ᠤᠷᠢᠶᠠᠩᠬᠠᠨ ᠤ᠂ ᠶᠤᠨᠳᠤᠨ | | | | ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠦᠶᠡ ᠳᠤ ᠬᠤᠪᠤᠩ ᠪᠤᠯ ᠭᠠᠯ ᠲᠤᠭᠤᠭᠠᠨ ᠤ ᠬᠡᠷᠡᠭᠰᠡᠯ ᠤᠨ ᠴᠢᠬᠤᠯᠠ ᠨᠢᠭᠡᠨ | ᠪᠦᠷᠢᠯᠳᠦᠭᠦᠨ ᠪᠤᠯᠤᠨᠠ᠃ ᠬᠤᠪᠤᠩ ᠭᠡᠳᠡᠭ ᠪᠤᠯ ᠬᠤᠭᠤᠯᠠ ᠴᠠᠢ ᠶᠢ ᠬᠠᠯᠠᠭᠤᠨ ᠪᠠᠶᠢᠯᠭᠠᠬᠤ ᠶᠢᠨ ᠲᠤᠯᠨᠳᠠ | ᠲᠤᠯᠭᠠ ᠶᠢᠨ ᠤᠯᠠᠭᠠᠨ ᠨᠤᠷᠤᠮ ᠢ ᠬᠢᠵᠦ ᠲᠠᠯᠪᠢᠳᠠᠭ ᠲᠡᠭᠡᠷᠡ ᠲᠠᠯᠠ ᠨᠢ ᠵᠠᠳᠠᠭᠠᠢ ᠲᠦᠭᠦᠷᠢᠭ ᠬᠡᠯᠪᠡᠷᠢ ᠶᠢᠨ | ᠰᠠᠪᠠ ᠶᠢ ᠵᠢᠭᠠᠭᠰᠠᠨ ᠨᠡᠷᠡ ᠦᠬᠡ᠃ ᠲᠡᠮᠤᠷ ᠢᠶᠠᠷ ᠴᠢᠳᠬᠤᠭᠰᠠᠨ ᠪᠤᠶᠤ ᠰᠢᠪᠠᠷ ᠢᠶᠠᠷ ᠪᠠᠷᠢᠭᠰᠠᠨ ᠴᠤ ᠪᠤᠢ᠃ | ᠦᠩᠭᠡᠷᠡᠭᠰᠡᠨ ᠳᠤ ᠡᠷᠦᠬᠡ ᠪᠦᠬᠦᠨ ᠳᠤ ᠵᠤᠤᠬᠠ ᠶᠢᠨ ᠬᠠᠵᠠᠭᠤ ᠲᠡᠷᠭᠡᠳᠡ ᠬᠤᠪᠤᠩ ᠲᠡᠭᠡᠷᠡ ᠲᠡᠪᠦᠷᠡ ᠲᠠᠢ ᠴᠠᠢ | ᠭᠤᠤᠯᠳᠠᠭᠤ ᠲᠠᠯᠪᠢᠭᠰᠠᠨ ᠪᠠᠶᠢᠳᠠᠭ ᠶᠤᠮ᠃ | ᠬᠤᠪᠤᠩ ᠤᠨ ᠦᠢᠯᠡᠳᠦᠯ᠄ ᠬᠤᠪᠤᠩ ᠳᠤ ᠭᠠᠯ ᠲᠦᠯᠡᠬᠦ ᠪᠢᠰᠢ ᠬᠠᠷᠢᠨ ᠭᠠᠯ ᠤᠨ ᠨᠤᠷᠤᠮ ᠤᠨ ᠢᠯᠴᠢ ᠶᠢ | ᠠᠰᠢᠭᠯᠠᠨ᠂ ᠬᠤᠭᠤᠯᠠ ᠴᠠᠢ ᠪᠠᠨ ᠬᠠᠯᠠᠭᠤᠨ ᠪᠠᠶᠢᠯᠭᠠᠬᠤ ᠶᠢ ᠪᠠᠳᠤᠯᠠᠬᠤ ᠦᠢᠯᠡᠳᠦᠯ ᠲᠠᠢ᠃ ᠢᠩᠭᠢᠪᠡᠯ | ᠵᠤᠤᠬᠠ ᠶᠢᠨ ᠲᠡᠭᠡᠷᠡ ᠬᠢᠬᠦ ᠠᠵᠢᠯ ᠢ ᠰᠠᠭᠠᠳᠠᠭᠠᠬᠤ ᠦᠭᠡᠢ ᠮᠦᠷᠳᠡᠭᠡᠨ ᠬᠤᠭᠤᠯᠠ ᠴᠠᠢ ᠪᠠᠨ ᠬᠠᠯᠠᠭᠤᠨ ᠢᠶᠠᠷ ᠨᠢ | ᠢᠳᠡᠵᠦ ᠤᠤᠭᠤᠵᠦ ᠠᠰᠢᠭᠯᠠᠵᠦ ᠪᠤᠯᠤᠨᠠ᠂ ᠪᠠᠰᠠ ᠮᠠᠯ ᠬᠠᠷᠠ ᠳᠤ ᠶᠠᠪᠤᠭᠰᠠᠨ ᠪᠤᠶᠤ ᠭᠠᠳᠠᠭᠰᠢ | ᠭᠠᠷᠤᠭᠰᠠᠳ ᠲᠠᠭᠠᠨ ᠪᠡᠯᠡᠨ ᠬᠠᠯᠠᠭᠤᠨ ᠬᠤᠭᠤᠯᠠ ᠴᠠᠢ ᠲᠠᠢ ᠪᠠᠶᠢᠬᠤ ᠶᠢ ᠪᠡᠶᠡᠯᠡᠭᠦᠯᠬᠦ ᠵᠡᠷᠭᠡ ᠦᠢᠯᠡᠳᠦᠯ ᠲᠠᠢ | ᠪᠠᠶᠢᠳᠠᠭ᠃ | ᠰᠢᠪᠠᠷ ᠬᠤᠪᠤᠩ ᠢ ᠪᠠᠷᠢᠬᠤ᠄ ᠰᠢᠪᠡᠷ ᠬᠤᠪᠤᠩ ᠢ ᠠᠶᠢᠯ ᠤᠳ ᠦᠪᠡᠷᠳᠡᠭᠡᠨ ᠴᠠᠭᠠᠨ ᠰᠢᠪᠡᠷ ︵ᠲᠤᠰᠬᠠᠢ | ᠰᠢᠷᠦᠢ︶ ᠲᠤ ᠬᠢᠯᠭᠠᠰᠤ ᠪᠤᠶᠤ ᠦᠬᠡᠷ ᠤᠨ ᠪᠠᠭᠠᠰᠤ ᠶᠢ ᠵᠤᠬᠢᠬᠤ ᠬᠠᠷᠢᠴᠠᠯ ᠢᠶᠠᠷ ᠬᠤᠯᠢᠵᠦ ᠵᠢᠭᠤᠷᠠᠵᠦ | ᠨᠡᠶᠢᠰᠢᠭᠦᠯᠦᠭᠰᠡᠨ ᠤ ᠲᠠᠷᠠᠭᠠ᠂ ᠠᠯᠠᠭᠠ ᠪᠠᠷ ᠢᠶᠠᠨ ᠨᠠᠷᠢᠨ ᠪᠦᠬᠡᠨᠳᠡᠶᠢᠯᠡᠭᠡᠳ ᠲᠦᠭᠦᠷᠢᠭᠯᠡᠨ ᠲᠠᠯᠪᠢᠵᠦ ᠲᠠᠪᠬᠤᠷᠯᠠᠨ | ᠨᠠᠭᠠᠯᠳᠤᠭᠤᠯᠤᠭᠠᠳ᠂ ᠦᠷᠭᠡᠨ ᠪᠠ ᠦᠨᠳᠦᠷ ᠢᠶᠠᠷ ᠢᠶᠠᠨ ᠪᠠᠷᠤᠭ 30 ᠰᠠᠨᠲ᠋ᠢᠮᠧᠲᠷ ᠤᠨ ᠡᠵᠡᠯᠡᠭᠦᠨ ᠲᠠᠢ ᠪᠠᠷᠢᠨᠠ᠃ | ᠪᠠᠷᠢᠵᠦ ᠪᠠᠷᠠᠭᠠᠳ ᠬᠤᠶᠠᠷ ᠰᠦᠪᠡᠭᠡᠨ ᠳᠤᠨᠢ ᠠᠮᠢᠰᠬᠤᠯ ᠤᠨ ᠨᠦᠬᠡ ᠭᠠᠷᠭᠠᠵᠦ ᠲᠠᠯᠪᠢᠭᠰᠠᠨ ᠢᠶᠠᠨ ᠰᠢᠪᠠᠷ ᠢᠶᠠᠷ ᠢᠶᠠᠨ | ᠢᠯᠠᠵᠦ ᠦ ᠶᠢ ᠨᠢ ᠭᠠᠷᠭᠠᠵᠦ ᠬᠠᠳᠠᠭᠠᠳᠠᠭ᠃ | ᠨᠤᠮ ᠪᠢᠴᠢᠭ ᠲᠤ ︽ᠬᠤᠪᠤᠩ ᠲᠦᠷᠦᠯ︾ ᠭᠡᠵᠦ ᠪᠢᠴᠢᠭᠳᠡᠵᠦ ᠪᠠᠶᠢᠬᠤ ᠨᠢ ᠬᠤᠪᠤᠩ ᠵᠤᠤᠬᠠ ᠪᠠᠨ | ᠲᠤᠭᠤᠷᠢᠵᠦ ᠰᠠᠭᠤᠭᠰᠠᠨ ᠠᠴᠠ ᠤᠳᠬᠠ ᠠᠪᠴᠤ᠂ ᠬᠤᠯᠠ ᠤᠶᠢᠷᠠ ᠶᠢᠨ ᠲᠦᠷᠦᠯ ᠭᠡᠵᠦ ᠤᠳᠤᠮ ᠤᠭᠰᠠᠭᠠ | ᠨᠢᠭᠡᠳᠡᠢ ᠰᠠᠳᠤᠨ ᠲᠦᠷᠦᠯ ᠭᠡᠰᠡᠨ ᠤᠳᠬᠠ ᠰᠠᠨᠠᠭᠠ ᠶᠢ ᠢᠯᠡᠳᠭᠡᠵᠦ ᠪᠠᠶᠢᠬᠤ ᠮᠡᠳᠦ ᠤᠶᠢᠯᠠᠭᠠᠭᠳᠠᠵᠦ ᠪᠠᠶᠢᠨᠠ᠃ | ᠤᠯᠠᠨ ᠮᠡᠷᠭᠡᠳ ᠵᠢᠭᠠᠨ ᠰᠤᠷᠭᠠᠬᠤ ᠶᠢ ᠬᠦᠰᠡᠶᠡ︕ | | |