠᠨ ᠮᠡᠲᠦ ᠡᠶᠢᠰᠢ | ᠲᠡᠶᠢᠰᠢ ᠪᠠᠨ ᠥᠯᠢᠯᠵᠡᠨ ᠰᠦᠷᠡᠬᠡᠢ ᠬᠠᠷᠠᠵᠤ᠂ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠮᠥᠷᠥᠨ ᠳᠡᠭᠡᠷᠡᠬᠢ ᠤᠭᠤᠲᠠ ᠲᠠᠢ | ᠶᠠᠭᠤᠮᠠ ᠪᠠᠨ ᠳᠡᠭᠡᠭᠰᠢ ᠨᠢ ᠡᠷᠭᠦᠰᠬᠢᠨ ᠮᠠᠭᠤᠬᠠᠢ ᠲᠠᠭᠤ ᠪᠠᠷ ᠠᠷᠬᠢᠷᠠᠬᠤ ᠳᠤ ᠲᠡᠷᠡ ᠲᠠᠭᠤᠨ ᠳᠤᠨᠢ ᠠᠭᠤᠯᠠᠨ ᠵᠠᠪᠠ | ᠴᠤᠤᠷᠢᠶᠠᠯᠠᠨ ᠨᠦᠷᠭᠢᠯᠡᠭᠦ ᠰᠢᠭ ᠪᠣᠯᠵᠠᠢ᠃ ᠵᠠ᠂ ᠡᠨᠡ ᠴᠤ ᠯᠠᠪ ᠮᠢᠨᠤ ᠡ᠊ᠨᠳᠡ ᠪᠠᠶᠢᠬᠤ ᠶᠢ ᠮᠡᠳᠡᠴᠢᠬᠡᠭᠡᠳ | ᠨᠠᠭᠠᠰᠢ ᠪᠠᠨ ᠲᠠᠭᠠᠷᠢᠬᠤ ᠭᠡᠵᠦ ᠰᠦᠷ ᠦᠵᠡᠭᠦᠯᠵᠦ ᠪᠠᠶᠢᠭᠠ ᠨᠢ ᠪᠠᠶᠢᠬᠤ ᠭᠡᠳ ᠠᠩᠴᠢᠨ ᠰᠠᠨᠳᠤᠷᠬᠤ ᠳᠠᠭᠠᠨ | ᠨᠤᠮᠤ ᠪᠠᠨ ᠡᠷᠭᠦᠨ ᠡᠪᠰᠢᠶᠡᠯᠭᠡᠵᠦ ᠨᠢᠭᠡ ᠯᠡ ᠬᠠᠷᠪᠤᠭᠠᠳ ᠶᠠᠪᠤᠭᠤᠯᠤᠭᠰᠠᠨ ᠴᠢᠨᠢ ᠰᠤᠮᠤ ᠨᠢ ᠣᠴᠢᠭᠠᠳ ᠲᠡᠷᠡ | ᠠᠮᠢᠳᠠᠨ ᠤ ᠵᠡᠭᠦᠨ ᠮᠥᠷᠥᠨ ᠳᠡᠭᠡᠷᠡ ᠨᠢ ᠲᠤᠰᠴᠤ ᠭᠡᠨᠡ᠃ ᠲᠡᠳᠦᠢ ᠳᠤ ᠲᠡᠷᠡ ᠠᠮᠢᠳᠠᠨ ᠪᠠᠰᠠ ᠨᠢᠭᠡ ᠰᠦᠷᠡᠬᠡᠢ | ᠠᠷᠬᠢᠷᠠᠵᠤ ᠮᠥᠷᠥᠨ ᠳᠡᠭᠡᠷᠡᠬᠢ ᠰᠤᠮᠤ ᠪᠠᠨ ᠰᠤᠭᠤ ᠲᠠᠳᠠᠨ ᠠᠪᠴᠤ ᠰᠢᠳᠡᠭᠡᠳ ᠠᠩᠴᠢᠨ ᠤ ᠵᠦᠭ ᠳᠠᠪᠬᠢᠨ | ᠢᠷᠡᠬᠦ ᠳᠤ ᠠᠩᠴᠢᠨ ᠭᠤᠣᠯ ᠤᠷᠤᠭᠤᠳᠠᠨ ᠪᠤᠴᠠᠵᠤ ᠳᠤᠲᠠᠭᠠᠵᠠᠢ᠃ ᠭᠡᠲᠡᠯᠡ ᠲᠡᠷᠡ ᠠᠮᠢᠳᠠᠨ ᠤ ᠭᠦᠶᠦᠬᠦ ᠨᠢ ᠮᠠᠰᠢ | ᠬᠤᠷᠳᠤᠨ ᠲᠤᠯᠠ ᠲᠦᠳᠡᠯ ᠦᠭᠡᠢ ᠭᠦᠢᠴᠡᠭᠡᠳ ᠢᠷᠡᠵᠡᠢ᠃ ᠡᠨᠡ ᠠᠩᠴᠢᠨ ᠪᠠᠰᠠ ᠨᠡᠯᠢᠶᠡᠳ ᠵᠣᠷᠢᠭ ᠵᠢᠷᠦᠬᠡ ᠲᠠᠢ᠂ | ᠠᠷᠭᠠ ᠰᠠᠮᠪᠠᠭᠠ ᠲᠠᠢ ᠪᠥᠭᠡᠳ ᠪᠤᠰᠢᠭᠤ ᠱᠠᠯᠠᠮᠠᠭᠠᠢ ᠡᠷᠡ ᠪᠠᠶᠢᠵᠠᠢ᠃ ᠨᠢᠭᠡᠨᠲᠡ ᠳᠤᠲᠠᠭᠠᠵᠤ ᠭᠠᠷᠴᠤ ᠲᠡᠶᠢᠯᠭᠦ | ᠦᠭᠡᠢ ᠪᠣᠯᠤᠭᠰᠠᠨ ᠢᠶᠠᠨ ᠮᠡᠳᠡᠭᠡᠳ ᠭᠡᠨᠡᠳᠲᠡᠬᠡᠨ ᠬᠠᠵᠠᠭᠤ ᠲᠡᠶᠢᠰᠢ ᠪᠠᠨ ᠲᠠᠯᠳᠠᠷᠢᠰᠭᠢᠨ ᠵᠠᠶᠢᠯᠠᠵᠤ᠂ ᠲᠡᠷᠡ | ᠠᠮᠢᠳᠠᠨ ᠤ ᠰᠠᠪᠠᠷᠳᠠᠨ ᠣᠷᠣᠵᠤ ᠢᠷᠡᠬᠦ ᠬᠦᠴᠦᠨ ᠳᠤᠨᠢ ᠨᠡᠶᠢᠯᠡᠭᠦᠯᠦᠨ ᠬᠥᠯ ᠢᠶᠠᠷ ᠢᠶᠠᠨ ᠳᠣᠣᠭᠤᠷ ᠨᠢ ᠨᠢᠭᠡ ᠯᠡ | ᠰᠢᠷᠪᠢᠨ ᠲᠠᠰᠢᠭᠰᠠᠨ ᠳᠤ ᠲᠡᠷᠡ ᠠᠮᠢᠳᠠᠨ ᠤᠷᠤᠭᠰᠢ ᠪᠠᠨ ᠱᠤᠩᠭᠤᠴᠢᠨ ᠡᠯᠢᠭᠡ ᠪᠠᠨ ᠳᠠᠷᠤᠵᠤ ᠰᠠᠪᠠᠨ ᠤᠨᠠᠵᠠᠢ᠃ | ᠲᠡᠭᠡᠭᠦ ᠳᠤ ᠲᠡᠷᠡ ᠮᠥᠷᠥᠨ ᠳᠡᠭᠡᠷᠡ ᠨᠢ ᠲᠤᠬᠤᠭᠠᠳᠠᠢ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠰᠠᠶᠢᠭᠢ ᠤᠷᠳᠤ ᠤᠭᠤᠲᠠ ᠨᠢ ᠪᠠᠰᠠ | ᠵᠠᠩᠭᠤᠷᠭᠠ ᠶᠢᠨ ᠠᠶᠠ ᠪᠠᠷ ᠡᠮᠦᠨᠡᠰᠢ ᠪᠠᠨ ᠰᠠᠪᠠᠭᠳᠠᠵᠦ ᠭᠠᠵᠠᠷ ᠲᠤ ᠠᠯᠳᠠᠯᠠᠨ ᠤᠨᠠᠭᠰᠠᠨ ᠶᠤᠮ ᠭᠡᠨᠡ᠃ ᠤᠳᠤ | ᠯᠠ ᠴᠢᠮᠠᠶᠢ ᠨᠢᠷᠤᠭᠤᠨ ᠭᠤᠣᠯ ᠳᠡᠭᠡᠷᠡ ᠠᠴᠠ ᠨᠢ ᠭᠠᠭᠴᠠ ᠯᠠ ᠬᠠᠷᠪᠤᠭᠠᠳ ᠴᠠᠭᠠᠰᠢ ᠨᠢ ᠬᠠᠷᠠᠭᠤᠯᠬᠤ ᠰᠠᠨ ᠭᠡᠳ | ᠠᠩᠴᠢᠨ ᠨᠤᠮᠤ ᠪᠠᠨ ᠠᠪᠴᠤ ᠬᠠᠷᠪᠤᠬᠤ ᠭᠡᠰᠡᠨ ᠴᠢᠨᠢ ᠰᠠᠶ᠋ᠢ ᠶᠢᠨ ᠭᠦᠶᠦᠵᠦ ᠳᠤᠲᠠᠭᠠᠬᠤ ᠳᠤᠮᠳᠠ ᠰᠠᠭᠠᠳᠠᠭ ᠲᠤ | ᠪᠠᠶᠢᠭᠰᠠᠨ ᠰᠤᠮᠤ ᠨᠢ ᠴᠥᠮ ᠢᠶᠠᠷ ᠢᠶᠠᠨ ᠣᠭᠰᠢᠵᠤ ᠭᠡᠭᠡᠭᠳᠡᠭᠡᠳ ᠵᠦᠪᠭᠡᠨ ᠬᠤᠭᠤᠰᠤᠨ ᠰᠠᠭᠠᠳᠠᠭ ᠨᠢ ᠯᠠ | ᠦᠯᠡᠳᠡᠭᠰᠡᠨ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠠᠩᠴᠢᠨ ᠪᠠᠰᠠ ᠭᠠᠷᠤᠭᠠᠳ ᠳᠤᠲᠠᠭᠠᠵᠠᠢ᠃ ᠡᠨᠡ ᠮᠡᠲᠦ ᠪᠠᠷ ᠪᠠᠰᠠ ᠬᠤᠶᠠᠷ | ᠭᠦᠢᠴᠡᠭᠳᠡᠵᠦ ᠪᠠᠷᠢᠭᠳᠠᠬᠤ ᠳᠠᠭᠠᠨ ᠵᠠᠪᠳᠤᠭᠠᠳ ᠮᠥᠨ ᠠᠩᠬᠠᠨ ᠤ ᠲᠡᠷᠡ ᠠᠷᠭᠠ ᠪᠠᠷ ᠢᠶᠠᠨ ᠬᠤᠶᠠᠷ ᠤᠳᠠᠭᠠ | ᠳᠡᠭᠡᠭᠡᠳᠡᠨ ᠪᠦᠳᠦᠷᠢᠭᠦᠯᠵᠦ ᠤᠨᠠᠭᠠᠭᠰᠠᠨ ᠳᠤ ᠰᠠᠶᠢᠭᠢ ᠠᠮᠢᠳᠠᠨ ᠤ ᠬᠥᠳᠡᠯᠬᠦ ᠪᠠᠷᠢᠬᠤ ᠨᠢ ᠬᠠᠷᠢᠨ ᠢᠯᠡᠷᠬᠡᠢ | ᠤᠳᠠᠭᠠᠯᠢᠭ ᠪᠣᠯᠵᠤ᠂ ᠨᠦᠭᠦᠭᠡ ᠤᠷᠳᠤ ᠤᠭᠤᠲᠠ ᠪᠠᠨ ᠮᠥᠷᠥᠨ ᠳᠡᠭᠡᠭᠦᠷ ᠢᠶᠠᠨ ᠬᠤᠶᠢᠰᠢ ᠨᠢ ᠴᠣᠬᠢᠵᠤ ᠠᠯᠳᠠᠯᠠᠨ | ᠲᠤᠬᠤᠭᠠᠳ ᠠᠩᠴᠢᠨ ᠢ ᠤᠷᠭᠢᠨ ᠢᠷᠡᠭᠰᠡᠨ ᠮᠥᠷ ᠢᠶᠠᠷ ᠢᠶᠠᠨ ᠭᠤᠣᠯ ᠥᠭᠰᠥᠨ ᠪᠤᠴᠠᠵᠤ ᠶᠠᠪᠤᠵᠠᠢ᠃ ᠲᠠᠶᠢᠨ ᠬᠦ | ᠠᠩᠴᠢᠨ ᠰᠠᠶ᠋ᠢ ᠠᠮᠢ ᠲᠠᠢ ᠭᠠᠷᠴᠤ ᠭᠡᠨᠡ᠃ | ᠬᠤᠵᠢᠮ ᠨᠢ ᠠᠩᠴᠢᠨ ᠲᠡᠷᠡ ᠤᠴᠢᠷ ᠢᠶᠠᠨ ᠬᠥᠮᠥᠨ ᠳᠤ ᠶᠠᠷᠢᠵᠤ ᠶᠠᠪᠤᠲᠠᠯᠠ ᠨᠢᠭᠡ ᠡᠪᠦᠭᠡᠨ | ᠰᠣᠨᠣᠰᠤᠭᠠᠳ ᠢᠩᠭᠢᠵᠦ ᠬᠡᠯᠡᠵᠡᠢ᠄ ︽ᠵᠠ᠂ ᠲᠡᠭᠡᠪᠡᠯ ᠴᠢ ᠴᠢᠨᠢ ᠤᠷᠳᠤ ᠬᠥᠬᠦᠲᠦ ᠲᠠᠢ ᠲᠠᠭᠠᠷᠠᠯᠳᠤᠭᠰᠠᠨ ᠶᠤᠮ | ᠪᠠᠶᠢᠨᠠ᠃ ᠴᠡᠭᠡᠵᠢᠨ ᠳᠡᠭᠡᠷᠡ ᠪᠠᠨ ᠭᠠᠭᠴᠠ ᠤᠷᠳᠤ ᠬᠥᠬᠦ ᠲᠠᠢ᠂ ᠲᠡᠭᠦᠨ ᠢᠶᠠᠨ ᠬᠡᠵᠢᠶᠡᠳᠡ ᠮᠥᠷᠥᠨ ᠳᠡᠭᠡᠷᠡ ᠪᠠᠨ | ᠲᠤᠬᠤᠵᠦ ᠶᠠᠪᠤᠳᠠᠭ᠂ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠶᠡᠭᠡ ᠴᠢᠳᠠᠯ ᠲᠠᠢ᠂ ᠬᠥᠮᠥᠨ ᠰᠢᠭ ᠬᠤᠶᠠᠷ ᠬᠥᠯ ᠢᠶᠠᠷ ᠢᠶᠠᠨ | ᠶᠠᠪᠤᠵᠤ ᠴᠢᠳᠠᠳᠠᠭ ᠲᠡᠶᠢᠮᠦ ᠰᠦᠷᠡᠬᠡᠢ ᠠᠮᠢᠳᠠᠨ ᠪᠠᠶᠢᠳᠠᠭ᠂ ᠭᠡᠪᠡᠴᠦ ᠲᠡᠷᠡ ᠤᠷᠳᠤ ᠬᠥᠬᠦ ᠶᠢ ᠨᠢ ᠭᠤᠷᠪᠠ ᠤᠳᠠᠭᠠ | ᠪᠠᠭᠤᠯᠭᠠᠵᠤ ᠴᠢᠳᠠᠪᠠᠯ ᠲᠡᠩᠬᠡᠭᠡ ᠨᠢ ᠰᠤᠯᠠᠷᠠᠭᠠᠳ ᠬᠥᠮᠥᠨ ᠤᠷᠤᠭᠤ ᠲᠠᠭᠠᠷᠢᠬᠤ ᠪᠠᠨ ᠪᠠᠶᠢᠴᠢᠬᠠᠳᠠᠭ ᠶᠤᠮ ᠭᠡᠨᠡ | ᠭᠡᠵᠦ ᠪᠠᠭᠠ ᠪᠠᠶᠢᠬᠤ ᠳᠤ ᠪᠢ ᠬᠥᠭᠰᠢᠳ ᠤᠨ ᠬᠡᠯᠡᠯᠴᠡᠬᠦ ᠶᠢ ᠰᠣᠨᠣᠰᠴᠤ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠡ ᠦᠭᠡ ᠦᠨᠡᠨ | ᠪᠠᠶᠢᠵᠤ ᠰᠢᠤ︕︾ ᠭᠡᠵᠦ ᠭᠡᠨᠡ᠃ | ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠠᠩᠴᠢᠨ ᠤ ᠤᠷᠳᠤ ᠬᠥᠬᠦᠲᠦ ᠲᠠᠢ ᠲᠠᠭᠠᠷᠠᠯᠳᠤᠭᠰᠠᠨ ᠲᠡᠷᠡ ᠭᠤᠣᠯ ᠢ | ᠬᠥᠮᠥᠰ ᠤᠷᠳᠤ ᠬᠥᠬᠦᠲᠦ ᠶᠢᠨ ᠭᠤᠣᠯ ᠭᠡᠵᠦ ᠳᠠᠭᠤᠳᠠᠬᠤ ᠪᠣᠯᠵᠠᠢ᠃ ᠭᠡᠲᠡᠯᠡ ᠲᠡᠷᠡ ᠨᠢ ᠰᠡᠭᠦᠯ ᠳᠡᠭᠡᠨ ᠬᠠᠷᠢᠨ | ᠤᠷᠳᠤ ᠶᠢᠨ ᠭᠤᠣᠯ ᠪᠣᠯᠵᠤ ᠬᠤᠪᠢᠷᠠᠭᠠᠳ ᠪᠦᠷ ᠰᠡᠭᠦᠯᠡᠷ ᠨᠢ ᠤᠷᠳᠤ ᠶᠢᠨ ᠭᠤᠣᠯ ᠠᠴᠠ ᠤᠷᠳᠤ ᠶᠢᠨ ᠪᠠᠭ | ᠪᠣᠯᠤᠭᠰᠠᠨ ᠭᠡᠳᠡᠭ ᠪᠢᠯᠡ᠃ | | |